Mehriban xanım Əliyeva təkcə Azərbaycan Respublikasının Birinci vitse-prezidenti kimi deyil, eyni zamanda, ölkənin siyasi həyatında da kifayət qədər böyük rol oynayır.

Bu sözləri Axar.az-a açıqlamasında millət vəkili Fazil Mustafa deyib. O bildirib ki, Azərbaycan qadınlarının siyasi həyatda aktiv rol alması və ön mövqedə olması gələcəyimiz üçün ən zəruri hadisələrdən biridir ki, bu da Birinci vitse-prezident Mehriban xanımın obrazında gerçəkləşib:

“Çünki qadını yüksəkdə, öndə olmayan və aktiv həyat sahələrində rol almayan cəmiyyətlərin gələcəyi işıqlı olmur. Hesab edirəm ki, Mehriban xanımın Azərbaycan Birinci vitse-prezidenti və Heydər Əliyev Fondunun prezidenti kimi xüsusilə də humanitar sahədə gördüyü işlər olduqca əhəmiyyətlidir. Bu gün Azərbaycanda məktəb və bağçaların tikintisi, təmiri, müəyyən realibilitasiya mərkəzlərinin açılması, əlilliyi olan şəxslərə diqqətin göstərilməsi bunun nəticələridir.

Mehriban xanım Əliyeva təkcə Azərbaycanın Birinci vitse-prezidenti kimi deyil, eyni zamanda, ölkənin siyasi həyatında da kifayət qədər böyük rol oynayır:

“Azərbaycanın birinci vitse-prezidenti eyni zamanda, ölkə prezidentinin də böyük dəstəkçisidir. Əminəm ki, birinci xanım gələcəkdə də məhz bu fəaliyyəti ilə Azərbaycan cəmiyyəti, xüsusilə də Azərbaycan qadınının potensialının, imkanlarının və qabiliyyətinin daha qabarıq üzə çıxmasında bir nümunə olaraq mühüm faydalarını verəcək. Doğum günü münasibəti ilə və göstərdiyi mühüm fəaliyyətinə görə Mehriban xanıma uğurlar arzu edirəm”.

Twitter