 |
|
“Azərbaycan Dəmir Yolları” QSC-də İranın yol və şəhərsalma naziri Məhəmməd İslaminin rəhbərlik etdiyi nümayəndə heyəti ilə görüş keçirilib.
Qonaqlar əvvəlcə Bakı Dəmir Yolu Vağzalı ilə tanış olublar. "Azərbaycan Dəmir Yolları” QSC-nin sədri Cavid Qurbanov məlumat verib ki, Bakı Dəmir Yolu Vağzalının binası 1884-cü ildə Mavritaniya üslubunda inşa olunub, 1926-cı ildə isə rekonstruksiya edilib. 1977-ci ildə dəmir yolunun Bakı sərnişin stansiyasında yeni vağzal binası tikilib. Sərnişinlərə xidmət üçün nəzərdə tutulan və mehmanxanası olan 16 mərtəbəli vağzal binası Cənubi Qafqazda eyni tipdən olan obyektlərin ən böyüyü idi.
Sonralar dəmir yolu vağzalının yüksək standartlara və müasir dövrün tələblərinə cavab verməsi üçün burada yenidənqurma işlərinin görülməsinə ehtiyac yarandı. Bu məqsədlə 2015-ci ilin martında burada əsaslı təmir və yenidənqurma işlərinə start verilib. Vağzalın əsas binasının fasadı memarlıq üslubunun saxlanması şərtilə yenidən qurulub, binanın daxilində əsaslı təmir işləri görülüb. Həmçinin bilet satışı kassaları, sərnişin platformaları müasir üslubda əsaslı təmir olunub, eskalatorlar yenisi ilə əvəzlənib. Yüklər, sərnişin və əlillər üçün liftlər quraşdırılıb. Əsaslı təmir zamanı burada inzibati otaqlar, müasir standartlara cavab verən ticarət və iaşə obyektləri yaradılıb, ana-uşaq otaqları, gözləmə zalı, saxlama kameraları, eləcə də 2 saylı “ASAN kommunal” vətəndaşların istifadəsinə verilib. Bu mərkəz qeydiyyat yerindən asılı olmayaraq bütün vətəndaşlara, o cümlədən vağzaldan istifadə edən bütün sərnişinlərə xidmət göstərir.
Qonaqlar Bakı-Sumqayıt-Bakı marşutu ilə hərəkət edən, İsveçrənin “Stadler Rail Group” şirkəti istehsalı olan KİSS markalı ikimərtəbəli qatarlarla tanış olublar. “Azərbaycan Dəmir yolları” QSC-nin sədri Cavid Qurbanov qatarların texniki üstünlükləri ilə bağlı göstəriciləri diqqətə çatdırıb.
Qonaqlar Bakı Dəmir Yolu Vağzalında görülən işləri yüksək qiymətləndiriblər.
Bakı Dəmir Yolu Vağzalı ilə tanışlıqdan sonra “Azərbaycan Dəmir yolları” QSC-nin inzibati binasında təşkil olunan görüşdə qonaqlara Azərbaycanın nəqliyyat-logistika imkanları, beynəlxalq nəqliyyat dəhlizləri barədə ətraflı məlumat verilib. Cəmiyyətin sədri Cavid Qurbanov “Şimal-Cənub” Beynəlxalq Nəqliyyat Dəhlizinin əhəmiyyətindən danışaraq bildirib ki, bu dəhliz yalnız İran, Azərbaycan və Rusiyanın deyil, həmin marşrut ilə ixrac-idxal əməliyyatlarını həyata keçirərək ticarət dövriyyəsini artıran digər region ölkələrinin də inkişafında əhəmiyyətli rol oynayacaq.
Sonra ikitərəfli əlaqələrin genişləndirilməsi məsələləri müzakirə olunub. Rəşt-Astara dəmir yolunun icra vəziyyəti ilə bağlı fikir mübadiləsi aparılıb.
