 |
|
İkinci Qarabağ savaşı zamanı Azərbaycan Respublikasının keçmiş Dağlıq Qarabağ ərazisindən Ermənistana köçmüş bir qrup erməni fəal dünən İrəvanda – hökumət binası qarşısında etiraz aksiyası keçirib.
Moderator.az xəbər verir ki, bu haqda “Kavkazski uzel” nəşri məlumat yayıb.
Etiraz aksiyasına qatılan hayklar Ermənistan hökumətinin Qarabağdakı haykların vəziyyəti ilə bağlı hərəkətlərinə aydınlıq gətirilməsi üçün Ermənistanın baş naziri Nikol Paşinyanla görüş tələb ediblər. Lakin onların istəyi rədd edilib. Hökumətdən onlara Nikol Paşinyanla görüş olmayacağını, məktublarına isə yeddi gün ərzində cavab alacaqları bildirilib.
Bu haqda jurnalistlərə “Dizaka(Hadruta-S.L.) qayıdış” ictimai təşkilatının sədri Marqarita Karamyan danışıb.
İranın ardınca Rusiya da Qafan şəhərində baş konsulluq açmağa hazırlaşır.
erməni Teleqram kanalları xəbər verir ki, bu barədə Rusiya Xarici İşlər Nazirliyindən bildiriblər.
Qeyd olunur ki, Rusiya diplomatları sentyabrda baş konsulluğun açılması məsələsi ilə əlaqədar Qafana gələcəklər.
“İndi diplomatik nümayəndəliyin tam formatlı açılışına fəal hazırlıq gedir. Bu təşəbbüs mayın 25-də Moskvada keçirilən görüşdə liderlərimiz tərəfindən bəyənilib. Artıq sentyabr ayında Rusiya diplomatları bölgəyə səfər edəcəklər, onlar əməliyyat məsələləri ilə yerindəcə məşğul olacaqlar" deyə Rusiya Xarici İşlər Nazirliyinin MDB ölkələri üzrə dördüncü departamentinin direktoru Denis Qonçar deyib.//Bakupost.az
Sosial şəbəkələrdə azyaşlılar arasında zorakılığı əks etdirən görüntülərlə bağlı araşdırma aparılıb.
Daxili İşlər Nazirliyinin mətbuat xidmətindən bildirilib ki, polis əməkdaşları tərəfindən Xətai rayonu S.Əhmədov küçəsində baş vermiş hadisə üzrə əməli törədən azyaşlılar müəyyən olunublar. Zorakılığa məruz qalan uşaqla bağlı ekspertiza təyin edilib.
Ekspertiza rəyindən asılı olaraq əmələ hüquqi qiymət veriləcəkdir.
Hazırda təhqiqat araşdırmaları davam etdirilir.
“Azərişıq” Ağdam-Xankəndi yolundakı polis postuna işıq çəkib.
“Azərişıq” ASC-nin mətbuat xidmətindən bildirilib ki, Azərbaycan Respublikası Daxili İşlər Nazirliyi tərəfindən Ağdam-Xankəndi avtomobil yolunda qurulan yeni polis postu "Azərişıq" ASC tərəfindən elektrik enerjisi ilə təmin olunub.
Azərbaycanın fəaliyyəti həmişə daxili qanunlara, o cümlədən BMT Nizamnaməsinə və Helsinki Yekun Aktına əsaslanıb”.
“Bunu Xarici İşlər Nazirliyinin Mətbuat xidməti idarəsinin rəisi Ayxan Hacızadə tviterdə yazıb.
O bildirib ki, 2020-ci ildə baş tutan 44 günlük Vətən müharibəsi Ermənistanın Azərbaycan torpaqlarını işğal etməsi və kütləvi etnik təmizləmə nəticəsində yaranan azadlıq müharibəsi idi.
“28 il ərzində Ermənistan danışıqlardan imtina etdi, bütün sülh təkliflərini rədd etdi, hətta “Qarabağ Ermənistandır” iddiası ilə çıxış etdi və Azərbaycanı “yeni ərazilər uğrunda yeni müharibə” ilə hədələdi”, - XİN sözçüsü əlavə edib.
"Fransanın Qarabağla bağlı hazırki siyasəti erməni diasporunun təsir gücünün göstəricisidir. Bu, həmişə belə olub. Yəni, köhnə ssenari yenə də davam edir”.
Bu fikirləri Bizim.Media-ya özəl açıqlamasında Fransa Senatının üzvü Natali Qule deyib.
