 |
|
Çox ciddi proseslər gedir. 12 sentyabrdan 13 sentyabra keçən gecə Azərbaycan Ordusu Ermənistan silahlı qüvvələrinin ön xəttini qıraraq, strateji yüksəklikləri ələ keçirə bildi. Bu strateji nöqtələr bizim onurğa sütunumuz sayıla bilərdi.
Axar.az xəbər verir ki, bu fikirləri tanınmış erməni hərbi analitik Şiraz Xaçatryan bölüşüb.
Onun sözlərinə əsasən, Azərbaycan Ordusunun hücumlarının istiqamətləri kifayət qədər genişdir və əvvəl-əvvəl Bakının əsas məqsədini bəlli etmək olmurdu:
“Elə “hərbi taktika” da buna deyirlər. Biz ilk saatlarda nə baş verdiyini heç anlamırdıq. Birdən eşitdik ki, artıq Azərbaycan Ordusu bizim üçün çox vacib bir neçə nöqtəni nəzarət altına götürüb. Gələcəkdə Bakı İrəvanın nəfəsini kəsmək istəsə, bizim üçün strateji yüksəklik sayılan Qızılcıq kəndini (Qarakilsə) də ələ keçirə bilər. Bu, zərgər dəqiqliyi ilə ölçülmüş və uzunmüddətli prespektivə hesablanmış strategiyadır”, - deyə o qeyd edib.
Davamlı sülh və sabitlik istəyiriksə Ermənistan təxribatlardan əl çəkməlidir.
Bunu Türkiyənin xarici işlər naziri Mövlud Çavuşoğlu bu gün Diplomatik müxbirlər toplantısında çıxışı zamanı Ermənistanın təxribat xarakterli hərəkətlərinə mövqeyini açıqlayarkən deyib.
“Ermənistan zaman-zaman təxribat törətməkdə davam edir. Təbii ki, Azərbaycanın buna cavab verməməsi mümkün deyil. Biz burada davamlı sülh və sabitlik istəyiriksə, Ermənistan təxribatlardan əl çəkməlidir”, - nazir qeyd edib.
Baş nazir Nikol Paşinyan ilə İran İslam Respublikasının Prezidenti Seyid İbrahim Rəisi arasında telefon danışığı olub.
“hraparak” xəbər verir ki, baş nazir sərhəddəki gərginliklə bağlı İran Prezidentini məlumatlandırıb.
İbrahim Rəisi qeyd edib ki, Cənubi Qafqaz regionunda yeni müharibə qəbuledilməzdir və İran hadisələrin gedişatını diqqətlə izləyir. O vurğulayıb ki, regiondakı bütün münaqişələr sülh yolu ilə həll olunmalıdır və İranın dövlətlərin ərazi bütövlüyü ilə bağlı mövqeyi bəllidir.
Rəisi Ayətullah Xameneinin sözlərini xatırladıb ki, İranın Ermənistanla əlaqəsi təhlükə altına düşməməli, rabitə kanalları dövlətlərin suverenliyi altında olmalıdır.
İran Prezidenti ölkəsinin regionda sülhün bərqərar olmasına dəstək verməyə hazır olduğunu vurğulayıb və əlavə edib ki, Ermənistanın təhlükəsizliyi məsələsi İran üçün vacibdir.
Ermənistanın Baş naziri Nikol Paşinyan Azərbaycanla sərhəddəki gərginlikdə ölən erməni hərbçilərin ilkin sayını açıqlayıb.
Report xəbər verir ki, bu barədə hökumət başçısı parlamentdə çıxış edərkən danışıb.
Onun sözlərinə görə, Ermənistan tərəfi 49 hərbçisini itirib: “Bu, yekun rəqəm deyil”.
Böyük Britaniya kraliçası II Elizabetin dəfn mərasiminə dəvət edilən dünya liderləri avtomobil və helikopterlərdən istifadə edə bilməyəcək. Bundan başqa, onlar kommersiya reysləri ilə ölkəyə gəlməli olacaqlar.
Oxu.az məlumatına görə, qaydalar tədbirdə boş yerin olmaması, eləcə də ziyarətçilərin çoxluğu ilə bağlıdır.
Nümayəndə heyətlərinin tərkibində də məhdudiyyətlər var. Dəfn mərasimində yalnız dünya liderləri və onların həyat yoldaşları iştirak edə biləcəklər. Onlar mərkəzləşdirilmiş şəkildə avtobusla çatdırılacaqlar.
