 |
|
Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq qərara alıram:
1. On iki min nəfər əhalinin yaşadığı 8 yaşayış məntəqəsini birləşdirən Slavyanka–Qoşabulaq–Pərizamanlı avtomobil yolunun tikintisi məqsədi ilə Azərbaycan Respublikasının 2018-ci il dövlət büdcəsinin dövlət əsaslı vəsait qoyuluşu xərclərinin bölgüsündə avtomobil yollarının tikintisi və yenidən qurulması üçün nəzərdə tutulmuş vəsaitin 11,4 milyon (on bir milyon dörd yüz min) manatı Azərbaycan Avtomobil Yolları Dövlət Agentliyinə ayrılsın.
2. Azərbaycan Respublikasının Maliyyə Nazirliyi bu Sərəncamın 1-ci hissəsində göstərilən məbləğdə maliyyələşməni təmin etsin.
3. Azərbaycan Respublikasının Nazirlər Kabineti bu Sərəncamdan irəli gələn məsələləri həll etsin.
İlham Əliyev
Azərbaycan Respublikasının Prezidenti
Bakı şəhəri, 1 avqust 2018-ci il.
Azərbaycan Respublikası ərazisinin başqa ölkələrdən keçə biləcək yoluxucu heyvan və quş xəstəliklərindən qorunması məqsədi ilə Qida Təhlükəsizliyi Agentliyi əhaliyə xəbərdarlıq edib.
İlham Əliyev Azərbaycanın kino xadimlərinin təltif edilməsi haqqında sərəncam imzalayıb.
Prezident İlham Əliyevin rəhbərliyi ilə ölkəmizdə həyata keçirilən sosialyönümlü siyasətin tərkib hissələrindən biri də müasir yol infrastrukturunun yaradılmasıdır. Son 15 ildə bu sahədə çox mühüm uğurlar əldə olunub və bu istiqamətdə layihələrin icrası davam etməkdədir. Yol infrastrukturunun yenilənməsi ilə bağlı görülən işlər həm ölkə əhəmiyyətli yolları, həm də kənd yollarını əhatə edir.
Qax rayonu da genişmiqyaslı işlərdən kənarda qalmayıb. Belə ki, bu il rayonda uzunluğu 31 km olan 5 istiqamət üzrə avtomobil yollarının əsaslı şəkildə yenidən qurulması yekunlaşmaq üzrədir. Bu yollar üzərində uzunluğu 13.5 km olan və yaşayış məntəqələrinə qədər uzanan 9 giriş yollar da yerləşir.
Söhbət M5 Yevlax-Zaqatala-Gürcüstan Respublikası ilə dövlət sərhədi avtomobil yolundan ayrılan və 44.5 km uzunluğa malik və Qax-Qıpçaq-Ağyazı marşrutu üzrə uzanan yerli əhəmiyyətli avtomobil yollarından gedir.
Qax-Qıpçaq-Ağyazı avtomobil yolu uzun müddət əsaslı təmir olunmadan istismar olunduğundan yol geyimi və yolun əsası, həmçinin torpaq yatağı sel sularının təsirindən yuyularaq deformasiyaya uğramış, hərəkət hissəsində qabarmalar, çalalar əmələ gəlmişdi. Hazırda aparılan yenidənqurma işləri ilə sadalanan problemlər aradan qaldırılır.
IV texniki dərəcəyə uyğun olaraq yenidən qurulan yolun eni 6-7 metrdən 10 metrə qədər genişləndirilib. Yolun normativ eninin alınması üçün zəruri yerlərdə qaya tipli süxurların mexanizmlə kəsilməsi, dağ yamacı hissəsində çay daşından 2.2 km uzunluğunda istinad divarının inşası, həmçinin yolun torpaq yatağının bərpası üçün yararsız yol örtüyünün, əsasın və torpaq yatağının qazılaraq, çıxarılması və çınqıl materialı ilə əks-dolğu işləri aparılaraq yolun genişləndirilməsi ilə yeni yol yatağının və əsasının inşası işləri aparılıb.
