 |
|
Ölkədə pambıq yığımı mövsümü davam edir.
pambıqçılıq rayonlarından olan İmişlidə də bu iş sürətlə davam etdirilir. Rayon İcra Hakimiyyətindən bildirilib ki, İmişlidə gün ərzində orta hesabla 550 ton pambıq yığılır. Hədəf isə bu mövsümdə dövlətə 26 min ton pambıq verməkdir.
Xəbərdə qeyd olunur ki, rayonda bu il 13645 ha sahədə pambıq əkilib. Bu günə qədər 6096,34 ton pambıq təhvil verilib. Kənd təsərrüfatı texnikaları ilə bərabər pambıq sahələrində 7605 nəfər canlı qüvvə də əl yığımında iştirak edir. Ümumilikdə sahələrə 33 ədəd kombayın cəlb edilib. “Hazırkı hava şəraitinin normal keçməsi hədəfimizə çatmağa imkan verir”.
.jpg)
Qeyd edək ki, bir neçə gün əvvəl prezident İlham Əliyevin tapşırığı ilə əsasən pambıq istehsalı ilə məşğul olan fermerlərin məhsul istehsalına həvəsləndirilməsi, onların maddi rifahının daha da yaxşılaşdırılması məqsədi ilə pambığın alış qiyməti qaldırılıb. Belə ki, 1-ci növ pambığın alış qiyməti 600 manatdan 650 manata, 2-ci növ 580 manatdan 630 manata, 3-cü növ 540 manatdan 590 manata, 4-cü növ 500 manatdan 550 manata qaldırılıb.
Pambığın hər tonunun alış qiymətinin 50 manat artırılması pambıq istehsalı ilə məşğul olan fermerlərin əlavə olaraq 12 milyon manatdan çox qazanc əldə etməsi gözlənilir.
BDU-nun “Sosial iş” kafedrasının müdiri Üzeyir Şəfiyev "Tənhaları necə xilas etməli?!" adlı yazı hazırlayıb. "Qafqazinfo" həmin materialı təqdim edir:
"Xeyli müddətdir fikrim informasiya portalarında yer alan bu tip xəbərə kilidlənib: Fövqəladə Hallar Nazirliyinin “112” qaynar telefon xəttinə daxil olmuş məlumata əsasən, Bakı şəhərinin filan rayonunda, filan təvəllüdlü, filankəs mənzildə bağlı qapı arxasında köməksiz vəziyyətdə qalıb. Dərhal Fövqəladə Hallar Nazirliyinin müvafiq xilasetmə qüvvələri hadisə yerinə cəlb olunub. Hadisə yerinə çağırılmış Təcili Tibbi Yardım Stansiyasının həkimləri tərəfindən aparılmış ilkin tibbi müayinə nəticəsində vətəndaşın öldüyü müəyyən olunub. və.s,və.i.
Belə xəbərləri bir il ərzində azı əlli dəfə eşitmək olur. Bu reallıq qapı arxasında təkcə insanın deyil, həm də insanlığın ölməsi anlamına gəlir. Bəlkə də insan çürüməkdə olan cəsədinin qoxusu ilə ətrafını, qonum - qonşuları hərəkətə gətirməsə “ insanlıq “ hələ də hərəkətə keçməz. Aktrisa Zərnigar Ağakişiyeva, aktyor Elçin Həmidov, psixoloq Dəyanət Rzayev və.s məşhur və qeyri-məşhurların meyitlərinin qapı arxasında kimsəsiz qalması cəmiiyyət və onun sosial institutları, müvafiq icra strukturlarının kəsri anlamına gəlmirmi?!.
Insanlar elə zaman olur ki, tənhalığa dərin ehtiyac hiss edir, ancaq ömürlərinin payızında, qışında onun girdabına düşürlər. Zaman var ki, tənhalıq əvəzsiz sərvət, zaman da var ki, tənhalıq insan üçün bitməz tunel ola bilir.Odur ki, müdrik insanlar hasar çəkəndə də eləsin çəkirlər ki, nə zamansa oradan körpü salmaq mümkün olsun.
