Xəbər verdiyimiz kimi, Baş Prokurorluq, DİN və DTX Gəncədə 18 yaşlı Elgün İbrahimovun ölümü ilə bağlı birgə məlumat yayıb.

“Qafqazinfo”nun məlumatına görə, rəsmi açıqlamada bir sıra maraqlı məqamlar var.

Qeyd edilib ki, Elgün İbrahimov mayın 12-si saat 16 radələrində hazırlıq kursundan çıxdıqdan sonra mobil telefonunu sataraq ayrı-ayrı şəxslərə olan pul borcunu qaytarıb.

Bundan sonra E.İbrahimov Gəncə şəhərində yerləşən “Naxış” çay evində tanışları ilə görüşüb birlikdə spirtli içki qəbul edib, saat 19:40-da həmin yeri onlarla birgə tərk edib Abbas Səhhət adına 1 saylı şəhər xəstəxanasının qarşısına qədər gələrək orada tanışlarından ayrılıb, həmin vaxt E.İbrahimovun üzərində hər hansı xəsarət izləri müşahidə edilməyib.

Daha sonra E.İbrahimov saat 20:17-də marketdən 2 qutu siqaret alıb əvvəllər də mütəmadi olaraq vaxt keçirdiyi Gəncə şəhəri, M.Xələfov 115 ünvanında yerləşən Texnologiya Universitetinin istifadəsiz yataqxanasına tək halda gedib. Yataqxananın 5-ci mərtəbəsində məhəccərsiz eyvana çıxaraq, orada bir neçə siqaret çəkmiş və eyvandan torpaqla örtülmüş sərt səthi olan həyətə yıxılaraq çoxsaylı xəsarətlər alıb, saat 22:52-də ərazidə olan gözətçi tərəfindən yerdə yaralı vəziyyətdə aşkar edilərək təcili tibbi yardım avtomaşını vasitəsilə xəstəxanaya təxliyə edilib, may ayının 13-də almış olduğu xəsarətlərdən xəstəxanada ölüb.

Baş Prokurorluq, Daxili İşlər Nazirliyi və Dövlət Təhlükəsizliyi Xidməti Elgün İbrahimovun ölümü ilə bağlı məlumat yayıb.

“Qafqazinfo” xəbər verir ki, birgə məlumatda deyilir:

“Elgün İbrahimovun ölümü ilə bağlı istintaq davam etdirilir.

Mayın 13-də 2007-ci il təvəllüdlü Elgün İbrahimovun Gəncə şəhərində müalicə aldığı xəstəxanada ölməsi faktı ilə bağlı Gəncə şəhər prokurorluğunda istintaq edilən cinayət işi üzrə intensiv istintaq və əməliyyat axtarış tədbirləri həyata keçirilir.

Cinayət işi üzrə bütün fərziyyələr, o cümlədən mərhumun intihar etməsi, ehtiyatsızlıqdan yıxılması və ya ona ağır bədən xəsarəti yetirilməsi nəticəsində ölümün baş verməsi kimi hallar yoxlanılıb.

İstintaqın hazırkı mərhələsində əldə edilmiş sübutlarla yəni, şahid ifadələri, hadisə yerinə, müşahidə kameralarına baxış, meyitin xarici və daxili müayinə edilməsi, telefon məlumatları, məhkəmə-genetik, məhkəmə-tibbi və digər ekspertizaların rəyləri və başqa dəlillərlə müəyyən edilib ki, Elgün İbrahimova hər hansı kənar şəxs və ya şəxslər tərəfindən xəsarət yetirilməyib, ona qarşı heç bir zorakı hərəkətlərə yol verilməyib, o, hündürlükdən yıxılmaq nəticəsində aldığı çoxsaylı xəsarətlərdən ölüb.

Həmçinin müəyyən edilib ki, Elgün İbrahimov may ayının 12-də saat 16 radələrində hazırlıq kursundan çıxdıqdan sonra mobil telefonunu sataraq ayrı-ayrı şəxslərə olan pul borcunu qaytarıb.

Bundan sonra E.İbrahimov Gəncə şəhərində yerləşən “Naxış” çay evində tanışları ilə görüşüb birlikdə spirtli içki qəbul edib, saat 19:40-da həmin yeri onlarla birgə tərk edib Abbas Səhhət adına 1 saylı şəhər xəstəxanasının qarşısına qədər gələrək orada tanışlarından ayrılıb, həmin vaxt E.İbrahimovun üzərində hər hansı xəsarət izləri müşahidə edilməyib.

