 |
|
Azərbaycan Respublikası Prezidentinin ictimai-siyasi məsələlər üzrə köməkçisi Əli Həsənovun “Azərbaycanlılara qarşı etnik təmizləmə və soyqırımı siyasəti” adlı kitabı Tiflisdə gürcü dilində çap olunub.
Millət vəkili Qənirə Paşayevanın başçılıq etdiyi Avrasiya Beynəlxalq Araşdırmalar İnstitutu İctimai Birliyinin dəvəti ilə Türkiyənin Şanlıurfa Böyükşəhər bələdiyyəsinin başqanı Nihad Çiftçi, Malatyanın Battalqazi bələdiyyəsinin başqanı Səlahəddin Gürkan, GAP Media mənsubları Cəmiyyətinin başqanı Həmid Özpolad və Duru TV-nin baş müdiri Məhməd Canbekdən ibarət heyət Azərbaycana gəlib.
Vətəndaşların rahat gediş-gəlişini təmin etmək, onların yetişdirdikləri məhsulların bazarlara tez və xarab olmadan çatdırılmasına şərait yaratmaqla əhalinin həyat şəraitinə müsbət təsir edən kənd təsərrüfatının inkişafına, dağlıq və dağətəyi ərazilərdə mövcud turizm potensialını genişləndiməklə yeni turizm marşrutlarına yaradılmasına gətirib çıxaracaq yol infrastrukturu layihələrinin işlənilməsi istiqamətində dövlət başçısının tapşırıq və sərəncamlarına əsasən, Azərbaycan Avtomobil Yolları Dövlət Agentliyi tərəfindən ölkə boyu kompleks tədbirlər həyata keçirilir. Quba rayonunda bu çərçivədə 11 yaşayış məntəqəsini birləşdirən avtomobil yolunun yenidən qurulması yekunlaşmaq üzrədir.
Quba rayonunda həyata keçirilən yol infrastrukturu layihələri sırasında başlanğıcını M1 Bakı-Quba-Rusiya Federasiyası ilə dövlət sərhədi avtomobil yolundan götürən 33 km-lik İdrisqışlaq-Qasımqışlaq-Xaspolad-Zərqava-Aspərəsti-Çayqışlaq marşrutu üzrə uzanan yollardır.
Sözügedən yolların uzun müddət təmir olunmadan istismarı nəticəsində yolda çökmələr, deformasiyalar əmələ gəlmiş, yolun çınqıl və qara örtüyü tamamilə sıradan çıxmışdı, üstəgəl yol bəzi hissələrdə kənar relyefdən aşağı səviyyədə idi və torpaq yatağının eni standartlara cavab vermirdi. Sadalanan problemlərin, o cümlədən yollar boyu hərəkət nəticəsində yaşanan maneələrin dərhal aradan qaldırılması üçün Azərbaycan Avtomobil Yolları Dövlət Agentliyi marşrut üzrə lazımi sayda qüvvə cəlb etməklə təxirəsalınmaz tədbirlərə start vermişdi.
11 yaşayış məntəqəsini əhatə edən digər İdrisqışlaq-Qasımqışlaq-Xaspolad-Zərqava-Aspərəsti-Çayqışlaq avtomobil yolunun IV texniki dərəcəyə uyğun yenidən qurulması yekunlaşır.
Layihəyə uyğun olaraq mövcud yararsız asflat-beton örtük 5400 kub.m həcmdə sökülərək daşınıb, yolun torpaq yatağı genişlədirilib, yararsız qrunt 31 min kub.m həcmdə qazılıb çıxarılıb, qazılmış və genişləndirilmiş hissələrdə yararlı qrunt tökülərək hissə-hissə yayılıb və kipləşdirmə işləri aparılıb. Bu işlərin həcmi 48 min kub.m təşkil edib.
Texnoloji ardıcıllığa uyğun olaraq daha sonra yol əsasının alt layı 20 sm hündürlükdə qum-qırmadaş, əsasın üst layı isə 16 sm hündürlükdə optimal-çınqıl qarışıqlardan istifadə edilməklə təqribən 350 min kv.m sahədə inşası aparılıb.
Yol əsasının inşası yekunlaşmış ərazilərin isə artıq asfaltlanmasına start verilib. Əlaqələndirici bitum səpilməklə iri dənəli asfalt-beton qarışığından istifadə edilməklə örtüyün alt layı 7 sm qalınlıqda, xırda dənəli qarışıqdan istifadə edilməklə isə üst layı 5 sm qalınlıqda salınır. Bu işlər təqribən 200 min kv.m sahəni əhatə edir.
Asfaltlanma işlərinin ardınca növbəti mərhələdə 100 min kv.m sahədə çiyin hissələrin optial-çınqıl materialı ilə bərkidilməsi, 2 min kv.m sahədə isə yol birləşmələrinin təmiri işləri görüləcək.
Tikinti norma və standartlarına uyğun olaraq yol boyu suötürücü borular yararsız vəziyyətdə olduğu üçün müxtəlif diametrli 44 ədəd 528 paqon-metr uzunluğunda olan dairəvi dəmir-beton boruların quraşdırılması, boru başlıqlarının monolit-betonla tikintisi işləri aparılıb.
İdrisqışlaq-Qasımqışlaq-Xaspolad-Zərqava-Aspərəsti-Çayqışlaq marşrutu üzrə müasir yol infrastrukturunun yaradılması üçün icra olunan layihə çərçivəsində 148 ədəd yol nişanının, 33 ədəd km göstəricisinin və 1350 ədəd siqnal dirəyinin quraşdırılması, hərəkətin normal təşkili üçün 99 km uzunluğunda yolcizgi və yolgöstərici xətlərin, həmçinin 3 min metr yol birləşmələri və piyada keçidlərində piyada zolağının çəkilməsi nəzərdə tutulub.