Heç kəsə sirr deyil ki, insanların böyük əksəriyyətində ölümqabağı qorxu hissi vardır. Bəzi araşdırıcılar nəinki, insanların, hətta bəzi digər canlıların belə ölümqabağı qorxudan əziyyət çəkdiyi və bir sıra hallarda bu qorxudan intihar etdiyi qənaətinə gəlirlər. Bir qisim insanlar isə “bilmirəm məni kim dəfn edəcək”, tək ölməkdən, ölmək o yana dursun, meyitinin günlərlə bağlı qapı arxasında tək qalmasından qorxduğunu” deyir. Bəli, bu fobiyalı insanlar tənha gələcəklərini sığortalamaq istəyirlər. Belə insanları axı necə tək qoymaq olar ?!
Azərbaycanda 10-a yaxın təhsil müssisəsində sosial işçi və sosial xidmətçi hazırlandığı bir halda il ərzində heç olmazsa, Bakıda qapı arxasında xəbərsiz dünysını dəyişən insanlardan zamanında xəbər tutmaq heç də müşkül iş deyil axı. Yerli icra strukturları, bələdiyyələr ən azından sosial iş və sosial xidmət təhsili alan tələbə könüllülərin imkanlarından istifadə edə bilərlər.Tələbə könüllülərdən tənha insanlara psixoloji kömək, sosial xidmət göstərilməsi sahəsində kifayət qədər imkanlar istifadəsiz qalmışdır. Hərçənd könüllülük fəaliyyəti ilə bağlı qanunvericilik sahəsində görüləcək işlər çoxdur. Tənhalığın əsas poliqonu olan meqapolislərdə tənha yaşayan hər bir tənhaya bir sosial işçi, sosial xidmətçi könüllü təhkim etməklə, “tənhanın dostu” adlı bir layihə də gerçəkləşdirmək olar. Heç olmasa gündə bir dəfə tənha insanla telefon rabitəsi qurmaq bu insanların ünsiyyət tələbatını təmin edər, onda lazımlılıq hissi yaradar, cəmiyyətə utanc gətirən qapı arxasında tənha ölüm sindromundan onu xilas edər. Əks halda belə ölüm halları populyasiya qanunauyğunluqlarına çox oxşayır.Bu isə cəmiyyətin mənəvi deqradasiyasını təzahür etdirə bilər.
Bəli, tənhalıq ciddi və qlobal problemdir. Nyu-York universitetinin sosiologiya üzrə professoru Erik Klinenberq haqlı olaraq tənhalığın dünyanın yeni trendi olduğu qənaətindədir. Belə ki, dünya üzrə tək yaşayan insanların sayı təqribən 300 milyondan yuxarı göstərilir.Və onların ölkələr üzrə nisbəti fərqli olduğu qədər spesifikdir. Bu baxımdan ingilislər və onların coğrafiyası rəqib tanımır.Təsadüfi deyil ki, ingilislərin tənhalığını, ünsiyyətsizliyini onların nəzakətli olmaları ilə asosasiya edən maraqlı bir deyim də var: "Adada 30 il tək-tənha yaşayan iki ingilisi heç kim bir-biri ilə tanış etmədiyi üçün tanış olmurlar". Belə bir aforizm də var idi ki, tənhalıq bir allaha yaraşır, bir ingilisə.Ancaq deyəsən ingilisə tənhalıq heç yaraşan olmadı.Əgər belə olmasaydı əhalisinin 9 milyonun tənhalıqdan əziyyət çəkdiyi İngiltərədə tənhalıq məsələsi ilə məşğul olan nazirlik ( yaşı 75-dən yuxarı insanların yarısı, yəni 2 milyon nəfəri tək yaşayır) yaranmazdı.Yeri gəlmişkən, analoji nazirlik ölkəmizdə yaradılmasa belə, ilkin olaraq müvafiq nazirliklərdə tənhalığın əziyyət verdiyi insanlarla məşğul olan müvafiq strukturların təsisinə çox ehtiyac vardır.