Bildirilib ki, "Şimal-Cənub" Beynəlxalq Nəqliyyat Dəhlizi layihəsi çərçivəsində Azərbaycan tərəfi öz üzərinə düşən vəzifələri yerinə yetirib. Astara stansiyasından İran İslam Respublikası dövlət sərhədinə qədər birxətli 8,3 km dəmir yolu çəkilib və Astara çayı üzərindəki dəmir yolu körpüsü tikilib. Eyni zamanda Astarada (İran) 35 hektar ərazidə dəmir yolu stansiyasının tikintisi və yüklərin boşaldılması üçün terminalların inşası davam edir. 2018-ci ilin mart ayında Astara-Astara dəmir yolunun birləşdirilməsi layihəsinin ilk fazası və yük terminalı istismara verilib və eyni zamanda taxıl terminalının təməli qoyulub. Bu ilmartın 6-da isə “Şimal-Cənub” Beynəlxalq Nəqliyyat Dəhlizinin əsas hissəsini təşkil edən Qəzvin-Rəşt-Astara (İran)-Astara(Azərbaycan) dəmir yolunun Qəzvin-Rəşt hissəsinin açılışı olub. Yaxın gələcəkdə Rəşt-Astara (İran)-Astara (Azərbaycan) dəmir yolu xətti də tikilib istifadəyə veriləcək. Bütün bunlar hər iki ölkənin nəqliyyat-tranzit və iqtisadi-ticarət potensialını gücləndirəcək.
İranın yol və şəhərsalma naziri Məhəmməd İslami nəqliyyat dəhlizlərinin fəaliyyətinin gücləndirilməsinin mühüm vəzifələrdən biri olduğunu bildirib. Bu sahədə “Şimal-Cənub” Beynəlxalq Nəqliyyat Dəhlizinin əhəmiyyəti xüsusi vurğulanıb.
Bu gün Gürcüstanın paytaxtı Tbilisidə “Transxəzər Beynəlxalq Nəqliyyat Marşrutu” Beynəlxalq Assosiasiyası Hüquqi Şəxslər Birliyinin ümumi yığıncağı keçirilib.“Azərbaycan Dəmir Yolları” QSC-nin sədri Cavid Qurbanovun da iştirak etdiyi tədbirə, Assosiasiyaya daxil olan bütün qurumların rəhbərləri qatılıblar.
İclasda “Orta dəhliz”ə yeni növ yüklərin cəlb olunması və 2020-ci il üçün vahid şəffaf tarif siyasəti məsələləri müzakirə olunub. Ukraynanın “TIS Konteyner Terminalı” və “Bakı Hövsan Beynəlxalq Ticarət Dəniz Limanı” ASC-nin Beynəlxalq Assosiasiyaya qəbul olunması barədə qərar qəbul edilib.
Bundan başqa Azərbaycan və Qazaxıstan limanları arasında “Orta dəhliz”də daşınmaların ümumi effektivliyinin artırılması və konteyner daşımalarının asanlaşdırılması məqsədilə avtomatik məlumat mübadiləsi barədə razılıq əldə olunub.
21-22 oktyabr tarixlərində, 2 gün davam edən tədbirdə bundan əvvəl Assosiasiyanın İnkişafı üzrə işçi qrupun iclası keçirilib. Toplantıda Gürcüstan, Azərbaycan, Qazaxıstan, Ukrayna, Polşa, Türkiyədən olan dəmir yolu idarələrinin nümayəndələri, liman və loqistika şirkətlərinin 60-dan çox təmsilçisi iştirak edib.
Toplantının sonunda qəbul edilən qərarlara dair yekun protokolu imzalanıb.
Dəmiryolçuların peşə bayramı ərəfəsində, “Azərbaycan Dəmir Yolları” QSC-nin Sədri Cavid Qurbanov “ADY Express” MMC-nin tərkibində fəaliyyət göstərən Biləcəri Yuyucu-Buxarlayıcı stansiyasına baxış keçirib, burada aparılan təmir-bərpa işlərinin nəticələri ilə tanış olub.
Stansiyada görülən işlər haqqında Dəmir Yolu Sədrinə məruzə edilərək, stansiyada yaradılan şərait və iş prosesi barədə məlumat verilib. Bildirilib ki, Cən vaqonlarının daxildən yuyulması ilə yanaşı, xaricdən də yuyulması üçün yeni avadanlıqlar quraşdırılıb. Eyni zamanda Dəmir Yolu Sədrinə, çirk sularının təmizlənməsi və təkrar yuyulma prosesində istifadə edilməsi üçün qurğular nümayiş etdirilib.
