 |
|
Hesablama Palatasının kollegiyası müvafiq qanunvericiliyin tələblərinə uyğun olaraq dövlət büdcəsindən 2016-cı il aprelin 1-dən bu il aprelin 1-dək olan dövrdə Bakı Şəhər Məktəbəqədər Təhsil Müəssisələri və Uşaq Evləri İdarəsinə ayrılan vəsaitlərin proqnozlaşdırılması və icrası ilə bağlı həyata keçirilmiş auditin nəticələri üzrə hesabatı müzakirə edərək təsdiqləyib.
Xəbər verdiyimiz kimi, dünən İstanbulda Mütəşəkkil Cinayətkarlıqla Mübarizə Şöbəsinin təşkil etdiyi əməliyyat nəticəsində Lotu Quli (Nadir Səlifov) adı ilə tanınan qanuni oğru həbs edilib.
İsrailin Azərbaycandakı səfiri Dan Stav və Səfirliyin digər əməkdaşları “Təmiz Şəhər” ASC-nin fəaliyyəti ilə tanış olub, Bakı Bərk Məişət Tullantılarının Yandırılması Zavodunda və Balaxanı Sənaye Parkında olub.
“Təmiz Şəhər” Açıq Səhmdar Cəmiyyətinin İdarə Heyətinin sədri Etibar Abbasov qurumun fəaliyyəti, ölkəmizdə qeyri-neft sənayesinin inkişafı istiqamətində görülən işlər, sənaye parkları və sənaye zonalarında sahibkarlar və investorlar üçün yaradılmış imkanlar barədə məlumat verib. Bildirilib ki, təkrar istehsal sahəsinə maraq göstərən sahibkarlar üçün əlverişli şəraitin yaradıldığı Balaxanı Sənaye Parkında işlənmiş mühərrik yağlarının, tullantı plastik butulkaların, kağız-karton məmulatların, tullantı plastik materiallarının, süngər tullantılarının təkrar emalı sahələri üzrə 5 rezidenti fəaliyyət göstərir. Daha 12 növ istehsalat sahəsi üzrə qeydiyyata alınmış 10 rezident yaxın zamanda fəaliyyətə başlayacaq.
Sonra Bərk Məişət Tullantılarının Yandırılması Zavodu ilə tanışlıq zamanı qonaqlara Zavodun ətraf mühitə mənfi təsirlərin azaldılmasındakı rolu barədə məlumat verilib. Bildirilib ki, 4-cü nəsil texnologiya ilə inşa edilən zavod Şərqi Avropada bu tipli ən müasir zavodlardandır. Müəssisə il ərzində 500 min ton bərk məişət və 10 min ton tibbi tullantı yandırmaq, 231,5 milyon kilovat-saat elektrik enerjisi hasil etmək gücünə malikdir. İl ərzində zavodda əldə edilən enerji ilə 300 min nəfər əhalisi olan şəhəri elektrik enerjisi ilə tam təmin etmək mümkündür.
İsrailin Azərbaycandakı səfiri Dan Stav ölkəmizdə qeyri-neft sənayesinin inkişafı istiqamətində görülən işlərdən məmnunluğunu bildirib, “Təmiz Şəhər” ASC-nin bu sahədə işini yüksək qiymətləndirib.
"Sabahdan hərbi qulluqçuların ailə üzvləri nazirliyin saytında "birdəfəlik ödəmə" bölməsinə daxil olmaqla hərbi qulluqçuların soyadı, adı və atasının adını daxil edərək birdəfəlik ödəməni almaq hüququnun olub olmadığını yoxlaya bilərlər".
bu sözləri Əmək və əhalinin sosial müdafiəsi naziri Sahil Babayev şəhid hərbi qulluqçuların ailə üzvlərinə birdəfəlik ödəmənin verilməsi üçün müraciət qaydaları ilə bağlı keçirilən mətbuat konfransında deyib.
Nazir bildirib ki, dövlət başçısının "Azərbaycan Respublikasının ərazi bütövlüyü uğrunda həlak olmuş, ölmüş və hərbi əməliyyatlarla əlaqədar xəbərsiz itkin düşdüyünə görə ölmüş elan edilmiş hərbi qulluqçuların ailə üzvlərinin sosial müdafiəsinin yaxşılaşdırılması ilə bağlı əlavə tədbirlər haqqında" 19 aprel 2018-ci il tarixli 1 nömrəli Fərmanı tam şəffaf yerinə yetirilməsi üçün yaradılmış komissiya tərəfindən bir sıra işlər görülür:
"Sabahdan hərbi qulluqçuların ailə üzvləri nazirliyin saytında "birdəfəlik ödəmə" bölməsinə daxil olmaqla hərbi qulluqçuların soyadı, adı və atasının adını daxil edərək birdəfəlik ödəməni almağa hüququnun olub olmadığını yoxlaya bilərlər.
