Milli Məclis "Hərbi xidmətkeçmə haqqında" Əsasnaməyə dəyişiklikləri I oxunuşda qəbul edib

Milli Məclis "Hərbi xidmətkeçmə haqqında" Əsasnaməyə təklif olunan dəyişiklikləri I oxunuşda müzakirə edib.

“Report” xəbər verir ki, bununla bağlı Cinayət Məcəlləsində, Miqrasiya Məcəlləsində, İnzibati Xətalar Məcəlləsində, “Əhalinin sağlamlığının qorunması haqqında”, “Hərbi xidmətkeçmə haqqında” Əsasnamənin təsdiq edilməsi barədə, “Psixiatriya yardımı haqqında”, “Azərbaycan Respublikasında səfərbərlik hazırlığı və səfərbərlik haqqında” və “Hərbi vəzifə və hərbi xidmət haqqında” qanunlarında dəyişiklik edilməsi barədə layihə Milli Məclisin bugünkü plenar iclasında müzakirəyə çıxarılıb.

Təklif olunan dəyişikliyə əsasən, çağırışçılar ilkin hərbi qeydiyyata alınmış və ya alınmalı olan müddətli həqiqi hərbi xidmət keçməmiş 18 yaşından 30 yaşınadək Azərbaycanın kişi cinsli vətəndaşları olacaq.

Xatırladaq ki, hazırkı qanunvericiliyə görə həmin yaş həddi 18 yaşından 35 yaşınadəkdir. Layihəyə əsasən, həmçinin Azərbaycan Silahlı Qüvvələrinin müddətli həqiqi hərbi xidmət qulluqçularının xidmət keçmək üçün son yaş həddi 36,5-dən 31,5-ə endirilir.

Qeyd olunub ki, hazırkı qanunvericiliyə əsasən, “Hərbi vəzifə və hərbi xidmət haqqında” qanunun 39-cu maddəsinə müvafiq olaraq dinc dövrdə Azərbaycan Silahlı Qüvvələrinin müddətli həqiqi hərbi xidmət hərbi qulluqçularının xidməti üçün son yaş həddi 36,5 yaşdır.

Bununla bərabər, təklif edilən dəyişikliklə çağırışçıların və hərbi vəzifəlilərin yaşayış yeri üzrə qeydiyyata alınması və ya qeydiyyatdan çıxarılması, əlilliyinin müəyyən edilməsi, onların soyadının, adının, atasının adının dəyişdirilməsi, vətəndaşlıq vəziyyəti aktlarının qeydiyyatında doğum tarixi və yeri haqqında dəyişikliklər edilməsi, ölümünün qeydiyyatı, habelə onlar barəsində cinayət işinin başlanılması və ya məhkəmənin qanuni qüvvəyə minmiş hökmü barədə məlumatı müvafiq icra hakimiyyəti orqanına təqdim etməli olan aidiyyəti orqanlar tərəfindən “Hərbi vəzifə və hərbi xidmət haqqında” qanunu ilə müəyyən edilmiş müddətlərdə təqdim edilməməsinə görə vəzifəli şəxslər 300 manatdan 500 manatadək (hazırda 150-250 manat) məbləğdə, hüquqi şəxslər 900 manatdan 1 100 manatadək manatadək (hazırda 300-500 manat) məbləğdə cərimə ediləcəklər.

Qeyd olunub ki, qanuni əsas olmadan hərbi xidmətdən yayınmaq üçün növbəti hərbi çağırışdan və ya səfərbərlik üzrə çağırışdan boyun qaçırma iki ilədək müddətə azadlıqdan məhrum etmə ilə cəzalandırılır. Eyni əməllər müharibə vaxtı törədildikdə üç ildən altı ilədək müddətə azadlıqdan məhrum etmə ilə cəzalandırılır.

Müzakirələrdən sonra layihə səsə qoyularaq birinci oxunuşda qəbul edilib.

17 Dekabr 2024 Sabah sulu qar yağacaq - PROQNOZ
17 Dekabr 2024 Dekabrın 21-i ilə bağlı CİDDİ XƏBƏRDARLIQ - 3 aydan sonra...
17 Dekabr 2024 Xankəndi və Xocalıda yeni uşaq bağçaları fəaliyyətə başladı - FOTO
17 Dekabr 2024 Onların maaşı 3600 manata qaldırılıb - Rəsmi
17 Dekabr 2024 Bələdiyyə sədri olmaq istəyənlərin nəzərinə - Təşviqat aparmaq...
17 Dekabr 2024 Bələdiyyə seçkilərində də ödənişsiz efir vaxtı ayrılacaq
17 Dekabr 2024 Gələn ilin qeyri-iş günləri - Açıqlandı
17 Dekabr 2024 “Hərbi xidmət müddətinin azaldılması müzakirə mövzusu deyil”
17 Dekabr 2024 Şamaxının Yol İnfrastrukturunun Gelişiminə Böyük Töhfə: Nazim Eynallının Rəhbərliyi ilə 19 Saylı Xüsusi Təyinatlı Yol İstismarı MMC-nin Uğurları
17 Dekabr 2024 Bayramla bağlı VACİB AÇIQLAMA: Bu hal ağır xəstəliyə yol açır
16 Dekabr 2024 Dekabrın 17-də gözlənilən hava şəraiti açıqlanıb
16 Dekabr 2024 Bu gün FHN işçilərinin peşə bayramı günüdür
16 Dekabr 2024 Ən çox bu sahələrə pul ayrılacaq - Baş nazirdən şad xəbər
16 Dekabr 2024 Jurnalistlər gəlirlərinin 75%-i vergidən azad ediləcək
16 Dekabr 2024 Bakının bir sıra yollarında tixac var – SİYAHI
14 Dekabr 2024 Qışda su təchizatında yarana biləcək problemlər aradan qaldırılır - Video
14 Dekabr 2024 Bakı-Şamaxı yolunda qar hərəkəti iflic etdi - Video
14 Dekabr 2024 General Aqşin Kazımov vəzifəsindən azad olundu
14 Dekabr 2024 Cəbrayılda ilk qar sevinci - Fotolar
14 Dekabr 2024 Bəzi ərazilərdə yağıntılar intensiv xarakterlidir - FAKTİKİ HAVA

Xəbər lenti