Xanım Qule Fransada 60-dan çox senator, deputat və ərazi orqanlarının nümayəndəsinin hökumətə müraciət edərək Qarabağdakı qondarma rejimə dəstək verilməsi ilə bağlı tələb irəli sürmələrini qətiyyətlə qınayıb:
"Fransadakı erməni diasporu sülh əleyhinə fəaliyyət göstərir. Onlar görmək istəmirlər ki, Ermənistan Ukraynanın legitim mövqeyinə qarşı Rusiyanı, dünyanın qalan hissəsinə qarşı İranı dəstəkləyir.
Fransanın bu cür mövqe sərgiləməsi siyasəti dramatikləşdirərək, seçkilərdə erməni seçicilərdən səs toplamaq məqsədi daşıyır. Onlar həmçinin Azərbaycanın ərazi bütövlüyünü təmin etmək üçün tarixi torpaqlarını tələb etməsini də dini müstəviyə daşıdılar.
Guya ki, "yaxşı erməni xristianlar” "pis müsəlman azərbaycanlılara” qarşı mübarizə aparır. Mən Fransanın bu cür mövqe sərgiləməsinə görə üzr istəyirəm”, - deyə Fransa Senatının üzvü Natali Qule əlavə edib.
Türkiyə Prezidenti Rəcəb Tayyib Ərdoğan Azərbaycanla Türkiyə arasında mədənçilik sahəsində əməkdaşlıq haqqında sazişi təsdiqləyib.
"Məlumatı “Resmi Gazete” yayıb. Sənəd 2021-ci il dekabrın 22-də Bakı şəhərində imzalanıb. Saziş 12 maddədən ibarətdir.
Sənədi Türkiyə hökuməti adından həmin dövrdə energetika və təbii sərvətlər naziri olan Fatih Dönməz, Azərbaycan hökuməti adından isə ekologiya və təbii sərvətlər naziri Muxtar Babayev imzalayıb.
Saziş mədənçilik sahəsində əməkdaşlığın genişləndirilməsini nəzərdə tutur.
Azərbaycan BMT-nin iclasında Ermənistanı dəymiş ziyana görə təzminat ödəməyə və sülh danışıqlarında vicdanlı şəkildə iştirak etməyə çağırıb.
“Report” xəbər verir ki, bu barədə Azərbaycanın BMT yanında Daimi Nümayəndəsi Yaşar Əliyev Təşkilatın Təhlükəsizlik Şurasında “Aclıq və münaqişələrin səbəb olduğu ərzaq problemi” mövzusunda açıq debatda çıxışında bildirib.
“Ermənistan öz beynəlxalq öhdəliklərinə əməl etməli, silahlı qüvvələrini Azərbaycan ərazisindən tamamilə çıxarmalı, ərazi iddialarına, qanunsuz fəaliyyətlərə və dezinformasiyalara son qoymalı, mina terrorunu dayandırmalı, münaqişə zamanı itkin düşmüş 4 000-ə yaxın azərbaycanlının taleyinə işıq salmalı, Azərbaycana, o cümlədən onun ərzaq təhlükəsizliyi sistemlərinə dəymiş zərəri ödəməli və iki dövlət arasında sülh müqaviləsi və sərhədin delimitasiyası üzrə danışıqlarda vicdanlı şəkildə iştirak etməlidir. Azərbaycan öz xalqını, suverenliyini və ərazi bütövlüyünü qorumaq əzmində qətidir və dinc, təhlükəsiz, sabit və çiçəklənən region məqsədlərinə tam sadiqdir”, - deyə o vurğulayıb.
Qarabağda və Ermənistanda ermənilər 1991-ci ilin dekabrında Xocalının Meşəli kəndində qətliamlar törətmiş cani Vaqif Xaçaturyanın Azərbaycan hüquq-mühafizə orqanları tərəfindən həbsi ətrafında şou qurublar. Separatçıların və separatizmə dəstək verən İrəvanın iddiasına görə, guya Azərbaycan “xəstə və sıradan bir ermənini” İrəvana gedərkən tutub. Xaçaturyanın ailə üzvləri onun buraxılması üçün beynəlxalq təşkilatlara müraciətlər edir, Beynəlxalq Qızıl Xaç Komitəsinə etirazlar ünvanlayırlar.
Eyni zamanda, Birinci Qarabağ müharibəsində müharibə cinayətləri törətmiş xuntanın üzvləri təlaş içərisindədirlər. Erməni sosial şəbəkələrində yayılan məlumatlara görə, canilər Azərbaycanın onları yaxalaması ehtimalını nəzərə alıb Xankəndidən qaçmaq istəyirlər. Lakin Laçın keçid məntəqəsində saxlanacaqlarını artıq anladıqlarından Qarabağdan qaçışın başqa yollarını axtarmağa başlayıblar.