Daha sonra E.İbrahimov saat 20:17-də marketdən 2 qutu siqaret alıb əvvəllər də mütəmadi olaraq vaxt keçirdiyi Gəncə şəhəri, M.Xələfov 115 ünvanında yerləşən Texnologiya Universitetinin istifadəsiz yataqxanasına tək halda getmiş, qeyd olunan yataqxananın 5-ci mərtəbəsində məhəccərsiz eyvana çıxaraq, orada bir neçə siqaret çəkmiş və eyvandan torpaqla örtülmüş sərt səthi olan həyətə yıxılaraq çoxsaylı xəsarətlər almış, saat 22:52-də ərazidə olan gözətçi tərəfindən yerdə yaralı vəziyyətdə aşkar edilərək təcili tibbi yardım avtomaşını vasitəsilə xəstəxanaya təxliyə edilmiş, may ayının 13-də almış olduğu xəsarətlərdən xəstəxanada ölmüşdür.

Bir daha xatırladılır ki, istintaq aparılan dövrdə cinayət işləri üzrə məlumatların yayılması yalnız rəsmi dövlət qurumlarının təsdiqlədiyi informasiyalar əsasında həyata keçirilməli, xüsusilə cəmiyyətin həssaslıqla yanaşdığı məsələlərdə məsuliyyətli və qanunauyğun davranılmalıdır.

Mediadan, sosial şəbəkə istifadəçilərindən və ictimai fəallardan bu məsələdə yüksək həssaslıq göstərmələri, istintaqın gedişinə mane ola biləcək və cəmiyyətdə çaşqınlıq yarada biləcək informasiyaları yaymamaları xahiş olunur.

İbtidai istintaqın gedişatı və nəticəsi barədə ictimaiyyətə əlavə məlumat veriləcəkdir".

Xəbər verdiyimiz kimi, dünən Muay-Tay Federasiyasının sədri Araz Musayev Antalyada bıçaqlanıb.

Musavat.com görə, Araz Musayevə edilən hücumda 4 nəfər iştirak edib, onlardan biri Rusiyaya qaçıb.

Artıq bildirildiyi kimi, onlardan ikisi, Azərbaycan vətəndaşları Antalya hava limanında saxlanılıb. Üçüncü şübhəli Rusiyaya qaçmağı bacarıb, dördüncü şəxs isə hələ də axtarışdadır. Onun axtarışı davam edir.

Şübhəlilərin Türkiyəyə giriş tarixləri və onların icarəyə götürdüyü avtomobillər araşdırılıb. Polis bu qənaətə gəlib ki, dörd nəfərdən ibarət qrup əvvəlcədən planlaşdırılmış və qəsdən adam öldürmək məqsədilə hücumu həyata keçirmək üçün Türkiyəyə gəlib.

Polis əməkdaşları müəyyən ediblər ki, Araz Musayevi bıçaqlayan iki şübhəli hadisə yerindən taksi ilə uzaqlaşıb.

Qeyd edək ki, hadisə İFMA üzrə dünya çempionatının keçirildiyi Antalyada baş verib. Turnirdə Azərbaycandan 14 idmançı iştirak edir və nümayəndə heyətinə Araz Musayevin özü rəhbərlik edir.

Ötən gün Azərbaycan təmsilçilərindən biri yarımfinala yüksəlib. Lakin günorta saatlarında Musayevlə türkiyəli idmançı arasında münaqişə yaranıb. Təşkilatçıların səyi ilə qarşıdurma tez aradan qaldırılıb və yarış davam edib.

Lakin günorta fasiləsi zamanı Musayevlə Türkiyə nümayəndə heyətinin rəhbəri arasında yeni mübahisə başlayıb. Tərəflər idman kompleksinin kənarına çıxıblar və mübahisə fiziki toqquşmaya çevrilib.

Nəticədə Araz Musayev kürəyindən bıçaqlanıb. O, təcili olaraq xəstəxanaya çatdırılıb və əməliyyat olunub.

Son məlumata görə, Musayevin vəziyyəti sabit, lakin ağır olaraq qiymətləndirilir.

Azərbaycan Ordusu Xəznəvar yaşayış məntəqəsi istiqamətində atəş açmayıb.

Bu barədə Müdafiə Nazirliyindən bildirilib.

Bildirilib ki, mayın 29-da gecə saat 01:00-dan 01:15-dək Azərbaycan Ordusunun bölmələri tərəfindən guya Xəznəvar yaşayış məntəqəsi istiqamətində atəş açılması və yaşayış binasının ziyan görməsi barədə Ermənistan Müdafiə Nazirliyinin yaydığı məlumat növbəti dezinformasiyadır və həqiqəti əks etdirmir:

"Qarşı tərəf bu cür məqsədyönlü dezinformasiya və yalan məlumatlar yaymaqla beynəlxalq ictimaiyyətdə yanlış rəy formalaşdırmağa və növbəti təxribatlarına zəmin yaratmağa cəhd edir. Bildiririk ki, Azərbaycan Ordusunun bölmələri heç vaxt mülki əhaliyə və mülki obyektlərə atəş açmır".

