"Yol-xeber.az" demokrat.az-a istinadən xəbər verir ki, Ramiz Mehdiyev 1 həftədir ki, koronavirusa yoluxub və müalicə alır.

Vəziyyətinin ağır olduğu bildirilir.

Məlumatı dəqiqləşdirmək üçün AMEA ilə əlaqə saxlasaq da, sorğumuza cavab verilməyib.

"Yol-xeber.az" BAKU.TV-yə istinadən xəbər verir ki, Nəsimi RPİ 19-cu polis şöbəsindən Məsud Müzəffərovun Cavadxan küçəsində yerləşən mağazada satıcı işləyən, keçmiş arvadı Aytəkin Müzəffərovanın üzərinə yandırıcı mayeni tökərək, yandırması faktı barədə məlumat daxil olub.

Faktla bağlı Nəsimi rayonn Prokurorluğunda Cinayət Məcəlləsinin 120.2.4-cü (xüsusi amansızlıqla qəsdən adam öldürmə) cinayət işi başlanılıb.

Təyin olunan məhkəmə-tibbi ekspertizasının rəyində göstərilib ki, 1993-cü il təvəllüdlü Aytəkin Müzəffərovnın bədən səthində 75-80%-ni əhatə edən ağır dərəcəli yanıq sahələri aşkar olunub. Onun ölümünə - yanıq şoku səbəb olub.

İstintaqla müəyyən edilib ki, Məsud Müzəffərov arvadı Aytəkin Müzəffərovanın, onunla rəsmi nigahda olduğu halda 2017-ci il aprelin 21-də Türkiyə Respublikasına gedib, orada ona xəyanət etməsini düşünərək, qadını qisas niyyəti ilə öldürmək qərarına gəlib.

2018-ci il mayın 24-də yoldaşının işlədiyi Cavadxan küçəsi, ev 40, mənzil 76 ünvanında yerləşən təsərrüfat təyinatlı mallar satılan mağazada işdə olduğunu dəqiqləşdirdikdən sonra, Məsud təxminən 1 litr benzin olan qabı götürüb, saat 16 radələrində ora gedib.

Aytəkinin başına yanacağı töküb, alışqanı yandırıb od vurmaqla, habelə seçdiyi üsulla mağazada olan digər şəxslərin də həyat və sağlamlığı üçün açıq təhlükə törətdiyini dərk edərək, qadını xüsusi amansızlıqla qəsdən öldürüb.

İş üzrə dindirilmiş Məsud Müzəffərov bildirib ki, 2009-cu ildə Aytəkin Cəfərova ilə evlənib. Nigahdan bir övladları olub. 2017-ci il aprelin 20-də arvadını xəstəliyi ilə əlaqədar, sonuncunun istəyi ilə yol maşını ilə Bakıya göndərib.

Lakin 1-2 gündən sonra o, öyrənib ki yoldaşı Türkiyəyə gedib. Onun yoxa çıxması ilə bağlı Nizami RPİ-nə müraciət edib.

Aytəkinin mobil nömrəsinə daxil olan zəngləri çıxardıb və onun Türkiyədə istifadə olunan bir nömrə ilə əlaqədə olduğunu öyrənib.

Həmin nömrənin sahibinin Əhməd adlı şəxs olmasını öyrənib. Mayın 4-də arvadı Bakıya qayıdıb. Onun gəlməsini dəqiqləşdirmək üçün avtovağzala gedib və səhər saat 7 radələrində Aytəkini İstanbul avtobusundan düşən görüb.

Gələndən sonra o "Memar Əcəmi" metrosu yaxınlığında anası və qardaşları ilə birlikdə yaşayıb. Bu hadisədən sonra rayonda qala bilməyib, dost-tanışdan utanıb. Noyabr ayından Nəsimi rayonunda xalasıoğlu ilə birlikdə kirayə evdə yaşayıb.

Aytəkin gələndən sonra, onunla görüşmək və danışmaq imkanı olmayıb. Arvadı boşanmaq üçün Masallı rayon məhkəməsinə ərizə verib və 2018-ci il yanvarın 25-də onlar boşanıblar.

