 |
|
Türkiyənin İğdır bölgəsi ilə Azərbaycanın Naxçıvan Muxtar Respublikası arasındakı avtomobil yolu nəqliyyatın istifadəsi üçün yenidən açılıb.
"Yol-xeber.az" report-a istinadən xəbər verir ki, İğdırın Aralıq rayonunda yağan leysan yağışlar selə səbəb olmuşdu. Əyalətin Qaraqoyunlu rayonunda baş verən fırtına nəticəsində evlərin dam ötrükləıri uçmuş, ağaclar aşmışdı. Sel nəicəsində Türkiyə-Naxçıvan avtomobil yolu da bağlanmışdı. Görülən işlər nəticəsində yol istifadə üçün yenidən açılıb.
81 saylı Beyləqan Seçki Dairəsindən Milli Məclisə deputat seçilən Şahin İsmayılovla seçiciləri arasında gərginlik yaşanıb.
“Yol-xeber.az” xəbər verir ki, bu barədə görüntülər sosial şəbəkələrdə yayımlanıb.
Hadisənin Beyləqanın Kəbirli kəndində baş verdiyi bildirilir. Kadrlardan seçicilərin deputatı onlarla görüşmədiyi üçün irad tutduğu bildirilir:
“Belə deputatlıq olmur. Siz xalqın içərisində olmalı idiniz. Qənirə Paşayeva qədər ola bilmədiniz” – seçicilər söyləyib.
Hətta bir sıra kütləvi informasiya vasitələri millət vəkilinin sözügedən kənddən qovulduğunu yazıb.
Tovuz Rayon Mərkəzi Xəstəxanasında Vətən müharibəsi qazilərinə tibbi müdaxilə etmək üçün həkim tapılmayıb.
"Yol-xeber.az" xəbər verir ki, bu barədə videogörüntülər sosial şəbəkələrdə yayılıb.
Görüntüləri lentə alan şəxs bildirib ki, halı pisləşən üç qaziyə yardım göstərmək üçün xəstəxanada növbətçi həkim belə olmayıb.
Halı pisləşən qazilərə öz yaxınları və döyüş yoldaşları köməklik göstərib.
Qurum rəsmisi qadağanın aradan qaldırılmasını təsdiqləyib.
Nazirlər Kabineti yanında Operativ Qərargahın qərarı ilə ötən ildən bəri ölkəmizdə bir sıra fəaliyyət növləri ilə yanaşı əyləncə məkanları ilə bağlı da qadağalar qoyulmuşdu.
Bu qadağalardan biri də bulvar ərazisində istirahət və əyləncə məkanlarının, həmçinin uşaq əyləncə məkanlarının fəaliyyəti ilə bağlı idi. Sonradan Dənizkənarı Milli Parkın ərazisinə girişə qoyulan məhdudiyyət aradan qaldırılsa da, gəzinti gəmiləri, qatarlar, attraksionlar və idman qurğularının fəaliyyəti ilə bağlı qadağalar qalmaqda idi.
Dənizkənarı Bulvar İdarəsində İdarə Heyətinin sədrinin müşaviri Könül İmamverdiyeva “Ölkə.az”a açıqlamasında bildirib ki, artıq gəzinti gəmilərinə qoyulan məhdudiyyət aradan qaldırıb. O, havaların isinməsi ilə əlaqədar olaraq bulvarda gəzinti gəmilərinin fəaliyyətini bərpa etdiyini söyləyib:
“Artıq mayın ortasından gəzinti gəmiləri gəmiləri fəaliyyətə başlayıb. Sosial məsafəni qorumaq şərti ilə gəmi səfərlərinə icazə verilir. Yəni gəmi Nazirlər Kabineti yanında Operativ Qərargahın bütün tələblərinə uyğun olaraq istifadəyə verilib. Hava yaxşı olan günlərdə gəmilər gəzintiyə çıxsa da, küləkli havalarda səfərlər olmur.
K.İmamverdiyeva bulvar ərazisindəki attraksionların fəaliyyətini nə vaxt bərpa edəcəyi ilə bağlı hələlik dəqiq məlumat olmadığını söyləyib:
“Gəmilərdə sosial məsafəni gözləmək olur. Amma uşaqların istifadə etdiyi attraksionlarda bu qaydalara riayət etmək mümkün deyil. Attraksionlarla bağlı Operativ Qərargah nə qərar verəcəksə, o zaman istifadəyə verəcəyik. Hələlik bulvada atrraksionların istifadəsinə icazə verilmir” – K.İmamverdiyeva “Ölkə.az”a açıqlamasında deyib.
Qeyd edək ki, gəzinti gəmilərinin fəaliyyəti bir müddətdir müşahidə olunsa da, bu barədə rəsmi açıqlama verilməmişdi.
Toyların keçirilməsi ilə bağlı yeni qaydaların hazırlanması xəbəri bu sektorda canlanma yaradıb. Toy etmək istəyən şəxslər indidən növbəyə yazılırlar.
Yol-xeber.az xəbər verir ki, şadlıq evi sahibi Mahir Zeynalovun sözlərinə görə, son günlər açıq havada toy etmək istəyən şəxslərdən xeyli müraciətlər daxil olub.
İcazə verildiyi gündən növbəyə uyğun olaraq toyların keçirilməsinə başlayacaqlar. Artıq açıq hava toyları üçün qiymət də müəyyən ediblər. Pandemiyadan əvvəlki vaxtla müqayisədə indiki qiymətlər baha olacaq.
