 |
|
Ötən gün Nabranda polis əməkdaşının deputat Eldəniz Səlimov tərəfindən döyülməsi təsdiqlənib.
Daxili İşlər Nazirliyi deputatın hərəkətləri ilə bağlı toplanmış materialları Baş Prokurorluğa da təqdim edib.
Qeyd edək ki, Eldəniz Adil oğlu Səlimov dövlət və siyasi xadim, Azərbaycan Milli Məclisinin V və VI çağırış üzvüdür.
Eldəniz Səlimov 1976-cı il oktyabrın 2-də Xaçmaz şəhərində anadan olub. Onun atası Adil Səlimov dəmiryolçu olub. 1983-cü ildə Xaçmaz şəhəri 45 №li tam orta məкtəbin birinci sinfinə gedən Eldəniz Səlimov 1993-cü ildə həmin məktəbi bitirib.
1993-1998-ci illərdə Dağıstan Dövlət Universitetində iqtisadiyyat ixtisası üzrə təhsil alan Eldəniz Səlimov rus dilini bilir.
Deputat ailəlidir, bir oğlu və bir qızı var.
Eldəniz Səlimov 2000-2002-ci illərdə Vergi Nazirliyinin Xaçmaz rayonu üzrə Vergilər şöbəsində dövlət vergi müfəttişi vəzifəsində çalışıb. 2002-ci ildə 1 saylı Ərazi Vergi İdarəsində, 2002–2010-cu illərdə isə 3 saylı Ərazi Vergi İdarəsində dövlət vergi müfəttişi və baş dövlət vergi müfəttişi vəzifələrində çalışan Eldəniz Səlimov 2011-2012-ci illərdə "TexnikaBank" ASC-nin Xaçmaz filialının müdirinin müavini işləyib. 2013-2014-cü illərdə Müdafiə Nazirliyinin "Üfuq" İstehsalat Birliyinin Xaçmaz Kondensator Zavodunda mühəndis-iqtisadçı olan Eldəniz Səlimov 2014-2015-ci illərdə Xaçmaz rayon icra başçısının inzibati ərazi dairəsi üzrə nümayəndəsi vəzifəsində çalışıb.
Eldəniz Səlimov 2010-cu il noyabrın 7-də baş tutan Azərbaycan Milli Məclisinə IV çağırış seçkilərinə qatılıb. 55 saylı Xaçmaz şəhər dairəsindən Yeni Azərbaycan Partiyasının (YAP) namizədi olan Eldəniz Səlimov səsvermədə qalib gələrək Milli Məclisə üzv seçilib. O, 2010–2015-ci illərdə Milli Məclisin Aqrar siyasət Komitəsinin üzvü olub. O həm də Avstraliya, Yeni Zelandiya, Belarus, BƏƏ, Çin, İtaliya, Qazaxıstan və Lüкsemburq parlamentlərarası əlaqələr üzrə işçi qruplarının da üzvü olub.
“2020-ci ildə 44 günlük Vətən müharibəsi nəticəsində şəhid olanların ailələrinin, eyni zamanda əlilliyi müəyyən olunmuş qazilərimizin 2020-ci ilin dekabrdında təqaüdlərində artımlar oldu”.
Yol-xeber.az-ın xəbərinə görə, bunu Dövlət Sosial Müdafiə Fondunun İdarə Heyətinin sədr müavini Mətin Əsgər deyib. DSMF rəsmisi bu məsələnin daim nəzarətdə saxlanıldığını söyləyib:
“Belə ki, şəhid ailələrinə 300 AZN müəyyən olunan təqaüdlər artırılaraq 500 AZN oldu. Əlilliyi müəyyən olunmuş şəxslərdə də əvvəl I,II və III dərəcəli əlilliklərə görə 210, 230, 250 AZN məbləğindəki təqaüdlər müvafiq olaraq 300, 350 və 400 AZN-ə qədər qaldırılıb.
Həmçinin vətədaşlarımızın yaşa görə müavinətləri, digər əlilliklərə görə müavinətlərin artırılması daim nəzarətdədir və bunun üzərində işlər aparılır”.
Bakı şəhərində 2 gün ərzində davam edən güclü siklon və qeyri-sabit hava şəraitinin törətdiyi fəsadların tam aradan qaldırılması və genişmiqyaslı təmizlik işlərinin aparılması ilə bağlı Bakı Şəhər İcra Hakimiyyəti tərəfindən iyulun 31-də şəhərin bütün rayonlarında geniş daxili iməclik keçirilməsi qərara alınıb.
