Bildiyiniz kimi, Böyük Britaniyanın yeni Baş naziri Boris Conson (Aleksandr Boris de Pfeffel-Conson) olub.

Axar.az Aznyus TV-yə istinadla xəbər verir ki, Conson türk köklərinə sahibdir. O, türkiyəli jurnalist, böyük vəzir Əhməd Oktay hökumətində qısa müddət Daxili İşlər naziri olmuş Əli Kamalın nəticəsidir.

Yeri gəlmişkən, Ə.Kamal sərt şəkildə türkiyəlilərin Antanta işğalına qarşı başlatdığı milli mübarizəni tənqid edirdi. Ermənilərə xoş yanaşması səbəbindəən onu satqın və çox vaxt “Artin Kamal” adlandırırdılar.

Nazir olarkən Mustafa Kamal Atatürkün həbsi barədə əmr verir. Lakin Atatürk hakimiyyətə gəldikdən sonra Nurəddin Konyarın əmri ilə edam edilir. Daha doğrusu isə İzmitdə Nurəddin Paşaya tabe olan əsgərlər tərəfindən linç edilir.

Bundan sonra B.Consonun babası Osman Əli Böyük Britaniyaya qaçır və burada nənəsinin xahişi ilə xristianlığı qəbul edir və adını Uilfred Consona dəyişir.

Boris Consonun özü kökləri haqqında bəhs edərkən özünü müsəlman, xristian və yəhudi əcdadlara malik “əritmə qazanı” adlandırır.

Qeyd etmək lazımdır ki, Borisə rus adını valideynləri Meksikada qarşıladıqları rus mühacirin şərəfinə qoyublar.

Xatırladaq ki, Boris Consonun türk əsilli olması barədə məlumatlar vaxtaşırı yayılıb. Hətta 2016-cı ilin iyulunda Türkiyənin Baş naziri olarkən Binəli Yıldırım o zaman Britaniya XİN rəhbəri olan Consona ünvanladığı tənqiddə "babası da türkdür" demişdi.

Twitter