Axtarışın nəticəsi olaraq "Hərbi qulluqçunun birdəfəlik ödəməni almaq hüququnun olması ilə bağlı cümlə çıxdıqda həmin vərəsə vəfat etmiş hərbi qulluqçunun sonuncu yaşayış yeri, bu məlum olmadıqda mirasının olduğu yer notariat kontoruna müraciət edir.
Notariat kontoruna təqdim olunan sənədlər qaydasında olduğu təqdirdə məlumatlar notarius tərəfindən elektron qaydada 3 iş günü müddətində nazirliyin mərkəzi elektron informasiya sisteminə ötürülür.
Daha sonra ƏƏSMN tərəfindən tələb olunan maliyyənin ayrılması məqsədi ilə Maliyyə Nazirliyinə müraciət olunur.
Son olaraq ödəmə vərəsənin bank hesabına köçürülür.
Daimi əsaslarla ölkə kənarında yaşayan şəxslər isə tələb olunan sənədlərlə birlikdə konsulluq və nümayəndəliklərə müraciət edə bilər".
***
Nazir qeyd edib ki, vətəndaşın nazirliyə gəlməsinə ehtiyac yoxdur:
"Ən geci ayda bir dəfə olmaqla Maliyyə Nazirliyinə müraciət olunacaq və vərəsələr inventarlarını əldə edəcək. Ehtiyac olduğu təqdirdə bu vaxt sürətləndirilə də bilər. Cari il üçün 58 milyon vəsait ayrılıb və eyni proses növbəti ildə də davam edəcək. Müraciətlər sürətli olarsa, gələn il tam yekunlaşdıra bilərik".
S. Babayev yarana biləcək problemlərin həllinə də münasibət bildirib:
"Mənə elə gəlir ki, əsas çətinlik vərəsələrin çox olması ilə bağlı ola bilər. Bu zaman yaxşı olar ki, vərəsələr öz aralarında razılığa gələ bilsin. Notariusda bölgü aparılacaq və 11 min manat həmin vərəsələr arasında bölünəcək.
İşpazlar hansısa neqativ yollara əl ata bilərlər. Biz bunu bir sıra işlərdə görürük. Gələn şikayətləri araşdırdıqda çəkilən adların çoxunun nazirliyin işçiləri ilə əlaqəsinin olmadığı görünür. Bu kimi vasitəçilərin bazarını öldürmək üçün də güclü təbliğat işi aparılmalıdır".
Qeyd edək ki, dövlət başçısının "Azərbaycan Respublikasının ərazi bütövlüyü uğrunda həlak olmuş, ölmüş və hərbi əməliyyatlarla əlaqədar xəbərsiz itkin düşdüyünə görə ölmüş elan edilmiş hərbi qulluqçuların ailə üzvlərinin sosial müdafiəsinin yaxşılaşdırılması ilə bağlı əlavə tədbirlər haqqında" Fərmanı ilə qeyd edilən kateqoriyaya aid olan hər bir şəhid ailəsinin vərəsələrinə 11 min manat məbləğində birdəfəlik ödəmə həyata keçiriləcək.
Günel Hacı
Fotolar: Pərvin Zeynal
Su Nəqliyyatında Polis İdarəsinin əməkdaşları ov mövsümünün başlanması ilə əlaqədar respublikanın sututarlarında brakonyerliyə, balıq və balıq məmulatlarının qanunsuz ovlanması, satılması, ölkədən kənara çıxarılması və digər hüquq pozuntularının qarşısının alınması məqsədilə əməliyyat və profilaktiki tədbirləri uğurla davam etdirirlər.
Daxili İşlər Nazirliyinin Mətbuat Xidmətindən “Qafqazinfo” ya verilən məlumata görə, İdarənin Brakenerliyə qarşı Mübarizə Bölməsinin, ərazi qurumlarının əməkdaşları tərəfindən cari il oktyabrın 4-5-də keçirilən reydlər zamanı Şəmkir və Mingəçevir ərazisində qanunsuz ov edən və elektrik avadanlığından istifadə olunmaqla balıqların kütləvi şəkildə məhv edilməsi ilə məşğul olan şəxslər saxlanılıb. Bu şəxslər - Nurəddin Səfərov, Mübariz Mayılov və Süleyman Mayılov qanunsuz əməllərinə rəsmi orqanlardan guya müvafiq icazə aldıqları bəhanəsi ilə haqq qazandırmaq istəsələr də Su Nəqliyyatında Polis İdarəsində aparılan araşdırma zamanı onların yalan söylədikləri məlum olub.
Araşdırmalar zamanı o da müəyyən edilib ki, onların heç birinin balıqovlama biletləri (lisenziyaları) belə olmayıb. Saxlanılarkən N.Səfərov, M.Mayılov və S.Mayılovdan ümumilikdə 10,5 kiloqrandan çox balıq, 2 qayıq, digər ov ləvazimatları, ikinci şəxsdən əlavə olaraq balıqların elektrik cərəyanı buraxılmaqla məhv edilməsi üçün nəzərdə tutlmuş, kustar üsulla hazırlanmış aparat da götürülüb. Araşdırmaların nəticəsindən asılı olaraq hər üç şəxs barəsində mövcud qanunvericiliyin tələblərinə uyğun olaraq ən ciddi tədbirlər görüləcək.