Bakı Şəhər İcra Hakimiyyəti Mətbuat Xidmətindən verilən məlumata görə, daxili iməclik zamanı prospekt və küçələr, səki kənarları, bordyur və işıq dirəkləri, məhəccərlər, mağaza vitrinləri, reklam lövhələri, ağaclar və yaşıllıq zolaqları yuyulacaq, zədələnmiş ağaclar budanacaq, digər təmizlik və dezinfeksiya işləri görüləcək.
Bakı Şəhər İcra Hakimiyyəti paytaxt sakinlərini bu təmizlik işlərində fəal olmağa çağırır, həmçinin sahibkarlar və özəl sektorda çalışanlara müraciət edərək onları özlərinə məxsus ticarət, ictimai-iaşə və digər obyektlərin fasad və vitrinlərində, obyektlərinin qarşısında təmizlik və səliqə-sahman yaradılmasında iştirak etməyə dəvət edir.
Paytaxt yollarındakı vəziyyət açıqlanıb.
BAKU.WS xəbər verir ki, Bakı Nəqliyyat Agentliyi sıxlıq müşahidə olunan yollar haqqında məlumat yayıb:
1. Bakı-Sumqayıt şossesi - Xırdalan dairəsinin tam yanından başlayaraq bütün şosse boyunca, "20 Yanvar" dairəsi istiqamətində;
2. Afiyəddin Cəlilov küçəsi - Fəzayıl Bayramov küçəsi ilə kəsişmədən Cavanşir körpüsünün üzəri istiqamətində;
3. Yavər Əliyev küçəsi - Aeroport şossesinə çıxan yol;
4. Zabrat şossesi - Zabrat dairəsi istiqamətindən əsasən Sabunçu rayon Hərbi Komissarlığının qarşısını keçdikdən sonra, Heydər Əliyev prospekti istiqamətində;
5. Binəqədi şossesi - əsasən Biləcəri-Baksol yolu ilə kəsişməyə qədər, şəhər istiqamətində;
6. Ziya Bünyadov prospekti-Əsas yol - əsasən Əhməd Rəcəbli küçəsi ilə kəsişmədən "20 Yanvar" dairəsi istiqamətində;
7. Koroğlu Rəhimov küçəsi - Təbriz küçəsi ilə kəsişmə olan hissəsindən başlayaraq Akademik Həsən Əliyev küçəsi istiqamətində.
Bakıda axtarışda olan şəxs özünü qumbara ilə partladıb. Baş Prokurorluq və Daxili İşlər Nazirliyi Səbayel rayonu, Badamdar qəsəbəsi ərazisində özünü partladaraq öldürən şəxslə bağlı birgə məlumat yayıb. Narkotiklərin qanunsuz dövriyyəsi ilə bağlı daxil olmuş əməliyyat məlumatı əsasında 1982-ci il təvəllüdlü Müseyib Ələsgərovun saxlanılması istiqamətində əməliyyat-istintaq tədbirləri həyata keçirilib. Bu zaman əvvəllər Cinayət Məcəlləsinin narkotiklərlə əlaqəli və qaçaqmalçılıq maddələri ilə məhkum olunmuş Müseyib Ələsgərov polis əməkdaşlarına tabesizlik göstərib, idarə etdiyi avtomobillə qaçmağa cəhd göstərib. Polisin təqibindən yaxa qurtara bilməyəcəyini anladıqada isə üzərində olan qumbaranı partladıb, nəticədə Müseyib Ələsgərov ölüb. Avtomaşında olan sərnişin, əvvəllər soyğunçuluq cinayətinə görə məhkum olunmuş 1993-cü il təvəllüdlü Elman Qurbanov isə qaçarkən saxlanılıb. Şəxsi axtarış zamanı ondan külli miqdarda narkotik vasitə aşkar olunaraq götürülüb. Partlayış zamanı 4 polis əməkdaşı müxtəlif dərəcəli bədən xəsarətləri alıb. Avtomaşına baxış keçirilərkən əlavə silah-sursat aşkarlanıb. Faktla bağlı Yasamal Rayon Prokurorluğunda Cinayət Məcəlləsinin müvafiq maddələri ilə cinayət işi başlanılıb, hazırda iş üzrə istintaq hərəkətləri və əməliyyat-axtarış tədbirləri davam etdirilir.
