 |
|
18:04
Prezident İlham Əliyev Vilayət Vəliyevin Azərbaycan Texniki Universitetinin rektoru təyin edilməsi haqqında sərəncam imzalayıb.
Bu gün Azərbaycan xalqının ümummilli lideri Heydər Əliyevin hakimiyyətə gəlməsindən 50 il ötür.
Uzun illər ərzində ətalətli Azərbaycan müxalifəti Azərbaycanın möhkəm birləşmiş hakim elitası ilə mübarizədə kütlənin şüurunda əsas təbliğat müddəasının kök salmasına yönəlmiş ideoloji platforma qururdu: Əliyev hakimiyyətinin strukturunda çatların mövcudluğu. İctimai şüura elitadakı mərkəzdənqaçma qüvvələrinin fəallaşmasına qiyamçı inamını yeritməyə cəhd edirdilər. Guya elita bir deyil, dağınıqdır, qarşılıqlı ittihamlar onu bürüyüb, şərti olaraq köhnə qvardiyaçılara və yeni gənc qvardiyaya parçalanıb. Bundan savayı, Əliyev siyasi sülaləsinin siyasi fəlsəfəsinin əsas kateqoriyasını – siyasi varislik prinsipini rədd edərək, ideoloji diversiyanın müəllifləri hakimiyyətdaxili vəziyyətin inkişafı ssenarilərini öncədən duyaraq, vətəndaş cəmiyyətini inandırırdılar ki, tezliklə mifik köhnə qvardiyaçılar ikinci plana keçəcək və yolu epik gənc qvardiyaçılara verəcəklər.
Biz dəfələrlə tarixə və son iyirmi beş il ərzində müxalifətin çoxsaylı məğlubiyyətlərinin mənbələrinə müraciət etmişik. Lümpenləşdirilmiş müxalifətin süqutunu şərtləndirmiş amil və səbəblərin məcmusu hamıya məlumdur, hərçənd başlıca səbəb yenə də siyasi psevdologiyadır, başqa sözlə, arzu olunanı həqiqət kimi qələmə verməyə üzvi yanğıdır. Bütün bu illər ərzində müxalifət rəngli, məxməri, Yaxın Şərq inqilablarına ümid edir və həqiqətin dəyişməzliyini anlayırdı ki, postmodern inqilablarının qələbəsinin əsas amili hakim elitalardakı parçalanma və xalq şüurundakı pərişanlıqdır. Müxalifət bu hərcmərcliyi çox gözləyirdi, ilğımvarı arzusunu və həyata keçməz ümidini qoruyub saxlayırdı. Halbuki, siyasi düzəni analiz edən hətta ən adi, sıradan bir ekspert də başa düşürdü: hakim elita möhkəm birləşib və özünün siyasi lideri – prezident İlham Əliyevə polad və sarsılmaz inamla bağlıdır.
Bəs hakimiyyətdəki çatlar haqqında düşüncələrlə etirazçı elektoratın ümid və istəklərini boş yerə aldatmağın mənası nə idi?
Nəhayət, hakimiyyətlə barışmaz mübarizənin nəzəriyyəçiləri daha bir illüziyanı ərsəyə gətirmişdilər ki, bu da gerçəyə çevrilmədi. Vəziyyətə nəzarətin itirilməsi, sabitliyin mümkün pozulması və siyasi mübarizənin qeyri-təkamül yolu ilə inkişaf edəcəyi barədə çox danışılırdı. Hələ bir neçə il əvvəl ABŞ-ın aparıcı analitikləri vurğulayrdılar ki, MDB ölkələrində sabitlik liberal azadlıqlardan və demokratiyadan üstün olmalıdır. Analitiklər bir ağızdan təlatümlü 90-lar və nəhəng səylər sərf edərək, onilliklər boyunca sistemli qeyri-sabitlik və liberal azadlıqların feodal cəmiyyətində kor-koranə tətbiqinin nəticələri ilə mübarizə aparan “güclü əl” barədə fikir yürüdürdülər.
Prezident İlham Əliyevin güc strukturlarının rəhbərliyində köklü yenidən təşkilatlanma haqqında fərmanları müxalifət cərgəsinin əlindən elitadakı qarşıdurma və vəziyyətin sabitliyinin mümkün pozulması haqqında əsas arqumentləri də çıxardı.
Beləliklə, əsas əlamətdar hadisə daxili işlər naziri Ramil Usubovun Azərbaycan Təhlükəsizlik Şurasının katibi təyin edilməsi haqqında qərar oldu. R.Usubov – dövrə bərabər şəxsiyyətdir və cəbhə zamansızlığından sonra milli polisin intibahı onun adı ilə bağlıdır.
