 |
|
İngiltərənin keçmiş baş naziri Boris Conson Lizz Trussun istefası ilə yenidən başlayan baş nazirlik yarışından geri çəkib.
Xarici KİV xəbər verir ki, Dominikan Respublikasındakı tətildən İngiltərəyə qayıdan Conson namizədliyini hələ rəsmən açıqlamayıb. Lakin BBC-nin əldə etdiyi məlumata görə, 57 millət vəkilinin Consonu dəstəklədiyi iddia edilib. Ceyms Dədrik də Consonun namizəd olmağı düşündüyünü açıqladı.
Conson isə tətildən qayıtdıqdan sonra namizədliklə bağlı yazılanlara münasibət bildirib. O, yazılı açıqlamasında Mühafizəkarlar Partiyasının liderliyinə yenidən namizədliyini irəli sürməsi lazım olduğunu düşünənlərin sayına və 102 deputatın dəstəyini almasına təəccübləndiyini bildirib.
“Lakin mən bu yaxınlarda belə qənaətə gəldim ki, təəssüf ki, bu, düzgün iş deyil. “Parlamentdə vahid partiyanız olmasa, effektiv idarə edə bilməzsiniz.
Conson sabiq maliyyə naziri Rişi Sunak və Mühafizəkarlar Partiyasının Parlament Qrupunun sədri Penni Mordaunt ilə ortaq bir nöqtədə razılaşa bilmədiklərini izah edib:
“Ona görə də qorxuram ki, namizədliyimin davam etməsinə imkan verməmək və uğurlu namizədi dəstəkləmək daha yaxşıdır. İnanıram ki, təklif edə biləcəyim çox şey var, amma qorxuram ki, bu, doğru zaman deyil”,- o deyib.
Rişi Sunak və Conson dünən axşam görüşüb və bu hadisə Britaniya mətbuatında mümkün razılaşma kimi şərh edilib. İngiltərə qəzetlərinin yazılarına görə, iki addan birinin namizədliyi irəli sürülsə, digərinin yarışdan geri çəkiləcəyi bildirilib. İclasda namizədlikdən geri çəkilmək müqabilində qarşı tərəfə fərqli vəzifə vəd edilməsinin müzakirə olunduğu, lakin tərəflərin razılığa gələ bilmədiyi iddia edilib.
Qeyd edək ki, iyul ayında vəzifəsini tərk etməzdən əvvəl Conson ona qarşı ədalətli davranılmadığını və geri qayıtmağı düşündüyünü demişdi. Siyasi olaraq bu qayıdışın çətin olacağı bildirilirdi.
Xatırladaq ki, Böyük Britaniyanın baş naziri Liz Tras oktyabrın 20-də vəzifəsindən istefa verib. O, cəmi 45 gün idi ki, vəzifəyə seçilmişdi.
İran və Ermənistan münasibətlərində bir sıra maraqlı və müəammalı məqamlar mövcuddur.
"Bunu Milli Məclisin deputatı Vüqar Bayramov deyib. O, sözügedən məqamların bəzilərini sadalayıb:
- İran hazırda Ermənistan ərazisi hesab edilən Qərbi Zəngəzurda konsulluq açan yeganə ölkədir;
- İran Ermənistanın Azərbaycanla 2 kilometrlik sərhədində rəsmi nümayəndliyi olan yeganə ölkədir;
- İran Ermənistan ilə ticarət dövriyyəsini 3 dəfə artırmağı hədəfləyən yeganə ölkədir. Tehran ticarət dövriyyəsini il ərzində 1 milyard dollara, daha sonra 3 milyard dollara çatdırmağa çalışır;
- İran Ermənistanla iqtisadi əlaqələrini bu il 40 faizdən çox artıran yeganə ölkələrdəndir. Bu ilin 8 ayında iki ölkə arasındakı ticarət dövriyyəsi 43.0 % artıb;
- İran Ermənistanın xarici ticarət dövriyəsində artıq ilk üçlüyə daxil olub;
- Tehranın istədiyi kimi ticarət dövriyyəsi 3 milyard dollar olarsa o zaman İran Ermənistanın ən böyük ticarət tərəfdaşı olacaq.