Ölkə.az xəbər verir ki, sabiq polis rəisi Mahmud Hacıyev “Yeni Müsavat”a deyib ki, vətəndaşlarda silah-sursat aşkar olunmasına bir neçə kontekstdən yanaşmaq lazımdır: “1-ci Qarabağ müharibəsindən sonra vətəndaşlarda xeyli silah-sursat vardı. O dövrdən ötən müddətdə hüquq-mühafizə orqanları silah-sursatın vətəndaşlardan toplanılması üçün xeyli iş gördü və görməkdədir. Digər tərəfdən, Azərbaycan Qafqaz ölkəsidir, Cənubi Qafqaz milləti kimi odlu silaha, soyuq silaha tarixən meyl güclü olub. Azərbaycanlılar qafqazlı olaraq evdə silah saxlamağa, silahla gəzməyə meyllidirlər. Bundan başqa, SSRİ dağılandan sonra sovet qoşunları Azərbaycanı qeyri-nizamlı şəkildə tərk etdilər. Yəni silahları, hərbi hissələri qanuni şəkildə təhvil verib getmədilər. Bilərəkdən, kortəbii surətdə, silahları səpələyərək ölkəni tərk etdilər. Həmin illərdə müəyyən qisim insanların əlinə silah-sursat keçdi”.
Sabiq rəisin sözlərinə görə, belə hadisələr baş verəndə təəssürat yaranır ki, əhalidə silah-sursat çoxdur. Faktiki isə ötən 10 illə müqayisədə hazırda əhalidə silah-sursat daha azdır: “Polis məlumat alır, cinayətkarı zərərsiləşdirmək üçün tədbir görür. Olur ki, cinayətkar duyuq düşür və qaçmağa, canını qurtarmağa çalışır. Həmin vaxt özünə xəsarət yetirməsi kimi xoşagəlməz halların da baş verməsi təbiidir. Burada qeyri-adi bir şey yoxdur. Silah-sursatın əhalidə olmasının əsas səbəbi, qeyd etdiyim kimi, 1-ci Qarabağ müharibəsi dönəmindən Ermənistanla müharibə şəraitində olmağımızdır. O dövrdə baş verənlər sərhəd bölgələrində yerləşən rayonlarımızın əhalisinin silahlanmasına səbəb olmuşdu. O günlərdə Müdafiə Nazirliyi yox idi, müstəqil özünümüdafiə batalyonları vardı. İnsanlar özlərini müdafiə etmək üçün ən müxtəlif ünvanlardan silahlar əldə etmişdilər. Atəşkəs əldə ediləndən sonra həmin rayonların sakinləri Bakı şəhərinə və digər rayonlara köç etdilər. Aydın məsələdir ki, sərhəd bölgəsindən ölkənin içərilərinə gələn əhali özü ilə silahlarını da gətirib. Zaman-zaman, son 25 ildə vətəndaşlardan xeyli silah-sursat götürülüb. İnsanlar da baxır ki, silah ona o qədər də lazım deyil. Ötən dövrdə silahları könüllü surətdə təhvil verənlər də olub. Həmin silahlarla cinayət törədənlər də olub. Odlu silah belə bir şeydir ki, uzun müddət bir ailədə, bir əldə qalanda, yazılmamış qanundur, mütləq qaydada, haradasa, kiməsə qarşı istifadə edilməli, açılmalıdır. Tarixən belədir. Elə silah sahibləri də var ki, könüllü surətdə silahları təhvil verməkdən çəkinir, silahı harasa tullayır. Elə şəxslər var ki, silahı tullayır və anonim zəng etməklə silahın yerini hüquq-mühafizə orqanlarına deyir. Və yaxud silahı tullayıb bu haqda məlumat verməyənlər də var. Belə silahları da sahə müvəkkilləri, əməliyyatçılar aşkarlayıb rəsmiləşdirirlər”.
