Son 10 il ərzində dünyada milyarderlərin sayı iki dəfə artıb.

Axar.az xəbər verir ki, bu məlumatı “Oksfam” təşkilatı yayıb. Məlumata görə, 2018-ci ildə dünyadakı milyarderlərin sayı 2208 nəfər olub.

Dünya milyarderlərinin sərvətinin gündəlik 2,5 milyard dollar artdığı vurğulanıb. Təşkilat həmçinin keçən il ərzində dünyada hər iki gündən bir yeni milyarderin ortaya çıxdığını bildirib.

Hesabata əsasən, dünyada yoxsul əhalinin sayının 3,8 milyard nəfər təşkil etdiyi açıqlanıb. “Oksfam” 26 milyarderin sərvətinin dünyadakı 3,8 milyard yoxsul insanın iqtisadi vəziyyətiylə bərabər olduğunu qeyd edib. Təkcə dünyanın ən zəngin milyarderi Cef Bezosun sərvətinin 1%-i 105 milyon nəfərlik Efiopiyanın səhiyyə büdcəsinə bərabərdir.

Twitter