ABŞ prezidenti Donald Trampın rusiyalı həmkarı Vladimir Putinlə görüşünün Ağ Ev sahibinin başına bəla açacağı görüşdən əvvəldən məlum idi.

Axar.az xəbər verir ki, bu sözləri politoloq Elxan Şahinoğlu deyib. O bildirib ki, Tramp Şimali Koreya lideri ilə görüşdə qazandığı uğuru Putinlə görüşdə də təkrarlaya biləcəyini düşünürdü:

“Amma əksi oldu. Trampın qatı əleyhdarları Ağ Ev sahibinin Şimali Koreya diktatoru ilə razılaşmasının həqiqətən uğur olduğunu anladılar və sadəcə susdular. Putinlə görüş və verilən açıqlamalar isə bütün qırmızı çizgilərin aşılması oldu. Çünki Trampın ABŞ-dakı çoxsaylı əleydarları, konqresmenlər, siyasi ekspertlər və media bu görüşü Putinin triumfu kimi dəyərləndirir. Hətta bir çoxları Trampın ölkəsinin mövqelərini Putinlə yaxınlığa qurban verdiyini, ABŞ-ın məxfi xidmət strukturlarına deyil, Putinə inandığını bildirirlər. İş o yerə çatıb ki, bəzi konqresmenlər prezidentlərin görüşündə Amerika tərəfindən tərçüməçilik edən xanım Marine Qrossini qapalı dinləməyə çağırmaq istəyir. Bununla onlar Trampın Putinə qapalı danışıqda nələri vəd etdiyini müəyyənləşdirmək niyyətindədirlər”.

Xatırladaq ki, iki gün öncə Helsinkidə Trampla Putin arasında tarixi görüş baş tutub.

Twitter