14 yaşlı Murad Abudov limfama (leykemiya xəstəliyinin növü) xəstəliyindən əziyyət çəkir.

Bu barədə Axar.az-a Muradın dayısı Şamil Abudov məlumat verib. O bildirib ki, Murad tam sağalmaq üçün əməliyyat olunmalıdır:

“İyul ayının sonunda Muradın boyun nahiyəsində şişlər əmələ gəldi. Təcili şəkildə həkimlərə müraciət etdik. Həkimlər Murada T hüceyrəli limfoblast limfoma diaqnozu qoydular.

Ailəmiz həkimlərlə birlikdə xəstəliyə qalib gəlmək üçün var gücü ilə mübarizəyə başladı, lakin bir neçə kimyaterapiya kursu qəbul etməsinə baxmayaraq, xəstəlik təslim olmaq istəmir. Həkimlərin gəldiyi nəticəyə görə, əziz balamızı yalnız sümük iliyi transplantasiyası xilas edə bilər. İndi əməliyyat üçün 100 000 dollar pul tələb olunur. Ümid edirik ki, xeyirxah insanlar Muradımıza köməklərini əsirgəməyəcəklər”.

Murada dəstək olmaq istəyən şəxslər 0505966211 (Aqil - Muradın atası) nömrəsi ilə əlaqə saxlaya bilərlər.

Twitter