Yoldaşına qarşı qəlbində qəzəb yaranıb. Əvvəl onu bıçaqla vurmaq istəyib. Lakin sonra sifətini yandıraraq, üzündə silinməz ləkələr qalmasına qərar verib. 1 litrə yaxın benzin alıb və qabı torbaya büküb, evdə saxlayıb.

Qeyd edək ki, hadisədən bir ay əvvəl Aytəkin 19-cu polis şöbəsinə şikayət edərək, ərizədə onu döydüyünü göstərsə də, bu öz təsdiqini tapmayıb. Mayın 23-də Cavadxan küçəsi ilə hərəkət edərkən, təsadüfən arvadının mağazalardan birində işlədiyini görüb.

Səhərisi gün saat 14 radələrində mağazaya daxil olub salfet alıb, ora getməyinə səbəb qadını görmək olub, əslində nəsə almaq niyyəti olmayıb.

Onunla 7-8 dəqiqə söhbət edib, uşağı ilə görüşmək imkanı verməsini istəyib. Sonra evə gedib, benzinlə dolu qabı götürən Məsud saat 17 radələrində mağazanın qarşısına gəlib.

Ordan Aytəkinin hərəkətlərini izləyib, sonuncunun yanında olan müştəri uzaqlaşan kimi, gözlənilmədən mağazanın içərisinə iti addımlarla girərək, yanacağı yoldaşının üzərinə, əsasən də başının arxa hissəsinə töküb.

Qadın müqavimət göstərməyə çalışsa da, buna imkan verməyib və ona alışqanla od vurub mağazadan uzaqlaşıb.

Daha sonra o 19-cu şöbəyə gedib və Aytəkini yandırdığınıni bildirib. Məsud Müzəffərov qeyd edib ki, arvadını yandırmasına səbəb ona xəyanət edərək Türkiyəyə getməsi olub, Aytəkini alimenti ödəməmək üçün öldürməyib.

Bu niyyətindən kənar şəxslərin xəbəri olmayıb. Əməlinə görə peşman olub.

Nəsimi RPİ 19-cu PŞ-dən daxil olmuş məktubdan görünüb ki, keçirilmiş əməliyyat-axtarış tədbirləri zamanı müəyyən edilib ki, Məsud və Aytəkin Müzəffərovların arasında qısqanclıq zəmnində mübahisə olub. Ailəli olduqları halda qadın Türkiyəyə gedib, orda türk vətəndaşı ilə tanış olub.

Bir müddətdən sonra Bakı şəhərinə qayıtıb və həmin vaxtdan onlar ayrı yaşayıb. Məsud Müzəffərov bu halı qəbul edə bilmədiyi üçün arvadının üzərinə benzin töküb, yandırıb.

Zərərçəkmiş şəxsin hüquqi varisi Kamran Cəfərzadə qeyd edib ki, bacısı Aytəkin işləmək və Məsudla birlikdə yaşamamaq üçün Türkiyəyə gedib, o yoldaşına xəyanət etməyib və Əhməd adlı şəxsi tanımayib.

Məsud arvadının, ondan ayrılmasını qəbul edə bilməyib. Boşanandan sonra Aytəkin ərindən dəfələrlə, aliment ödəməsini xahiş edib.

Bakı Ağır Cinayətlər Məhkəməsinin hökmü ilə M.Müzəffərov 18 il müddətinə azadlıqdan məhrumetmə cəzasına məhkum olunub.

"Yol-xeber.az" APA TV-yə istinadən xəbər verir ki, həmin qadının Daşkəsən rayonunda qeydiyyatda olmaqla Gədəbəy rayon İvanovka kəndində yaşayan, 1934-cü il təvəllüdlü Səkinə Həsənova olması müəyyən edilib.

Polis əməkdaşları onun yerini həmin kənd ərazisində gəzərkən aşkar ediblər. Hazırda həmin görüntülər əsasında qadını bağlayan şəxs və ya şəxslərin kimliyinin müəyyən edilməsi istiqamətində araşdırmalar aparılır.