Azərbaycan tarixinin ən əfsanəvi DİN başçısı sistemli sabitliyin təşəkkülündə əhəmiyyətli rol oynayıb. Bu cür təcrübəli və miqyaslı dövlətçilik düşüncəsi olan məmurun Təhükəsizlik Şurasının katibi kimi yüksək vəzifəyə təyinatı, şübhəsiz ki, potensial riskləri minimuma endirir. Təhükəsizlik Şurasının katibi vəzifəsi 1997-ci ildə təsis edilsə də, indiyə qədər boş qalırdı. Təhükəsizlik Şurasının katibi bu strateji şuranın bütün fəaliyyətini koordonasiya edir ki, həmin şuraya bütün güc strukturlarının və xüsusi xidmət orqanlarının rəhbərləri, baş prokuror və hətta xarici işlər naziri daxildir. İndiyə kimi Təhükəsizlik Şurasının fəaliyyətini Prezident Administrasiyasının rəhbəri Ramiz Mehdiyev koordinasiya edirdi. Bu, hazırda təcrübəli və bacarıqlı dövlət xadiminə etibar edilmiş siyasi postun əhəmiyyətindən xəbər verir.
R.Usubovun daxili işlər naziri postundakı xələfi isə nazirin dəyişməz müavini Vilayət Eyvazov oldu. V.Eyvazovun təyinatı da siyasi varislik modelinə tamamilə uyğundur. Güc strukturunun gənc və cəsarətli əməkdaşı 2003-cü ilin oktyabrında – Azərbaycandakı vəziyyətin çalxalanmasına edilmiş ilk cəhd zamanı iğtişaşların yatırılmasında əsas rollardan birini oynamışdı. Qiyam aldırmış qaragüruhçu kütlə var qüvvəsi ilə hakimiyyətin yüksək kabinetlərinə daxil olmağa can atırdı. Əlində silah bu vəhşi fəlakətin qarşısını kəsənlərdən biri də gənc general Eyvazov idi. Elə həmin general bundan hardasa on il əvvəl əlində qumbaraatanla qiyamçı polkovnik Rövşən Cavadovun tanklarının yolunu kəsmişdi. Vilayət Eyvazov qaragüruhçu vəhşi fəlakətin qarşısında canından keçər, amma bir addım da geri çəkilməz.
Eyni zamanda, iki onillikdən sonra Azərbaycan əks-kəşfiyyatının, Dövlət Təhlükəsizlik Xidmətinin rəhbərliyinə təcrübəli çekist – general Əli Nağıyev qayıtdı. O, öz fəaliyyətinə SSRİ DTK-da kiçik əməliyyat müvəkkili kimi başlayıb və sonradan karyerasında böyük zirvələrə çatıb. Ə.Nağıyev Azərbaycan milli təhlükəsizlik nazirinin müavini vəzifəsində çalışıb. Lakin özünün güzəşt tanımamaq və digər bu kimi şəxsi keyfiyyətləri üzündən o, nazir Eldar Mahmudovun dövründə həmin qurumda baş alıb gedən hərcmərclik və özbaşınalıqla barışa bilməyib. Söhbət mundir şərəfindən geirdi. Çekist “obxSS”ə getdi. Dövlət təhlükəsizliyinin bütün orqanizmini bürümüş xərçəng şişi – Mahmudovşina ilə mübarizədə Ə.Nağıyev özünün yüksək vəzifəsini tərk etdi və fəaliyyətini Baş Prokurorluqda davam etdirdi. İllər keçdi və Ə.Nağıyev yenidən xüsusi xidmət orqanının sükanı arxasındadır. DTX dəhlizlərində çekistlər öz generallarını gülərüzlə və ürəklərində ümidlə qarşıladılar...
Mahmudov sahibkarlıq sinfinin qənimi idisə və özünə yetərli azad iqtisadiyyatın işğalında vahiməli rolunu oynamışdısa, uzun illər MTN-in iqtisadiyyat idarəsinə rəhbərlik etmiş Əli Nağıyev iş adamlarına qarşı ovun hansı mənfi nəticələrə gətirib çıxaracağını anlayırdı. Qaniçən Nağıyevin üstünə özünün qorxunc caynaqları ilə getdi. Lakin prezident çekisti DTX rəhbərliyinə məhz yeni ictimai-iqtisadi formasiyanın təşəkkülü dövründə qaytardı.