Cavid Qurbanov Biləcəri Yuyucu-Buxarlayıcı stansiyasında çalışan əməkdaşlar üçün yaradılan məişət şəraiti, çən vaqonlarının yuyulması prosesində tətbiq edilən texnoloji yeniliklər, stansiya ərazisində yaradılan təlim-tədris mərkəzi ilə tanış olaraq tapşırıqlarını verdi.
Qeyd edək ki, Biləcəri Yuyucu-Buxarlayıcı stansiyası 2018-ci ilə yanvarın 9-da “ADY Express” MMC-nin tərkibinə daxil edilib və elə həmin tarixdən burada təmir-bərpa işlərinə və avadanlıqların əvəz edilməsi prosesinə start verilib. Paralel olaraq texnoloji proses, çən vaqonlarının buxarla yuyulması işləri davam etdirilib. İstehsalat prossesinin ekoloji standartları yüksələrək, dünya standartlarına cavab verib.
“Azərbaycan Dəmir Yolları” Qapalı Səhmdar Cəmiyyətində 13 oktyabr dəmir yolu işçilərinin peşə bayramı gününə həsr olunan tədbir keçirilib.
Dəmiryolçular öncə Fəxri Xiyabanda ulu öndər Heydər Əliyevin xatirəsini yad ediblər. Görkəmli oftalmoloq-alim Zərifə xanım Əliyavanın, Şəhidlər Xiyabanında vətənimizin ərazi bütovlüyü uğrunda canlarından keçən oğul və qızlarımızın məzarları da ziyarət olunub.
Tədbir "Azərbaycan Dəmir Yolları" QSC-də davam etdirilib. "Azərbaycan Dəmir Yolları" QSC-nin sədri Cavid Qurbanov tədbir iştirakçılarını 13 oktyabr - dəmir yolu işçilərinin peşə bayramı günü münasibətilə təbrik edib. Bildirib ki, Azərbaycanda dəmir yolunun təməli hələ 1878-ci ildə qoyulub və inşası 20 yanvar 1880-ci ildə başa çatıb. Uzunluğu cəmi 20 km olan Bakı-Suraxanı-Sabunçu dəmir yolundan ibarət olub. Həmin dövrdən başlayaraq, yük daşınmasına olan tələbatın artması səbəbindən dəmir yolu inkişaf edərək təkmilləşib.
Uzun müddət Zaqafqaziya dəmir yolunun tərkibində Bakı hissəsi kimi fəaliyyət göstərən Azərbaycan Dəmir Yolu 1955-ci il, oktyabrın 3-də SSRİ Nazirlər Sovetinin 1773 saylı qərarı ilə SSRİ Yollar müstəqil dəmir yolu elan olunub. Azərbaycan SSR Nazirlər Sovetinin 13 oktyabr 1955-ci il 717 saylı qərarı ilə Azərbaycan dəmir yolu SSRİ Yollar Nazirliyinin tərkibində müstəqil dəmir yolu kimi fəaliyyətini davam etdirib. Möhtərəm Prezident İlham Əliyev dəmir yolu işçilərinin peşə bayramı gününü təsis edərkən məhz bu tarixi əsas götürərək, 2005-ci il, oktyabrın 7-də "Dəmir yolu işçilərinin peşə bayramının təsis edilməsi haqqında" Sərəncam imzalayıb. Həmin Sərəncama əsasən hər il oktyabrın 13-ü müstəqil Azərbaycan dəmir yolunun yarandığı gün-Azərbaycan dəmir yolu işçilərinin peşə bayramı günü kimi qeyd olunur, ölkə başçısı dəmiryolçuları ali dövlət mükafatları ilə təltif edir.
139 illik tarixə malik olan Azərbaycan polad magistralı çox əzəmətli fəaliyyət yolu keçib. İstər çar Rusiyası, istərsə də Sovet hakimiyyəti dövründə Azərbaycan Dəmir Yolu daim inkişafda olub. Ümummilli lider Heydər Əliyevin qayğı və diqqəti sayəsində ötən əsrin 70-90-cı illərində tərəqqisinin zirvəsinə çatıb. 1969-2003-cü illəri Azərbaycan Dövlət Dəmir Yolunun texniki tərəqqi və hərtərəfli inkişaf dövrü adlandırmaq olar. Ulu öndər Heydər Əliyev tərəfindən təməli qoyulan bu siyasət Prezident İlham Əliyev tərəfindən uğurla davam etdirilir, ölkəmiz beynəlxalq və regional nəqliyyat layihələrinin reallaşması prosesində aktiv iştirak edir.