Antalyanın Kəmər rayonunda keçirilən İFMA U23 Muaytay üzrə Dünya Çempionatı zamanı Azərbaycan Muaytay Federasiyasının prezidenti Araz Musayev 2 nəfər tərəfindən bıçaqlanıb.

"Unikal" xəbər verir ki, hadisəni törədənlər Azərbaycan vətəndaşlarıdır. Onlar hadisə yerindən taksi ilə Antalya hava limanına qaçıblar. Lakin polis azərbaycanlıları hava limanında saxlayıb.

Qeyd edək ki, hadisə Göynük bələdiyyəsində yerləşən Atatürk İdman Sarayında baş verib. Daxil olan məlumata görə, Atatürk İdman Sarayında keçirilən çempionat zamanı Azərbaycan Muaytay Federasiyasının prezidenti Araz Musayev iki şəxs tərəfindən bıçaqlanıb.

Araz Musayev sarayda olan sağlamlıq qruplarının ilkin yardımından sonra təcili yardımla Kəmər Dövlət Xəstəxanasına aparılıb. Burada edilən müdaxilədən sonra Musayev Antalya Şəhər Xəstəxanasına köçürülərək əməliyyat olunub. Onun müalicəsi davam edir.

Hadisə ilə bağlı Kəmər rayon Respublika Prokurorluğunun koordinasiyası ilə istintaq işləri davam etdirilir.

Muay Tay Federasiyasının prezidenti, 9 qat dünya çempionu Araz Musayev bıçaqlanıb.

“Qafqazinfo” “Unikal”a istinadən xəbər verir ki, hadisə Türkiyənin Antalya bölgəsində baş verib.

Bununla bağlı yayılan videoda A. Musayevə ətrafdakı şəxslər tərəfindən yardım edildiyi görünür. Hadisənin hansı şəraitdə baş verdiyi məlum deyil. 

A. Musayev Antalyada Kəmər Dövlət Xəstəxanasına yerləşdirilib, həkimlər onun vəziyyətini ağır qiymətləndirir.

Xatırladaq ki, A. Musayev barəsində mətbuatda bir neçə qalmaqallı məqalə yayımlanmışdı. Jurnalistləri hədələdiyi üçün Araz Musayev ötən il fövqəladə hallar orqanlarından xaric edilib.

***

Məlumata görə, hadisəni törətməkdə şübhəli bilinən iki nəfər hüquq-mühafizə orqanları tərəfindən saxlanılıb.

***

Azərbaycan Muay Tay Federasiyasının prezidenti, 9 qat dünya çempionu Araz Musayevin Türkiyədə bıçaqlanmasının təfərrüatı məlum olub.

“Oxu.az”ın məlumatına görə, Türkiyənin Antalya şəhərində keçirilən İFMA dünya çempionatına Azərbaycandan 14 nəfərlik heyət qatılıb.

Muay Tay Federasiyasının prezidenti Araz Musayev isə heyətə başçılıq edib.

Dünən keçirilən görüşdə Azərbaycan yığma komandasının üzvü yarımfinala yüksəlib. Bu gün günorta saatlarında keçirilən yarışda Araz Musayevlə türkiyəli idmançı arasında mübahisə yaranıb. Arenada yaranmış mübahisə çempionatın təşkilatçıları tərəfindən yatırılıb və turnir davam edib. Nahar fasiləsində türkiyəli nümayəndə heyətinin rəhbəri ilə Araz Musayev mübahisə edib və onlar arenanın binasından kənara çıxıb küçədə yenidən dalaşmağa başlayıblar.

Hadisə nəticəsində Araz Musayev kürək nahiyəsindən bıçaqlanıb. O, təcili xəstəxanaya çatdırılaraq əməliyyat olunub.

Hazırda Araz Musayevin səhhəti sabit-ağır qiymətləndirilir.

Video: Baku.ws

Gəncədə 11-ci sinif şagirdi Elgün İbrahimovun müəmmalı şəkildə dünyasını dəyişməsi ölkə ictimaiyyətini silkələdi. 15 gündən artıqdır ki, onun adı medianın və sosial şəbəkələrin gündəmindən düşmür.

Ölümün səbəbləri barədə yayılan versiyalar bir-birini təkzib etsə də, Elgünün ailəsi, yaxınları, elə cəmiyyət də bu olayın üstündən sirr pərdəsinin götürülməsini istəyir.