Qonşuların sözlərinə görə, ahıl qadın ər-arvad olan dayısı oğlu və xalası qızıyla yaşayıb. 1988-ci ildən İvanovka kəndində yaşayan Səkinə Həsənovaya son iki ildə kənd camaatı baxıb. Son iki ayda isə kənddə gözə dəyməməsini görən kənd sakinləri icra nümayəndəliyinə məlumat veriblər:

Ahıl qadının şiddət görməsi ilə bağlı paylaşılan görüntülər dərhal Sosial Xidmətlər Agentliyi tərəfindən nəzarətə götürülüb və araşdırılıb. Agentliyin 26 saylı filialının əməkdaşları Gədəbəy Rayon Polis Şöbəsinin əməkdaşları ilə birgə dərhal həmin ünvanda vəziyyətlə yerindəcə tanış olublar. Qohumu Qəzənfər adlı şəxsin yanında qaldığı bildirilən və kobud rəftara məruz qalan vətəndaş Səkinə Həsənova hüquq-mühafizə orqanı əməkdaşlarının iştirakı ilə saxlanıldığı yerdən götürülüb. O, Sosial Xidmətlər Agentliyinin müvafiq müəssisəsinə yerləşdirilib.

"Yol-xeber.az"ın xəbərinə görə, işə Bakı Ağır Cinayətlər Məhkəməsində hakim Əfqan Hacıyevin sədrliyi ilə baxılacaq.

Məhkəmənin vaxtı hələlik məlum deyil.

Bu iş üzrə 14 erməni terrorçusu ittiham olunur. Onlardan yalnız ikisinin - Avakyan Qraç Arzumanoviç, Serobyan Geğam Samveloviçin adları məlum idi. Digərləri isə Baqasyan Armen Yegizari, Qasparyan Qor Vaqramini, Sefilyan Kamo Karenoviç, Hakobyan Volodiya Vaçaqani, Asetryan Gevorq Norairoviç, Yenqoyan Sisak Qrişai, Petrosyan Albert Kamoyeviç, Sedrakyan Romik Misakini, Minasyan Aram Qarnikoviç, Minosyan Mkrtıç Simonoviç, Matesyan Edqar Vaçaqanoviç və Karapetyan Yuri Tiqranoviçlərdir.

Xatırladaq ki, 10 noyabr 2020-ci ildə tarixdə Azərbaycan, Rusiya və Ermənistan arasında imzalanmış üçtərəfli bəyanatla atəşkəsin elan olunmasından sonra Azərbaycan Respublikasının ərazisinə qanunsuz olaraq gizli yollarla keçib Xocavənd rayonunun Hadrut qəsəbəsinin şimal-qərb hissəsində meşəlik ərazidə mövqe tutaraq hərbi qulluqçularımıza və mülki şəxslərə qarşı terror-təxribat və digər cinayət əməlləri törədən erməni silahlı dəstələrinin Dövlət Təhlükəsizliyi Xidməti tərəfindən 13 dekabr 2020-ci il tarixdə keçirilmiş anti-terror əməliyyatı nəticəsində tərksilah edilmiş üzvləri barəsində DTX-nin İstintaq Baş idarəsində başlanmış cinayət işi üzrə ibtidai istintaq yekunlaşıb.

Aparılmış istintaqla müəyyən edilib ki, Ermənistan Respublikasının vətəndaşlarından ibarət bir qrup şəxs qanunsuz şəkildə odlu silah, onun komplekt hissələrini, döyüş sursatı, partlayıcı maddələr və qurğular əldə edərək qanunvericiliklə nəzərdə tutulmayan silahlı birləşmələr yaradıblar. Həmin birləşmələrin üzvləri 26-27 noyabr 2020-ci il tarixdə Azərbaycan Respublikasının dövlət sərhədini qanunsuz olaraq mütəşəkkil dəstə halında keçməklə Xocavənd rayonunun Hadrut qəsəbəsinin şimal-qərb hissəsində meşəlik və digər ərazilərində döyüş mövqeləri tutaraq 13 dekabr 2020-ci il tarixədək olan müddət ərzində ölkə ərazisində yerləşən müəssisə, idarə, təşkilatlara, habelə ayrı-ayrı şəxslərə silahlı basqınlar etmiş, ictimai təhlükəsizliyi pozmaq, əhali arasında vahimə yaratmaq, Azərbaycan Respublikasının dövlət hakimiyyət orqanları və beynəlxalq təşkilatlar tərəfindən qərar qəbul edilməsinə təsir göstərmək məqsədilə insanların həlak olması, onların sağlamlığına zərər vurulması, əhəmiyyətli əmlak ziyanının vurulması və başqa ictimai təhlükəli nəticələrin baş verməsi təhlükəsi yaradan partlayış, yanğın və digər terror əməlləri törədiblər.

