 |
|
“VAZ-2107” markalı avtomobilin sürücüsü, Abşeron rayon sakini R.Dadaşov saxlanılıb
Bakıda hadisə yerindən yayınan sürücü saxlanılıb.
Daxili İşlər Nazirliyinin (DİN) mətbuat xidmətindən APA-ya verilən məlumata görə, Binəqədi Rayon Polis İdarəsinin 40-cı Polis Bölməsinin əməkdaşlarının keçirdikləri əməliyyat-axtarış tədbirləri nəticəsində yanvarın 1-də Ziya Orucovun ölümü və H.Ağayevin xəsarət alması ilə nəticələnən yol-nəqliyyat hadisəsini törədərək hadisə yerindən yayınmaqda şübhəli bilinən “VAZ-2107” markalı avtomobilin sürücüsü, Abşeron rayon sakini R.Dadaşov saxlanılıb.
Faktla bağlı araşdırma aparılır.
Yaralılar xəstəxanaya çatdırılıb
Bu gün saat 03:45 radələrində “Azərbaycan Dəmir Yolları” QSC-nin Qala stansiyasında yol-nəqliyyat hadisəsi baş verib.
“Report” quruma istinadən xəbər verir ki, Mais Mustafa oğlu Kərimovun idarə etdiyi 90-JB-417 dövlət nömrə nişanlı təcili tibbi yardım maşını stansiyanın yaxınlığındakı qorunmayan dəmir yolu keçidindən keçməyə cəhd göstərib.
Bu zaman nəqliyat vasitəsi yolla hərəkət edən lokomotivlə toqquşub. Hadisə nəticəsində təcili tibbi yardım maşınının sürücüsü Mais Kərimov, həkim Zərifə Məmməd qızı Süleymanova, feldşer Bayram Kamal oğlu Nəsibov müxtəlif dərəcəli bədən xəsarətləri alıblar. Təcili tibbi yardım maşınına da ziyan dəyib. Yaralılar xəstəxanaya çatdırılıb.
Qəzanın nəticələri saat 06:45-də aradan qaldırılıb və qatarların hərəkəti bərpa olunub.
İlkin araşdırma nəticəsində məlum olub ki, təcili yardım maşınının sürücüsü “Yol hərəkəti haqqında Qanun”un 44-cü maddəsinin tələblərini pozub. Hazırda faktla bağlı araşdırmalar davam etdirilir.
Qəza yerinə YPX əməkdaşları cəlb olunub, araşdırma aparılır
Bakının Nərimanov rayonu, Heydər Əliyev prospektində yol qəzası baş verib. Avtosfer.az APA-ya istinadən xəbər verir ki, Nurlan Əliyevin idarə etdiyi "VAZ 2107" markalı avtomobillə Ceyhun İzbatovun idarə etdiyi "Daewoo" markalı avtomobil toqquşub. Hadisə nəticəsində yaralanan olmasa da, avtomaşınlara ciddi ziyan dəyib.
Qəza yerinə YPX əməkdaşları cəlb olunub, araşdırma aparılır.
Kürdəmir rayonunda ağır yol-nəqliyyat hadisəsi baş verib.
"Ölkə.Az"ın eport-a istinadən xəbərinə görə, Bakı-Qazax magistral yolunun rayon ərazisindən keçən hissəsində “Coca-Cola” şirkətinə məxsus yük avtomobili, hərəkətdə olan zaman sürücü idarəetməni itirib və avtomobil eyni istiqamətdə hərəkətdə olan digər yük maşını ilə toqquşub. Zərbənin gücündən hər iki yük maşını aşıb. Şirkətə məxsus avtomobildə olan içkilər ətrafa səpələnib.
Hadisə nəticəsində hər iki avtomobilin sürücüsünün xəsarət aldığı bildirilir.
Faktla bağlı araşdırma aparılır.
Faktla bağlı araşdırma aparılır
Xaçmaz rayonunda yol qəzası baş verib
"Report"un Şimal bürosunun məlumatına görə, hadisə Xaçmaz-Bakı avtomobil yolunda qeydə alınıb.
Belə ki, "Mercedes", "Lexus" markalı avtomobillərlə Şabran-Xaçmaz marşrutu üzrə hərəkət edən avtobus toqquşub. Nəticədə "Mercedes"in sürücüsü və sərnişini müxtəlif dərəcəli bədən xəsarətləri alıb.