Qeyd edək ki, onlarla Meşəli kəns sakininin qətlini, onlarla sakinin yaralanmasının, yüzlərlə sakinin didərgin salınmasının təşkilatçısı və birbaşa iştirakçısı Vaqif Çərkəzoviç Xaçaturyan iyulun 29-da Laçın sərhəd-keçid məntəqəsində Azərbaycan hüquq-mühafizə orqanları tərəfindən saxlanılıb. Törətdiyi müharibə cinayətlərinə görə 10 il qabaq beynəlxalq axtarışa verilən Xaçaturyan tutularaq Bakıya gətirilib. Xaçaturyan Azərbaycan qanunları çərçivəsində cəzasını alacaq.
Xaçaturyan ətrafındakı şounun məqsədini və Xankəndidə yaşanan təşvişi AYNA-ya müsahibəsində şərh edən “Atlas” Araşdırmalar Mərkəzinin rəhbəri, politoloq Elxan Şahinoğlu deyib ki, onların etirazları effektsiz olacaq:
- Xaçaturyanın həbsinə görə ermənilərin etirazları təbii ki, şoudur. Ümumiyyətlə, Qarabağdakı separatçılar da, Ermənistan hakimiyyəti də bilməlidir ki, cinayətkarlar yaxalanacaq. Birinci Qarabağ müharibəsində də, İkinci Qarabağ müharibəsində də müharibə cinayətləri törətmiş ermənilərlə bağlı Azərbaycanca cinayqət işləri açılıb, onlar beynəlxalq axtarışa veriliblər. Xaçaturyan da onlardan biridir. Ona görə də onun saxlanılması, Bakıya gətirilməsində qeyri-adi nəsə yoxdur. İndi ermənilər narazılıq edirlər, etsinlər, bizim üçün problem deyil. Xaçaturyan hansı cinayətlər törətdiyini bilir. Sadəcə ola bilsin, düşünüb ki, sərhədi BQXK-nın avtomobilində keçə biləcək, problem olmayacaq. Yəqin ki, Laçında post olmayan vaxt o İrəvana gedib-gəlib. Amma birdəfəlik bu canilər anlamalıdırlar ki, artıq post var, Azərbaycan sərhədinə, ərazisinə giriş-çıxışa nəzarət edir. İndi ermənilər şou göstərirlər, beynəlxalq aləmin diqqətini bu məsələyə yönəltməyə, Azərbaycana hansısa beynəlxalq təzyiqlərin göstərilməsinə çalışırlar. Amma bu, alınmayacaq. Çünki Azərbaycan qanunlarına uyğun addım atır, cinayətkarı, terrorçunu yaxalayır. Bəli, ola bilsin ki, müəyyən dairələrdən təzyiqlər olacaq, bəyanat səviyyəsində narahatlıq bildiriləcək. Amma ciddi təzyiq gözlənilmir. Yenə deyirəm, Azərbaycan Xaçaturyanı həbs etməklə insan hüquqları pozmur, beynəlxalq axtarışa verdiyi cinayətkarı tutub, bu da hüquqi məsələdir.
Digər müharibə cinayətkarlarının narahatlıqlarına gəlincə, bu, təbiidir. Onlar hansı əməlləri törətdiklərini yaxşı bilirlər və Azərbaycanın onları cəzalandıracağını da artıq anlayırlar. Bilirlər ki, Xaçaturyanın saxlanılması başlanğıcdır. Həbsdən yayınmaq üçün bundan sonra müxtəlif yollara əl atacaqlar. Hesab edirəm ki, Azərbaycanın hüquq-mühafizə orqanları ayıq-sayıq olmalıdır.
- Xaçaturyanın ailəsi BQXK-ya etiraz edirlər ki, niyə Xaçaturyanın saxlanılmasına imkan veriblər, onun tutulub Bakıya aparılmasının qarşısını almayıb...
- Bunlar anlamırlar ki, BQXK humanitar təşkilatdır, onun missiyası var, o missiyaya uyğun da fəaliyyət göstərməlidir. Hər halda “Qırmızı Xaç”ın sərhəddən keçirdiyi şəxslər haqqında ilkin məlumatı olmalıdır. Yenə deyirəm, ola bilsin ki, BQXK səhlənkarlıq edib. İndi Xaçaturyanın ailəsi, ermənilər BQXK-ya etiraz edirlər, etsinlər. Bu bizim problemimiz deyil.
Ümumiyyətlə, BQXK-nın fəaliyyətinə gəlincə, bu, Azərbaycanı qane etmir. Biz məsələ qaldırmalıyıq ki, Xankəndi Azərbaycan ərazisidir. Ona görə də, “Qırmızı Xaç”ın Xankəndidəki ofisi İrəvana yox, Bakıdakı ofisə tabe olmalıdır.
