 |
|
Bakı Dövlət Humanitar Kollecinin direktoru Nərmin Qaralova onlayn imtahan zamanı tələbəni təhqir edib.
Bununla bağlı sosial şəbəkələrdə video yayılıb.
Qeyd edək ki, Təhsil Nazirliyi sözügedən direktorla bağlı araşdırmaya başlanıldığıni açıqlayıb.
Azərbaycan Dövlət Mədəniyyət və İncəsənət Universiteti (ADMİU) nəzdində Humanitar Kollecin direktoru Nərmin Qaralovanın tələbəni təhqir etməsi iddiası ilə bağlı sosial şəbəkələrdə yayılan məlumatlarla əlaqədar olaraq Təhsil Nazirliyində araşdırmalara başlanılıb.
Ölkə.Az xəbər verir ki, artıq nazirlikdə bu istiqamətdə araşdırma işləri davam etdirilir.
Qeyd edək ki, sosial şəbəkələrdə yayılan videoda distant formada keçirilən imtahan zamanı ADMİU nəzdində Humanitar Kollecin direktoru Nərmin Qaralova xanım tələbəni nalayiq ifadə ilə təhqir edib.
İnzibati Xətalar Məcəlləsinə “Əmək, məşğulluq, əmək pensiyaları, sosial müavinətlər və icbari sığorta sahələrində qanunvericiliyin pozulması ilə əlaqədar olan inzibati xətalarla bağlı işlərə müvafiq informasiya sistemlərindən istifadə edilməklə baxılmanın xüsusiyyətləri” adlı fəsil əlavə olunur.
Bu, Milli Məclisin 23 fevralda keçiriləcək iclasının gündəliyinə daxil edilən və birinci oxunuşda müzakirə ediləcək “Azərbaycan Respublikasının İnzibati Xətalar Məcəlləsində dəyişiklik edilməsi haqqında” qanun layihəsində əksini tapıb.
Layihəyə əsasən, bu sahədə inzibati xətalar müvafiq icra hakimiyyətin orqanının müəyyən etdiyi orqanın (qurumun) informasiya sistemləri, habelə digər dövlət informasiya sistemləri (ehtiyatları) vasitəsilə aşkar edildikdə inzibati xətanı törətmiş şəxsin iştirakı olmadan real vaxt rejimində müvafiq icra hakimiyyəti orqanının müəyyən etdiyi orqanın (qurumun) informasiya sistemində “Elektron imza və elektron sənəd haqqında” qanunla müəyyən edilmiş qaydada elektron sənəd şəklində hüquqi şəxslər, o cümlədən onların vəzifəli şəxsləri barəsində inzibati xəta haqqında elektron protokol tərtib olunacaq.
Fiziki və vəzifəli şəxslər (hüquqi şəxs barəsində elektron protokol tərtib edilmədiyi halda) barəsində isə inzibati tənbeh vermə haqqında elektron qərar çıxarılacaq və müvafiq icra hakimiyyəti orqanının (qurumun) müvafiq səlahiyyətli əməkdaşının gücləndirilmiş elektron imzası ilə təsdiqlənəcək. Təsdiq edilmiş həmin protokol və ya qərar real vaxt rejimində elektron qaydada məlumatlar əlavə edilməklə müvafiq icra hakimiyyəti orqanının (qurumun) informasiya sisteminə göndəriləcək.
"Metro açılmalıdır". Bunu Milli.Az-a açıqlamasında Azərbaycan Tibb Universitetinin Tədris Terapevtik Klinikasının Şüa diaqnostikası şöbəsinin müdiri Aydın Əliyev deyib.
Şöbə müdiri bildirib ki, yerüstü nəqliyyat çatdırmır, problemi təcili aradan qaldırmaq üçün metronun fəaliyyəti təcili bərpa edilməlidir:
"İctimai nəqliyyatda dəhşət sıxlıq var. İndi tədris prosesi də əyani şəkildə fəaliyyətini davam etdirir, bu da yollarda və sərnişin avtobuslarında çox böyük tıxaclara səbəb olur. Bu problemi təcili aradan qaldırmaq üçün metro açılmalıdır, başqa yolu yoxdur. Çünki yerüstü nəqliyyat çatdırmır.