Azərbaycanda sosial və iqtisadi islahatların son mərhələsi başlayıb. Məhz Ə.Nağıyev azad bazarın inkişafı yolunda bütün maneələrin və ilk növbədə xroniki oğurluğa meylli bürokratiyanın aradan qaldırılmasını təmin etməlidir. Eyni vəzifə DİN-in yeni rəhbərinin də qarşısında durur. İslahatların istənilən sabotaj cəhdi və etirazları küçəyə yönəltmək istəyi Vilayət Eyvazovun ciddi əks həmləsinə tuş gələcək.
Prezident yenidən digər döyüş generalına, hakim komandanın sadiq üzvlərindən biri olan Mədət Quliyevə strateji vacib postu – Müdafiə Sənayesi Nazirliyini etibar etdi. Azərbaycan hələ də amansız və ədalətsiz müharibə şəraitindədir və ölkənin hərbi sənaye kompleksinin formalaşdırılması milli gündəmdə olan ən vacib vəzifələrdən biridir. Və DİN-də, Ədliyyə Nazirliyində, DTX-da hakimiyyətə şərəflə xidmət etmiş M.Quliyev bu dəfə milli HSK-nı dirçəltməli və bu sahədə tam şəffaflığı təmin etməlidir.
Beləliklə, hərbi dillə desək, şəxsən komandirin özü tərəfindən aparılmış kəşfiyyat işlərindən sonrakı bu kadr yerdəyişmələri möhkəm, sarsılmaz dəmir pərdə yaradaraq, güc strukturları seqmentini xeyli məhkəmləndirdi. Yeni təyinatlardan sonra nəyə görəsə yada prezidentin əlamətdar andiçmə çıxışı düşdü. Axı hardasa il yarım bundan əvvəl İ.Əliyev regionumuzun son aylarda üzləşdiyi yeni geosiyasi çağırışları və riskləri sanki öncədən görərək, qarşıdan gələn təhlükələr, Avrasiya məkanındakı yeni yanğın və Azərbaycan hakimiyyətinin son 25 ildə əldə etdiyi başlıca nailiyyət – sistemli sabitlik və təhlükələrə qabaqcadan reaksiya vermənin oturuşmuş mexanizmi haqqında açıq söyləmişdi.
Region yenidən qaynayır. Kütlə Gürcüstanda parlamentə hücum çəkir. Yerevanda isə Yerevan və Qarabağ klanları arasında qarşıdurma dərinləşir, siyasi sistem çat verir, belə ki, Ermənistan hələ də yeni əksinqilaba hamilədir. İran isə az qala ABŞ tərəfindən bombardman olunacaqdı – yaxşı ki, Tramp fikrindən döndü... Türkiyəyə də hər tərəfdən həmlələr edilir, sanksiyalar elan olunur və xalq hakimiyyətini, Ərdoğanın səbrini yeni “qərb reseptləri” ilə sınağa çəkirlər! Regionda hər yer qaynayır, hər yerdə yanğın var...
Və bütün bu qeyri-sabit və yanan regionda yalnız sakit və tolerant oazis olan Azərbaycan çiçəklənir. Sanki biz heç indiki dövrdə yaşamırıq, sanki heç Qafqazda deyilik, hansısa başqa geosiyasi və zaman ölçüsündəyik. Bu, İlham Əliyevin nəhəng nailiyyəti deyilmi?!
Sabitlik olmadan heç bir ölkə inkişaf edə bilməz. Bu aksiomdur. Bunu biz yaxın tarixdə dəfələrlə görmüşük. Sabitlik pozulan zaman inkişaf dayanır, sərmayə qoyuluşu dayanır, ölkə iqtisadiyyatı tənəzzülə uğrayır. Bir sözlə, sabitlik hər bir ölkənin inkişafı üçün başlıca şərtdir. Azərbaycanda isə sabitliyin mənbəyi Azərbaycan xalqıdır, onun iradəsidir və bizim apardığımız siyasətdir. Çünki bizim siyasətimiz milli maraqlara söykənir, milli maraqlarımız bizim üçün hər şeydən üstündür.
“Qafqazinfo” xəbər verir ki, “İlham Əliyev. İnkişaf - məqsədimizdir” çoxcildliyinin yenicə çapdan çıxmış 84-cü kitabında yer alan bu fikirlər Nazirlər Kabinetinin 2017-ci ilin sosial-iqtisadi inkişafının yekunlarına və qarşıda duran vəzifələrə həsr olunan iclasında dövlətimizin başçısının söylədiyi nitqindən götürülüb.
Azərbaycan Respublikası Prezidenti Administrasiyasının rəhbəri, akademik Ramiz Mehdiyevin buraxılışına məsul olduğu çoxcildliyin növbəti kitabındakı materiallar 2017-ci ilin noyabrından 2018-ci ilin yanvarınadək olan dövrü əhatə edir.