"Avropa İttifaqı İran dronlarının Ukraynaya qarşı istifadəsinə görə dünən Tehrana yeni sanksiyalarının tətbiqini razılaşdırıb", - deyə millət vəkili qeyd edib.
İran ölkə daxilində baş verən etirazları araşdırmaq əvəzinə günahı qonşularda və ya okeanın o tayında axtarır.
Məhz bu səbəbdən İran Azərbaycanla sərhəd olan Qafan şəhərində konsulluq açmaqla hiyləgər planlarını həyata keçirmək istəyir.
Millət vəkili Cavid Osmanov mövzu ilə bağlı bildirib ki, İran Ermənistana dəstək olmaqla öz daxilindəki acınacaqlı vəziyyətdən fikirləri başqa istiqamətə fokuslamaq niyyətindədir.
Daha ətraflı Baku TV-nin süjetində:
“Belarusun bu gün heç bir müharibəyə ehtiyacı yoxdur”
Musavat.com xarici agentliklərə istinadən xəbər verir ki, bu fikri Belarus prezidenti Aleksandr Lukaşenko deyib.
Qeyd edək ki, bu gün Belarus dövlətinin başçısı Baranoviçi rayonu yaxınlığında Obuz-Lesnovski poliqonunda olub. Burada Belarus Hərbi sənaye komitəsi Belarus istehsalı olan silah, hərbi və xüsusi texnika nümunələrinin döyüş qabiliyyətini nümayiş etdirir.
“Kənardakı ulamalara fikir verməyin. Bizim bir yerə getmək fikrimiz yoxdur. Hazırda müharibə yoxdur. Bu, bizə lazım deyil”, - deyə “Sputnik Belarus” xəbər agentliyi Lukaşenkonun sözlərindən sitat gətirib.
“Biz sakitləşməliyik. Müharibə olmamasını istəyiriksə, hər kəs öz işi ilə məşğul olmalıdır”, - deyə Belarus lideri vurğulayıb.
Mən prezident olsaydım Putin Ukraynaya müdaxilə etməzdi.
Bunu ABŞ-ın sabiq prezidenti Donald Tramp “Fox News” telekanalına müsahibəsində deyib.
Bayden administrasiyasının enerji siyasətini tənqid edən Tramp bildirib ki, neftin yüksək qiymətə olması Rusiyaya müharibəni davam etdirmək imkanları yaradır. “Putin mənə hörmət edirdi və biz oyun oynamadıq və bu baş verməzdi... İndi neft o qədər bahadır ki, Putin müharibəni davam etdirə bilər. Pul onun üçün problem olmayacaq” - Tramp qeyd edib.
Çoxları vacib və təhlükəli bir məsələni anlamır, əgər Cənubi Qafqazın 3 ölkəsindən biri regiona 4-cü güc mərkəzini gətirsə, ona eyni zamanda 3 böyük qonşu ölkə - Rusiya, Türkiyə və İran tərəfindən düşmən kimi baxılacaq.
Axar.az xəbər verir ki, bu barədə erməni ekspert Stepan Danielyan Feysbuk səhifəsində yazıb.
“Çoxları anlamır ki, Cənubi Qafqazda sülh yalnız İran, Rusiya və Türkiyə arasında güc balansı və qarşılıqlı maraqlar olduqda mümkündür. Həm də başa düşmürlər ki, regiona 4-cü ölkə daxil olarsa, güc balansı pozulacaq və müharibənin genişlənməsi ehtimalı yaranacaq”, - deyə o bildirib.
Danielyan əlavə edib ki, vaxtilə bu siyasi xəttə görə Gürcüstan cəzalandırılıb:
“İndi Ermənistanın siyasi hakimiyyəti belə bir eksperiment aparır. Bunun sonu pis ola bilər. Ümid edirəm ki, İranın xarici işlər naziri İrəvanda bir daha buna aydınlıq gətirdi”.
