Efiopiyanın cənubunda polislə etirazçılar arasında baş vermiş toqquşmada ən azı 25 nəfər ölüb.

Axar.az BBC-yə istinadən xəbər verir ki, polis Sidama bölgəsində etiraz aksiyası keçirən insanlara atəş açıb. Aksiyada eyni adlı etnik qrup ölkənin daxilində onlara federal status verilməsini tələb edib. Etirazçılar bu məsələ ilə əlaqədar referendum keçiriləcəyinə dair hökumətin vədinin yerinə yetirilmədiyini bildiriblər.

Efiopiyanın qeyri-hökumət təşkilatları və müxalifət qrupları ölənlərin sayının daha çox – 60 nəfər olduğunu bildirirlər. Lakin rəsmi mənbələr bunu təkzib edir və Havassa şəhərində cəmi dörd nəfərin öldüyünü, 26 adamın isə yaralandığını qeyd edirlər.

Qeyd edilir ki, Sidama Efiopiyanın beşinci etnik qrupudur və ölkə əhalisinin cəmi 4 faizini təşkil edir. Qalan dörd etnik qrup etnik zəmində formalaşmış federal sistemin tərkibinə daxildir.

Twitter