Kitaba Prezident İlham Əliyevin İslam Əməkdaşlıq Təşkilatının Qüds məsələsinə dair İstanbulda keçirilmiş Zirvə toplantısında, Moskvada MDB dövlət başçılarının qeyri-rəsmi görüşündə çıxışlarının mətnləri, Dünya İqtisadi Forumunun illik toplantısında iştirak etmək üçün İsveçrə Konfederasiyasına işgüzar səfəri, Davos Forumu çərçivəsində “Strateji baxış: Avrasiya” mövzusunda interaktiv iclasda iştirakı haqqında informasiyalar daxil edilib. Nəşrdə dövlətimizin başçısının Azərbaycana səfərə gəlmiş Əfqanıstan Prezidenti ilə görüşünə və sənədlərin imzalanmasına, Bolqarıstanın Baş Naziri ilə görüşünə dair materiallar yer alıb.
Çoxcildliyin 84-cü kitabında, həmçinin Prezident İlham Əliyevin Xorvatiya, Türkiyə, Pakistan, Hindistan, İran, Estoniya, Rusiya və digər dövlətlərin, Avropa İttifaqının, Beynəlxalq Telekommunikasiya İttifaqının, Dünya Bakının ölkəmizə səfər etmiş yüksəkvəzifəli şəxslərini qəbul etməsi barədə materiallar toplanıb.
Yeni nəşrə dövlətimizin başçısının Bakıda “Asiyanın qəlbi – İstanbul prosesi” çərçivəsində “Gücləndirilmiş “Asiyanın qəlbi” regionuna doğru təhlükəsizlik və iqtisadi bağlantılar” mövzusunda yeddinci Nazirlər Konfransında nitqinin, 2017-ci ilin idman yekunlarına həsr olunmuş mərasimdə çıxışının, “2017 – İslam həmrəyliyi ili: dinlər və mədəniyyətlərarası dialoq” mövzusunda beynəlxalq konfransda nitqinin mətnləri, Azərbaycanın gənc alimlərinin I qurultayının, Azərbaycan memarlarının XIX qurultayının iştirakçılarına məktubları, XXIII Beynəlxalq “BakuTel-2017” Telekommunikasiya və İnformasiya Texnologiyaları sərgisi ilə tanışlığını əks etdirən informasiyalar daxil edilib.
“İlham Əliyev. İnkişaf - məqsədimizdir” çoxcildliyinin 84-cü kitabında, həmçinin dövlətimizin başçısının Ağcabədi, Sabirabad, Quba rayonlarına, Sumqayıt şəhərinə səfərlərinə, bölgələrdə iqtisadi, sosial, mədəniyyət obyektlərinin açılışlarında iştirakına, ictimaiyyət nümayəndələri ilə görüşlərinə dair materiallarla da tanış olmaq mümkündür.
Kitabda “Qeydlər”, “Şəxsi adlar”, “Coğrafi adlar” göstəriciləri verilib.
“Azərnəşr” tərəfindən buraxılan 84-cü kitabın hazırlanmasında Azərbaycan Dövlət İnformasiya Agentliyinin (AZƏRTAC) materiallarından istifadə olunub.
"2019-cu ilin birinci rübündə "Azərbaycan Dəmir Yolları” QSC tərəfindən Belarus Respublikasından hər hansı vaqon alınmayıb." Bu barədə"Azərbaycan Dəmir Yolları” QSC-nin yaydığı açıqlamada bildirilir.
Açıqlamada qeyd olunur:
"Son günlər bəzi kütləvi informasiya vasitələrində "Azərbaycan Dəmir Yolları” QSC-nin fəaliyyəti ilə bağlı yayılan qərəzli və həqiqətə uyğun olmayan məlumatlara dair aşağıdakıları bildirməyi zəruri hesab edirik:
2018-ci ildə Belarus Respublikasından 2 ədəd sərnişin vaqonu deyil, İsveçrənin "Stadler Rail Group” şirkətindən onun Belarus Respublikasındakı zavodunda komplektləşdirilmiş hər biri 4 vaqondan ibarət olan 2 ədəd ən müasir texnologiyalar ilə təchiz edilmiş ikimərtəbəli "KİSS” markalı elektrik qatarları alınmışdır. Sözügedən qatarlar Bakı-Gəncə-Bakı istiqamətində hərəkət edirlər.
