 |
|
Sülh müqaviləsi konstitusiyaya zidd ola bilər, ancaq konstitusiya heç bir beynəlxalq müqaviləyə zidd ola bilməz.
Bunu Ermənistan Konstitusiya Məhkəməsinin sədri Arman Dilanyan deyib.
O əlavə edib ki, beynəlxalq müqavilə normal konstitusiya prosedurudur.
Konstitusiya Məhkəməsinin sədri onu da bildirib ki, müqavilənin imzalanması üçün ya ondan əvvəl və ya sonra konstitusiyaya dəyişiklik edilməsi prosesi istisna deyil. “Nəzəri cəhətdən hər şey mümkündür”, - Dilanyan bildirib.
Vaşinqton Rayon Məhkəməsinin hakimi "Meta"nın antiinhisar ittihamları ilə ABŞ Federal Ticarət Komissiyasının (FTC) qarşısına çıxması barədə qərar çıxarıb. FTC şirkəti "Instagram" və "WhatsApp"ı əldə etməklə sosial şəbəkə bazarında hökmranlıq etməkdə ittiham edir. Agentlik bu iki xidmətin "Meta" korporasiyasından ayrılmasını israr edir.
Bu barədə "The Verge" məlumat yayıb.
"Meta"ya qarşı iddia 2020-ci ildə qaldırılıb. FTC "Instagram" və "WhatsApp"ı satın almaqla şirkəti rəqabəti boğmaqda iddia edib. 2021-ci ildə ilkin olaraq iddianı rədd etdikdən sonra FTC hakim Ceyms Boasberq tərəfindən təmin edilmiş düzəliş olunmuş şikayət verib.
Aprel ayında "Meta" məhkəmədən FTC-nin iddiasını rədd etməyi xahiş edib, lakin Boasberq FTC-nin xeyrinə qərar verub. "Meta"nın sözçüsü Kristofer Sqro "The Verge"yə verdiyi şərhdə iddianın "Instagram" və "WhatsApp" alışlarının istehlakçılar üçün faydalı olduğunu sübut edəcəyinə əmin olduğunu bildirib.
Antiinhisar iddiasının prezident Donald Trampın administrasiyası dövründə açılmasına baxmayaraq, "The Verge” ABŞ-ın yenidən seçilmiş rəhbərinin münaqişəni gərginləşdirməkdə davam edəcəyinə şübhə edir. Onun yeni administrasiyasının İT bazarında birləşmə və satınalmalara daha yumşaq yanaşması gözlənilir.(Qaynarinfo)
"Ukrayna Prezidenti Volodimir Zelenski yadda saxlamalıdır ki, onun vaxtı daralır".
"Bu barədə Helsinki Universitetinin professoru, geosiyasi ekspert Tuomas Malinen "X" sosial şəbəkəsində yazıb.
“Ukrayna Silahlı Qüvvələri, Zelenski və Qərb cinayətkarları üçün vaxt yetişib”, - o qeyd edib.
Malinenin fikrincə, Ukrayna münaqişəsi NATO üçün epik fəlakətə çevrilmiş proxy müharibədir.
O, həmçinin qeyd edib ki, bu münaqişənin həlli yolları var, lakin onlar “qeyri-standart”dır.(publika.az)
Türkiyə iqtisadi cəhətdən inkişaf etməkdə olan BRİKS blokunda tərəfdaş ölkə statusu təklif ediləcəyini gözləyir.
Bunu Türkiyənin ticarət naziri Ömər Bolat deyib.
“Kazanda keçirilən son sammitdə Türkiyənin müraciətinə baxılıb. Aydındır ki, onlar bizə tərəfdaş ölkə statusu təklifi ilə cavab verəcəklər”, - nazir qeyd edib.
Nazir Bolat həmçinin Hindistanın Ankaranın Pakistanla sıx əlaqələri səbəbindən Türkiyənin BRİKS-ə tam üzvlüyünə mane olması ilə bağlı iddiaları təkzib edib.
"Hindistanın üzvlüyümüzə veto qoymasından söhbət gedə bilməz", - o qeyd edib.
“Birinci və İkinci Dünya müharibəsi necə başladısa, Üçüncü Dünya müharibəsi də hər an başlaya bilər. Bunun üçün elə ciddi hadisəyə ehtiyac yoxdur".
Bunu Türkiyə milli müdafiə naziri Yaşar Gülər deyib.
Nazir deyib ki, belə bir müharibənin başlanmasını istəmirlər və buna qarşıdırlar: "Amma biz hər zaman hər şeyə və varianta hazır olmalıyıq. Biz qocaman Türkiyə dövlətindən və millətinin təhlükəsizliyinə cavadehik. Ola biləcək müharibə ehtimalında ən xırda təfərrüatı dəyərləndirəcəyik və bütün imkanlardan istifadə edəcəyik. Buna uyğun planlarımızı qururuq. Amma biz ölkəmizdə sülh içində yaşamaq istəyirik”.