Qeyd edək ki, Ermənistanın öz ərazisinə AB “missiyasını” buraxması İranda ciddi qıcıqla qarşılanıb.
Rusiyanın “Pervıy kanal”ında Azərbaycana qarşı növbəti təxribat törədilib.APA xəbər verir ki, budəfəki təxribat kanalın “Bolşaya İqra” adlı tok-şousunun 20 oktyabr tarixli axşam buraxılışında baş verib. Avropa İttifaqının Ermənistana missiya göndərməsinə həsr olunan müzakirələr zamanı tok-şounun qonaqları olan ekspertlər tərəfindən Azərbaycanın ərazi bütövlüyü əleyhinə çağırış və bəyanatlar səsləndirilib.
Verilişdə qonaq ekspert qismində Rusiyanın ən böyük ermənipərəst "ekspertləri" Nataliya Naroçnitskaya və Anrdranik Miqranyan çıxış ediblər.
Miqranyan Rusiyanın dövlət kanalında Rusiya Federasiyasının Qarabağla bağlı mövqeyinin əleyhinə danışıb. Bildirib ki, guya Rusiya üçün Qarabağın “status” məsələsi heç vaxt gündəmdən düşməyib.
Bununla belə, heç kəs Mirqanyana Rusiya Prezidenti Vladimir Putinin 10 noyabr üçtərəfli sazişin imzalanmasından dərhal sonra verdiyi müsahibədə “Qarabağ Azərbaycanın ayrılmaz tərkib hissəsidir, və hər zaman belə olub” bəyanatını xatırlatmayıb. Miqranyan güya Qarabağ nizamlanması ilə bağlı Moskvanın planının sonrakı mərhələsində “status” məsələsinin yer aldığını iddia edib.
Beləliklə, 17 dəqiqə ərzində “Böyük oyun”un aparıcısı Vyaçeslav Nikonov və onun ermənipərəst qonaqları Azərbaycanın Qarabağla bağlı yurisdiksiyasının bərpasının Rusiyanın maraqlarına uyğun olmadığını iddia ediblər. Bundan başqa veriliş boyu monitorda qondarma “Dağlıq Qarabağ Respublikası”nın xəritəsi nümayiş olunub.
Verilişin sonunda maraqlı hadisə baş verib. Belə ki, Rusiyanın tanınmış ermənipərəst ruporlarından olan, “tarixçi” Natalya Naroçnitskaya aparıcı Nikonovun sözünə müdaxilə edərək “Qarabağ əzəli erməni torpağıdır” deyə qışqırıb. Bu zaman kameralar Naroçnitskayanı göstərməyib.
Qeyd edək ki, Rusiyanın dövlət tərəfindən maliyyələşən federal kanallarında Azərbaycana qarşı təxribatlar yenilik deyil. 44 günlük Qarabağ müharibəsi zamanı da, ondan əvvəl də eyni mənzərənin dəfələrlə şahidi olmuşuq. Bu xüsusda Rusiyanın “Birinci” kanalı daim qatı ermənipərəstliyi ilə “seçilib”. Uzun müddətdir Ukrayna müharibəsini balanslı şəkildə işıqlandırdığına görə “Roskomnadzor” Azərbaycanın bir sıra media qurumlarını bloklayıb, ya da bloklanmaqla hədələyir. Dünən “Birinci” kanalın efirində baş verənlər, ölkəmizə qarşı təxribatçı bəyanatlar Rusiya kütləvi informasiya vasitələri ilə yanaşı televiziya kanallarının da Azərbaycanda yayımının dayandırılması məsələsini gündəmə gətirir.
Ukraynada baş verənləri və eyni zamanda Rusiyanın rəsmi mövqeyini şərhsiz, tərəf tutmadan işıqlandıran Azərbaycanın media resursları Rusiya ərazisində bloklanırsa və ya bloklanmaqla hədələnirsə, o zaman Miqranyanı və Naroçnitskayanı bizə qarşı “qısqırdan” “Birinci” kanal niyə Azərbaycanda bloklanmasın?