Layihə çərçivəsində mövcud suötürücü borular istismara yaramadığı üçün yol boyu 48 yerdə uzunluğu 461 paqon-metr olan müxtəlif diametrli dəmir-beton boruların quraşdırılması işləri də aparılıb.
Yol yatağı hazır olan hissələrdə yol əsasının qum-çınqıl və optimal-qırmadaş qarışığı ilə layihədə nəzərdə tutulmuş qalınlıqda inşası işləri aparılıb. Buna paralel olaraq xüsusi qruntla çiyin hissələr də bərkidilir. Artıq yol boyu əlaqələndirici bitum səpilməklə yol örtüyünün alt və üst qatlatının iri və xırda dənəli asfalt-beton qarışığı ilə tikintisi işləri aparılır.
Tikinti işlərini sonuncu mərhələsində hərəkətin normal təşkili üçün yollar boyu 175 ədəd yol nişanı, 24 ədəd məlumatverici lövhə, 45 ədəd km göstəricisi, 880 ədəd siqnal dirəkləri, həmçinin yolun təhlükəli hissələrində və körpülərə yanaşmalarda 460 paqon-metr əyrixətli dəmir tirlər quraşdırılacaq, 132 km uzunluqda üfüqi nişanlanma xətləri çəkiləcək, həmçinin 14 ədəd avtobus dayanacağı inşa ediləcək.
Yenidənqurma işləri mövcud tikinti norma və standartlarına uyğun, texnoloji ardıcıllıqla və yüksək keyfiyyətlə Azərbaycan Avtomobil Yolları Dövlət Agentliyinin rəhbərliyinin birbaşa nəzarəti altında aparılır. Tərtib olunmuş qrafikə uyğun işlərin başa çatdırılması üçün ərazidə lazımi sayda canlı qüvvə və texnika çalışır. Layihəyə uyğun olaraq Əyriçay üzərində yerləşən və uzunluğu 60 metr, eni isə 11.5 metr olan körpünün təmiri işləri də görülür.
Qeyd edək ki, Qax-Qıpçaq-Ağyazı avtomobil yolunun müasir səviyyədə yenidən qurulması ilə 4.5 min nəfər əhalinin yaşadığı 13 yaşayış məntəqəsi arasında həm yük və sərnişin daşımasını xeyli yaxşılaşacaq, yetişdirilən məhsulların rahat şəkildə yaxın-uzaq bazarlara daşınmasına imkan yaranacaq, həm bölgənin turizm potensialının möhkəmləndirilməsi işinə də xidmət göstərəcək və kənd təsərrüfatının inkişafına müsbət təsir etməklə yolboyu yaşayan əhalinin sosial rifahının yüksəlməsinə imkan verəcək.
Şamaxı rayonu Pirqulu - Dəmirçi kəndini birləşdirən, dağlıq ərazidə yerləşən avtomobil yolunun tikintisi 1,6 min nəfər əhalinin yaşadığı 5 yaşayış məntəqəsini birləşdirərək yük və sərnişin daşımasını xeyli yaxşılaşdırmağa imkan verəcəkdir.
Avtomobil yolunun əsas göstəriciləri
Yolun uzunluğu – 8,0 km
Yolun texniki dərəcəsi – IV
Hərəkət hissəsinin eni – 7-8 m
Hərəkət zolaqlarının sayı - 2 ədəd
Hərəkət zolağının eni - 3,5-4,0 m
Çiyinin eni - 2( 2-2,5 m)
Torpaq yatağının eni – 10,0-12 m
Yolun konstruksiyası:
- Əsasın alt layı, karxana qum-çınqıl qarışığı, qalınlığı - 20 sm;
- Əsasın üst layı, optimal qum-qırmadaş qarışığı, qalınlığı - 15 sm;
- Asfaltbeton örtük 3 laydan ibarət (7+6+5 sm) qalınlığı - 18 sm;
Aşağıda göstərilən işlər yerinə yetirilmişdir
- Torpaq işləri - 144,5 min m3;
- Yolun əsasının və çiyinlərin tikintisinə ümumilikdə - 37,5 min m3 çınqıl və qum-qırmadaş qarışığı;
- Trapesiya en kəsikli küvetlər - 6800,0 metr;
- Müxtəlif diametrli 14 ədəd su ötürücü borular - 210 metr;
- Monolit dəmir-beton konstruksiyalı istinad divarları - 380,0 metr;
- Dəmir-beton təhlükəsizlik sədləri - 6700 metr;
- Su nizamlayıcı və sahil bərkidici dəmir-beton istinad divarları- 46 metr;
- 3 laydan ibarət asfalt-beton örtüyün tikintisinə sərf edilən asfalt-beton qarışığı- 27,7 min ton;
- Avtobus dayanacaqları - 3 ədəd;
- Müxtəlif yol nişanları və göstərici lövhələr - 92 ədəd;
- Bütöv və qırıq-qırıq olmaqla sarı və ağ rəngdə xətlənmə - 24 100 m.