Eyni zamanda məlumat üçün bildiririk ki, Avropada dəmir yolu xətlərinin standartı 1435 mm, Azərbaycanda isə 1520 mm təşkil edir. İsveçrənin "Stadler Rail Group” şirkətinin Azərbaycan standartlarına cavab verən qatarları isə həmin şirkətin məhz Belarus Respublikasındakı zavodunda komplektləşdirilir. Bu barədə ətraflı məlumatı həmin şirkətin rəsmi internet səhifəsindən əldə etmək olar.
(https://www.stadlerrail.com/ru/o-nas/podrazdeleniya/zao-shtadler-minsk/110/)
Aradakı fərqin daha aydın anlaşılması üçün nümunə olaraq Belarus Respublikasının özünün istehsal etdiyi vaqonların şəkillərini diqqətinizə təqdim edirik:
Bəzi kütləvi informasiya vasitələrində və sosial şəbəkələrdə məsələ ilə bağlı həqiqəti əks etdirməyən, ictimaiyyətdə çaşqınlıq yaratmaq məqsədi daşıyan qeyri-peşəkar məlumatların yayılması olduqca təəssüf hissi doğurur".
“2019-cu ilin birinci rübündə “Azərbaycan Dəmir Yolları” QSC tərəfindən Belarus Respublikasından hər hansı vaqon alınmayıb.”
Turkustan.info xəbər verir ki, bu barədə “Azərbaycan Dəmir Yolları” QSC-nin yaydığı açıqlamada bildirilir.
Həmin açıqlamanın mətnini təqdim edirik:
“Son günlər bəzi kütləvi informasiya vasitələrində “Azərbaycan Dəmir Yolları” QSC-nin fəaliyyəti ilə bağlı yayılan qərəzli və həqiqətə uyğun olmayan məlumatlara dair aşağıdakıları bildirməyi zəruri hesab edirik:
2018-ci ildə Belarus Respublikasından 2 ədəd sərnişin vaqonu deyil, İsveçrənin “Stadler Rail Group” şirkətindən onun Belarus Respublikasındakı zavodunda komplektləşdirilmiş hər biri 4 vaqondan ibarət olan 2 ədəd ən müasir texnologiyalar ilə təchiz edilmiş ikimərtəbəli “KİSS” markalı elektrik qatarları alınmışdır. Sözügedən qatarlar Bakı-Gəncə-Bakı istiqamətində hərəkət edirlər. Şəkilləri əlavə olunur.
Eyni zamanda məlumat üçün bildiririk ki, Avropada dəmir yolu xətlərinin standartı 1435 mm, Azərbaycanda isə 1520 mm təşkil edir. İsveçrənin “Stadler Rail Group” şirkətinin Azərbaycan standartlarına cavab verən qatarları isə həmin şirkətin məhz Belarus Respublikasındakı zavodunda komplektləşdirilir. Bu barədə ətraflı məlumatı həmin şirkətin rəsmi internet səhifəsindən əldə etmək olar.
https://www.stadlerrail.com/ru/o-nas/podrazdeleniya/zao-shtadler-minsk/110/
Aradakı fərqin daha aydın anlaşılması üçün nümunə olaraq Belarus Respublikasının özünün istehsal etdiyi vaqonların şəkillərini diqqətinizə təqdim edirik:
Bəzi kütləvi informasiya vasitələrində və sosial şəbəkələrdə məsələ ilə bağlı həqiqəti əks etdirməyən, ictimaiyyətdə çaşqınlıq yaratmaq məqsədi daşıyan qeyri-peşəkar məlumatların yayılması olduqca təəssüf hissi doğurur”.
Azərbaycan Prezidenti İlham Əliyev Ramazan bayramı münasibətilə Azərbaycan xalqını təbrik edib.
Təbrikdə deyilir:
“Hörmətli həmvətənlər!
Sizi mübarək Ramazan bayramı münasibətilə səmimi-qəlbdən təbrik edir, hər birinizə ən xoş arzularımı çatdırıram.
Bəşər övladını xeyirxahlığa, birliyə, mənəvi kamilliyə dəvət edən, öz mahiyyəti ilə insanların ruhunu təzələyən Ramazan ayı dünya müsəlmanlarının ən əziz ayıdır. Oruc tutmaqla inanclı insanlara mənəvi-ruhi ucalığın, əxlaqi saflığın fərəhini, şəfqət, mərhəmət, həmrəylik duyğularının sevincini yaşadan Ramazan ayı ilahi hikmətlər xəzinəsi müqəddəs Qurani-Kərimin nazil olması ilə əlamətdardır. Ramazan bayramı günlərində mömin vətəndaşlarımız Uca Yaradan qarşısında vicdani borc və vəzifələrini ləyaqətlə yerinə yetirmək, mənəvi zənginliyin üstünlüyünü yaşamaq fürsəti qazanırlar.