Metro ilə müqayisədə toy mərasimlərinin keçirilməsi ilə bağlı bir az fərqli fikirdəyəm. Həqiqətən mən özüm də çox toplaşmağın əleyhinəyəm, tövsiyə etmirəm. Ona görə də yaxşı olar ki, bütün nişanlı gənclər, ailə qurmaq istəyənlər Vətəndaş Vəziyyətləri Aktlarının Qeydiyyat Şöbəsinə (VVAQ) getsinlər, nikaha girsinlər, qovuşsunlar. Nə vaxt pandemiya sakitləşər, o zaman da toylarını edərlər. Bəziləri deyə bilər ki, "kafelər, restoranlar, çay evləri fəaliyyət göstərir, orada da az adam olmur, orada da bir masa arxasında bir neçə insan əyləşir. Niyə onlara icazə verilir, amma toyların keçirilməsi qadağası qüvvədə qalır?!".
Pandemiya şəraitində hər bir şəxs izolyasiya qaydalarına, epidemiya əleyhinə rejimin, sanitariya-gigiyena və karantin qaydalarına əməl etməlidir.
Bu barədə Daxili İşlər Nazirliyinin (DİN) Mətbuat xidmətindən məlumat verilib.
Bildirilib ki, bu dövrdə fərdi qoruyucu vasitələrdən istifadə ilə bağlı müəyyən edilən tələblərə əməl edilməsi vətəndaşların sağlamlığına xidmət edir:
"Nə dövlət, nə polis kiminsə bu qaydaları pozmasına görə cərimələnməsində maraqlı deyil. Pandemiya şəraitində vətəndaşlarımız qaydalara ciddi əməl etməklə, özünü yaxınlarını, bütövlükdə cəmiyyəti bu bəladan qorumalıdır.
İnzibati cərimə çəkindirici xarakter daşıyır, inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədindən irəli gəlir. İndiki şəraitdə bu məsuliyyət hər birimizin həyat tərzi olmalıdır. Bir daha diqqətə çatdırırıq ki, xüsusi karantin rejiminə nəzarəti həyata keçirən polis əməkdaşlarının hansısa vətəndaşın cərimə edilməsində maraqlı deyil. Yetər ki, vətəndaşlar tibbi maskadan düzgün istifadə etsinlər.
Tək Azərbaycanda yox, dünyanın bütün ölkələrində pandemiya ilə əlaqədar hüquq normaları var. Bu hüquq normalarının təmin edilməsinə ciddi nəzarət olunur.
Bir sıra dövlətlər tərəfindən pandemiyanın geniş yayılmasının qarşısının alınmasında müəyyən edilən qaydaların yerinə yetirilməsi üçün daha sərt cəza tədbirləri həyata keçirir. Məsələn, tibbi maskalardan istifadə etməyən şəxslər Türkiyədə 219 manat, Almaniyada 307 manat, Böyük Britaniyada 235 manat, Fransada 276 manat, ABŞ-da 510 manatdan 550 manata qədər cərimələr tətbiq edilir. Elə ölkələr var ki, orada daha yüksək cərimələr olmaqla yanaşı, 30 sutka həbs qərarı olan hüquq normaları tənzimlənir.
Hər bir vətəndaşı bu qaydalara əməl etməyə çağırırıq. Qaydalara əməl edən vətəndaşlara isə təşəkkür edirik".
Azərbaycan Avtomobil Yolları Dövlət Agentliyi (AAYDA) hava şəraiti ilə əlaqədar ölkənin avtomobil yollarındakı vəziyyət barədə açıqlama yayıb.
Açıqlamanı təqdim edirik:
19 fevral 2021-ci il (saat 09:45)
1. Bakı - Quba - Rusiya ilə dövlət sərhədi
Yağıntı yoxdur, Quba və Qusar rayonları ərazisində 7-8 dərəcə şaxta var. Səhər saatlarından başlayaraq yolun buz bağlamış hissələrinə qum-duz səpilmiş və hazırda bu istiqamətdə işlər davam etdirilir. Yolda nəqliyyat vasitələrinin hərəkəti təmin olunub.
