Səməd Muğanlı adlı fəal “Tasnim” xəbər agentliyinin qaşqay türklərini hədəfə alan karikatura yaymasını kəskin şəkildə pisləyib.

Kult.az xəbər verir ki, qaşqay türklərindən olan fəal bu barədə video yayımlayıb.

“Bütün türk bacı və qardaşlarımı salamlayıram. Mən “Tasnim” xəbər agentliyinin təhqiramiz karikaturasını pisləyərək bildirirəm ki, buna cavab olaraq türk dilini yaxşı öyrənib, öyrətməliyik. Bu istiqamətdə türk kimliyimizi də qoruyub saxlamalıyıq”, - fəal vurğulayıb.

S.Muğanlı sözlərinin davamında bütün türkləri qarşıdakı oyunlarda qaşqay komandası və Təbrizin “Traktor” futbol klubuna dəstək verməyə çağırıb.

Qeyd edək ki, avqustun 20-də İranın “Tasnim” xəbər agentliyi qaşqay türkləri ilə bağlı qərəzli karikatura yayımlayıb. İranda iqtisadi mafiyanın qaşqay türkləri ilə əlaqələndirilməsi həmyerlilərimizi də hiddətləndirib.

Twitter