Diasporla İş üzrə Dövlət Komitəsinin sədri Fuad Muradov erməni diaspor təşkilatlarına xəbərdarlıq edib.

Axar.az xəbər verir ki, komitə sədri erməni təxribatına qarşı Azərbaycanın diaspor təşkilatlarını birləşməyə çağırıb.

F.Muradov bildirib ki, ermənilər çirkin əməllərindən əl çəkməlidir, əks təqdirdə onlara qarşı zərbələr endiriləcək:

“Ermənilər yaşadıqları ölkələrdə Azərbaycana qarşı təxribatlar törədirlər. Buna görə də Azərbaycanın diaspor təşkilatları birləşməlidir. Azərbaycanın torpaqları Ermənistanın işğalı altındadır. Onlar bilməlidirlər ki, biz yaxın zamanlarda onlara zərbələr endirəcəyik".

Qeyd edək ki, Bolqarıstanın BTV kanalında İvan Qeorqiyev və Boris Pintevin ərsəyə gətirdiyi, Ermənistanın Azərbaycana qarşı təcavüzünü əks etdirən "Spomeni ot Karabax" filmi nümayiş olunub.

Film qısa müddətdə rezonans doğurub. Bunun ardınca filmdəki həqiqətləri həzm edə bilməyən ermənilər jurnalistlərə və televiziyaya qarşı hücuma keçiblər. Onlar hətta təhdidə də əl atıblar.

Erməni əsilli ekspert Semyon Baqdasarov isə Cocuq Mərcanlıda Dağlıq Qarabağ və ətraf 7 rayonun beynəlxalq qanunvericiliyə görə Azərbaycana məxsus olması və hazırda həmin ərazilərin işğalda olduğunu bildirən Rusiya Dumasının üzvü Dmitri Savelyevi “Rusiya1” kanalının canlı efirində məhv etməyə çağırıb.

Twitter