2. Giləzi - Xızı
Yağıntı yoxdur, 4-5 dərəcə şaxta var. Səhər saatlarından başlayaraq yola qum-duz səpilir, nəqliyyat vasitələrinin hərəkəti təmin olunub.
3. Bakı - Qobustan
Yağıntı yoxdur, 5-6 dərəcə şaxta var. Yolun 90-105 km hissəsində səhərsaatlarından başlayaraq yola qum-duz səpilir. Nəqliyyat vasitələrinin hərəkəti təmin olunub.
4. Qobustan - Şamaxı - Muğanlı
Yağıntı yoxdur, 4-5 dərəcə şaxta var. Səhər saatlarından başlayaraq yola qum-duz səpilmişdir. Hazırda bu istiqamətdə işlər davam etdirilir. Yolda nəqliyyat vasitələrinin hərəkəti təmin olunub.
5. Muğanlı - Ağsu - Yevlax
Yağıntı yoxdur, Muğanlı ərazisində 3-4 dərəcə şaxta var. Səhər saatlarından başlayaraq yolun buz bağlamış hissələrinə qum-duz səpilmişdir. Hazırda bu istiqamətdə işlər davam etdirilir. Yolda nəqliyyat vasitələrinin hərəkəti təmin olunub.
6. Bakı - Ələt - Hacıqabul
Yağıntı yoxdur, nəqliyyat vasitələrinin hərəkəti normaldır.
7. Hacıqabul – Ucar – Yevlax
Yağıntı yoxdur, nəqliyyat vasitələrinin hərəkəti normaldır.
8. Yevlax – Gəncə - Qazax -Gürcüstan Respublikası ilə dövlət sərhədi
Yağıntı yoxdur, nəqliyyat vasitələrinin hərəkəti normaldır.
9. Muğanlı – İsmayıllı
Yağıntı yoxdur, İsmayıllı rayonu ərazisində 7-8 dərəcə şaxta var. Səhər saatlarından başlayaraq yolun buz bağlamış sahələrinə, əsasəndə yolun meşə zolağından keçən hissəsinə qum-duz səpilir. Yolda nəqliyyat vasitələrinin normal hərəkəti təmin olunub.
10. İsmayıllı - Qəbələ - Oğuz - Şəki
Yağıntı yoxdur, Qəbələ rayonu ərazisində 1-2 dərəcə şaxta və duman var. Duman olan hissədə görünmə məsafəsi 30-35 metr təşkil edir. Səhər saatlarından başlayaraq yolun buz bağlamış sahələrinə, körpülərə qum-duz səpilmişdir. Yolda nəqliyyat vasitələrinin hərəkəti təmin olunub.
11. Şəki – Qax – Zaqatala – Gürcüstan Respublikası ilə dövlət sərhəd
Yağıntı yoxdur, Qax rayonu ərazisində 3-4 dərəcə şaxta var. Səhər saatlarından başlayaraq yolun buz bağlamış sahələrinə qum-duz səpilmiş, hazırda bu istiqamətdə işlər davam etdirilir. Yolda nəqliyyat vasitələrinin hərəkəti təmin olunub.
12. Yevlax – Şəki (Göybulaq)
Yağıntı yoxdur, yolda nəqliyyat vasitələrinin hərəkəti təmin olunub.
13. Gəncə-Daşkəsən-Xoşbulaq
Yağıntı yoxdur, Daşkəsən rayonu ərazisinə 12-13 dərəcə şaxta var. Səhər saatlarından başlayaraq yolun buz bağlamış sahələrinə qum-duz səpilmiş, hazırda bu istiqamətdə işlər davam etdirilir. Yolda nəqliyyat vasitələrinin hərəkəti təmin olunub.
14. Şəmkir - Gədəbəy
Yağıntı yoxdur, Gədəbəy rayonu ərazisinə 14-15 dərəcə şaxta var. Səhər saatlarından başlayaraq yolun buz bağlamış sahələrinə qum-duz səpilmiş, hazırda bu istiqamətdə işlər davam etdirilir. Yolda nəqliyyat vasitələrinin hərəkəti təmin olunub.
