Hörmətli Araz Bəndəliyev,

Sizi 22 fevral – Avtomobil yolları işçilərinin peşə bayramı münasibətilə "Yol-xeber.az"-ın rəhbərliyi və kollektivi adından ürəkdən təbrik edirik!

Uzun illərdir ki, yol infrastrukturunun inkişafına böyük töhfələr verməklə, bu sahənin peşəkarları sırasında öz adınızı şərəflə yaşadırsınız. Sizin işinizə olan sevginiz, məsuliyyət hissiniz və fədakar əməyiniz sayəsində ölkəmizdə yollar müasir standartlara uyğun yenidən qurulur, insanların rahat və təhlükəsiz hərəkəti təmin edilir. Siz yolçuluğu təkcə bir peşə deyil, vətəndaşlıq borcu kimi qəbul edənlərdənsiniz və bu əzmkarlığınız hər kəs üçün nümunədir.

Azərbaycan Respublikasının Prezidenti cənab İlham Əliyevin rəhbərliyi ilə ölkəmizdə genişmiqyaslı infrastruktur layihələri həyata keçirilir. Yol-nəqliyyat sektorunun modernləşdirilməsi isə bu strategiyanın əsas istiqamətlərindən biridir. Bu işlərin uğurla icra olunmasında Sizin və yol işçilərinin fədakar əməyi əvəzsizdir. Sizin təcrübəniz, bilikləriniz və rəhbərlik etdiyiniz işlərin keyfiyyəti bu inkişafın mühüm dayaqlarından biridir.

Eyni zamanda, Sizin şəhid ailələrinə və qazilərimizə göstərdiyiniz diqqət və qayğı da xüsusi vurğulanmalıdır. Siz hər zaman onların yanında olmaqla, həm insani dəyərlərə sadiq qaldığınızı, həm də vətənpərvər ruhunuzu nümayiş etdirmisiniz. Sizin bu nəcib addımlarınız bir yol inşaatçısının sadəcə fiziki yollar deyil, həm də qəlblər arasında körpü qurduğunu göstərir.

Bu əlamətdar gündə Sizə möhkəm cansağlığı, işlərinizdə yeni nailiyyətlər və uğurlar arzulayırıq! Əminik ki, Siz gələcəkdə də öz fədakar fəaliyyətinizlə ölkəmizin yol infrastrukturu sahəsində yeni zirvələrə imza atmağa davam edəcəksiniz.

Hörmətlə,
"Yol-xeber.az" rəhbərliyi və kollektivi

Twitter