Təbii ki, sözügedən istiqamət üzrə yolların əsaslı şəkildə yenidən qurulmasında məqsəd vətəndaşların rahat gediş-gəlişini təmin etmək, yük və sərnişin daşımasını rahatlaşdırmaqla qeyd olunan ərazilərdə vətəndaşların sosial rifah halına müsbət təsir edən kənd təsərrüfatının və turizmin inkişafı sürətləndirməkdir.
Nazirlər kabinetinin 1918-ci ilin birinci altı ayının yekunlarına dair iclasında Azərbaycan Respublikasının Prezidenti cənab İlham Əliyev çıxış etdi. Natiq Davos İqtisadi Forumun Azərbaycana dair açıqlamalarını tribunadan xalqa bəyan etdi. O, bir faktı xüsusi ilə Azərbaycanın inkişafının dünyada 35-ci yerdə, yol infrastrukturunun isə 36-cı yerdə olduğunu qeyd etdi.
Yenicə müstəqillik qazanmış Azərbaycan dünya ölkələri arasında belə qabaqcıl yerləri tutursa buna görə ilk növbədə xalqımız ölkə rəhbərinə və onun peşəkar komandasına minnətdar olmalıdır.
Yol infrastrukturunun dünya çapında 36-cı yerdə olması məni çoxdan tanıdığım, yol tikintisi ilə məşğul olan bir kollektivin qısa zaman kəsiyində necə böyük işlər gördüyünü xalqa təqdim etməyə sövq etdi.
Bu kollektiv əvvəllər 81 №-li, sonra isə 14 №-li xüsusi təyinatlı yol istismar MMC kimi fəaliyyət göstərir. Onların uğurları çox böyükdür, sadalamaqla qurtarmır.
İlk öncə onu qeyd edim ki, kollektivin rəhbəri, yəni 14 №-li xüsusi təyinatlı yol istismarı MMC-nin direktoru Araz Bəndəliyevdir. Bakı şəhərinin Tbilisi, Azadlıq, İzzət Nəbiyev, İsmayıl Hidayətzadə, Dilarə Əliyeva, bir neçə küçə və prospektlərdə əsaslı təmir-tikinti işlərini həyata keçirmişdir. “Ağ şəhər” layihəsində iştirak etmiş, Binəqədi-Novxanı-Corat avtomobil yolunun, Balaxanı-Binəqədi-Xırdalan dairəvi yolunu əsaslı təmir etmişdir. Xatırladım ki, Novxanı-Corat avtomobil yolunun uzunluğu 13,2 km, hərəkət hissəsi isə 12,5 m dir. Balaxanı-Binəqədi-Xırdalan dairəsinə qədər yolun uzunluğu 19,2 km, hərəkət issəsi 10 m dir. 30.000 pm mərmər və 42.000 pm beton səki daşı, səkilərə 60.000 m2 tamet daşı düzülmüşdür.
“Ağ şəhər” layihəsi çərçivəsində X. Rüstəmov və S. Vəzirov küçələrinin kəsişməsində piyada keçidi inşaa edilmiş, 550 metr istinad divarı çəkilmişdir.
Bu il Təbriz, Ə. Rəcəbli, S. Əskərova, Mir Cəlal, H. Seyidzadə küçələrində təmir-tikinti işləri aparılmışdır. Bölgələrdə də işlər davam etdirilir. Şabran rayonunda 20 km dördüncü dərəcəli kəndarası yol inşaa edilir.
Bu işləri şərəf və ləyaqətlə həyata keçirən bir neçə insanın adını çəkmək istəyirəm. Bəlkə onların buna heç ehtiyaclarıda yoxdur. Ancaq mən bunu özümə borc bilirəm. Sahə rəisi Məzahir Musayev, Baş mühəndis Rəsul Cabbarov, peşəsinə vurğun Bəyzadə Mehdiyev, Elçin Bayramov, qreyderçi Qurban Əliyev, vərdənəçi Elxan Hüseynov və adlarını çəkə bilmədiyim şərəfli insanlar.
Fikrimi bir dahinin sözləri ilə bitirmək istəyirəm: “Elə bir şərəfli əmək yoxdur ki, axırda öz layiq olduğu qiyməti almasın”.
PS. Bizə bu işdə yaxından göstərdiyi köməyə görə M. Mahmudova minnətdarlığımızı bildiririk.
Antalyada Azərbaycan Xalq Cümhuriyyətinin və Türk Qafqaz İslam Ordusunun Azərbaycana gəlişinin 100-cü ildönümü ilə bağlı gecə keçirilib.
Hazırda Bakı Metropolitenində 58 qatar və ya 290 vaqon var.
Prezident İlham Əliyevin oğlu Heydər Əliyev 21 yaşını qeyd edir.
Bu gün həm iqtisadi, həm də siyasi nöqteyi-nəzərdən İranın təcridi siyasəti həyata keçirilir.
Rusiyanın hansı tədbirlər görəcəyini, yaxud görməyəcəyini müəyyənləşdirmək imkanımız yoxdur.
Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyevin tapşırığına əsasən cəbhəboyu zonada olan Müdafiə naziri general-polkovnik Zakir Həsənov və nazirliyin digər rəhbər heyəti Azərbaycan-Ermənistan dövlət sərhədi istiqamətində yerləşən bölmələrdə olublar.