 |
|
Noyabrın 10-da imzalanmış Qaraba] razılaşmasına əsasən ermənilər 20 noyabra qədər Ağdamı tərk etməlidir.
“TRT Haber” xəbər verir ki, onlar 2 gün sonra tam boşaltmalı olduqları Ağdamda yanğınlar törətməyə başlayıblar.
Ermənilər qərargah kimi istifadə etdikləri yerləri, meşələri, evləri və otluq əraziləri yandırırlar.
Düşmən bütün bunları Kəlbəcərdə də etməyə davam edir.
Laçın - Ermənistanla Dağlıq Qarabağ arasındakı əsas yolun keçdiyi Azərbaycan şəhəridir. İkinci Qarabağ müharibəsinin sona çatmasına dair razılaşma şərtlərinə görə, Laçın rayonu dekabrın 1-dən Azərbaycanın nəzarətinə keçəcək, yalnız 5 km enində koridor Rusiya sülhməramlıları nəzarəti altında qalır.
Artıq erməni sakinlər şəhəri tərk edirlər.
Bu barədə BBC-nin Laçından hazırladığı reportajda bildirilir.
“Müharibə zamanı on minlərlə insan şəhəri tərk edib”, - deyə məqalədə əlavə edilib.
Məqalədə hətta şəhər “meri” Narek Aleksanyanın atasının qaçdığı da bildirilir. Kadrlarda onun əşyalarının maşına yığılması əks olunub.
İşğal etdikləri torpaqları əsl sahiblərinə təhvil vermək üçün tərk etməli olan ermənilərin vandallığı davam edir.
Oxu.az xəbər verir ki, xarici mətbuat nümayəndələrinin təqdim etdiyi müxtəlif reportajlardan onların evləri, ağacları yandırdığının şahidi oluruq.
Belə yanğın törədən erməni işğalçılarından biri deyir:
“Azərbaycanlılar gəlib yaşasınlar burada. Əgər yaşaya bilirlərsə”.
Noyabrın 18-də Bakıda və Abşeron yarımadasında buludlu hava şəraitinin üstünlük təşkil edəcəyi, gecə və səhər bəzi yerlərdə yağış yağacağı gözlənilir. Mülayim şimal-şərq küləyi əsəcək.
Milli Hidrometeorologiya Xidmətindən verilən məlumata görə, havanın temperaturu Bakıda və Abşeron yarımadasında gecə 5-7, gündüz 7-9 dərəcə isti olacaq. Atmosfer təzyiqi normadan yüksək 771 mm civə sütunundan 776 mm civə sütununa yüksələcək, nisbi rütubət 70-80 faiz təşkil edəcək.
Azərbaycanın rayonlarında arabir yağış, dağlıq və dağətəyi rayonlarda qar yağacağı gözlənilir. Bəzi yerlərdə intensiv olacağı ehtimalı var. Arabir duman olacaq. Mülayim şərq küləyi əsəcək. Havanın temperaturu gecə 3-7, gündüz 8-11, dağlarda gecə 2-6 dərəcə şaxta, gündüz 1-3 dərəcə isti olacaq.
Tibbi-meteoroloji proqnoz:
Noyabrın 18-19-da Abşeron yarımadasında meteoroloji amillərin mülayim tərəddüdü və iqlim normasına yaxın temperatur rejimi gözlənilir ki, bu da meteohəssas insanlar üçün əsasən əlverişlidir.
Qarabağda evləri tərk edib gedən erməni xalqı çıxdıqları yerlərdə tələlər qururlar.
Sosial şəbəkələrdə yayılan bir videoda görünür ki, düşmən qapalı bir məkanda qumbaradan tələ hazırlayıb. Qumbaranın alışdırıcısını isə iplə qapıya bağlayan ermənilərin məqsədləri içəri daxil olan əsgərlərimizi partlatmaq olub.
Lakin təcrübəli hərbçilərimiz vaxtında partlayıcını zərərsizləşdirə bilib.
Həmin kadrları təqdim edirik.
“İl-76” təyyarələri ilə Ulyanovsk-Vostoçnı aerodromundan Rusiya Silahlı Qüvvələrinin sülhməramlı briqadasının mühəndis-istehkamçı bölmələrinin xüsusi texnika və avadanlığı Dağlıq Qarabağa gətirilir.