Sosial xidmət haqqında qanunvericiliyə əsasən, əmək qabiliyyətli qohumları və ya qanuni nümayəndələri ilə eyni yaşayış məntəqəsində yaşamayan, özünəqulluq qabiliyyəti olmayan və sosial xidmətə ehtiyac duyan tənha ahıllar və əlilliyi olan şəxslər (yoluxucu və ya ağır formalı ruhi xəstəlikləri olmadıqları halda) evlərində sosial xidmətlə təmin edilirlər (Sosial xidmət haqqında qanun. Maddə 19.1 ). Ancaq nə qədər ki, pensiya-sığorta sistemi kimsəsiz, tənha, köməksiz qocaların özləri üçün xidmətçi tutmasına tam imkan vermir, belə şəraitdə könüllülərdən isdifadə imkanları var və onu səfərbər etmək lazımdır. Düzdür, Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun sosial işçiləri tərəfindən hazırda 10,8 mindən yuxarı tənha ahıl və əlilliyi olan şəxs evlərində sosial xidmətlə təmin edildiyi bildirilir. Bir nəfər sosial işçinin 8 - 12 nəfərə sosial xidmət göstərdiyi vurğulanır. Hərçənd, bu da başqa bir söhbətin mövzusudur ki, tənhalara sosial xidməti həyata keçirən həmin “sosial işçilər” sosial işin etik prinsplərini, texnologiyasını nə dərəcədə sosial iş təhsili səviyyəsində mənimsəmiş işçilərdir. Əgər onların sosial iş təhsili yoxdursa, onlar sosial iş, sosial xidmət üzrə təhsil, kurs keçə bilərlər, əks təqdirdə onların səmərəli sosial xidmət göstərə bilməsi inandırıcı deyil. Bunun üçün respublikamızda sosial iş təhsili, təcrübəsi öyrədən kifayət qədər təhsil müəssisəsi vardır. Və çox yaxşı olar ki, Əmək və Əhalinin Sosial Müdafiə Nazirliyi sosial işçi, sosial xidmətçi ixtisasına yiyələnmiş kadrları işə cəlb etsin , müvafiq strukturlarda sosial işçi ştat vahidinin açılmasına təşəbbüs edilsin.
Prezident cənab İlham Əliyev 2013-cü ildə Azərbaycanın sosial xarakterli dövlət olduğunu bəyan edərək bildirmişdir ki,…Mən dəfələrlə qeyd etmişəm, bir daha demək istəyirəm ki, Azərbaycan dövləti sosial dövlətdir. Siyasətimizin mərkəzində Azərbaycan vətəndaşı dayanır”. Ədalət naminə qeyd edək ki, ölkə başçısı sosial rifah dövlət quruculuğu prosesində möhkəm iradə nümayiş etdirir və bu istiqamətdə mühüm nəticələr vardır. Ölkəmizdə yürüdülən sosial siyasət bizdə belə qənaət hasil edir ki, dövlətimiz təkcə insanların təhlükəsizlik qarantı deyil, eyni zamanda onları xoşbəxt etmək gücündədir. Əlbətdə bu işdə vətəndaş cəmiyyəti strukturları da yaxından iştirak etməli, vətəndaş təşəbbüskarlığı artmalıdır. Şübhəsiz ki, sosial sahədə hüquqi islahatlar davamlı olmalı, qanunvericik bazası daha da təkmilləşdirilməlidir. Heç kimə sirr deyil ki, Azərbaycanda hər bir ailə orta hesabla ən azı 10 ildə bir dəfə sağalmaz xəstəyə qulluq etməli olur və əgər nəzərə alsaq ki, statistikaya əsasən Azərbaycanda 45 000 nəfərin palliativ yardıma ehtiyacı var və onların diqqətçəkən qismi tənha yaşayır, məhz ona görə də bu sahədə hüquqi tənzimlənmənin təkmilləşməsinin labüdlüyü özünü göstərər.İnanırıq ki, nə qədər rentabelsiz olsa da belə, paliativ xidmət haqqında qanun qəbul olunacaq (palliativ yardım sağalmaz xəstəlik diaqnozu qoyulmuş xəstələrin həyatını yaxşılaşdırmaq məqsədilə onlara və ailə üzvlərinə göstərilən çoxsaylı xidmətlərin əlaqələndirilmiş, uzlaşdırılmış sistemidir) və paliativ xəstələrin ömrünü ləyaqətlə başa vurması üçün onlara zəruri tibbi, mənəvi, psixoloji yardım, sosial xidmətlər göstərilməsinin hüquqi mexanizmi təkmilləşdiriləcək, bu qism insanlar üçün hospislərin açılması istiqamətində real addımlar atılacaq".