Sonda bu ilin avqust-sentyabr aylarında Nabrandakı “Lokomotiv” İstirahət Mərkəzində keçiriilən dəmiryolçuların idman spartakiadasının qaliblərinə kuboklar, pul mükafatları və diplomlar, bir qrup dəmiryolçuya “Fəxrı dəmiryolçu” döş nişanı və bayram hədiyyələri təqdim olunub.
Dəmir yolu nəqliyyatı ölkə iqtisadi sisteminin əsas qollarından birini təşkil edir və dövlətçiliyin inkişafında əhəmiyyətli rol oynayır. Azərbaycan dəmir yolu nəqliyyatının inkişaf tarixinə nəzər salsaq, aydın olar ki, fəaliyyət göstərdiyi 139 il ərzində polad magistralın dövlətçilik ənənələrinin möhkəmlənməsində xidmətləri əvəzsizdir
Bu gün ölkəmizin dəmir yolu nəqliyyatı öz tarixinin yeniləşmə mərhələsini yaşayır. Əslində dövlət müstəqilliyinin qazanıldığı ilk illərdən başlayaraq, yeniləşmələrə start verilməliydi. Belə olan halda, daha mütərəqqi planların həyata keçirilməsi üçün zəmin yaranmış olardı. Amma iqtisadi sistemi mərkəzləşdirilmiş formada idarə olunan sovet hakimiyyətinin süqutundan sonra bütün təsərrüfat sahələrinin azad şəkildə yenidən qurulub yönəldilməsi asan başa gəlmədi. Nədən və necə başlamaq sualı günün əsas sualına çevrildi.
Şübhəsiz ki, böyük işlərin həyata keçirilməsi üçün təkcə arzu və niyyət yetərli deyil. Burda zəngin maliyyə qaynağının mövcudluğu əsas şərtlərdən biridir. İndi dəmir yolunun inkişaf istiqamətlərini şərtləndirən əsas məsələ də məhz bundan ibarətdir.
Məlumdur ki, dəmir yolunun bütün sahələr üzrə yeniləşməsinə son illərdə başlanılıb və bu yeniləşmələr axarlı şəkildə davam etdirilir. Təkcə bir faktı xatırlatmaq yerinə düşər ki, 2015-ci lin əvvəlindən bəri aparılan islahatlara uyğun olaraq, 837 km yol əsaslı təmir olunub, 731 dəst yoldəyişən qurğu təzələnib. Vaqon təssərrüfatının yenilənməsi üçün 3101 ədəd müxtəlif tipli təzə yük vaqonu alınaraq istismara buraxılib.Bakı-Hacıqabul istiqamətində 226 km, Ucar-Tovuz istiqamətində 372 km yolda kontakt şəbəkəsi əsaslı təmir edilib. Böyük Kəsik, Ağstafa, Düyərli, Alabaşlı, Goran, ləki, Müsüslü, Sığırlı, Hacıqabul, Ələt, Lökbatan, Keşlə stansiyalarında 110/27,5/10 kv-luq dartı yarımstansiyaları tikilib.Yol, lokomotiv və sərnişin təsərrüfatlarında texniki bazaların möhkəmlənməsi üçün əsaslı layihələr həyata keçirilib. Ümumiyyətlə son illərin islahatları polad magistralada yeni bir mərhələnin başlanğıcıdır.