Britaniya şahzadəsi Harri və həyat yoldaşı Meqan Markl ABŞ-nin yeni seçilmiş prezidenti Donald Tramp Ağ Evə köçəndən sonra qəzəbindən “təcili xilas yolu” tapmaq üçün Portuqaliyada ev alıblar.
Bu barədə "New York Post" yazır.
Nəşrin yazdığına görə, onlar Lissabondan cənubda yerləşən "CostaTerra Golf and Okean Club" ərazisində aldıqları mənzilə 4,7 milyon dollardan çox vəsait xərcləyiblər.
Problemlə yaxından tanış olan mənbənin nəşrə açıqladığına görə, Trampın şahzadə Sasseks hersoqluğuna dərin nifrətinin olmasıdır. "Məhz ona görə də şahzadə Harri və həyat yoldaşı vəziyyətdən alternativ çıxış variantı kimi bu addımı atıblar. Çünki Tramp Ağ Evə köçəndən sonra Harri və Meqanın vətəndaşlıq alma məsələsi ilə məşğul olarsa, o zaman cütlük ciddi problem yaşaya bilər. Onlar da B planı kimi belə bir addım atıblar", mənbə qeyd edib.
Qeyd edək ki, Donald Tramp ilk dəfə fevral ayında Merilend ştatında Mühafizəkarların Siyasi Fəaliyyət Konfransında çıxış edərkən hersoqları ölkədən qovmaqla hədələyib.
"Mən onu müdafiə etməzdim. O, kraliçaya xəyanət etdi. Bu bağışlanmazdır", - Tramp qeyd edib.
Tramp hətta Sassekslərə ABŞ-də yaşamasına imkanı verdiyi üçün prezident Co Baydeni də kəskin tənqid edib.
Tramp administrasiyasının keçid komandası ABŞ Silahlı Qüvvələrinin yüksək rütbəli zabitlərinin, o cümlədən Birləşmiş Qərargah Rəisləri Komitəsinin sədri, general Çarlz Braunun yaxın zamanda vəzifədən azad edilməsi üçün siyahı hazırlayır.
Trampın yaxın ətrafı əvvəlki prezident dövründə Birləşmiş Qərargah Rəisləri Komitəsinin sədri olmuş general Mark Millinin təyin etdiyi və ya onunla əlaqəli olan bütün yüksək rütbəli zabitləri vəzifədən azad etməyi planlaşdırır.
Qeyd olunub ki, bu, Trampın yeni administrasiyasının güc strukturlarında aparacağı islahatların ilkin mərhələsi kimi qiymətləndirilir.
Rusiya ABŞ ilə Donald Tramp administrasiyası dövründə əlaqələrə açıqdır, top Amerika tərəfdədir.
TASS xəbər verir ki, bu barədə Rusiya xarici işlər naziri Sergey Lavrov "Yeni Dünya" layihəsi üçün jurnalist Marina Kimə verdiyi müsahibədə bildirib.
“Prezident Putin “Valday” beynəlxalq diskussiya klubunun iclasında bildirib ki, o, hər zaman ünsiyyətə hazırdır. Əlaqələri biz dayandırmamışıq - top onların tərəfdədir”, - Lavrov müvafiq suala cavab verərkən deyib.
Eyni zamanda o, Rusiyanın ABŞ-ın yeni administrasiyasından heç bir gözlənti qurmadığını, konkret addımlarını dəyərləndirəcəyini vurğulayıb.
"Gözləntilər və ehtimallar olmayacaq. Biz konkret işlərə görə mühakimə edəcəyik", - deyə nazir qeyd edib.
Donald Tramp iş adamı İlon Maskı öz komandasında görmək istəyir və bununla bağlı ona uyğun bir vəzifə də tapıb.
Tramp Maskı təyin edəcəyi qurumun adını açıqlayıb.
"İş adamı İlon Mask Vivek Ramasvami ilə birlikdə Dövlət idarəetməsinin səmərəliliyinin artırılması nazirliyinə (DOGE) rəhbərlik edəcək", - Tramp bildirib.
Tramp onu da qeyd edib ki, bu, sistem və dövlət vəsaitlərinin israf edilməsində iştirak edən hər kəs üçün şok yaradacaq.
COP29-da iştirak üçün ölkəmizdə səfərdə olan Belçika Krallığının Baş naziri Aleksandr De Kro Belçikanın Azərbaycandakı səfiri Julyen De Fraypont ilə Bakı bulvarında idman edib.
Fotoları öz "X" hesabında səfir Fraypont paylaşıb.
"Bakı bulvarında səhər tezdən Baş nazir Aleksandr De Kro ilə qaçış", - deyə səfir yazıb.