15. Ələt – Astara – İranla dövlət sərhədi
Yağıntı yoxdur, nəqliyyat vasitələrinin hərəkəti normaldır.
16. Masallı – Yardımlı
Yağıntı yoxdur, Yardımlı rayonu ərazisində 3-4 dərəcə şaxta var. Səhər saatlarından başlayaraq yolun buz bağlamış sahələrinə qum duz səpilir, yolda nəqliyyat vasitələrinin hərəkəti təmin olunub.
17. Lənkəran – Lerik
Yağıntı yoxdur, Lerik rayonu ərazisində 1-2 dərəcə şaxta var. Səhər saatlarından başlayaraq yolun buz bağlamış sahələrinə qum duz səpilir, yolda nəqliyyat vasitələrinin hərəkəti təmin olunub.
18. Hacıqabul – Bəhramtəpə – Horadiz
Yağıntı yoxdur, nəqliyyat vasitələrinin hərəkəti normaldır.
“Dəyişkən hava şəraiti ilə bağlı Bakı şəhərinin inzibati ərazisində heç bir yol nəqliyyat hadisəsi baş verməyib. Lakin, Dövlət Yol Polisi sürücülərə və piyadalara diqqətli olmağı tövsiyə edir”.
Bunu Oxu.Az-a açıqlamasında Bakı şəhər Baş Polis İdarəsi Dövlət Yol Polisi İdarəsinin şöbə rəisi, polis polkovniki Vaqif Əsədov deyib. O, hava şəraitinin pisləşməsi ilə bağlı verilən proqnozları nəzərə alaraq bir daha sürücülərə müraciət edib:
“Bakının bütün küçə və prospektləri tam nəzarətə götürülüb. Azərbaycan Avtomobil Yolları Dövlət Agentliyinin (AAYDA) xüsusi texnikaları, Bakı Şəhər İcra Hakimiyyətinin müvafiq şöbəsinin nümayəndələri və Bakı Şəhər Dövlət Yol Polisi İdarəsinin əməkdaşları birgə yaradılan xüsusi qərargahda xidmətini davam etdirir.
Paytaxtın ən riskli, enişli-yoxuşlu küçə və prospektləri əməkdaşlarımız tərəfindən nəzarətə götürülüb. Bununla yanaşı sürücülərin və piyadaların da ehtiyatlı olması tövsiyə olunur. Ola bilər ki, bəzi yollarda yüngül sürüşkənlik olar, sözsüz ki, bu yollarda olduqca diqqətli olsunlar. Yollarda buzlaşma ehtimalını nəzərə alaraq sürət həddini minimuma endirsinlər. Mövsümlə əlaqədar qarlı və dəyişkən hava şəraitində avtomobillərin təkərlərinin təzyiqini azaltmaq tövsiyə olunur”.
V.Əsədov sürücülərə yola çıxmazdan əvvəl avtomobillərin xarici işıq cihazlarının işlək vəziyyətdə olması, avtomobilin dövlət nömrə nişanlarının görünəcək vəziyyətdə olması vacibdir:
“Belə havada avtomobili idarəetməyə uyğunlaşmış sürücülərə şərait yaradılmalıdır. Təkərlərin mövsümə uyğun olmasına diqqət yetirmək lazımdır. İsitmə sistemlərinin, şüşəsilənlərin işlək vəziyyətdə olması, avtomobildə suyun, antifrizin olması vacibdir. Sürücülər ara məsafəsi saxlamalıdırlar, sürət həddini aşağı salmalıdırlar. Vəziyyətdən asılı olmayaraq, sürücülərin, eləcə də sərnişinlərin təhlükəsizlik kəmərlərindən istifadə etməsi vacibdir”.