Ekspertlər bildirirlər ki, açıq hava toylarının qiymətlərinin yüksək olmasının səbəbi bu ənənənin əvvəllər Azərbaycanda çox zəif olmasıdır. Çünki hazırda Bakıdakı şadlıq evlərinin 80 faizində bu imkan yoxdur.
Marketoloq Sabit Məmmədov deyir ki, toylara icazənin veriləcəyi xəbəri indiyə qədər toy keçirməyən restoran sahiblərini də hərəkətə keçirib. O hesab edir ki, əgər açıq hava məkanlarının sayı artmasa, bu sektorda sürətli qiymət artımı baş verə bilər.
Dekorasiya xərcləri, mümkün say məhdudiyyəti də qiymətə təsir edən amillərdən olacaq.
Sabit Məmmədov bildirir ki, açıq hava məkanlarının sayı artıqca gələcəkdə qiymətlərdə müəyyən qədər enmə müşahidə edilə bilər.
Türkiyənin İğdır şəhərinin Aralıq rayonunda güclü yağış selə səbəb olub.
"Oxu.az məlumat verir ki, sel səbəbindən Türkiyə-Naxçıvan quru yolu bağlanıb.
Fırtına Qaqqoyunlu rayonunda evlərin damını uçurub, ağacları aşırıb.
Selin gətirdiyi qaya parçaları gediş-gəlişə maneə yaradıb.
Yolun açılması üçün çalışmalar davam edir.
Daşkəsən Rayon Polis Şöbəsinin Dövlət Yol Polisi bölməsinin əməkdaşları rayonun küçə və prospektlərində dayanma-durma qaydalarının düzgün təmin edilməsi ilə əlaqədar tədbirləri davam etdirir.
Daxili İşlər Nazirliyinin Mətbuat Xidmətinin Gəncə regional qrupundan "Yol-xeber.az"a verilən məlumata görə, rayonun müxtəlif nöqtələrində dayanma-durma, parklanma qaydalarını pozan, eləcə də avtobus dayanacaqlarını, piyada səkilərini zəbt edən nəqliyyat vasitələrinin sürücüləri ilə yol polisi əməkdaşları maarifləndirici söhbətlər aparıb.
Dayanma-durma qaydalarını pozan avtomobillərin sahibləri barəsində inzibati protokollar tərtib olunub.
Yol-xeber.az-a verilən məlumata görə, 21 may 2021-ci il tarixdə Salyan Dövlət Rəsm Qalereyasında Biləsuvar Regional Mədəniyyət İdarsinin elan etdiyi "Nizami Gəncəvi İli" çərçivəsində "Nizami Gəncəvi yaradıcılığı gənc rəssamların fırçasında"adlı rəsm müsabiqəsi keçirilmişdir. Müsabiqəyə Biləsuvar Regional Mədəniyyət İdarəsini əhatə etdiyi uşaq incəsənət məktəblərinin şadirdləri və digər müəssisələrin gənc rəssamları qatılmışdır. Ümumillikdə müsabiqədə region üzrə 34 şagird öz istedadını nümayiş etmişdir. İştirak edən gənc rəssamlar üç saat müddətinə çanlı olaraq Nizami Gəncəvi yaradıcılığı haqqında rəsm əsərləri çəkmişlər. Tədbirdə Biləsuvar Regional Mədəniyyət İdarəsini rəisi Əlisultan Sadıxov və müəssisə rəhbərləri iştirak etmişdir.. Yekunda münsiflər heyyəti tərəfindən qaliblər müəyyən edilmiş, Regional idarənin "Fəxri Fərman"ı və hədiyyələrlə mükafatlandırılmışdır.
Bazar günü Azərbaycanda gözlənilən hava şəraiti açqılanıb.
Milli Hidrometeorologiya Xidmətindən verilən məlumata görə, mayın 23-də Bakıda və Abşeron yarımadasında hava şəraitinin dəyişkən buludlu olacağı, əsasən yağmursuz keçəcəyi gözlənilir.
Mülayim şimal küləyi əsəcək. Havanın temperaturu gecə 16-21 isti, gündüz 29-34 isti, Bakıda gecə 18-20 isti, gündüz 31-33 dərəcə isti olacaq.
Atmosfer təzyiqi 753 mm civə sütunundan 758 mm civə sütununa yüksələcək, nisbi rütubət gecə 60-70 %, gündüz 40-45 % olacaq.
Azərbaycanın rayonlarında hava şəraitinin əsasən yağmursuz keçəcəyi, lakin gündüz bəzi şimal və qərb rayonlarında şimşək çaxacağı, arabir yağış yağacağı gözlənilir. Səhər bəzi yerlərdə duman olacaq. Qərb küləyi ayrı-ayrı yerlərdə arabir güclənəcək.
Havanın temperaturu gecə 17-22 isti, gündüz 32-37 isti, dağlarda gecə 11-16 isti, gündüz 20-25 dərəcə isti olacaq.
Tibbi-meteoroloji proqnoza gəlincə, Abşeron yarımadasında sabit hava şəraiti gözlənilir ki, bu da meteohəssas insanlar üçün əsasən əlverişlidir.
Azərbaycan Müdafiə Nazirliyi Ermənistanın işğalından azad olunan Kəlbəcər rayonunun Qasımbinəsi kəndindən videogörüntülər yayıb.
"Həmin görüntüləri təqdim edir.