Millət vəkili Qənirə Paşayeva Biznes və Peşəkar Qadınlar Beynəlxalq Federasiyasının Asiya-Sakit okean Regional Konfransında iştirak edib.

Axar.az xəbər verir ki, konfransa dünyanın 40-dan artıq ölkəsindən yüzlərlə fəal qadın qatılıb.

Konfransda qadınların ictimai-siyasi həyatda, dövlət və cəmiyyətin idarə olunmasında, xüsusilə iqtisadiyyatda, biznesdə rolunun artırılması istiqamətində müzakirələr aparılıb.

Tədbirdə millət vəkili Qənirə Paşayeva, Regional Hüquqi və İqtisadi Maarifləndirmə İB-nin sədri Arzu Bağırova, tibb elmləri üzrə fəlsəfə doktoru Məlahət Qəhrəmanova, iş qadınları Pərvanə Mustafayeva Aynur Ağasiyeva və Ramilə Şirinova iştirak ediblər.

Q.Paşayeva və nümayəndə heyətinin üzvləri konfrans çərçivəsində Biznes və Peşəkar Qadınlar Beynəlxalq Federasiyanın Avropa regional koordinatoru Pinella Bombacci, Afrika regional koordinatoru Abla Mahdi, həmçinin Federasiyanın maliyyə məsələləri üzrə təmsilçisi Cüzeppina Sedita və bir sıra ölkələrin nümayəndə heyətləri ilə görüşüblər.

Q.Paşayeva müzakirələr zamanı təkliflərlə çıxış edib və onlara Azərbaycan və Dağlıq Qarabağ problemi ilə bağlı geniş məlumat verib. Millət vəkili Azərbaycanda qaçqın və məcburi köçkünlərin, qadın və uşaqların problemlərinin həlli istiqamətində görülən işlər barədə də danışıb.

Twitter