 |
|
“Aİ müşahidəçilərinin qabaqcıl qrupu İrəvana gəlib”.
Bunu Avropa İttifaqının Cənubi Qafqaz üzrə xüsusi nümayəndəsi Toivo Klaar tviter hesabında yazıb.
“27 üzv dövlət Ermənistanın müraciətinə cavab vermək üçün sürətlə hərəkətə keçdi. Aİ-nin missiyasının yerləşdirilməsinin məqsədi vəziyyəti izləmək və Ermənistan və Azərbaycan arasında münasibətlərin sabitləşməsinə kömək etmək olacaq", - deyə Toivo Klaar bildirib.
Oktyabrın 12-də Avropa Parlamentində (AP) əczaçılıq şirkətlərinin iclası keçirilib. İclasda iştirak edən “Pfizer”in rəsmisi koronavirus peyvəndlərinin sınaqdan keçirilmədən istifadə edildiyini açıqlayıb.
O, bunu iclasda iştirak edən Avropa Parlamentinin müavini Rob Roosun sualını cavablandırarkən deyib.
Belə ki, R.Roos “Pfizer”in nümayəndəsindən koronavirus peyvəndlərinin sınaqdan keçirilmiş məlumatlarını komissiyaya təqdim etməsini istəyib. “Pfizer” rəsmisi isə sınaqların aparılmadığını bildirərək bu etirafı ilə dünya ölkələrinin müzakirəsinə səbəb olub:
“Biz elmin sürəti ilə irəliləyirik və bazarla ayaqlaşırıq. Bunun necə işlədiyini öyrənməli idik”.
Bu etirafdan sonra sosial media istifadəçiləri #pfizer həştəqi ilə paylaşımlar edərək öz etirazlarını bu şəkildə göstəriblər.(qafqazinfo)
Qazaxıstanın paytaxtı AstanadaTürkiyə Prezidenti Rəcəb Tayyib Ərdoğanla qazaxıstanlə həmkarı Kasım-Jomart Tokayev arasında keçirilən görüşdə masa üzərinə qoyulan su butulkası sosial şəbəkələrdə viral olub.
“ Ərdoğanın Astana səfəri çərçivəsində ona Qazaxıstanın I dərəcəli “Dostluq” ordeni ilə təltifetmə mərasimi keçirilib.
Mərasimdə masa üzərinə qoyulan su butulkasının adının "Turan" olması insanların marağına səbəb olub.
Sosial şəbəkə iştirakçıları bunu beynəlxalq aləmə ciddi bir mesaj kimi dəyərləndiriblər.
Bəziləri isə məhz bu adda su brendinin masaya qoyulmasını Turan ideologiyasının insanlara təlqin edilməsi kimi şərh ediblər.
Sosial şəbəkələrdə fotonun şərh bölümünə “bəzən ən ülvi arzular və istəklər su ilə çin olur!” kimi şərhlər yazılıb.
Qazaxıstanın paytaxtı Astanada Türkiyə Prezidenti Rəcəb Tayyib Ərdoğanla rusiyalı həmkarı Vladimir Putin arasında görüş başlayıb.
Görüş Asiyada Qarşılıqlı Fəaliyyət və Etimad Tədbirləri üzrə Müşavirənin 6-cı Zirvə Toplantısı çərçivəsində keçirilir.
Mənbə: Haber Global
Tez-tez ictimaiyyət qarşısında çıxışları ilə gündəmə gələn ABŞ Prezidenti Co Bayden bu dəfə də ənənəsinə sadiq qalıb.
“Qafqazinfo xəbər verir ki, ABŞ lideri Kolorado ştatında çıxışı zamanı səhvən oğlu Bo Baydenin İraqda dünyasını dəyişdiyini deyib. Bo Bayden isə əslində xərçəng xəstəliyindən vəfat edib.
Qeyd edək ki, Baydenin böyük oğlu Bo Bayden 2008-2009-cu illərdə İraqda xidmət edib. O, 2015-ci ildə ABŞ-da 46 yaşında beyin xərçəngindən dünyasını dəyişib.
Fransa prezidenti Emmanuel Makron Belarus lideri Aleksandr Lukaşenkonun Ukraynadakı münaqişədə fəal iştirak edəcəyi təqdirdə problem yaşayacağını bildirib.
“ Makron bunu “France 2” telekanalına müsahibəsində deyib.
“Prezident Lukaşenko özünü Ukrayna münaqişəsinə daha çox həsr etmək qərarına gələrsə, məsuliyyəti öz üzərinə götürməlidir. Məncə, bu, onun üçün problemsiz ötüşməyəcək” - Makron qeyd edib.