Azərbaycan İslam sivilizasiyasının tərkib hissəsi kimi bəşəriyyətin mədəni irsinə öz töhfələrini vermiş, böyük alimlər və mütəfəkkirlər yetişdirmişdir. İslam və onun mahiyyətindən irəli gələn sülhpərvərlik, dözümlülük, bərabərlik, qardaşlıq və bu kimi dəyərlər Azərbaycanda tolerantlıq mühitinin, cəmiyyətdə vəhdət və harmoniyanın yaranmasında, multikulturalizm və humanizm ideyalarının bərqərar olmasında müstəsna rol oynamışdır.
Əziz bacı və qardaşlarım!
Bu günlər ölkəmizin hər yerində xalqımızın əmin-amanlığı üçün dualar edilir, şəhidlərimizin ölməz xatirəsi ehtiramla yad olunur. İnanıram ki, bu müqəddəs bayram günlərində sizin dua və diləkləriniz Tanrı dərgahında qəbul ediləcək, Uca Yaradan öz mərhəmətini xalqımızdan əsirgəməyəcəkdir. Bir daha hər birinizi və ölkəmizin hüdudlarından kənarda yaşayan bütün soydaşlarımızı ürəkdən təbrik edir, ailələrinizə səadət, süfrələrinizə bol ruzi və bərəkət arzulayıram.
Ramazan bayramınız mübarək olsun!”
Prezident İlham Əliyev Astara rayonu ərazisində baş vermiş torpaq sürüşməsi nəticəsində əhaliyə dəymiş ziyanın aradan qaldırılması haqqında sərəncam verib.
"Qafqazinfo" xəbər verir ki. sərəncama əsasən, Astara rayonu ərazisində baş vermiş torpaq sürüşməsi nəticəsində ziyan çəkmiş sakinlərin mənzil-məişət şəraitini yaxşılaşdırmaq üçün 36 mənzilli yaşayış binasının tikintisi məqsədilə 2019-cu il dövlət büdcəsində nəzərdə tutulmuş Prezidentin ehtiyat fondundan Astara Rayon İcra Hakimiyyətinə 2,3 milyon (iki milyon üç yüz min) manat ayrılıb.
Azərbaycan Prezidenti İlham Əliyev mədəniyyət xadimlərinin “Tərəqqi” medalı ilə təltif edilməsi haqqında sərəncam imzalayıb.
“Qafqazinfo” xəbər verir ki, sənədə əsasən, Azərbaycan mədəniyyətinin inkişafında xidmətlərinə görə aşağıdakı şəxslər “Tərəqqi” medalı ilə təltif ediliblər:
Bulanova Oksana İqorevna
Əhmədov Ənvər Misir oğlu
Qəniyev Maarif Soltan oğlu
Mustafayev Sabir Məmməd oğlu
Salayev İltifat Saleh oğlu
Talıbzadə Alina Dmitriyevna.
Üzü Cənuba doğru şütüyən gecə qatarı qaranlığın bağrını yardıqca, vaqonların hərəkətindən qopub ətrafa yayılan həzin taqqıltı sükutu qılınc kimi kəsir, ətrafdakı səssizliyi pozurdu. Yol boyu səpələnmiş obaların qaranlıqda bərq vuran işıqları ulduz seli kimi axıb arxada qalır, lokomotivin nəriltili fiti xəbər müjdəsi təki gecənin köksünə yayılırdı. Yaz mövsümünün qayğılarından yorğun düşən torpaq adamlarının yuxusunu diksindirən cecə qatarı sonuncu dayanacağa dogru irəliləyir, Simurq quşu kimi zülməti yarırdı. 
Qatarın pəncərəsindən baxanda diqqəti cəlb edən kənd işıqları adamı duyğulandırır, elin-obanın hələ ayaqda olduğuna ümidi artırırdı. Dünyanın indiki amansız vaxtında şəhid ruhları kimi oyaq qalan duyğularımız canımızdakı həyəcan siqnalıdırmı, deyə bilmərik. Amma bildiyimiz odur ki, yer üzündə adına erməni deyilən bir toplum və onların havadarları on illərdi yaşantımıza qənim kəsilib. 
Torpağın, yurdun, Vətənin qayğısını istədiyimiz kimiçəkə bilməmişik. Əlimizi işdən, ürəyimizi arzudan soyudan müharibə kabusu bizi layiq olduğumuz yerdə dayanmağa qoymayıb. Adına Vətən dediyimiz bu bütövlüyün işində biz özümüz ola bilməmişik. Dünya güclərinin riyakar və həris niyyətləri bizi böyüməyə qoymayıb... 