İdarənin əməkdaşları tərəfindən xidməti ərazidə- sututarlarda, ovçuluq təsərrüfatlarında və qoruqlarda barkonyerliyə, adları “Qırmızı Kitab”a düşmüş heyvan və quşların qanunsuz ovlanmasına və dənizdə olan bəzi digər qanun pozuntularına qarşı reydlər davam etdirilir. Bununla paralel şəkildə göstərilən məkanlarda vaxtaşırı izahat, proflaktik tədbirlər də keçirilir, ovçuluqla məşğul olan vətəndaşlara müvafiq qanunvericiliyin tələbləri izah olunur, onlardan həmin qaydalara riayət etmələri tələb edilir.
Penitensiar xidmətin əməliyyat aparatının həyata keçirdiyi axtarış tədbirləri nəticəsində 15 saylı cəzaçəkmə müəssisəsinə qadağan olunmuş əşyanın keçirilməsi cəhdinin qarşısı alınıb.
Penitensiar xidmətin saytına istinadən xəbər veririk ki, Cinayət Məcəlləsinin 29, 120.1-ci maddələrinə əsasən 10 il 6 ay müddətinə azadlıqdan məhrum edilmiş məhkum Əzizov Qurban Alduz oğluna tanışı, Bakı şəhər sakini Abbasov Elşən Arif oğlu tərəfindən gətirilmiş sovqata baxış keçirilən zaman idman ayaqqabısının içərisində gizlədilmiş 1 ədəd Ukrayna istehsalı olan “TEPEH-1” markalı gözyaşardıcı qaz balonu aşkar edilib.
Faktla bağlı araşdırma aparılır.
Azərbaycan dilində səslənməsi və tələffüzü çətin olan sözlərin lüğəti hazırlanıb.
AMEA Nəsimi adına Dilçilik İnstitutundan Trend-ə verilən məlumata görə, institutun Müasir Azərbaycan dili şöbəsinin aparıcı elmi işçisi dosent Nərgiz Hacıyevanın hazırladığı “Azərbaycan dilinin paronimlər lüğəti” artıq işıq üzü görüb.
Lüğətin elmi redaktorları professorlar Tofiq Hacıyev və İsmayıl Məmmədlidir. Lüğətin rəyçiləri professor Qara Məşədiyev, Nadir Məmmədli və dosent İntizar Salahovadır:
“Azərbaycan dilində çətin tələffüz olunan bir sıra sözlər var ki, bunlar eyni və müxtəlif köklü olaraq, dilçilikdə paronim sözlər adlanır. “Azərbaycan dilinin paronimlər lüğəti” paronimlər barədə yazılan ilk lüğətin genişləndirilmiş şəkli olub, 1600-dan çox sözü əhatə edir. Lüğət “Ön söz”, əlifba sırası ilə düzülmüş paronim sözlər, frazeoloji paronimlər və somatik frazeoloji paronimlərin izahından ibarətdir. Nitqdə bəzən kalambur məqsədilə, bəzən də bilməyərəkdən səhv işlədilən bu sözlərdən bədii ədəbiyyatda geniş istifadə olunur”.
Azərbaycan Ordusunun bütün hərbi hissə və bölmələrində silah, döyüş və xüsusi texnikanın istismarının qış mövsümünə keçirilməsi prosesi aparılır.
Müdafiə Nazirliyindən verilən məlumata görə, silah və texnikanın qış dövründə fasiləsiz və dayanıqlı istismarını təmin etmək məqsədilə bütün hərbi hissələr mərkəzləşdirilmiş qaydada yanacaq-sürtkü materialları, digər zəruri ehtiyat hissələri və avadanlıqlarla təmin edilib.
Hərbi hissələrdə fəaliyyət göstərən texniki xidmət məntəqələrində döyüş və xüsusi texnikaların yanacaq-sürtkü materialları dəyişdirilib, onlara planlı şəkildə qulluq göstərilib.
Qış istismar rejiminə keçid soyuq iqlim şəraitində, dağlıq-düzənlik ərazidə, gecə və gündüz hərbi hissələrin döyüş qabiliyyətinin artırılması, eləcə də döyüşə hazırlığının yüksək səviyyədə saxlanılması məqsədilə icra olunub.
Daxili İşlər naziri, general-polkovnik Ramil Usubovun müvafiq əmri ilə polis kapitanı Cavid İsgəndərzadə Suraxanı rayon Dövlət Yol Polisi (DYP) Şöbəsinin rəis müavini vəzifəsinə təyin edilib.
Bakıda bir qrup şəxs Səfərova Fəxrəndə Mahir qızı tərəfindən aldadığını iddia edir.