Makron onu da xatırladıb ki, Aİ Rusiya ordusunun Ukraynaya keçməsi məqsədi ilə öz ərazisində yerləşdirilməsinə icazə verdiyi üçün Belarusa qarşı artıq sanksiyalar tətbiq edib.
Avropa İttifaqının texniki qrupu bu gün Ermənistana səfər edəcək.
Bu barədə ölkənin Xarici İşlər Nazirliyi məlumat yayıb.
Qrupun məqsədi Ermənistan-Azərbaycan sərhədində yerləşdiriləcək Avropa İttifaqı missiyasının konkret yerlərini müzakirə etməkdir.
“Ukraynalıların özlərini müdafiə edə bilmələri üçün kəşfiyyat məlumatları təqdim edirik, lakin bu barədə çox danışmamaq daha yaxşı olardı”.
Xarici KİV xəbər verir ki, bu sözləri Fransa Prezidenti Emmanuel Makron “France 2” kanalına açıqlamasında deyib. O, Rusiyanın 24 fevralda Ukraynaya qarşı müharibəyə başlayaraq bütöv bir xalqı və qitəni təhlükəyə atdığını bildirib.
Fransa lideri Dünya müharibəsi istəmədiklərini də vurğulayıb:
“Biz müharibəyə qatılmadan Ukraynanı dəstəkləyirik”,- o deyib.
Lazım olanda Putinlə danışacağını ifadə edən Makron, nə vaxtsa bütün tərəflərin yenidən danışıqlar masasına oturmalı olacağını vurğulayıb.
“Putinin nüvə təhdidləri çox təhlükəli və məsuliyyətsizdir. Biz böyük nüvə dövlətindən belə davranış görəcəyini gözləmirik. Bu, çox təhlükəlidir və biz bunu ciddi qəbul edirik”.
Məqsədimiz qarşılıqlı ticarət dövriyyəsini 10 milyard dollara çatdırmaqdır.
Bunu Qazaxıstan Prezidenti Qasım-Jomart Tokayev Türkiyə ilə dinamik inkişaf edən ticarət-iqtisadi və investisiya əməkdaşlığı dəyərləndirərkən deyib.
O qeyd edib ki, Türkiyə Qazaxıstanda ilk 10 ən böyük investor arasındadır.
Ərdoğan və Tokayevin görüşünün yekunu olaraq birgə bəyanat qəbul edilib və 6 sənəd imzalanıb.
Tokayev Türkiyə Prezidenti Rəcəb Tayyib Ərdoğanı 1-ci dərəcəli “Dostluq” ordeni ilə təltif edib.
ABŞ-dan sonra İngiltərə kəşfiyyatı da Rusiyanın nüvə silahından istifadə planı ilə bağlı diqqət çəkən hesabat dərc edib.
Xarici KİV xəbər verir ki, bu barədə Britaniyanın Elektron Kəşfiyyat Xidmətinin (GCHQ) rəhbəri Ceremi Fleminq danışıb. O bildirib ki, Rusiya indiyədək nüvə silahları üzrə müəyyən edilmiş hərbi doktrinaya sadiq qalıb:
“Rusiya ordusunun və Rusiya prezidenti Vladimir Putinin (Ukraynada) bu müharibəyə rəhbərlik etmə tərzini bəyənməsək və bir çox cəhətdən nifrət etsək də, onlar nüvə silahından istifadə də daxil olmaqla, hələlik bildiyimiz kimi doktrina daxilində qalırlar”, - Ceremi Fleminq deyib.
Bununla belə, Fleminq söyləyib ki, vəziyyətin dəyişə biləcəyinə dair əlamətlər axtaracaqlar: “Ümid edirəm ki, onlar bu yolda (nüvə silahından istifadə baxımından) irəliləməyə başlasalar, biz göstəriciləri görəcəyik”.
Fleminq Putinin gərginliyin artmasının təhlükələrindən narahat olduğuna əminliyini ifadə edib. Ukraynanın sahədəki vəziyyəti Rusiya qüvvələrinin əleyhinə çevirdiyini qeyd edən Fleminq, rus əsgərlərinin təchizat və sursatlarının tükəndiyini söyləyib.
Qeyd edək ki, Ağ Ev Milli Təhlükəsizlik Şurasının Strateji Kommunikasiyalar Direktoru Con Kirbi də Rusiyanın nüvə silahı və ya kütləvi qırğın silahlarından istifadə etməyi seçdiyinə dair heç bir əlamət olmadığını açıqlamışdı.