Faktla bağlı araşdırma aparılır.
Faktla bağlı araşdırma aparılır
Şəki rayonunda yol qəzası baş verib. Yol-xeber.az-ın "Report"a istinadən məlumatına görə, hadisə günorta saatlarında rayonun Kiş kəndi ərazisində qeydə alınıb. Belə ki, 1999-cu il təvəllüdlü Röyal Bayramov "Niva" markalı avtomobillə hərəkətdə olarkən idarəetməni itirib və maşın yol kənarındakı su ötürücüsünün betonuna çırpılıb. Sürücü sol çiyinin parçalanmış yarası ilə Şəki Rayon Mərkəzi Xəstəxanasına çatdırılıb. Hazırda xəstənin vəziyyəti orta-ağır olaraq qiymətləndirilir.
Faktla bağlı araşdırma aparılır.
Faktla bağlı araşdırma aparılır
Bakının Xətai rayonunda yol-nəqliyyat hadisəsi qeydə alınıb.
Hadisə Yüsif Səfərov küçəsində baş verib.
Hərəkətdə olan “Kia” markalı avtomobilin sürücüsü Qasımova Heyranə idarəetməni itirərək yol kənarında dayanmış VAZ 2107 markalı avtomobilə çırpılıb.
Hadisə nəticəsində “Jiquli”də olan bir nəfər şəxs xəsarət alıb. Xanım sürücü isə yol polis əməkdaşları tərəfindən alkoqol sərxoşluğunu təyinetmə məntəqəsinə aparılıb.
Faktla bağlı araşdırma aparılır.
Hadisə Neftçilər prospektində baş verib
Bakının Səbail rayonunda yol-nəqliyytı hadisəsi zamanı iki nəfər xəsarət alıb. Yol-xeber.az APA-ya istinadən xəbər verir ki, hadisə Neftçilər prospektində baş verib. “Mercedes” markalı avtomobilin sürücüsü idarə etdiyi avtomobili aşırıb. Avtomobil istinad divarına dəyərək dayanıb. Qəza nəticəsində iki sərnişin ağır xəsarət alaraq 1 saylı şəhər xəstəxanasına yerləşdirilib.
“Hyundai” markalı avtomobil idarətmədən çıxaraq beton dirəyə çırpılır
Şirvanda 4 nəfərin ölümü ilə nəticələnən yol qəzasının görüntüləri yayılıb.
Unikal.org Oxu.Az-a istinadla xəbər verir ki, “Hyundai” markalı avtomobil idarətmədən çıxaraq beton dirəyə çırpılır.
Qeyd edək ki, dekabrın 27-də saat 11 radələrində Şirvan şəhəri ərazisində Tərtər rayon sakini Qadir Şamilov idarə etdiyi “Hyundai Santafe” markalı avtomobili yol ayırıcısına vurub.
Nəticədə sürücü və sərnişinləri Pərvanə Zeynalova, Zöhrə Zeynalova və Eyzangül Dadaşova hadisə yerində ölüblər.
Baş İstintaq və Təhqiqat İdarəsi tərəfindən araşdırma aparılır
İmişli rayonunda altı gün əvvəl avtomobillə vurulan piyada Bakıda müalicə aldığı xəstəxanada dünyasını dəyişib. Yol-xeber.az “Report”a istinadən xəbər verir ki, hadisə dekabrın 23-ü rayon ərazisində qeydə alınıb. Belə ki, yolu keçən, 1979-cu il təvəllüdlü Nəsimi Orucov “VAZ 2107” markalı avtomobil tərəfindən vurulub. Qəzadan sonra piyada İmişli Rayon Mərkəzi Xəstəxanasına aparılıb. Lakin vəziyyəti ağır olduğu üçün Bakıda yerləşən 1 saylı Kliniki Tibbi Mərkəzə göndərilib. Müayinədən sonra ona qapalı kəllə beyin və müştərək travma diaqnozu qoyulub. Xəstəxanaya yerləşdirilmiş piyada dekabrın 29-u orada ölüb.
Baş İstintaq və Təhqiqat İdarəsi tərəfindən araşdırma aparılır.