Bu dəfəki səfərimiz ölkənin Cənub bölgəsindəki Astara stansiyasına idi. Özünün subtropik iqlimi, işgüzar, zəhmətsevər insanları, təbii gözəlliyi və qonaqpərvərliyi ilə seçilən bölgədə həmişə qurucu və yaradıcı ovqat olub. İnsanları əsasən əkinçiliyə, meyvəçiliyə, heyvandarlığa və balıqçılığa meylli olan bu torpağın bar-bərəkətindən həmişə fəxrlə danışılıb. Əzəmətli Talış dağlarının köksünə sığınan insanlar elə o dağların özü kimi qürurlu və əzəmətli təsir bağışlayıblar. 
İndi ötən zamanların şöhrəti bir az arxada qalsa da, həmin insanlar öz yerlərində, öz işlərinin arxasındadırlar. Səhərin gözü açılanda dənizdən əliboş dönən balıqçılar bu gərdişə qüssələnmirlər. Bilirlər ki, Tanrının verdiyi ruzi-bərəkət yenə onlara qismət olacaqdır. Səfərimizin məqsədi Astara stansiyasında yolların əsaslı təmirini həyata keçirən " Dəmiryolservis " MMC kollektivinin işindən söz açmaq, dəniz kənarı boyu uzanan dəmir yolu xəttinin durumu ilə maraqlanmaq idi.
Bu yerdə bir faktı diqqətə çatdıraq ki, Cənub bölgəsi turizmin inkişafı baxımından cox əhəmiyyətli bölgələrdən biridir. Avtomobil və dəmir yolu nəqliyyatının fasiləsiz hərəkətdə olduğu bölgədə mövcud olan təbii şərait turizmə böyük töhfələr verə bilər. Bəzi sahibkarların burda inşa etdikləri obyektlərin fəaliyyəti də dediklərimizi əsaslandırmağa imkan verir. Səhərin gözü açılanda Lənkəran stansiyasına çatan qatarda foto operatorumuz Zahid Ramizlə birgə vaqonu tərk edib dəniz kənarı boyu uzanan dəmir yolu xəttini videolentə almaq üçün lokomotivə əyləşdik. Qatarı idarə edən Salyan lokomotiv deposunun maşinisti Kamal Əliyev bizi hörmətlə qarşılayıb çəkiliş üçün əlverişli şərait yaratdı. Çaya qonaq elədi.
İş qayğılarını soruşanda dedi ki, son illərdə Salyan lokomotiv deposunda böyük canlanma yaranıb. Müəssisə abadlaşdırılaraq rahat iş şəraiti yaradılıb. Köhnə lokomotivlər təmir edilib rənglənərək istismara qaytarılıb.
Dəniz kənarı boyu uzanan dəmir yolu xətti estetik baxımdan adamda xoş təəssürat oyadır. Amma Xəzərin şıltaqlığı artanda bənd-bərə tanımır. Artıq neçə illərdi ki, sahilbərkitmə işlərinin aparılmasına baxmayaraq, dəniz suları torpaq yatağını yuyub dəmir yolu xəttinə yaxınlaşmaqda davam edir. Hazırda dəmir yolu rəhbərliyi xəttin arxaya çəkilməsi istiqamətində axtarışlarını davam etdirir və bu olduqca əhəmiyyətli addım sayılmalıdır. Dogrudur, dəmir yolu xəttinin dənizə yaxınlığı kənardan cox maraqlı və cəlbedici görünür. Hərçənd ki, dəmir yolu nəqliyyatı üçün əsas şərt təhlükəsiz hərəkətin təminatıyla bağlıdır.
Astara stansiyasında qarşılaşdığımız ilk şəxs stansiya rəisi, uzun illərdi bu müəssisəyə rəhbərlik edən peşəkar hərəkətçi Akif Əliyev oldu. Tərtib olunmuş qatarı İran tərəfə təhvil verən hərəkətçi yol təmirçilərinin rahat işləməsi üçün planlaşdırdığı işlərin icrasına başlamışdı. Yolların narahatlığının uzun illər boyu onlar üçün problemə çevrildiyini xatırladan stansiya rəisi dedi ki, indi manevr işlərinin tam təhlükəsiz aparılması üçün əlverili şərait yaranır. Stansiyada ağır yüklü vaqonların çoxalması yolların təmirinə ehtiyac yaratmışdı. Bir neçə gündür ki, "Dəmiryolservis" MMC-nin kollektivi stansiya yollarının və yoldəyişənlərin əsaslı təmirinə start verib. Çox operativ işləyirlər və yaxın vaxtlarda yolların təmirini başa çatdırıb yoldəyişənlərin təzələnməsini həyata keçirəcəklər.
