 |
|
Həyat yoldaşını idman aləti olan qantellə qətlə yetirməkdə təqsirləndirilən Şəki sakini 56 yaşlı İlham Əkbərovun məhkəməsi yekunlaşıb.
Yol-xeber.az İctimai TV-yə istinadən xəbər verir ki, İ.Əkbərov özündən 18 yaş kiçik həyat yoldaşı Cəvahir Əhmədovanın ona xəyanət etməsindən şübhələndiyinə görə öldürüb.
Şübhələr onda Cəvahirin “WhatsApp” statusunda etdiyi paylaşımdan sonra yaranıb.
İ.Əkbərov arvadını qətlə yetirdikdən sonra təqsirləndirilən uşaqlarını da götürərək Bakıdan Şəkiyə gedib. Uşaqları valideynə təhvil verəndən sonra isə polisə təslim olub. 2019-cu ildə baş verən bu hadisənin istintaqı bu il başa çatıb.
İstintaq hərəkətləri zamanı İ.Əkbərov xeyir-şər evində qabyuyan işləyən həyat yoldaşını ona xəyanət etdiyi üçün qətlə yetirdiyini bildirib.
Təqsirləndirilən şəxsin dediyinə görə, həyat yoldaşından hadisədən təxminən 4 ay əvvəl mobil telefon nömrəsininin “Whatsapp” proqramında paylaşdığı statusdan sonra şübhələnməyə başlayıb. Statusda “Uzaqdan-uzağa sevməkdə biz birinci yerdəyik” yazısı olub. C.Əkbərova ərinə bu yazını statusa elə-belə qoyduğunu deyib. İ.Əkbərov arvadının ona günü 20 manata qabyuyan işlədiyi xeyir-şər evinin Seymur adlı inzibatçısı ilə xəyanət etməsini güman edib. Bu səbəbdən də C.Əkbərova iş yerinə baş çəkmək qərarına gəlib.
Həmin gün başlayan dava gecə saat 4-də qətllə bitib. İ.Əkbərov yatılı vəziyyətdə olan C.Əkbərovaya qantellə zərbələr endirib.
.jpg)
Təqsirləndirilən şəxsin xahişi ilə mobil telefondan silinən fayllar bərpa edilib. Bundan sonra İ.Əkbərovun şübhələrinin əsassız olmadığı müəyyən edilib. Məhkəmə prosesi zamanı İ.Əkbərov ittiham üzrə özünü qismən təqsirli bilib. Zərərçəkmiş şəxsin hüququ varisi təqsirləndirilən şəxsə ağır cəza verilməsini xahiş edib.
Sonda məhkəmənin hökmü ilə İ.Əkbərov 16 il 6 ay müddətinə azadlıqdan məhrum olunub.
Qeyd edək ki, İ.Əkbərov C.Əkbərova ilə 2003-cü ildə ailə həyatı qurub və həmin nikahdan iki övladları olub.
Erməni sakinlər Rusiya prezidenti Vladimir Putini əks etdirən təbliğat lövhəsində təhqiredici sözlər yazıblar.
Yol-xeber.az xəbər verir ki, hadisə Qarabağdakı rus sülhməramlılarının nəzarətində olan bölgədə baş verib.
Qeyd edək ki, "Əbədi birlikdə" adlı reklam lövhəsi Rusiya-Ermənistan dostluğunun simvoludur.
Tovuz rayonunda yol-nəqliyyat hadisəsi baş verib.
"Yol-xeber.az" xəbər verir ki, hadisə bu gün səhər saatlarında rayonun girişində qeydə alınıb.
Anar Əyyubovun idarə etdiyi “Toyota Land Cruiser” və Yasin Səməndərovun idarə etdiyi “Mercedes” markalı avtomobillər toqquşub.
Qəza nəticəsində “Mercedes”də olan sərnişin, 1996-cı il təvəllüdlü Samir Cəfərov ölüb.
Bundan başqa, hər iki avtomobilin sürücüləri, eləcə də “Toyota”da olan sərnişinlər - Sərxan Namazov, Famil Cəfərov və Muxtar Rzayev müxtəlif dərəcəli bədən xəsarətləri alıblar.
Hadisə yerinə hüquq mühafizə orqanların əməkdaşları cəlb olunub.
Faktla bağlı araşdırma aparılır.
Azərbaycan Respublikasının milli təhlükəsizlik maraqlarına yönələn təhdidlərin, xarici xüsusi xidmət orqanlarının kəşfiyyat-pozuculuq fəaliyyətinin vaxtında aşkar edilməsi və qarşısının alınması istiqamətində Dövlət Təhlükəsizliyi Xidməti (DTX) tərəfindən kompleks tədbirlər davam etdirilir.