Ekologiya və Təbii Sərvətlər Nazirliyi Azərbaycanda 2018-2019-cu illərin ov mövsümündə ovlanmasına icazə verilən növlər ilə bağlı açıqlama yayıb.
BU övsümdə çöl donuzu (qaban), dovşan, cüllüt, qaz, ördək və qaşqaldaq ovuna icazə verilib.
Çöl donuzu (qaban)
Ovlanma müddəti : 15 sentyabr-22 dekabr 2018-ci il
Ov yerləri: Lənkəran, Astara, Lerik, Qax, Cəlilabad, Zaqatala, İmişli, Qusar, Xaçmaz, Neftçala, Yardımlı, Şəki və İsmayıllı rayonlarının müvafiq ov sahələrində və ovçuluq təsərrüfatlarında
.jpg)
Dovşan
Ovlanma müddəti: 17 noyabr 2018-ci il-12 yanvar 2019-cu il
Ov yerləri: Dəvəçi, Kürdəmir, Salyan, Neftçala, Cəlilabad, Biləsuvar, Yevlax, Lənkəran, Zaqatala, Ağstafa, Qazax, Zərdab, Masallı, Quba, Xaçmaz, İmişli, Sabirabad, Saatlı rayonlarının müvafiq ov sahələrində və ovçuluq təsərrüfatlarında
.jpg)
Cüllüt
Ovlanma müddəti: 15 sentyabr-24 noyabr 2018-ci il
Ov yerləri: yalnız ovçuluq təsərrüfatlarının ərazilərində və xüsusi müəyyən olunmuş ov sahələrində
Qaz
Ovlanma müddəti: 13 oktyabr 2018-ci il-01 mart 2019-cu il
Ov yerləri: yalnız ovçuluq təsərrüfatlarının ərazilərində və xüsusi müəyyən olunmuş ov sahələrində
Ördək
Ovlanma müddəti: 13 oktyabr 2018-ci il-01 mart 2019-cu il
Ov yerləri: yalnız ovçuluq təsərrüfatlarının ərazilərində və xüsusi müəyyən olunmuş ov sahələrində
Qaşqaldaq
Ovlanma müddəti: 13 oktyabr 2018-ci il-01mart 2019-cu il
Ov yerləri: yalnız ovçuluq təsərrüfatlarının ərazilərində və xüsusi müəyyən olunmuş ov sahələrində
Ov etmək qadağan olunan ərazilər
• Ağdam, Göygöl, Goranboy, Daşkəsən, Gədəbəy, Tərtər və digər sərhədyanı və cəbhə zonasına yaxın inzibati rayonların əraziləri;
• Xəzər dənizinin adaları;
• yaşıl zonalar;
• şəhər və kurortlara 1,5 kilometrə qədər yaxın sahələr;
• xüsusi mühafizə olunan ərazilər;
• sanitar-mühafizə zonaları.
“Bu il rekord sayda Azərbaycan gənci tələbə adı qazanıb”.
Bu sözləri Təhsil naziri Ceyhun Bayramov Beynəlxalq Təhsil Sərgisindəki çıxışında deyib. Nazir bildirib ki, ölkəmizin ali təhsil və təlim üzrə göstəriciləri 10 pillə irəliləyərək 68-ci yerdə, innovasiyalar üzrə isə 11 pillə irəliləyərək 33-cü yeri tutub:
“Ən mühüm nailiyyətlərdən biri məktəbə hazırlıq yaşına çatmış uşaqların təhsilə cəlb edilməsi göstəricisidir. 4 il bundan əvvəl birinci sinif şagirdlərinin sadəcə 25%-ə qədəri məktəbəqədər hazırlıqdan keçmişdisə, ötən il bu göstərici 65%-ə, bu il isə 75%-ə yüksəlib.
Müasir dünyada, müasir cəmiyyətimizdə yalnız sinif daxilində akademik proqramların tətbiqi vasitəsilə hərtərəfli vətəndaşın formalaşması kifayət qədər mürəkkəbdir. Bu baxımdan məktəbdən kənar fəaliyyətin düzgün təşkil edilməsi mənəvi və fiziki cəhətdən sağlam müasir düşüncəli yeni nəsil gənclərin formalaşmasında olduqca vacibdir”.