Bu barədə Rusiya Müdafiə Nazirliyi məlumat yayıb.
Məlumatda qeyd edilir ki, minaaxtaranlar Qarabağ münaqişəsi zonasında ərazilərin, yolların və obyektlərin minalardan təmizlənməsi tapşırıqlarını yerinə yetirəcəklər.
Bundan əlavə, onlar təchizat və evakuasiya marşrutlarının hazırlanması, suyun təmizlənməsi və digər mühəndis dəstəyi vəzifələrini təmin edəcəklər.
Partlayıcı maddələrin aşkarlanması və axtarışı prosesində xidməti itlərin istifadəsi də nəzərdə tutulub.
II Qarabağ müharibəsində ermənilər minlərlə hərbçilərini itiriblər.
Bu erməni ictimaiyyətindən gizlədilməyə çalışılsa da əsgər yaxınlarının keçirdiyi etiraz aksiyaları nəticəsində minlərlə hərbçinin adlarının açıqlanmadığı və ölüm hallarının gizlədildiyi gün üzünə çıxıb. Hazırda erməni hərbçilərinin ölüm sayı rəsmi olaraq 2500-ə çatıb.
"Agence France-Presse"nin (AFP) müxbiri Xankəndi yaxınlığındakı hərbi hissənin yanında çəkdiyi erməni ordusuna məxsus dəbilqələrin yığınını isə real mənzərəni ortaya qoyub.
Fotonu təqdim edirik:
Ermənilərin əsir götürdükləri azərbaycanlı əsgərə işgəncə verməsi ilə bağlı görüntülər yayılıb.
Video sosial şəbəkədə paylaşılıb.
Videoda Amin Musayev adlı azərbaycanlı əsgərin yaralı halda əsir götürüldüyü, harasa aparıldığı əks olunub. Əsgərimiz dəfələrlə hara aparıldığını soruşsa da, ermənilər buna söyüşlə cavab verib.
Daha sonra düşmən hərbçilərindən biri A.Musayevin yarasının üzərini basıb.
Həmin görüntüləri təqdim edirik:
Erməni işğalçılarının vandalizmi bizi hər gün daha çox dəhşətə gətirir.
Ermənistan mətbuatının yazdığına görə, Kəlbəcəri tərk edən ermənilər ağacları kəsərək yük maşını ilə Ermənistana daşıyırlar.
Kəlbəcərin Ermənistan silahlı qüvvələri tərəfindən işğalından sonra buraya yerləşdirilmiş ermənilər rayonu tərk edirlər.
APA xəbərinə görə, Kəlbəcəri tərk edən ermənilər yaşadıqları evlərin qapı və pəncərələrini söküb özləri ilə aparırlar. Onlardan bəziləri hətta evlərinə od vurub yandırır.
Kəlbəcərdən reportaj hazırlayan "BBC News”un Moskva müxbiri Stiv Rozenberqə danışan ermənilər yaşadıqları evlərdə azərbaycanlıların yaşamaması üçün bu addımı atdıqlarını bildiriblər.
Kəlbəcərdən ermənilərin köçü ilə bağlı "Sputnik Armenia” da material yayımlayıb. "Sputnik Armenia"nın çəkiliş qrupunun məlumatına görə, Kəlbəcəri tərk edən ermənilər sözün həqiqi mənasında evləri, dükanları, elektrik yarımstansiyaları söküb dağıdırlar.
Ermənilər çoxlu sayda mikroavtobus və yük maşınlarında daşına bilən hər şeyi – ev əşyalarını, mebelləri, heyvanları aparırlar.
"Sputnik Armenia”nın da əməkdaşları ermənilərin yaşadıqları evlərə od vurduqlarını qeyd ediblər.
Xatırladaq ki, Azərbaycan Prezidenti İlham Əliyev, Ermənistanın Baş naziri Nikol Paşinyan və Rusiya Prezidenti Vladimir arasında imzalanmış bəyanata əsasən, Ermənistan Respublikası 15 noyabr 2020-ci il tarixinədək Kəlbəcər rayonunu, Ağdam rayonunu 20 noyabr 2020-ci il tarixinədək və 1 dekabr 2020-ci il tarixinədək isə Laçın rayonunu Azərbaycan Respublikasına qaytarmalıdır.