Yol-xeber.az xəbər verir ki, bu barədə DTX məlumat yayıb.
Həyata keçirilmiş əməliyyat-istintaq tədbirləri nəticəsində Azərbaycan Respublikasının vətəndaşı 1970-ci il təvəllüdlü Zəkiyev Aydın Zəki oğlunun Azərbaycan Respublikasının suverenliyi, ərazi toxunulmazlığı, dövlət təhlükəsizliyi və müdafiə qabiliyyətinin zərərinə casusluq edərək Ermənistan xüsusi xidmət orqanı nümayəndələrinə Azərbaycana qarşı düşmənçilik fəaliyyəti aparmaqda kömək göstərməklə dövlətə xəyanət etməsinə əsaslı şübhələr müəyyən edilib.
Həmçinin onun digər şəxslərin həmin xüsusi xidmət orqanı ilə məxfi əməkdaşlığa cəlb edilməsində vasitəçilik etməsi barədə tapşırıq aldığı təsbit olunaraq saxlanılmaqla cinayətkar əməllərinin qarşısı alınıb.
İstintaq zamanı məlum olmuşdur ki, Aydın Zəkiyev Ermənistan xüsusi xidmət orqanı nümayəndələri ilə məxfi əməkdaşlığa razılıq verdikdən sonra qarşılıqlı sövdələşməyə uyğun olaraq üçüncü dövlətin ərazisində olan şəxslər vasitəsilə ötürülən tapşırıqları yerinə yetirməklə Azərbaycan Respublikası Silahlı Qüvvələrində şəxsi heyətin komplektləşdirilməsinin xüsusi halları ilə bağlı əldə etdiyi məlumatları düşmən tərəfə ötürüb, ölkədə etnik zəmində qarşıdurma yaratmağa hesablanmış və əvvəlcədən məqsədyönlü şəkildə hazırlanaraq xüsusi mətnlər şəklində göndərilən həqiqəti əks etdirməyən məlumatların yayılmasını təşkil etməkdə Ermənistan xüsusi xidmət orqanına kömək edib.
Aydın Zəkiyev Azərbaycan Respublikası Cinayət Məcəlləsinin 274-cü (dövlətə xəyanət) maddəsi və digər cinayət faktlarına görə məsuliyyətə cəlb edilərək məhkəmənin qərarı ilə həbs edilib.
Hazırda qeyd olunan cinayət əməllərinə dair cinayət işi üzrə istintaq-əməliyyat tədbirləri davam etdirilir.
Binəqədi Rayon Məhkəməsində həyat yoldaşını qətlə yetirməkdə təqsirləndirilən İsmayıl Məmmədovun barəsində istintaq orqanının verdiyi təqdimata baxılıb.
Yol-xeber.az-ın məlumatına görə, məhkəmə təqdimatı təmin edib.
Qərara əsasən, İ.Məmmədovun barəsində 3 ay müddətinə həbs qətimkan tədbiri seçilib.
Qeyd edək ki, hadisə sentyabrın 30-da səhər saat 9 radələrində Nizami Rayon Polis İdarəsinin (RPİ) 24-cü Polis Şöbəsində qeydə alınıb.
Belə ki, Nizami RPİ-nin Post Patrul Xidmətinin əməkdaşı, polis nəfəri İ.Məmmədov xidmətdə olarkən həyat yoldaşı Xanım Məmmədovanın ailə münaqişəsi zəminində ondan 24-cü Polis Şöbəsinə şikayətə gəldiyi barədə məlumat alıb. O, dərhal şöbəyə gəlib və üzərində olan xidməti silahdan atəş açaraq X.Məmmədovanı orada qətlə yetirib.
Daha sonra İ.Məmmədov saxlanılıb, barəsində Baş Prokurorluğun İstintaq İdarəsində Cinayət Məcəlləsinin 120.2.4-cü (xüsusi amansızlıqla qəsdən adam öldürmə) maddəsi ilə cinayət işi başlanıb.
Daxili işlər naziri general-polkovnik Vilayət Eyvazovun əmrinə əsasən, o, daxili işlər orqanlarından xaric edilib.
Ucar Rayon Polis Şöbəsinin İstintaq Bölməsinin rəisi, polis kapitanı Vəlimətov Bədirşah Şakir oğlunun məhkəmə prosesi keçiriləcək.