Dəmir yolunun fəaliyyətində əsas rol oynayan stansiyalarda yolların, inzibati binaların və texniki qurğuların istismara tam cavab verəcək səviyyədə olması həmişə problemli məsələlərdən olub. Amma son illərdə bu məsələlərin həllinə xüsusi önəm verilməsi , vəziyyətin müsbətə doğru dəyişməsinə xeyli təkan verib. Hazırda yolun Cənub istiqamərindəki Astara stansiyasında aparılan əsaslı təmir işləri dediklərimizə əyani sübutdur. Bu stansiyada yollar və yoldəyişənlər uzun müddətdən bəri əsaslı təmir olunmadığından, intensiv hərəkətə yararsız vəziyyətə düşmüşdü. Cari ilin aprel ayından “ Dəmiryolservis” MMC-nin kollektivi tərəfindən stansiya yollarının və yoldəyişən qurğuların əsaslı təmirinə start verildi. Müəssisənin direktoru Əli Əşrəf Lütfəlibəyovla söhbətimizdə o, qeyd etdi ki, Cənub istiqamətinə yük daşımalarının artan xətt üzrə davamlılığı sərhəd stansiyasında əsaslı işlərin görülməsi zərurətini yaratdığından, Cəmiyyət rəhbərliyinin xüsusi göstərişinə əsasən, aprel ayının əvvəllərində Astara stansiyasında yolların və yoldəyişən qurğuların əsaslı təmirinə başladıq. İlk vaxtlarda yolların sökülməsini və torpaq yatağının işlənməsini reallaşdırmağa başladıq. Neçə illərdi ki, əsaslı təmirə ehtiyac duyan stansiya yollarında torpaq yatağının işlənməsi gərgin bir prosesdir. Torpaqda sağlamlaşdırma işləri aparmaq üçün xeyli gərginliyə qatlaşmalı olursan. Həmçinin yollardan çıxan çirkli və yararsız ballastın toplanıb kənara daşınması müəyyən vaxt tələb edir. Məlumat üçün deyim ki, bütün bunlar işin etibarlı nəticə ilə sonuclanmasına hesablanır.İlk aylarda həyata keçirdiyimiz bu xarakterli işlər bizim prosesi rahat şəkildə irəli aparmağımıza kömək elədi.
Bu günə qədər 6400 p/m yolu və 11 dəst yoldəyişən qurğunu əsaslı təmir etmişik. 4733 p/m yolda relsləri uzunölçülü rels tipində qaynaq etmişik. Qarşıda daha 2500 p/m stanisiya və depo yolunun, eyni zamanda 15 yoldəyişən qurğunun əsaslı təmir edilməsi planlaşdırılıb. Bununla yanaşı, yol təmiri briqadalarımız Bakı- Sumqayıt-Bakı dairəvi yolunda və Biləcəri stansiyasının tək və cüt dairəvi yollarında təmir işləri ilə məşğuldurlar.
Ümumiyyətlə Bakı-Böyük Kəsik və Bakı-Sumqayıt istiqamətlərində yoların əsaslı təmiri layihələrinin uğurla həyata keçirilməsi stansiya yollarının da yenidən qurulmasına şərait yaratdı. Baş yollardan əldə olunan yarımyararlı materiallar hesabına ayrı-ayrı istiqamətlərdə xeyli işlər görüldü. Cənub istiqamətindəki Astara stansiyasında görülən işlər isə,
mahiyyətinə görə cox vacib və gərəkli işlərdir. Şimal- Cənub layihəsinin tərkib hissələrindən olan cənub istiqamətində uzun illərdən sonra yaranan canlanma dəmir yolunda əsaslı dəyişikliklərə meylin və istəyin təzahürüdür. Dünya nəqliyyat sisteminə inteqrasiya olunmağın yolu da məhz yeniləşmədən keçir.
Elbariz MƏMMƏDLİ
Prezident İlham Əliyevin sərəncamı ilə müstəqil Azərbaycanın inkişafının aparıcı sahələrindən olan nəqliyyat infrastrukturunun yenidən qurulması haqda “Yol xəritəsi” təsdiq edilmişdir.
Bu sənədə əsasən ölkəmizdə fəaliyyət göstərən bütün nəqliyyat növlərinin və onların material-texniki bazasının yenilənməsi, gələcək inkişafı öz əksini tapmışdır. Bu baxımdan, yük və sərnişinlərin daşınmasında əsas rol oynayan, yaranmasının 139 ilini qeyd edən dəmir yolu infrastrukturunun yenidən qurulması və inkişafı qarşıda duran əsas vəzifələrdən biridir.
Son illərdə ölkə daxilində bu sahədə sürətli təmir və yenidənqurma işləri aparılır, həmçinin ölkənin beynəlxalq nəqliyyat strukturlarına inteqrasiyası istiqamətində mühüm işlər reallaşdırılır. Onların sırasında Bakı-Tbilisi-Qars (Şərq-Qərb), Rusiyanı İran və Hind okeanı ölkələri ilə birləşdirəcək Şimal-Cənub nəqliyyat dəhlizləri vardır. Bu dəhlizlərin son 2 ildə istifadəyə verilməsi ölkəmizi qitələrarası nəqliyyat xabına çevirmiş, Bakı yaxınlığında Ələt dəniz limanının inşası isə Azərbaycanı beynəlxalq logistika strukturunun tərkib hissəsinə daxil etmişdir. Bütün bu görülən işlər həm də tələb edir ki, dəmir yolu vasitəsilə sərnişin və yüklər mənzil başına vaxtında və təhlükəsiz çatdırılsın. Bu baxımdan dəmir yolu infrastrukturunun maddi-texniki bazasının müasirləşdirilməsi, yolların texniki təhlükəsizliyinin təmin edilməsi istiqamətində mühüm təmir və yenidənqurma işləri aparılır.