Müdafiə Nazirliyinin hərbi hissələrində zabit vəzifələrində həqiqi hərbi xidmət keçmək istəyən müddətli həqiqi hərbi xidmətini başa vurmuş, ali təhsilli, 28 yaşınadək olan vətəndaşlar avqustun 9-dan 30-dək müvafiq sənədlərlə birlikdə Azərbaycan Ordusunun Təlim və Tədris Mərkəzində (AO TTM) fəaliyyət göstərən qəbul komissiyasına müraciət edə bilərlər.
Yol-xeber.az xəbər verir ki, "Ehtiyat zabit hazırlığı kursu”na qəbul olunmaq üçün müraciət edən vətəndaşlar AO TTM-də fəaliyyət göstərən qəbul komissiyası tərəfindən hərbi xidmətə yararlılıq dərəcələrinin müəyyən edilməsi məqsədilə Müdafiə Nazirliyinin Hərbi Həkim Komissiyasına göndərilir. Komissiyanın qərarına əsasən hərbi xidmətə yararlı hesab edilmiş şəxslər qəbul imtahanlarına buraxılır.
Fiziki hazırlığı, ümumi bilik səviyyəsi, düşünmə qabiliyyəti, peşə maraqları, ünsiyyət qurmaq və qərar qəbuletmə bacarıqları, fərdi-psixoloji və digər keyfiyyətlərinin öyrənilməsi məqsədilə keçirilən imtahanları müvəffəqiyyətlə vermiş namizədlər müvafiq ixtisaslar üzrə kursa qəbul edilir.
Kursu müvəffəqiyyətlə başa vuran kursantlara "leytenant” hərbi rütbəsi verilərək həqiqi hərbi xidmətə qəbul olunmaları barədə bağlaşma bağlanır və onlar ixtisaslarına uyğun vəzifələrə təyin olunurlar.
Kursa qəbul olunmaq istəyən namizədlər AO TTM-də fəaliyyət göstərən qəbul komissiyasına müraciət edərək aşağıdakı sənədləri təqdim etməlidirlər:
- kursa qəbul olunmaq barədə ərizə (qəbul komissiyasının sədrinə);
- şəxsən yazılmış tərcümeyi-hal, əlyazma ilə 1 nüsxədə və çap edilmiş 2 nüsxədə;
- xidmət (iş və ya təhsil) yerindən xasiyyətnamə;
- ali təhsil haqqında sənədin notarial qaydada təsdiq edilmiş surəti – 1 ədəd;
- xarici dövlətlərdə təhsil almış namizədlər üçün, ali təhsil haqqında sənədin notarial qaydada tərcümə və təsdiq edilmiş surəti ilə yanaşı, həmin sənədə Azərbaycan Respublikasının Təhsil Nazirliyi tərəfindən verilmiş şəhadətnamənin notarial qaydada təsdiq edilmiş surəti – 1 ədəd;
- doğum haqqında şəhadətnamənin və şəxsiyyət vəsiqəsinin notarial qaydada təsdiq edilmiş surəti – 1 ədəd;
- nikah haqqında şəhadətnamənin notarial qaydada təsdiq edilmiş surəti (evli olduqda) – 1 ədəd;
- uşaqların doğum haqqında şəhadətnamələrinin notarial qaydada təsdiq edilmiş surəti (uşaq olduqda) – 1 ədəd;
- evlər idarəsindən və ya yerli icra hakimiyyəti orqanından ailə tərkibi və yaşayış yeri haqqında arayış – 1 ədəd;
- 4 ədəd rəngli fotoşəkil (baş geyimsiz, anfas, 2 ədəd 3x4 sm və 2 ədəd 4.5x6 sm ölçüdə);
- psixiatrik, nevroloji, narkoloji, vərəm və dəri-zöhrəvi dispanserlərindən (kabinetlərdən) qeydiyyatda olub-olmaması haqqında arayışlar;
- qeydiyyatda olduğu poliklinikadan sağlamlıq haqqında arayış;
- qeydiyyatda olduğu poliklinikadan son 5 (beş) ildə infeksion xəstəliklərlə bağlı müraciət edib-etməməsi haqqında arayış;
- hərbi biletin surəti (notarial qaydada təsdiq olunmuş) – 1 ədəd.
Məhkumluğu olan hərbi vəzifəlilərin "Ehtiyat zabit hazırlığı kursu”na qəbul üçün müraciət etməmələri xahiş olunur.