Sadalanan faktlarla bağlı qanunsuz silahlı birləşmənin üzvləri Avakyan Qraç Arzumanoviç, Serobyan Geğam Samveloviç və digərlərinin, ümumilikdə 14 təqsirləndirilən şəxsin Azərbaycan Respublikası Cinayət Məcəlləsinin 214.2.1, 214.2.3-cü (terrorçuluq, qabaqcadan əlbir olan bir qrup şəxs, mütəşəkkil dəstə və ya cinayətkar birlik (cinayətkar təşkilat) tərəfindən odlu silahdan və silah qismində istifadə olunan predmetlərdən istifadə etməklə törədildikdə), 228.3-cü (mütəşəkkil dəstə tərəfindən qanunsuz olaraq silah, onun komplekt hissələrini, döyüş sursatı, partlayıcı maddələr və qurğular əldə etmə, başqasına vermə, saxlama, daşıma və gəzdirmə), 279.2-ci (qanunvericiliklə nəzərdə tutulmayan silahlı birləşmələrin və ya qrupların tərkibində müəssisələrə, idarələrə, təşkilatlara və ya ayrı-ayrı şəxslərə basqın etmə) və 318.2-ci (qabaqcadan əlbir olan bir qrup şəxs və ya mütəşəkkil dəstə tərəfindən Azərbaycan Respublikasının dövlət sərhədini qanunsuz olaraq keçmə) maddələri ilə ittiham olunmalarına dair cinayət işinin istintaqı yekunlaşdırılaraq Azərbaycan Respublikası Baş Prokurorunun müavini tərəfindən təsdiq edilmiş ittiham aktı ilə birlikdə baxılması üçün məhkəməyə göndərilib.

Bakı Hərbi Məhkəməsində hakim Elbəy Allahverdiyevin icraatında olan cinayət işi üzrə məhkəmənin hazırlıq iclası keçiriləcək.

Qeyd edək ki, Azərbaycanın Dağlıq Qarabağ bölgəsində qanunsuz fəaliyyət göstərən erməni separatçı rejiminin silahlı birləşmələri və Ermənistan Respublikasının Silahlı Qüvvələri tərəfindən Azərbaycan Respublikasının işğal altında olmuş ərazilərində azərbaycanlılara qarşı törədilmiş sülh və insanlıq əleyhinə, müharibə cinayətləri ilə bağlı Azərbaycan Respublikası Cinayət Məcəlləsinin müxtəlif maddələri ilə Hərbi Prokurorluqda cinayət işinin istintaqı zamanı əsirlərin və beynəlxalq humanitar hüquqla müdafiə olunan digər şəxslərin girov saxlanması, onlara işgəncə verilməsi, qəddar və qeyri-insani rəftar edilməsi faktları müəyyən olunub.

Belə ki, istintaqla müəyyən edilib ki, Ermənistan Respublikasının vətəndaşı, 1969-cu il təvəllüdlü Mkrtiçyan Lüdvik Mkrtiçoviç Azərbaycan Respublikasının Dağlıq Qarabağ bölgəsində yaşayan, habelə Ermənistan Respublikasından gəlmiş millətçi ermənilərdən ibarət yaradılmış silahlı qrupların fəaliyyətində iştirak edib onlarla qabaqcadan əlbir olan bir qrup şəxs halında cinayət əlaqəsinə girərək 1991-ci ilin iyul ayında Xocalı şəhəri yaxınlığındakı “Ballıca” adlandırılan meşədə girov götürüb qanunsuz olaraq azadlığı məhdudlaşdırılan Azərbaycan vətəndaşına, habelə 13 sentyabr 1999-cu il tarixdə Goranboy rayonunun Tapqaraqoyunlu kəndi ərazisində girov götürülərək Ermənistan Respublikasının İrəvan şəhərinə gətirilmiş və həmin şəhərdə yerləşən hərbi hissələrin birində qanunsuz saxlanılan mülki şəxsə Ermənistan xüsusi xidmət orqanlarının əməkdaşları tərəfindən sorğu-sual edilən zaman tərcüməçi kimi iştirak edərkən işgəncə verib.