Ukrayna Prezidenti Volodimir Zelenski Ukraynada doğulmuş, lakin Rusiyada işləyən müğənnilər Taisiya Povaliy, Ani Lorak və Anna Sedokova, həmçinin teleaparıcı Regina Todorenkoya qarşı sanksiyaların tətbiqi haqqında fərman imzalayıb.
Müvafiq sənəd dövlət başçısının saytında dərc olunub.
Qeyd olunur ki, sanksiyalar beş il müddətinə tətbiq edilib və aktivlərin bloklanması, lisenziya və icazələrin ləğvi, ticarətə qadağa və kapitalın Ukraynadan çıxarılması, Ukraynada özəlləşdirmə və icarə işlərində, torpaq alınmasında iştirak qadağası daxil olmaqla, 15 məhdudiyyət bəndini əhatə edir.
Bundan başqa, adları çəkilən şou-biznes nümayəndələri Ukrayna dövlət mükafatlarından da məhrum ediləcəklər.
NATO-nun nüvə təlimləri (“Steadfast Noon”) Avropa qitəsində sabitliyə xidmət etmir.
"Bunu Rusiya Xarici İşlər Nazirliyinin sözçüsü Mariya Zaxarova deyib.
“Bu cür manevrlər, şübhəsiz ki, Avropa qitəsində mövcud vəziyyətin sabitliyinə heç bir töhfə vermir. Bunun fonunda alyansın təlimlərin guya müdafiə xarakterli olması ilə bağlı səs-küylü bəyanatları yenə boş sözlərə çevrilir”, - XİN sözçüsü bildirib.
Zaxarova hərbi manevrlərdə iştirak edən ölkələrin əksəriyyətinin qeyri-nüvə statusuna malik olmasına diqqət çəkib:
“ABŞ Nüvə Silahlarının Yayılmasının Qarşısının Alınması Müqaviləsinin fundamental prinsiplərini pozaraq, uzun müddətdir ki, nüvə silahı olmayan ölkələrə nüvə silahından istifadə etməyi öyrədir. Guya çoxdan planlaşdırılan və müntəzəm təlimlərdən danışdıqlarını bəyan edən alyans liderləri ölkəmizi “məsuliyyətsiz nüvə ritorikası”nda ittiham etməyə çalışırlar”.
Oktyabrın 17-dən 30-dək NATO-nun təlimləri keçiriləcək, məqsəd alyansın nüvə qüvvələrini sınaqdan keçirməkdir. Bu il təlimlərin qərargahı Belçikadakı Kleyn Brogel aviabazasıdır. Manevrlərə alyansın 14 ölkəsindən 60-a qədər müxtəlif tipli təyyarə cəlb olunub. Əvvəlki illərdə olduğu kimi, ABŞ-ın B-52 strateji bombardmançı təyyarələri də manevrlərə qatılacaq. (Axar.az)
Azərbaycanda səfərdə olarkən yol qəzası keçirən Türkiyənin Ədalət və İnkişaf Partiyası sədrinin müavini Binəli Yıldırım, millət vəkili Şamil Ayrım və mühafizəçi Oğuzhan Dəmirçi Mərkəzi Klinik Xəstəxanasına yerləşdiriliblər və mütamadi həkim nəzarəti altındadırlar.
Bu barədə Səhiyyə Nazirliyindən məlumat verilib. Bildirilib ki, onların vəziyyəti qənaətbəxşdir:
"Həyatları üçün hər hansı bir təhlükə yoxdur, yaxın saatlarda onların evə yazılacağı gözlənilir"- məlumatda qeyd edilib.
Qeyd edək ki, Türkiyə Prezidenti Rəcəb Tayyib Ərdoğanı Azərbaycana rəsmi səfərdə müşayiət edən Türk Dövlətləri Təşkilatının (TDT) Ağsaqqallar Şurasının sədri, Ədalət və İnkişaf Partiyasının (AKP) müavini Binəli Yıldırım və Türkiə Böyük Millət Məclisinin deputatı Şamil Ayrımın olduğu avtomobil ötən gün Zəngilan hava limanına gedərkən qəzaya uğrayıb.