Ünvan: Bakı şəhəri, Yasamal rayonu, Şəfaət Mehdiyev küçəsi 76, "Qızıl Şərq” hərbi şəhərciyi (Azərbaycan Ordusunun Təlim və Tədris Mərkəzi)
Telefon: (012) 538-85-62
Müraciət etmə vaxtı: 2021-ci il avqustun 9-dan 30-dək hər gün (bazar günü istisna olmaqla) saat 09:00-dan 17:00-dək.
Dünən COVID-19 pasportu olmayan 2 minə yaxın şəxs toya buraxılmayıb.
DİN Mətbuat xidmətindən "Yol-xeber.az"ya verilən məlumata görə, İyulun 28-də Bakı şəhərində və respublika ərazisində 294 toy şənliyinin monitorinqini həyata keçirib. Monitorinq 213 şadlıq sarayında, 81 şəxsi həyətyanı sahədə keçirilən şənlikləri əhatə edib.
Monitorinqlər nəticəsində toy şənliklərinin keçirilməsində xüsusi karantin rejimi qaydalarını pozduqlarına görə:
- 100 nəfər İnzibati Xətalar Məcəlləsinin 211-ci (Epidemiya əleyhinə rejimin, sanitariya-gigiyena və karantin rejimlərinin pozulması) maddəsinə əsasən cərimə olunub;
- 2 nəfər İnzibati Xətalar Məcəlləsinin 211-ci (Epidemiya əleyhinə rejimin, sanitariya-gigiyena və karantin rejimlərinin pozulması) maddəsi ilə inzibati qaydada həbs edilib;
- 4 nəfər barədə material baxılması üçün məhkəməyə göndərilib;
- 1977 nəfər “COVID-19” pasportu olmadığına görə şənliyə buraxılmayıb.
Sosial şəbəkələrdə idman yarışının keçirilməsi ilə bağlı yayılan görüntülər araşdırılıb.
DİN Mətbuat Xidmətinin şöbə rəisi, polis mayoru Elşad Hacıyev Oxu.Az-ın sorğusuna cavab olaraq bildirib ki, antinarkotik təbliğatı adı altında keçirilən yarış iyul ayının 27-də saat 22:30 –23:30 radələrində paytaxtın Xətai rayonu, Şirvani küçəsində yerləşən idman zalında təşkil olunub.
Xətai Rayon Polis İdarəsinin İstintaq şöbəsində xüsusi karantin və ictimai qayda pozuntusu ilə müşaiyət olunan yarışla bağlı Cinayət Məcəlləsinin 139-1-ci (Epidemiya əleyhinə rejimin, sanitariya-gigiyena və ya karantin rejimlərinin pozulması) maddəsinə uyğun olaraq cinayət işi, İnzibati Xətalar Məcəlləsinin 510-cu (Xırda xuliqanlıq) və 211-ci (Epidemiya əleyhinə rejimin, sanitariya-gigiyena və karantin rejimlərinin pozulması) maddələrinə müvafiq olaraq inzibati icraat başlanıb.
Yarışın təşkilatçısı olan ictimai birliyin rəhbəri, 1984-cü il təvəllüdlü Elçin Çobanzadə müəyyən edilərək şübhəli şəxs qismində saxlanılıb.
Yarışın iştirakçıları və tamaşaçıları ilə bağlı araşdırmalar davam etdirilir.
Qurd invaziyalarını yoxlatmaq bir qədər çətin, baha başa gələn prosesdir. Qanda qurd diaqnozu dəqiq qoyulmadığından insanlar nəcis analizi verməkdə maraqlı deyil, hətta qan analizi versələr belə müxtəlif qurdlar üçün müxtəlif analizlər tələb olunur.
Azərbaycan əhalisində, daha çox yaşlı insan və gənclərdə çox rast gəlinən qurdlardan ən təhlükəlisisi Exinokokk qurdudur. Exinokokkun müalicəsi yalnız cərrahi yolla olduğundan, pasiyent üçün ikiqat çətinlik və risk yaradır.
Ölkə.az xəbər verir ki, Exinokokk yaxşı bişməmiş ətdə,, çiy ətdə, süd məhsullarında, yaxşı yuyulmamış qidalarda olur. Bir sözlə, qurdu olan heyvanın ətindən insana keçir. Tələbə və şagirdlər daha çox dönərdən yoluxur. Hazır yeməklər, kolbasa-sosis məmulatlarının hazırlandığı ətin mənşəyi də məlum deyil.