Azərbaycan Respublikası Prezidentinin 2017-ci il 26 iyul tarixli 3129 №-li Sərəncamına əsasən 15 min nəfər əhalinin yaşadığı 17 yaşayış məntəqəsini birləşdirən Yeni Daşkənd-Umudalılar avtomobil yolunun tikintisi “Azəravtoyol” Açıq Səhmdar Cəmiyyətinə həvalə edilmiş, bu məqsədlə 6.8 milyon manat vəsait ayrılmış və avtomobil yolunun tikintisi başa çatdırılmışdır.
Yolun ümumi uzunluğu 25 km-dir və IV texniki dərəcəyə uyğun olaraq tikilmişdir.
Avtomobil yolunun əsas göstəriciləri:
Yolun ümumi uzunluğu - 25 km
Yolun texniki dərəcəsi - IV
Hərəkət hissəsinin eni - 6.0 m
Hərəkət zolaqlarının sayı - 2 ədəd
Hərəkət zolağının eni - 3,0 m
Çiyinin eni - 2,0 x 2,0 m
Torpaq yatağının eni - 10 m
Yolun konstruksiyası:
Əsasın alt layı - çınqıl, qalınlığı - 10 sm;
Əsasın üst layı - qırmadaş, qalınlığı - 15 sm;
Asfalt-beton örtük 2 laydan ibarət (6+4 sm) qalınlığı - 10 sm;
Aşağıda göstərilən işlər yerinə yetirilmişdir:
Torpaq işləri - 41.8 min m3
Yolun əsasının və çiyinlərin tikintisinə ümumilikdə çınqıl və qum, qırmadaş sərf edilmişdir - 71.78 min m3
45 ədəd müxtəlif diametrli dəmir-beton və metal suötürücü borular quraşdırılmışdır - 525.5 pm
2 laydan ibarət örtüyün tikintisinə asfalt-beton qarışığı sərf edilmişdir - 38 min ton
Müxtəlif yol nişanları və göstərici lövhələr quraşdırılmışdır - 432 ədəd
Bütöv və qırıq-qırıq olmaqla sarı və ağ rəngdə xətlər çəkilmişdir - 29 948 m
Avtomobil yolunun tikintisi əhatə etdiyi 17 yaşayış məntəqəsinin rayon mərkəzi ilə nəqliyyat əlaqəsinin yaxşılaşdırılmasında, həmçinin bu bölgədə iqtisadiyyatın və kənd təsərrüfatının inkişafında, eləcə də insanların həyat tərzinin və rifah halının yüksəlməsində mühüm əhəmiyyət kəsb edəcəkdir.
.JPG)
Avtobus və metroda qiymət artımının inflyasiyaya yüksəldici təsiri var.
Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyevin tapşırığına əsasən cəbhəboyu zonada olan müdafiə naziri general-polkovnik Zakir Həsənov və nazirliyin digər rəhbər heyəti müxtəlif istiqamətlərdə yerləşən ön xətt bölmələrində olublar.
ABŞ-ın Türkiyəni sanksiyalarla hədələməsinin səbəbləri ilə bağlı Türkiyədə yaşayan azərbaycanlı ekspert Toğrul İsmayılın Axar.az-a müsahibəsini təqdim edirik:
Türkiyə-ABŞ gərginliyi açıq münaqişəyə keçməyəcək.