“Piyadaların avtomobil yolu keçərkən qulaqlıqlardan istifadə etməməsi tövsiyə edilir. Piyadaların nəqliyyat vasitələrinin, dayanacaqda avtobuslarının qarşısından keçməsi və avtomobil yolunun hərəkət zolaqlarında dayanması təhlükəlidir. Bu sürücünü çaşdıra bilər”, - deyə V.Əsədov qeyd edib.
30 nəfər hərbçi girdikləri döyüşdə minaya düşür, onların yarısından çoxu şəhid olur. Elə əslən Balakən rayonunun Şambul kəndindən olan snayper-kəşfiyyatçı Pərviz Urkayev də həmin minadan öz payını alır. Şəhid yoldaşları kimi tabuta qoyularaq hospitala yola salınır. Amma tabutlar maşına yığılan zaman gözlənilməz hadisə baş verir. Tabutların birindən səs gəlir: “Mən hələ sağam”.
Bunları qazi Pərviz Urkayev “Xəzər xəbər”ə danışıb:
“Gördüm ki, qaranlıq bir otaqdayam. Tabutu dirsəyimlə vurub açanda yanımdakı əli və qolu olmayan əsgər yoldaşımın sürünə-sürünə getdiyini gördüm. Dedim ki, məni qoyub hara gedirsən. Mənə dedi ki, ardımca gəl. O, məni qaldıranda huşumu itirdim”.
P.Urkayev huşunu itirdikdən sonra nəbzi dayanıb. Bundan sonra o, şəhid bayrağına bükülərək yenidən tabuta qoyulub və morqa göndərilib. Burada isə həkimlər bir-bir şəhid nəşlərini müayinə edərkən onun sağ olduğunu görüblər.
“Həkimlər tabutların hamısını yoxlayıblar. Mənim tabutumu yoxlayanda görüblər ki, nəbzim vurur. Götürüb aparıblar xəstəxanaya. Mən komadan çıxandan sonra deyirdilər ki, səndəki ürək heç kimdə yoxdur. Bədənində qan qurtarmışdı, yenə də ürəyin işləyirdi”, - deyə Urkayev bildirib.
Qazimiz deyir ki, özünə gələn zaman ayağının topuqdan aşağı hissəsinin olmadığını görüb. Əvvəl elə zənn edib ki, ayağı amputasiya edilib, daha sonra minaya düşərkən ayağının elə yerindəcə qopduğunu öyrənib.
Qeyd edək ki, P.Urkayev Prezident İlham Əliyevin Sərəncamı ilə “Cəsur döyüşçü” medalı ilə təltif ediib.
Daha ətraflı aşağıdakı süjetdə:
Müdafiə Nazirliyi Zəngilan rayonunun Birinci Alıbəyli kəndindən video yayımlayıb.
Həmin görüntüləri təqdim edirik:
Yeni növ koronavirus infeksiyasını ağır formada keçirən xəstələri maqnit rezonans tomoqrafiya edərkən məlum olub ki, pasiyentlərin yarısının ürək toxumasında - miyokardit, işemiya və başqa zədələr mövcuddur. Bu, infeksiyanın ürək fəsadlarına səbəb olduğu barədə əvvəlki tədqiqatları təsdiqləyib.
"Report” xəbər verir ki, araşdırma “European Heart Journal”ında dərc edilib.
Britaniya və ABŞ həkimləri 2020-ci ilin iyun ayında altı London klinikasından müalicə edilərək sağalan 148 xəstəni müayinə ediblər. Xəstələrin 48-i süni nəfər aparatına qoşulubmuş və əsasən troponin səviyyəsinin yüksək olduğu xəstələr seçilib.
Bu protein əzələ büzülməsində iştirak edir. Əzələ bu və ya digər səbəbdən zədələnəndə protein qana qarışır. Buna görə həkimlər tez-tez müəyyən ürək xəstəlikləri üçün onun səviyyəsini biomarker kimi istifadə edirlər.
Maqnit rezonans tomoqrafiya 148 xəstədən 80-də (54 faiz) ürək əzələsinin zədələndiyini göstərib. Ətraflı analizlər müəyyən edib ki, bəzi xəstələrdə bu daha əvvəl, digərlərində isə koronavirusa yoluxduqdan sonra əmələ gəlib.