1935-ci ildə təməli qoyulan və1937-ci ildə isə i8stifadəyə verilən Biləcəri Yuyucu-Buxarlayıcı stansiyası təmir bərpa işlərindən sonra yenidən istifadəyə verilib.

Azərbaycan Dəmir Yolları” QSC-nin Sədri Cavid Qurbanov “ADY Express” MMC-nin tərkibində fəaliyyət göstərən Biləcəri Yuyucu-Buxarlayıcı stansiyasına baxış keçirib.12 hektar ərazini əhatə edən Biləcəri yuyucu-buxarlayıcı stansiyasında, istehsal prossesini əhatə edən qurğulardan başqa, yardımçı tikililər də mövcuddur. STA Ərazidə eyni zamanda inzibati bina, temir sexləri, anbar, fəhlələr üçün hamam, qeyinib soyunma otaqları mövcuddur.

Yenidənqurma zamanı stansiyanın fəaliyyətini dayandırmamaq məqsədilə təmir-bərpa prosesi mərhələlərlə aparılıb və bütün işlər yükunlaşandan sonra stansiya tam yenilənib.

İlk olaraq dəyişiklik istehsal prosesinə toxunub. Çənlərin təmizlənməsi – onların buxarla yuyulması, deqazasiyası və təmirə hazırlıq əməliyyatları indi avtomatik rejimdə həyata keçirilir. Çənlərin çirklənməsindən asılı olaraq, onların buxarla yuyulmasına 1,5-2 saat vaxt sərf olunur. Mürəkkəb təmir əməliyyatlarından sonra, indi buxar çənlərə, şaquli və üfüqi fırlanan başlıqlara malik, Almaniya istehsalı olan cihazlar vasitəsi ilə buraxılır ki, bununla da vaqonların qalıqsız yuyulmasına tam nail olunur. Çənlərə verilən buxarın temperaturu isə 150 dərəcədir. Biləcəri yuyucu-buxarlayıcı stansiyasının nəzdində 26 sayda çən vaqonları yerləşdirmək üçün nəzərdə tutulan estakada, buxarın hazırlanaraq çənlərə verilməsini nəzərdə tutan qazanxana və yardımçı nasos avadanlıqlar, çirkli suların təmizlənməsi və təkrar prosesə qaytarılması - lokal təmizləyici qurğular məntəqəsindən ibarətdir. Bütün qurğularda təmir və yenidənqurma işləri aparılıb.