İstintaqla o da müəyyən olunub ki, Lüdvik Mkrtiçyan tərəfindən daha 11 nəfər əsir götürülüb. Azərbaycan vətəndaşının müxtəlif vaxtlarda Xocavənd və Ağdərə rayonları ərazisində, Şuşa həbsxanasında və Ermənistanın İrəvan şəhərində qanunsuz saxlanıldığı yerlərdə döyülərək müxtəlif xarakterli işgəncələrə məruz qaldığı və Müdafiə Nazirliyinin N saylı hərbi hissəsinin hərbi qulluqçusunun avtomat silahdan atəş açılaraq öldürüldüyü müəyyən edilib.

Lüdvik Mkrtiçyan 20 oktyabr 2020-ci il tarixdə Füzuli rayonunun Məlikcanlı kəndi ərazisində Azərbaycan Silahlı Qüvvələrinin hərbi qulluqçuları tərəfindən saxlanılaraq ələ keçirilib.

Aparılan istintaq tədbirləri nəticəsində Lüdvik Mkrtiçyanla birlikdə azərbaycanlılara qarşı amansız rəftar edərək onlara işgəncələr vermiş Ermənistan Respublikasının vətəndaşı, 1967-ci il təvəllüdlü Xosrovyan Alyoşa Aramaisoviçin də cinayətkar əməlləri ifşa olunub.

İstintaqla Alyoşa Xosrovyanın 5 nəfər azərbaycanlıya əsirlikdə olduqları müddətdə işgəncə verməsi, onlarla qəddar və qeyri-insani rəftar etməsi müəyyən edilib.

Belə ki, Alyoşa Xosrovyan 1994-cü ilin aprel ayında Müdafiə Nazirliyinin N saylı hərbi hissəsinin əsir düşmüş sabiq əsgərini Xocavənd rayonunun Mısmına (Ağbulaq) kəndindəki yaşayış evlərinin birində qanunsuz olaraq saxlanılan zaman, qondarma Dağlıq Qarabağ Respublikasının Müdafiə naziri Babayan Samvel Andranikoviç üçün həmin kənddə evin tikintisində ağır işlərin görülməsinə məcbur edib ona müxtəlif dərəcəli xəsarətlər yetirib.

Bundan başqa, Alyoşa Xosrovyan Azərbaycan Silahlı Qüvvələrinin 1993-1994-cü illər ərzində əsir düşərək Şuşa şəhər həbsxanasında qanunsuz olaraq saxlanılan əsgərlərinə qarşı da xüsusi qəddarlıq nümayiş etdirərək onlara mütəmadi olaraq döymə, ac-susuz saxlama, fiziki və psixi iztirablar yetirməklə işgəncə verib.

Alyoşa Xosrovyan Azərbaycan Respublikasının ərazisində kəşfiyyat xarakterli hərəkətlər apararkən 03 oktyabr 2020-ci il tarixdə Azərbaycan silahlı bölmələrinin hərbi qulluqçuları tərəfindən ələ keçirilib.

Lüdvik Mkrtiçyan və Alyoşa Xosrovyanın Cinayət Məcəlləsinin 113 (işgəncə), 115.2 (müharibə qanunlarını və adətlərini pozma), 279.1 (qanunvericiliklə nəzərdə tutulmayan silahlı birləşmələri və ya qrupları yaratma), 318.2 (Azərbaycan Respublikasının dövlət sərhədini qanunsuz olaraq keçmə) və digər maddələri ilə nəzərdə tutulan cinayətləri törətmələrinə əsaslı şübhələr müəyyən edildiyindən onlara həmin maddələr üzrə ittiham elan edilməklə barələrində məhkəmənin qərarı ilə həbs qətimkan tədbiri seçilib.

20.05.2021-ci il tarixdə tarixdə iş üzrə ittiham aktı təsdiq edilərək baxılması üçün Bakı Hərbi Məhkəməsinə göndərilib.