Sübh tezdən toparlanıb işə səfərbər olunan yol təmirçiləri ayrı-ayrı qruplar halında bir neçə istiqamətdə işləyirdilər. İş prosesində həm əsaslı təmir olunmuş yollarda tamamlama işləri görülür, həm torpaq yatağı texnikalarla nizamlanir, həm də yol və yol dəyişənlər sökülüb kənara
daşnırdı. İşin axarına rəhbəlik edən " Dəmiryolservis " MMC-nin baş direktoru Əli Əşrəf Lütfəlibəyov sahə rəhbərlərinə müxtəlif tapşırıqlar verir, bəzən əllərinin işarəsi ilə başlanğıc istiqamətini göstərib, fikrini konkret dəlillərlə əsaslandırırdı. Stansiyada manevr işlərinə problem yaratmamaq üçün ən az imkanla ən çox iş görməyin yollarını izah edirdi. Çünki işin icrasına start verəndə kollektiv böyük çətinliklə üzləşmişdi. Sökülən yollardan çıxan çirkli ballastı daşımaq üçün təyinatlı vaqonların olmaması yol təmirçilərini yük maşınlarının xidmətindən istifadə etmək məcburiyyətində qoymuşdu. Bütün çətinliklərə baxmayaraq, onlar bu işi vaxtında yoluna qoymağı bacarmışdılar. Stansiyada görüləcək işlərin statistikasını diqqətə çatdıran Ə. Lütfəlibəyov bildirdi ki, stansiyanın 6 yolunda yarımyararlı materiallarla ümumi uzunluğu 7520 p/m təşkil edən əsaslı təmir işləri aparmalı, eyni formada 24 dəst yoldəyişən qurğunu təzələməliyik. Ötən günlərdə 4650 p/m yolun qoyuluşunu başa çatdırmış, 6000 p/m torpaq yatağını döşənməyə hazırlamışıq. Ümumilikdə, yollara boşaltmaq üçün 16140 kubmetr çınqıla ehtiyac var. Hazırda 3200 kubmetr çınqıl boşaltmışıq və RM -80 yol maşını ilə yolun nizamlanmasını həyata keçirmişik. Yollarda 6 dəst yoldəyişən qurğunu yenisi ilə əvəzlənib və yaxın günlərdə bu iş daha intensiv xarakter alacaqdır.
Onu da deyək ki, Bakı-Böyük Kəsik, Bakı-Tbilisi-Qars dəmir yolu layihələrinin icrasında qələbəli işlərə imza atmış " Dəmiryolservis " MMC-nin kollektivi bu gün Bakı-Sumqayıt dairəvi yolunun tikintisində də yaxından iştirak edir. Eyni zamanda müəssisənin bir qrup əməkdaşı Gürcüstan Respublikasındakı işlərdə fəaliyyətini davam etdirir.Bütün bunlara rəğmən aparılan işlər keyfiyyətli şəkildə uğurlu sonluğa istiqamətləndirilir.
Ümumiyyətlə sərhəd bölgələrində mövcud olan yaşayış massivlərində və dövlət qurumlarında həmişə üstün abad şərait olmalı, bu işə diqqət yetirilməlidir. Çünki ölkəmizin ərazisinə qədəm qoyan əcnəbilərdə ilk təəssüratı məhz burdakı vəziyyət formalaşdırır. Astara stansiyasında aparılan əsaslı yeniləşmə işləri bu baxımdan olduqca əhəmiyyətlidir. " Dəmiryolservis " MMC kollektivinin gördüyü işlər isə gələcəkdə artan xətt üzrə davam edəcək yük dövriyyəsinin nizamlanmasında əhəmiyyətli rol oynayacaqdır. Dəmir yolu nəqliyyatının iqtisadi əlaqələri genişləndikcə yollarımıza tələbat da artır. Bu gün yollar bizi üzü Cənuba aparır. Sabah əlaqələr şaxələndikcə bu istiqamətlərin xəritəsi də böyüyəcəkdir.
P.S Bakıdan Astaraya 660/659 saylı sərnişin qatarı ilə getmişdik. Qatardakı təmizliyi və İlham Məmmədovun rəhbərlik etdiyi qatar heyətinin sərnişinlərlə intizamlı xoş rəftarını sonda qeyd etməyi də özümüzə borc bildik.
Elbariz MƏMMƏDLİ