Exinokokk kənd və rayon sakinlərində də çox rast gəlinir. Bu da onların həyətdə mal-qara, ev heyvanları ilə təmasda olmasından, süd məhsullarını lazımi qədər bişirmədiklərindən, gigiyenik qaydalara tam əməl etmədiklərindən irəli gəlir.
Exinokokk daha çox böyük və yaşlı insanlarda rast gəlinir. Müalicəsi də yalnız cərrahi yolladır. Qurdun olduğu orqanda həmin hissə kəsilir. Qurd dalaq, qaraciyər, hətta beyində də ola bilir.
İlkin mərhələdə -sista formasında aşkar olunarsa, müalicə daha uğurlu olur. Bizim klinikada olan maqnit aparatının üstünlüyü ondadır ki, bütün qurdların yumurtalarını aşkar edir və xəstəni xəbərdar edirik ki, səndə artıq qurdlar yaranacaq, müalicə olunmaq vaxtıdır. Sista-yumurta qurda çevrildikcə, insanın immuniteti zəifləyir, daha ağır fəsadlara səbəb olur”.
Ümumiyyətlə, qurd xəstəliyi olan insanın bağırsaq mikroflorası pozulur, iştahsızlıq, disbakterioz, anemiya olur. Qurd hansı orqanı çox zədələyibsə, o orqanla bağlı əlamətlər verir.
Amma hər əlaməti də qurda bağlamaq olmaz.
Qurd arıq – köklüyə baxmır. Kök insanda da qurdlar tapmaq olur. Bəzən qurd elə yerdə yeləşir ki, şikayət vermir, tapılması da çətindir.
Exinokokku USM müayinədə peşəkar həkim qaraciyərdə görə bilər. Eləcə də nəcis analizi, qan analizləri ilə diaqnoz dəqiqləşdirilir.
Qurd və kistlər orqanda varsa, əməliyyatla götürülür. Onun dərman müalicəsi yoxdur. medicina.az
Yol-xeber.az-ın məlumatına görə, Regionların sosial-iqtisadi inkişafı Dövlət Proqramı çərçivəsində rayonun küçə və meydanlarında, kənd yollarında yenidənqurma işləri aparılır.
bölgə müxbiri xəbər verir ki, son vaxtlar görülən işlərdən biri Şamaxı şəhərinin Bakı istiqamətindəki girişində yeni dairəvi yol infrastrukturunun qurulmasıdır. Bu ərazi zövq oxşayan yaşıllıqlarla əhatə olunub, xeyli dekorativ ağac və kollar əkilib.
Hazırda daha bir dairəvi yolun rayonun digər istiqamətdə girişində qurulması və bu istiqamətdə magistral yolun genişləndirilməsi işləri sürətlə davam etdirilir. Abadlıq-quruculuq işləri çərçivəsində şəhərdaxili yollarda asfaltlaşma işlərinə başlanılmış, yol kənarı yaşıllıq zolaqlarının salınması, piyadaların rahat hərəkətinin təmin olunması məqsədilə bütün səkilərin yenidən qurulması və dayanacaqların yenilənməsi işlərinə start verilib.
Habelə, Şamaxı-Pirqulu yolunun Əngəxaran və Çuxuryurd kəndlərindən keçən hissələrinə də asfalt örtüyü vurulub, yol kənarlarına müasir işıqlandırma sistemləri quraşdırılıb.
İşlər başlandığı müddətdən bu günədək Şamaxı şəhəri üzrə daxili yollara ümumi uzunluğu 8 min 960 metr olmaqla 63 min 400 kvadratmetr, səkilərə 34 min 884 kvadratmetr asfalt vurulub, 16 min 150 metr bordur çəkilib. Rayonun Çuxuryurd kəndində 2 min 290 metr məsafədə 23 min 631 kvadratmetr olan yola, eləcə də 4 min 532 kvadratmetr səkiyə, Əngəxaran kəndində isə uzunluğu 3 min 466 metr olan yolun 28 min 645 kvadratmetr ərazisinə asfalt örtüyü vurulub.
Ölkə rəhbərinin birbaşa diqqət və qayğısının nəticəsi olmaqla aparılan abadlıq- quruculuq işləri turizm potensialı yüksək olan Şamaxı üçün xüsusi əhəmiyyət kəsb edir.
.