Son illər yay aylarında gənc oğlanlar arasında bədən formalaşdırma əməliyyatı etdirmək dəb halını alıb.

Axar.az xəbər verir ki, bu barədə məşhur azərbaycanlı həkim, plastik və rekonstruktiv cərrah Vüqar Ələkbərov qeyd edib.

Cərrah bildirib ki, gənc oğlanların yay aylarında ən çox etdirdiyi əməliyyat bədən formalaşdırma əməliyyatıdır. Buna qısaca abdominal qarın əzələləri də deyilir.

Bu əməliyyat adətən davamlı idman və məşqlərlə əzələli vücuda sahib ola bilməyən oğlanların ən çox üstünlük verdiyi əməliyyatdır. Cəmi bir saat vaxta başa gələn əməliyyat hazırda Türkiyənin bir çox xəstəxanasında həyata keçirilir. Azərbaycanda da bəzi klinikalarda sözügedən əməliyyatı həyata keçirən cərrahlar var.

Xatırladaq ki, bu əməliyyat adətən kəsiksiz və qansız həyata keçirilir. Xüsusi cərrah aləti vasitəsilə qarın nahiyəsində olan yağlar əridilir və formalaşdırılır. Əməliyyatdan 2 ay sonra bədən 10 ildir idmanla məşğul olan insanın bədən quruluşu şəklinə düşür.

 

Twitter