Rusiyada avtomobil cəriməsinin 20 günlük güzəştli ödəniş dövrünün uzadılması haqqında qanun qüvvəyə minib.

Axar.az xəbər verir ki, qanuna əsasən, bundan sonra sürücülərə etdikləri cərimə haqqında edilən xəbərdarlıq gecikəcəyi halda belə bu güzəşt onlar üçün qüvvədə qalacaq. Belə ki, 20 günlük güzəşt müddətindən sonra qayda pozuntusu edən sürücünün ünvanına məktub gəldikdə yenidən 20 günlük güzəşt müddətinin bərpa edilməsiylə sürücüyə məktubu ünvanlayan orqan məşğul olmalıdır. Bununla belə bu orqan məsuliyyətə cəlb edilən şəxsin özünün ərizə ilə müraciəti əsasında onun üçün güzəşt müddətini bərpa etməlidir.

Qeyd edək ki, bu müddətin uzadılması barədə qanunu Rusiya Prezidenti Vladimir Putin keçən ilin sonunda imzalayıb.

Rusiya qanunlarına görə, cərimələnən sürücü 20 gün müddətində özünə təyin edilən cərimənin məbləğinin yarısını ödəmək haqqına sahibdir.

Twitter