Nazir onu da vurğulayıb ki, son illərdə ali təhsilin əhatəliyinin genişlənməsinin və keyfiyyətin qalxması müşahidə olunur:
“Bu il rekord sayda, 41 minə yaxın Azərbaycan gənci tələbə adı qazanıb. Onlardan 3127 nəfəri 600-dən yüksək bal toplayıb, 29 nəfəri isə maksimal nəticə göstərib.
Eyni amanda ölkənin iqtisadi inkişafı baxımından peşə təhsili sahəsi vacibdir. Bu sahədə də son illər sistemli islahatlar həyata keçirilir və uğurlar əldə edilib”.
Qeyd edək ki, Beynəlxalq Təhsil Sərgisi 3 gün davam edəcək.
Dünyadakı hemofiliyalı xəstələrin tibbi yardım almaq imkanlarını genişləndirmək məqsədilə beynəlxalq elektron kartlar yaradılacaq.
bunu Trend-ə Hemofiliyalı Xəstələrin Respublika Assosiasiyasının rəhbəri Gülnarə Hüseynova deyib.
Onun sözlərinə görə, hemofiliyalı xəstələr bu kart vasitəsilə harada olmasından asılı olmayaraq - istər ölkə daxilində, istərsə də ölkə xaricində lazımi tibbi xidmətlə təmin olunacaq.
G.Hüseynova qeyd edib ki, hemofiliyalı xəstələrin belə bir kartdan istifadə edə bilməsi üçün bu xəstələrin beynəlxalq reyestrinin də yaradılması çox vacibdir.
Bu məsələnin Dünya Hemofiliya Federasiyası tərəfindən artıq bütün ölkələrə təklif edildiyini deyən assosiasiya rəhbəri əlavə edib ki, Azərbaycan Səhiyyə Nazirliyi razılıq verəcəyi təqdirdə ölkəmizdəki hemofiliyalı xəstələr barəsində məlumatlar həmin reyestrə daxil ediləcək.
G.Hüseynova əlavə edib ki, ölkədə hemofiliyadan əziyyət çəkən vətəndaşların, potensial xəstələrin sayı haqqında haqqında dəqiq məlumat əldə etmək üçün hemofiliyalı insanları dövlət qeydiyyatına almaq vacibdir:
“Bu, imkan verir ki, kimsə müalicədən kənarda qalmasın, siyahılarda xəstələrin adları təkrarlanmasın, onların tələbatları öyrənilsin, qanın laxtalanma konsentratlarının paylaşdırılması və istifadəsinə nəzarət gücləndirilsin. Reyestr həmçinin hər bir xəstənin diaqnozunun düzgün təyin edilməsinə zəmanət verir. Bu üsul faktorların tətbiqinin effektivliyini qiymətləndirməyə, qanın laxtalanmasını təmin edən faktor konsentratlardan düzgün istifadə etməyə imkan verir. Əgər təhlükəsizlik və keyfiyyətlə bağlı problemləri olan hər hansı bir preparat müəyyən edilərsə və geri çağırılarsa, onlardan istifadə edən xəstələrin xəbərdar edilməsi üçün reyestrdəki məlumatlardan istifadə etmək olar”.
Xatırladaq ki, hazırda Azərbaycanda 1500-ə yaxın hemofiliyalı xəstə var. Onların 350 nəfəri 18 yaşına qədər olan uşaqdır. Xəstələrin 700 nəfərinin 18-40 yaşı var. 40 yaşdan yuxarı hemofiliyalı xəstələrin sayı isə 402 nəfərdir.
16:29
Bakı şəhər Prokurorluğunun dəftərxana şöbəsinin əməkdaşı Elçin Qurbanov barəsində cinayət başlanıb.
Report-un əldə etdiyi məlumata görə, o, dələduzluq və rüşvət verməyə təhrik etməkdə təqsirli bilinir.
Belə ki, E.Qurbanov bir neçə tanışı ilə birgə Bakı şəhər sakininin atasını həbsdən azad edəcəyi vədini verərək ondan pul alıb. Lakin sonradan həmin şəxslər verdikləri vədə əməl etməyib. Vətəndaşın şikayəti əsasında E.Qurbanov və digər şəxslər saxlanılıb. Onlara Cinayət Məcəlləsinin 178-ci (dələduzluq) və 312-ci (rüşvət vermə) maddələri ittiham irəli sürülüb.
