Dəmir yollarında ətraf mühitin mühafizəsi və dayanıqlı inkişaf prinsiplərinə uyğun olaraq ADY sıfır tullantı strategiyasını həyata keçirməyə davam edir.

 Yol-xeber.az" xəbər verir ki, Bu yanaşma nəticəsində 2023-cü ildən etibarən enerji istehlakını 5%, təbii qaz istehlakını 16%, su sərfiyyatını 23%, karbon emissiyasını isə 9% azaltmağa nail olmuşuq. Eyni zamanda, günəş panellərindən istifadə sayəsində bu il ərzində 90 min kilovatdan çox enerji istehsal edilərək 8 min kubmetrdən çox təbii qaza qənaət edilib.

Hədəfimiz elektrikləşdirməni, rəqəmsallaşmanı, innovasiyaları, yaşıl enerjiyə keçidi və təkrar emalı daha da genişləndirməklə tullantısız gələcəyə töhfə verməkdir.