Sözügedən fəaliyyət isə “Dəmiryolservis” MMC-nin (baş direktor Əli Əşrəf Lütfəlibəyovdur) müəssisələri tərəfindən həyata keçirilir.
Dəmir yolunun fəaliyyətində əsas rol oynayan stansiyaların yolları və texniki qurğularının da istismara tam cavab verəcək səviyyədə olması bu struktur üçün həmişə prioritet məsələdir. MMC-nin bu istiqamətdə gördüyü işlər də təqdirəlayiqdir. Ölkənin bütün bölgələrini əhatə edən kollektivin fəaliyyəti nəticəsində 2019-cu ilin təkcə 9 ayı ərzində 24000 p/m yol, 54 dəst yoldəyişən qurğu əsaslı təmir edilmiş və yollarda 4733 p/m relslər uzunölçülü rels tipində qaynaq edilmişdir. Qarşıda stansiya və depo yollarının, eyni zamanda yoldəyişən qurğların əsaslı təmiri davam etdirilir. Bununla yanaşı “Dəmiryolservis” MMC “Bak Sərnişin – Sabunçu – Pirşağı – Sumqayıt Sərnişin – Xırdalan – Biləcəri – Bakı Sərnişin dairəvi dəmir yolunun yenidən qurulması” layihəsinin baş podratçısıdır. “Dəmiryolservis” MMC-nin tabeliyində olan 24 saylı Rels Qaynaq Qatarı (RQQ) tərəfindən də 2019-cu ilin sözügedən dövründə 115.5 km uzunluğunda uzunölçülü rels pletləri qaynaq edilmiş, təyinatı üzrə müxtəlif mənzillərə göndərilmiş, o cümlədən 54 ədəd keçid relsi hazırlanmışdır. Görülən təmir və yenidənqurma işləri Bakı sərnişin, Ləcət, Bakı lokomotiv deposu, Biləcəri, Sumqayıtçay, Astara və digər dəmir yolu stansiyalarında həyata keçirilmişdir. Bu baxımdan Şimal-Cənub beynəlxalq dəmir yolu dəhlizinin istifadəyə verilməsi ilə bağlı mühüm strateji əhəmiyyət kəsb edən Astara sərhəd dəmir yolu stansiyasında aparılan işlər diqqəti xüsusi cəlb edir. Belə ki, burada 6400 p/m dəmir yolu əsaslı təmir edilmiş, 22 dəst yoldəyişən qurğu təmir edilərək yenidən quraşdırılmış, ərazidə 1000 m2 sahilbərkitmə işləri aparılmışdır.
Bütün bu görülən işlər deməyə əsas verir ki, “Dəmiryolservis” MMC-nin kollektivi 13 oktyabrda qeyd ediləcək peşə bayramına yeni nailiyyətlərlə gəlib.
Kollektivi qarşıdan gələn peşə bayramı münasibətilə təbrik edir və əmin olduğumuzu bildiririk ki, əməkdaşlar 2019-cu ildə dövlətimiz tərəfindən onların qarşılarına qoyulan tapşırıqları layiqincə yerinə yetirəcəklər.
Prezident İlham Əliyev və birinci xanım Mehriban Əliyeva avqustun 7-də Pirallahı Rayon İcra Hakimiyyətinin yeni inzibati binasının açılışında iştirak ediblər.
Təhsil naziri Ceyhun Bayramov “Şagirdlərin yerdəyişməsi prosesinin elektronlaşdırılması haqqında” əmr imzalayıb.
“Baxmayaraq ki, inflyasiya aşağı səviyyədədir, ancaq bəzi hallarda süni qiymət artımı da müşahidə olunur”
Bu gün Azərbaycan Prezidenti İlham Əliyevin yanında sosial-iqtisadi sahə ilə bağlı müşavirə keçirilib.