"Yol-xeber.az"ın unikal.org-a istinadən məlumatına görə, o, İnzibati Xətalar Məcəlləsinin 529.3-cü maddəsi (İnzibati cərimə və ictimai işlər növündə inzibati tənbeh tətbiq etmə haqqında qərarın icra edilməməsi - Yol hərəkəti qaydaları əleyhinə olan inzibati xətaların, yaxud bu Məcəllənin 353.2-ci maddəsində nəzərdə tutulan inzibati xətanın törədilməsinə görə inzibati cərimə növündə inzibati tənbeh tətbiq etmə haqqında qərarın qanuni qüvvəyə mindiyi gündən 3 ay müddətində qanunla müəyyən edilmiş əsaslar olmadan icra edilməməsinə görə) ilə təqsirli bilinir.
İşə Xaçmaz Rayon Məhkəməsində hakim Xıdır Quliyevin sədrliyi ilə baxılacaq.
Qeyd edək ki, sözügedən xətanı törədən şəxslər nəqliyyat vasitəsini idarə etmək hüququ altı aydan bir ilədək müddətə məhdudlaşdırılma ilə cəzalandırılır.
Xatırladaq ki, B.Vəlimətov hazırki vəzifəsinə bir neçə gün öncə təyinat almışdı.
Lənkəran Şəhər Rayon Polis Şöbəsinin əməkdaşlarının nakotik vasitələrin və psixotrop maddə olan metamfetaminin qanunsuz dövriyyəsinə qarşı keçirdikləri növbəti əməliyyat-axtarış tədbirləri nəticəsində 11 nəfər rayon sakini saxlanılıb. Onlardan bir neçəsinin oğurluq əməlinin də üstü açılıb.
"Yol-xeber.az" xəbər verir ki, Lənkəran ŞRPŞ-nin əməkdaşlarının keçirdikləri əməliyyat-axtarış tədbirləri ilə narkotik vasitələrin qanunsuz dövriyyəsində şübhəli bilinən rayon sakinləri İmran Kərimov, Murad Əlizadə, Əmrah Rəhimov, Sarxan Qubadov, Rəfi Rəhimov, Elvar Cəfərov, Nail Cəfərov, Elxan Nəcəfov, Rasif Əliyev, Elçin Nəzərov və İlqar Rəhimov saxlanılıblar. Onların üzərindən satış üçün hazır bükümlərdə narkotik vasitə heroin, psixotrop maddə metamfetamin və elektron tərəzi aşkarlanaraq götürülüb. Aparılan əlavə əməliyyat-axtarış tədbirləri ilə saxlanılan şəxslərdən biri – Ə.Rəhimovun narkotik vasitələrin qanunsuz dövriyyəsinə görə saxlanılmış Lənkəran rayonun sakini Məqsəd Beyçayevlə birlikdə 3 ev və 3 mağazadan qızıl-zinət əşyaları, nağd pul, danışıq kartları və tütün məmulatları oğurladıqları müəyyən edilib. Saxlanılan şəxslərdən N.Cəfərov və İ.Rəhimovun isə ayrı-ayrılıqda müxtəlif ünvanlardan məişət və təmir tikinti avadanlıqları oğurladıqları müəyyən edilib.
Faktlarla bağlı zəruri istintaq və əməliyyat-axtarış tədbirləri davam etdirilir
Daxili İşlər Nazirliyi (DİN) Bakıda özəl məktəblərdən birinin həyətində yaranan insidentə münasibət bildirib.
DİN-in mətbuat xidmətindən “Yol-xeber.az”a bildirilib ki, yaranan insidentlə bağlı araşdırmalara başlanılıb.
“Yayılan videogörüntülərdən məlumatlıyıq. Hadisə ilə bağlı araşdırmalara başlanılıb. İctimaiyyətə əlavə məlumat veriləcək”, - Mətbuat xidmətindən bildirilib.
Qeyd edək ki, sosial şəbəkələrdə məktəbin mühafizəçisi ilə valideynlərdən birinin əlbəyaxa dava etdiyi görüntüləri yayılıb.
Bakıda polis əməkdaşının arvadını bölmədə güllələyərək öldürdüyü yerdən ilk şəkillər paylaşılıb.
Şəkillərdə yüksək rütbəli polis əməkdaşlarının hadisə yerində olduğu görünür.
Həmçinin oxu: Azərbaycanda polis arvadını şöbədə güllələdi - Təfərrüat
İran ordusu Azərbaycanla sərhədə artilleriya qurğuları və zirehli texnika daşıyır.
"Yol-xeber.az"ın məlumatına görə, Qaraziyəddin yolu adlanan ərazidə çəkilmiş görüntülərdə çox sayda artilleriya qurğusunun qoşqu vasitəsilə daşındığı əksini tapıb. Həmçinin ərazidə cəmləşmiş çox sayda tank və digər zirehli texnikalar yük maşınları vasitəsilə Azərbaycanla sərhədə daşınır.