- Azərbaycan Qarabağdakı müharibə cinayəti törətmiş şəxslərin siyahısını BQXK-ya verə bilərmi ki, təşkilat bu canilər barədə məlumatlı olsun?
- Bakı siyahını verə də bilər, verməyə də bilər. Məncə, verilməməlidir. Çünki bu cinayətkarlar Xankəndidən hansısa vasitə ilə qaça bilərlər. Azərbaycanın məqsədlərindən biri də budur ki, cinayətkarlar ədalət mühakiməsinə çıxarılsın, hakim qarşısında cavab versinlər, cəzalandırılsınlar.
Hesab edirəm ki, ermənilərin BQXK-ya etirazları da nəticəsiz olacaq. Bu, beynəlxalq, nüfuzlu təşkilatdır. Ermənilərə görə də Azərbaycanla konfliktə getməkdə maraqlı deyil. Biz konkret faktlar qoyuruq ki, bu adam cinayətkardır. Ortada sübutlar var, Xaçaturyanın cinayət əməllərinin şahidləri var, fotolar var. Ona görə də BQXK-nın Bakıya hansısa narazılıq etməsi yersiz olar.
- Məlumdur ki, Xaçaturyan BQXK-nın avtomobilində “müalicə məqsədi” ilə İrəvana getməyə çalışıb. Belə iddialar var ki, ordakı quldurlar BQXK ilə razılaşıblar, Xankəndidən çıxarılmaları üçün qurumdan yardım istəyiblər. Bu canilərin Qarabağdan çıxarılmasında “Qızıl Xaç”ın bir əlaqəsi ola bilərmi?
- İkinci Dünya müharibəsi bitdikdən sonra qətliamlar, cinayətlər törətmiş bəzi nasistlər məhz bu cür təşkilatların köməyi ilə qaçıblar. Sonradan məlum oldu ki, onlar Cənubi Amerika ölkələrində gizləniblər. Məsələn, Eyxman nasist Almaniyasında altı milyon yəhudinin qətliamını sənədləşdirən şəxs olub. İkinci Dünya müharibəsi gedən zaman Eyxman saxta pasport alır və elə “Qırmızı Xaç”a bənzər təşkilatların köməyi ilə İtaliyaya keçirilir, orada gizlənir. Sonra yenə humanitar təşkilatlar vasitəsilə dəniz yolu ilə uzaq Argentinaya gedir. İsrail kəşfiyyatı 1960-cı illərdə Eyxmanı Argentinada tapır, İsrailə gətirib məhkəmə qarşısına çıxarılır. Sonra da ölüm cəzasına məhkum edilir. Demək istəyirəm ki, iddialar doğru ola bilər. Bəzən belə beynəlxalq təşkilatlar kimliyini araşdırmadan, bu şəxsin cinayətkar olub-olmamasına baxmadan ona yardım edə bilərlər. Ola bilsin ki, Xaçaturyan məsələsində BQXK-nin səhlənkarlığı da olub. Məsələn, bir ailə müraciət edir ki, xəstəmiz var, onu Xankəndidən İrəvana aparmaq lazımdır. “Qırmızı Xaç” araşdırma aparmadan Xaçaturyanı avtomobilə qoyub, sərhəddən keçirmək istəyib, Azərbaycan hüquq-mühafizə orqanları da onu yaxalayıb. Bu variant da mümkündür. Yəni ola bilsin ki, Xaçaturyanın ailəsi BQXK-ya müraciət edib, təşkilat da ciddi araşdırma aparmadan onu İrəvana aparmaq istəyib.
- Son vaxtlar Qarabağ ətrafında sanki “əsəb savaşı” gedir. Laçınla sərhədə “humanitar yük” adı altında TIR-ların yığılması, cinayətkar Xaçaturyanla bağlı ermənilərin etirazları fonunda Azərbaycanın psixoloji təzyiqi də müşahidə olunur. “Əsəb savaşı”nın sonunu necə proqnozlaşdırmaq olar?