Hazırda cinayət işi üzrə digər şəxslərin cinayətkar əməllərinin ifşa edilərək məsuliyyətə cəlb olunması istiqamətində kompleks tədbirlər davam etdirilir.

Azərbaycan Respublikası Baş Prokurorluğu bəyan edib ki, Ali Baş Komandan İlham Əliyevin tapşırıq və tövsiyələrinə uyğun olaraq törədildiyi vaxtdan asılı olmayaraq sülh və insanlıq əleyhinə, müharibə cinayətləri törətmiş şəxslərin müəyyən edilərək cinayət məsuliyyətinə cəlb edilməsi təmin ediləcək.

"Yol-xeber.az" xəbər verir ki, bu görüntüləri “Azərbaycan Uşaqları” İctimai Birliyinin sədri Kəmalə Ağazadə yayıb.

Görüntülərdə qeyd edilir ki, 85 yaşlı Səkinə adlı qadın Gədəbəy rayonunun İvanovka kəndində tövlədə boğazı və əlləri bağlı vəziyyətdə saxlanılır. 

Bildirilir ki, Qadın Qəzənfər adlı şəxs tərəfindən şiddətə və işgəncəyə məruz qalır.

Məsələ ilə bağlı Daxili işlər Nazirliyi ilə əlaqə saxladıq.

DİN-in mətbuat xidmətinin Gəncə regional qrupunun baş inspektoru, polis baş leytenantı Eşqin Qasımov Oxu.Az-ın sorğusuna cavab olaraq bildirib ki, video ilə bağlı müvafiq araşdırma aparılır:

“Nəticəsi barədə tezliklə məlumat veriləcək”.

"Yol-xeber.az" Xəzər TV-yə istinadən xəbər verir ki, məhkəmədən gələn məktubda qeyd olunan məbləğ onu şoka saldı. Sənəddə dövlətə 261 min manat borcu olduğu yazılıb.
Xətai rayon sakini Nicat Səfərov aldadılaraq 5 şirkətin qanuni nümayəndəsi təyin edilməsindən və bu şirkətlərin vergi borclarının onun adına yazılmasından şikayətçidir. Deyir ki, təhsil aldığı peşə liseyində qrup yoldaşı olmuş Yusif İsmayılov 2018-ci ildə onun adına VÖEN hesabı açılmasını təklif edib.

Daha sonra Nicat Səfərovdan etibarnamə alınıb və onun adından müəyyən sənədləşmə işləri aparılıb. 6 ay sonra Xətai Məhkəməsinin göndərdiyi 261 min manatlıq borc sənədi Nicatı sanki yuxudan oyadıb...

4 dəfə ayrı-ayrı vaxtlarda vergi borcunun olması ilə bağlı Vergilər Xidmətindən ona bildiriş göndərilsə də, Nicat Səfərov bu bildirişlərdən xəbərsiz olduğunu iddia edir. Mövzu ilə bağlı məsələdə adı hallandırılanlardan biri - Yusif İsmayılovla əlaqə saxladıq. O, əvvəlcə müsahibə vermək üçün görüş yeri təyin etsə də, sonradan telefon zənglərinə belə cavab vermədi.
Digər iki şəxs - Çələbi Məmmədov və Ayaz Adıgözəlovla isə əlaqə saxlamaq mümkün olmadı.
Hüquqşunas Kamandar Hüseynov deyir ki, belə vəziyyətdə Nicat Səfərov üzərindən əməliyyat aparılan şirkətlərin fəaliyyətindən xəbərsizdirsə və yalnız kağız üzərində bu şirkətlərin rəhbəri kimi qeyd olunubsa, bu zaman o, işin araşdırılması üçün Dövlət Vergilər Xidmətinə müraciət etməlidir.

Kamandar Hüseynov bildirdi ki, əgər Nicat Səfərov vergi orqanları qarşısında qeyd edilən məsələləri sübuta yetirə biləməsə, bu zaman onun barəsində cinayət məcəlləsinin 306-cı maddəsi ilə cinayət işi başlanacaq. Ona 2 ildən 5 ilə qədər azadlıqdan məhrumetmə cəzası verilə bilər.