 |
|
Qanun Nəşrlər Evində yeni kitab işıq üzü görüb.
Gözlənilməz dönümləri ilə Vulf qələmi!
Ölüm – Məğrur Qardaş – Tomas Vulf
T.Vulfun bu əsərində heyrətamiz enerji, nəfəs kəsən təhkiyə, Vulf qələminə məxsus gözlənilməz dönüşlər diqqəti çəkir. Povest ömründə dörd insanın ölümünü görmüş qəhrəmanın yaşantılarını oxucuya çatdırır. Sən demə, həyatda miskin, təsadüfi, lüzumsuz və məğrur ölümlər də varmış, insan qismətinə hansı ölümün düşəcəyini bilmir.
“Böyük şəhərdə ölümün üzünü artıq üç dəfə görmüşdüm, ötən yaz yenidən görməli oldum. Bir dəfə gecə – həmin il zülmətin nəhəng küçəsiylə sürünə-sürünə yaşadığım dəlisov, sərxoş, heydən düşmüş gecələrin səhərdən-axşamacan, axşamdan-səhərəcən sürən dəyişikliyində – metroda insanın necə öldüyünü gördüm...”
Tərcüməçi: Nəriman Əbdülrəhmanlı
Azərbaycanın yol-tikinti şirkəti Ukraynanın magistral avtomobil yolunun təmiri üçün elan edilmiş tenderin qalibi olub.
Tikinti işlərinin başlanması üçün Kiyevdə Ukrayna Avtomobil Yolları Agentliyinin rəhbəri Slavomir Novak və “AzVirt” Məhdud Məsuliyyətli Cəmiyyətin icraçı direktoru Kamil Əliyev saziş imzalayıblar. Sazişə əsasən “AzVirt” MMC M-01 yolunda Kiyev-Kopti (Çerniqov vilayəti) avtomobil yolunun 80 kilometrlik hissəsi əsaslı təmir olunacaq. Sazişin ümumi dəyəri 131 milyon 550 min avrodur (ƏDV daxil deyil). Yolun əsaslı təmir müddəti 730 gündür.
Sazişin imzalanma mərasimində çıxış edən S.Novak Ukrayna bazarına daha bir iri şirkətin daxil olmasından məmnun olduğunu bildirib. Diqqətə çatdırıb ki, bu, “AzVirt” şirkətinin Ukraynada reallaşdıracağı ilk layihədir. Tenderdə iştirak edən 13 beynəlxalq şirkət arasında qalib olmaq mühüm hadisədir.
“AzVirt” MMC-nin icraçı direktoru Kamil Əliyev rəhbəri olduğu şirkətə etibar edildiyinə görə Ukrayna Avtomobil Yolları Agentliyinin rəhbərinə təşəkkürünü bildirib.
Azərbaycanın Ukraynadakı səfiri Azər Xudiyev isə çıxışında qeyd edib ki, bu layihənin Ukraynada həyata keçirilməsi təkcə böyük şərəf deyil, həm də böyük təcrübə və nüfuzdur.
Azərbaycan Respublikasının Prezidenti İlham Əliyev noyabrın 4-də Səudiyyə Ərəbistanı Krallığının Daxili İşlər naziri Əbdüləziz bin Səud bin Nayif Əl-Səudun başçılıq etdiyi nümayəndə heyətini qəbul edib.
Azərbaycan Avtomobil Yolları Dövlət Agentliyi Qax-Zaqatala yolunun yenidən qurulmasını başa çatdırıb.
Bakı-sərnişin-Keşlə mənzilinin cüt baş yolunda aparılan əsaslı təmir işləri ilə əlaqədar verilən “Texniki fasilə” başa çatıb.
Yol infrastrukturunun müasir səviyəyə çatdırılması nəqliyyat əlaqələrinin yaxşılaşdırılmasında, həmçinin bölgələrdə iqtisadiyyatın və kənd təsərrüfatının inkişafında mühüm rol oynayır.
