Bu gün Azərbaycanda ümumi təhsil müəssisələrində "Son zəng" çalınacaq.

Elm və Təhsil Nazirliyinin məlumatına əsasən xəbər verir ki, 2024-2025-ci tədris ilində respublikanın ümumi təhsil müəssisələrinin XI sinifləri üzrə 113 000 nəfərə yaxın şagird məzun olur.

Onlardan 54 000 nəfərə yaxını qız, 58 000 nəfərdən çoxu isə oğlandır.

Təlimata əsasən məktəblərdə "Son zəng" tədbiri saat 10-da başlayıb, ən gec saat 12:00-da yekunlaşmalıdır.

Qeyd edək ki, “Son zəng” ümumtəhsil məktəblərində dərs ilinin başa çatmasını elan edən ənənəvi tədbirdir. Azərbaycanda bu tədbir 2005-ci ilə qədər mayın 25-də, 2005–2016-cı illərdə mayın 31-də, 2017-ci ildən etibarən isə iyunun 14-də keçirilir.