***
Bakı şəhər Prokurorluğu sabiq prokurorluq əməkdaşı Elçin Qurbanovun həbsi ilə bağlı məlumat yayıb.
Prokurorluqdan verilən məlumatda qeyd olunur ki, Elçin Müzəffər oğlu Qurbanov 2018-ci il fevralın 21-də Bakı şəhər Prokurorluğunun Təşkilat-analitik şöbəsinin böyük mütəxəssisi-dəftərxana müdiri vəzifəsindən azad edilib. Onun qanunsuz hərəkətlərə yol verməsi barədə daxil olmuş müraciətlər əsasında 2018-ci il aprelin 9-da Azərbaycan Respublikasının Baş Prokuroru tərəfindən Cinayət Məcəlləsinin 178.2.1 və 310-cu maddələri ilə başlanaraq istintaqın aparılması Azərbaycan Respublikasının Baş Prokuroru yanında Korrupsiyaya qarşı mübarizə Baş İdarəsinə həvalə edilib. Aparılmış istintaq zamanı Elçin Müzəffər oğlu Qurbanov Cinayət Məcəlləsinin 310, 178.2.1, 178.2.4, 32.4, 312.1-ci maddələri ilə təqsirləndirilən şəxs qismində cəlb edilib və barəsində məhkəmənin qərarı ilə həbs qətimkan tədbiri seçilib.
Cinayət işi 2018-ci il avqustun 20-də baxılması üçün Xətai rayon Məhkəməsinə göndərilib.
Müştəri məmnuniyyətinin daim yüksək səviyyədə olmasına önəm verən, Bakı ilə yanaşı bölgələrdə də abunəçilərə yüksək standartlara uyğun xidmət göstərməyi hədəfləyən Azercell Telekom MMC Ağcabədidə yeni eksklüziv mağazasının açılışını edib.
Prezident İlham Əliyev Şəki “ASAN Həyat” kompleksinin layihələndirilməsi və tikintisi haqqında sərəncam imzalayıb.
sərəncamda qeyd edilir ki, Şəki “ASAN Həyat” kompleksinin layihələndirilməsi və tikintisi məqsədilə Azərbaycan Prezidentinin 2018-ci il 22 yanvar tarixli 3593 nömrəli Sərəncamı ilə təsdiq edilmiş “Azərbaycan Respublikasının 2018-ci il dövlət büdcəsində dövlət əsaslı vəsait qoyuluşu (investisiya xərcləri) üçün nəzərdə tutulan vəsaitin bölgüsü”nün 1.52.1-ci yarımbəndində göstərilmiş məbləğin 19,8 milyon manatı Azərbaycan Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinə ayrılsın.
Nazirlər Kabinetinə sərəncamdan irəli gələn məsələləri həll etmək, Maliyyə Nazirliyinə müvafiq məbləğdə maliyyələşməni təmin etmək tapşırılıb.
Gürcüstan baş nazirinin regional məsələlər üzrə müşaviri Sozar Subari Qardabani rayonu Qaratəhlə kəndinin azərbaycandilli məktəbinə baş çəkib.
Ekologiya və Təbii Sərvətlər Nazirliyinin Milli Hidrometeorologiya Departamenti sabaha gözlənilən hava proqnozunu açıqlayıb.
Bakıda və Abşeron yarımadasında oktyabrın 11-də hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Lakin gecə bəzi yerlərdə qısamüddətli yağış yağacağı ehtimalı var. Cənub-şərq küləyi axşam şimal küləyi ilə əvəz olunacaq.
Havanın temperaturunun Abşeron yarımadasında gecə 15-17, gündüz 20-24, Bakıda gecə 15-17, gündüz 22-24 dərəcə isti olacağı gözlənilir.
Atmosfer təzyiqi normadan yüksək 766 mm civə sütunu, nisbi rütubət gecə 75-85, gündüz 55-65 faiz olacaq.
Azərbaycanın rayonlarında
Oktyabrın 11-də bəzi yerlərdə şimşək çaxacağı, arabir yağış yağacağı gözlənilir. Şərq küləyi əsəcək.
Havanın temperaturu gecə 12-17, gündüz 20-25, dağlarda gecə 5-10, gündüz 13-18 dərəcə isti təşkil edəcək.