Elgün İbrahimov mayın 12-də Gəncə Dövlət Texnologiya Universitetinin tərk edilmiş yataqxanasında huşsuz halda aşkar olunub. Gələn məlumatlar, ardınca istintaqçıların gəldikləri qənaət budur ki, bu, yıxılma deyil.

Hələ ki, onun bədəni üzərində müəyyən olunan xəsarətlərin, çapılmış, kəsilmiş yaraların, küt əzilmələrin, 1 qabırğasının hansı şəraitdə sınmasının rəsmi izahı yoxdur. Onun meyitini müayinə edən məhkəmə tibb-ekspertləri də qənaətlərini, rəylərini ortaya çıxarmağa, istintaqa təqdim etməyə tələsmirlər.

Həmin rəy istintaqçılara Elgün İbrahimovun həyatına son qoyan xəsarətləri hansı vəziyyətdə alması və ya ona bu xəsarətlərin hansı şəraitdə yetirilməsi ilə bağlı çox ciddi istiqamət vermək gücündədir.

Hazırda gözlər Gəncə Prokurorluğundadır. Versiyalar isə hər gün bir az daha ağır, bir az daha ağrılı olur: intihar, döyülmə, qətl…

Yayılmış versiyaların əsas qayəsi budur: bu, planlaşdırılmış və izləri ört-basdır edilən bir zorakılıq cinayətidir.

Mərhumun üzərindəki xəsarətlər ölüm səbəbinin təbii olmadığını göstərir. Cəmi bir qabırğa sınığı, göz qapağında zədə, qan izlərinin olmaması, alın və burun nahiyəsinin zədəsiz qalması - bütün bu detalları “yüksəklikdən yıxılma” ilə izah etmək mümkün deyil.

Əgər Elgün 5 mərtəbəli binadan özünü atsaydı, çoxsaylı sınıqlar, kəllə-beyin travması, daxili qanaxmalar və sümük əzilmələri qaçılmaz olardı. Amma ortada belə izlər yoxdur. Əksinə, küt alətlə və ya əllə vurulmuş zərbələrin səbəb olduğu izlər mövcuddur. Bu da əsas versiyanı – qəsdən döyülmə və sonradan əraziyə gətirilmə ehtimalını daha da gücləndirir.

Elgünün anası Fizzə Zeynalova acısını sakitliklə danışır:

“Oğlum intihar etməzdi. Son zəngə hazırlaşırdı, rəqsə getmək istəyirdi. Əhvalı da yerində idi. Özünü atan adam bu qədər plan qurmaz…”

Bu sözlər ananın instinkti deyil. Çünki Elgünün həyatında depressiya, təhlükəli münasibət, ya da intihara aparacaq psixoloji travma izləri yoxdur. Ailə məhz buna görə “Onu döyüb öldürüblər”, deyir.

Elgün harada və kim(lər) tərəfindən döyülüb?

Onun yarıcan halda aşkarlandığı ərazidə nə üçün heç bir qan və ya süpürləşmə izləri tapılmayıb? Hadisə vaxtı ətrafda olan kameralarda Elgündən başqa kimlər olub? Cinayət yerinin dəyişdirilməsi təsadüfidirmi? Ekspertiza nəticələri nə üçün bu qədər gecikir? Elgün İbrahimovun telefonunda istintaqçılar iş üçün əhəmiyyətli video, foto, yazışma aşkarlayıblarmı?

Bu sualların cavabı Elgün İbrahimovun sirli ölümünün səbəbini ortaya qoya bilər.

Türkiyənin Iğdır vilayətində azərbaycanlılara məxsus nəqliyyat vasitəsi qəzaya uğrayıb.

İHA xəbər verir ki, səhər saatlarında Taşburun yolunda "Mitsubishi" markalı, 68-CA-524 Azərbaycan dövlət qeydiyyat nişanlı avtomobil idarəetmədən çıxaraq aşıb.

Hadisə nəticəsində nəqliyyat vasitəsində olan 5 nəfərdən 1-i ölüb, 4-ü isə yaralanıb.

Avtomobildə olan 5 nəfərin Azərbaycan vətəndaşı olduğu bildirilib.

Hadisəni görən vətəndaşlar dərhal aidiyyəti qurumlara məlumat verib.

Avtomobildə köməksiz vəziyyətdə qalan şəxslər xilas edilərək təcili tibbi yardım briqadasına təhvil verilib.

Yaralılar Iğdır dövlət xəstəxanasına yerləşdirilib.

Faktla bağlı araşdırma aparılır.