Anım mərasimindən sonra onlar Lankaster-Hausda başsağlığı kitabına qeydlər qoya biləcəklər. Onlar daha sonra Böyük Britaniyanın xarici işlər naziri Ceyms Kleverli ilə görüşmək üçün Dins-Yarda gedəcəklər.
Eyni zamanda, dəfn mərasimindən bir gün əvvəl III Karl Bukingem sarayında bütün xarici liderlər üçün ziyafət təşkil edəcək.
Xatırladaq ki, Böyük Britaniya kraliçası II Elizabet sentyabrın 8-də vəfat edib. Onun dəfn mərasimi 2022-ci il sentyabrın 19-da Britaniya vaxtı ilə saat 11:00-da keçiriləcək.
Rusiya hərbçiləri cənub istiqamətində silahı yerə qoymaqla bağlı Ukrayna ordusu ilə danışıqlar aparırlar.
Axar.az xəbər verir ki, bunu Ukrayna Müdafiə Nazirliyinin nümayəndəsi Natalya Qumenyuk deyib.
“Onlar silahlarını yerə qoymaq və beynəlxalq humanitar hüququn himayəsi altına girəcəkləri ilə bağlı şərtləri müzakirə etməyə çalışırlar”, - Qumenyuk bildirib.
İki gündür sosial şəbəkələrdə İranın Ali dini lideri Əli Xameneinin ağır xəstə olması, buna görə ali şuranın toplantısının təxirə salınması barədə məlumatlar yayılır. Şərqi Azərbaycan vilayətinin Mütəxəssislər Məclisindəki nümayəndəsi Haşim Həşimzadə Hərisi “Amerikanın səsi”nə açıqlamasında iclasın Əli Xameneini “narahat etməmək üçün” təxirə salındığını təsdiqləyib. Bu isə müxtəlif iddiaların daha da genişlənməsinə səbəb olub.
Xameneinin vəziyyətinin son dərəcə kritik olduğu, hətta vəfat etdiyi, buna görə də onun oğlu Müctəbanın İranın Ali rəhbəri vəzifəsinə hazırlandığı haqqında xəbərlər yayılmaqdadır.
Məsələ ilə bağlı axar.az-ın sorğusuna cavab olaraq İran səfirliyindən verilən açıqlamada yayılan məlumatların həqiqəti əks etdirmədiyi bildirilib.
“Bizdə olan məlumata görə, Xamenei vəfat etməyib. Ağa sağ-salamatdır və heç bir problemi yoxdur. O öz işinin başındadır”, - deyə bildirilib.
Çeçenistanda Ukraynaya göndərilməsi üçün 560 əsgərdən ibarət üç batalyon və 1500 nəfərlik xüsusi alay hazırlanıb.
Axar.az xəbər verir ki, bunu Çeçenistanın rəhbəri Ramzan Kadırov deyib.
O, hərbi hissələrin və texnikanın döyüş baxışında iştirak edib:
O bildirib ki, Ukraynaya qarşı müharibə üçün ümumilikdə 3180 əsgər hazırlanıb.
Gün ərzində Ukrayna ordusu düşməni iyirmidən çox yaşayış məntəqəsindən sıxışdırıb çıxarıb və onları tam nəzarət altına almaqda davam edirlər.
“Bu barədə Ukrayna Silahlı Qüvvələri Baş Qərargahının yaydığı məlumatda deyilir.
Bildirilir ki, Ukrayna ordusu Mayorskaya və Krasnoqorovka yaxınlığında düşmən hücumlarını dəf etdiyi, Nikolayevka Vtoroy və Zaytsevoy ərazilərində isə döyüşlərin davam etdiyi qeyd edilir.
“Ordu Xerson istiqamətində həyata keçirdiyi uğurlu əməliyyatlardan sonra düşmən xeyli canlı qüvvə itkisinə məruz qalıb. Məlumata görə, 810-cu xüsusi dəniz piyada briqadası şəxsi heyəti demək olar ki, 85%-ni itirib. Qalan hərbçilərin mənəvi-psixoloji durumu son dərəcə aşağıdır, onlar kütləvi şəkildə döyüş bölgəsinə qayıtmaqdan imtina edirlər”, - məlumatda deyilir.
Böyük Britaniya kraliçası II Elizabetin ölümündən sonra Uels şahzadəsi Çarlz rəsmi mərasimlə kral III Çarlz elan edilib.
Qafqazinfo xəbər verir ki, III Çarlzın andiçmə mərasimində sənədi imzalayarkən etdiyi jestlər və mimikalar gündəm olub.
Görüntülər sosial mediada paylaşılıb və çoxları onu tənqid edib.