İtaliya AVRO-2020-nin ilk matçında Türkiyə qarşısında 3 xalı 3 qolla qazanıb. Bu qələbə nəticəsində İtaliya millisi "A" qrupunda liderliyə yüksəlib.

***

Matçın 79-cu dəqiqəsində meydan sahiblərinin futbolçusu Lorenzo İnsigne özünün ilk, komandasının isə 3-cü qolunu vuraraq Türkiyə qarşısında hesabı 3-0-a çatdırıb.

***

İtaliya millisi Türkiyə qarşısında hesab arasındakı fərqi 2 topa çatdırıb. Matçın 66-cı dəqiqəsində ev sahiblərinin hücumçusu Çiro İmmobile qapıçıdan qayıdan topu tora qovuşdurub: İtaliya 2-0 Türkiyə

***

"Ölkə.Az" xəbər verir ki, matçın 53-cü dəqiqəsində Türkiyə millisinin mərkəz müdafiəçisi Merih Demiral topu öz qapısından keçirib: İtaliya 1-0 Türkiyə

***

Türkiyə və İtaliya yığmaları arasında futbol üzrə Avropa çempionatının açılış matçı start götürüb.

Romadakı "Olimpiko" stadionunda keçirilən görüşü Niderland Futbol İttifaqından Denni Makkeli idarə edir.

Qeyd edək ki, "ay-ulduzlular" A qrupundakı son iki matçını Bakıda keçirəcək. Bakı Olimpiya Stadionu İsveçrə - Uels, Türkiyə - Uels və Türkiyə - İsveçrə qarşılaşmalarına, eləcə də 1/4 final mərhələsinin 1 oyununa ev sahibliyi edəcək.

***

Futbol üzrə Avropa çempionatının açılış matçında üz-üzə gələcək Türkiyə və İtaliya yığmalarının start heyətləri açıqlanıb.

"Ölkə.Az"ın məlumatına görə, komandalar meydana aşağıdakı "11-lik"lərlə çıxacaqlar...

Türkiyə: 23Uğurcan Çakır (GK), 2Zeki Çelik, 3Merih Demiral, 4Çağlar Söyüncü, 5Okay Yokuşlu, 6Ozan Tufan, 9Kenan Karaman, 10Hakan Çalhanoğlu, 11Yusuf Yazıcı, 13Umut Meraş, 17Burak Yılmaz (C)

İtaliya: 21G. Donnarumma (GK), 3Chiellini (C), 4Spinazzola, 5Locatelli, 8Jorginho, 10Insigne, 11Berardi, 17Immobile, 18Barella, 19Bonucci, 24Florenzi

Qeyd edək ki, Romadakı "Olimpiko" stadionunda keçiriləcək qarşılaşma Bakı vaxtı ilə saat 23:00-da başlayacaq.