- Ermənilər “əsəb savaşı”nı müxtəlif təxribatlara, insidentə çevirə bilərlər. Bu ehtimal həmişəki kimi qalmaqdadır. Amma onu da anlayırlar ki, Azərbaycana qarşı genişmiqyaslı hərbi təxribatlar Üçüncü Qarabağ müharibəsinin başlamasına şərait yaradacaq. Bununla eyni zamanda, Azərbaycanın manevr imkanları artacaq. Azərbaycan Rusiya sülhməramlılarını iki il müddətinə ərazilərindən yola salmaq və məsələni tam şəkildə bitirmək istəyir. Amma təxribat olarsa, bu addım daha tez atılacaq. Bunu separatçılar anlamamış deyillər. Separatçılar başa düşürlər ki, indi 1990-cı il deyil ki, Rusiyanın silahlandırması ilə, Ermənistanın və erməni lobbisinin dəstəyi ilə revanşa əl ata, yenidən işğalçılıq edə bilərlər. Azərbaycan təxribata elə zərbə ilə cavab verəcək ki, bunun altından çıxa bilməyəcəklər.
Vaşinqton Ermənistan və Azərbaycanı tam sülh sazişinin əldə edilməsi üçün zəruri olan kompromislərə getməyə çağırır.
Qeyd edək ki, bu sözləri ABŞ dövlət katibinin sözçüsü Metyu Miller mətbuat konfransında deyib.
“Ermənistan və Azərbaycan liderləri ilə həm həmin departamentin ən yüksək, həm də alt kabinet səviyyəsində əməkdaşlığı davam etdiririk, onları tam sülh sazişinin əldə edilməsi üçün zəruri olan çətin kompromislərə getməyə çağırırıq”, – deyə Miller vurğulayıb.
Maraqlıdır, Vaşinqton Ermənistan və Azərbaycandan hansı məsələlər üzrə kompromisə getməsini istəyir?
Məsələ ilə bağlı politoloq Zərdüşt Əlizadə Cebhe.info-ya şərhində ABŞ-ın dövlət rəsmisi Metyu Millerin bu bəyanatının arxasında duran əsas mahiyyətlə bağlı fikrini açıqlayıb:
“ABŞ deyəndə ki, Ermənistan kompromisə getməlidir, Ermənistanın dövlət kimi öz hüquqlarından imtinasını nəzərdə tutmur. Amma Vaşinqton erməni ictimaiyyətinin qonşularına qarşı yanlış düşüncələr və təsəvvürlərdən xilas olmasını istəyir. ABŞ-ın dövlət rəsmisi Ermənistanla bağlı ifadəsində məhz bunu nəzərdə tutub. Vaşinqton Ermənistan hakimiyyəti vasitəsilə erməni ictimaiyyətinə çatdırmaq istəyir ki, Zəngəzur dəhlizinin açılması beynəlxalq hüquqa və Ermənistanın daxili hüquqlarına zidd deyil.
Yəni beynəlxalq hüququn normalarına görə, hər hansı bir dövlət digər dövlətə öz ərazisindən yol verməyə məcburdur. Erməni ictimaiyyətində belə yanlış təsəvvür dolaşır ki, əgər onlar öz ərazilərindən Azərbaycana Naxçıvana çıxış əldə etmək üçün yol versələr, bu, Ermənistan dövlətini və xalqını fəlakətə aparacaq. Ermənistan hakimiyyətinin erməni ictimaiyyətinə bu kimi fikirlərin və təsəvvürlərin yanlış olduğunu başa salması kompromisdir.
O ki qaldı Azərbaycanın hər hansı məsələ üzrə kompromisə getməsinə, ölkəmizdə bir çoxları hesab edir ki, əgər Ermənistandan azərbaycanlılar məcburi şəkildə deportasiya olunublarsa və onlar öz torpaqlarına qayıda bilmirlərsə, onda ermənilər də Azərbaycanda yaşamamalıdır və ölkəni tərk etməlidir. Bu, çox yanlış düşüncədir”.
Z.Əlizadə hesab edir ki, ictimaiyyətimiz belə bir düşüncədən əl çəkməlidir:
“Belə bir düşüncə, belə bir təsəvvür Azərbaycan konstitusiyası və qanunları ilə ziddiyyət təşkil edir. İnsanları milliyyətinə, irqinə və dini mənsubiyyətinə görə qiymətləndirmək olmaz. Ona görə də Qarabağda məskunlaşan erməni əhalisinin hüquqları Azərbaycan konstitusiyasına və qanunlarına uyğun təmin edilməlidir.
Necə ki, Azərbaycanın müxtəlif bölgələrində yaşayan digər etnik millətlər bu hüquqlardan azad və sərbəst istifadə edirlər. Azərbaycan ictimaiyyətində bu mövqeyin qarşısının alınması özü bir kompromis olacaq. Vaşinqton kompromis məsələsində Ermənistan və Azərbaycanı öz daxili suveren hüquqlarından imtina etməyə yox, hər iki ölkənin ictimaiyyətinin yanlış təsəvvürlərdən xilas olmağa çağırır”.