Milli Onkologiya Mərkəzinin (MOM) şüa müalicəsi şöbəsində əlavə olaraq ikimərtəbəli yeni korpus tikilib və dünyanın tibbi qurğular və xərçəng xəstəliyinin müalicəsi üçün proqram təchizatı istehsalı sahəsində aparıcı şirkəti olan Amerikanın “Varian Medical System”in 6-10 MeV-lıq yüksək enerjili 2 ədəd xətti sürətləndiricisi quraşdırılıb.
Son zamanlar paytaxt sakinlərini , ümumiyyətlə ictimaiyyəti narahat edən bir məsələ gündəmdədir. Sahibsiz itlərin insanlara , xüsusən azyaşlılara hücumu , onlara vurduğu ziyan ən çox danışılan , müzakirə olunan məsələlərdəndir. Lakin danışmağın nə faydası , ortada əməli iş yoxsa?
Doğrudur , son zamanlar ölkə rəhbərliyi , o cümlədən vitse prezident Mehriban xanım Əliyeva , Leyla xanım Əliyevanın gördüyü işlər göz önündədir. Sahibsiz itlərə qarşı qəddarlığa , onların öldürülməsinə son qoyulması , onların sığınacaqlarda yerləşdirilməsi olduqca təqdirəlayiqdir.
Lakin bu heç də məsələni kökündən həll etmir , günü- gündən sahibsiz itlərin sayı artmaqda , bu isə təhlükəni daha da artırmaqdadır. İnsanlar sahibsiz itlərin hücumuna paytaxtımızn bütün rayonlarında , Xəzər , Qaradağ , Səbayıl , Nərimanov , Sabunçu , Binəqədi rayonunun demək olar ki hər küşəsində , hər tinində məruz qalırlar . Statistik məlumatlar da problemin dəhşətli vəziyyətindən yetərincə xəbər verir. Belə ki , ötən il qədər 15 mindən artıq adamı sahibsiz heyvan dişləyib ki, onlardan da 13 mini it dişləməsi olub. Təkcə 2018 – ci iln 2 ayı ərzində 925 it dişləməsi faktı qeydə alınmışdır. Hələ onların hansı virusları , hansı xəstəlikləri daşıdıqlarını , hadisə zamanı insanların keçirdiyi stresləri hansı hesaba yazmaq olar!?
Bu sahədə bir sıra qeyri- hökümət təşkilatları , o cümlədən “ Heyvansevərlər cəmiyyəti “ fəaliyyət göstərir. Onların bu məsələni əsaslı sürətdə həll etməyə ya gücləri çatmır , ya da istəmirlər. Bəlkə bu fikrə qarşı iradlarını bildirərlər. Lakin fakt faktlığında , təhlükə təhlükəliyində qalır.Vəziyyətlə bağlı vətəndaşlar tərəfindən çoxsaylı şikayətlər olunmuş, bütün aidiyyatı qurumlara müraciət edilmişdir. Lakin bu sahə ilə bağlı birbaşa səlahiyyətli və cavabdeh qurum olmağı üçün məsələ həllini tapmır. Əksinə daha kəskin vəziyyət yaranır.
Biz də heyvan düşməni deyilik. Bütün yaradılmışların yaşamaq haqqı var. Mümkün çərçivədə və dairədə. Əgər “heyvansevərlər "bütün heyvanları küçələrdən yığışdıra bilmirlərsə , onları qida və sığınacaqla təmin etmək iqtidarında deyillərsə , o zaman adi vətəndaşlar , günahsız uşaqları əziyyət çəkməli , bu heyvanların qurbanına çevrilməlidirlər ?! Bəs insanlarımızn hüquqlarını kimlər müdafiə edəcək , onlara dəyən maddi-mənəvi , psixoloji zərərləri kimlər ödəyəcək ? Bu sahədə beynəlxalq təcrübədən , dünya dövlətlərinin təcrübəsindən istifadə etmək yerinə düşməzmi ? Nəzərə çatdıraq ki , Avropa ölkələrində dövlət qurumlarının göstərişlərinə əsasən burada sayı xeyli artan sahibsiz heyvanların , o cümlədən canavarların və digər vəhşi heyvanların vurulması həyata keçirilir.
Bütün bunlar haqqında təcili düşünmək və lazımi qərar vermək vaxtı çoxdan çatıb və hətta keçib də.
Müşfiq Kişiyev