“Report” xəbər verir ki, hadisə Zabrat qəsəbəsində qeydə alınıb.

Belə ki, 2003-cü il təvəllüdlü Soltanov Fərhad Elşad oğlu və 2005-ci il təvəllüdlü Həsənli Tural Zəfər oğlu naməlum şəxs və ya şəxslər tərəfindən bıçaqlanıb.

Hər iki şəxs təcili tibbi yardım briqadasının köməkliyi ilə xəstəxanaya çatdırılıblar.

F. Soltanova sol saidin kəsilmiş-deşilmiş yarası, T. Həsənliyə isə sol budun kəsilmiş-deşilmiş yarası diaqnozu qoyulub.

Eyni zamanda, 2004-cü il təvəllüdlü Nəzərov Şirxan Aslan oğlu da bıçaqlanıb.

Hadisənin təfərrüatları araşdırılır.

Hadisə Abşeron rayon Ceyranbatan qəsəbəsində yerləşən qəbirstanlıqda baş verib. 

1996-cı il təvəllüdlü Babək Fərzəliyev 1999-cu il təvəllüdlü bacısı Aytən Fərzəliyevanı öldürüb. 

İlkin istintaqla məlum olub ki, Babək Fərzəliyev Abşeron rayonu, Ceyranbatan qəsəbəsi ərazisində anası və bacısının məzarını ziyarət edərkən qısqanclıq zəminində aralarında yaranmış mübahisə zamanı özü ilə gətirdiyi bıçaqdan istifadə edərək A.Fərzəliyevaya çoxsaylı xəsarətlər yetirib, daha sonra boğazını kəsib.  

B. Fərzəliyev hüquq-mühafizə orqanları tərəfindən saxlanılıb.

İş üzrə dindirilən Babək Fərzəliyev ifadəsində bildirib ki, atası ilə birlikdə yaşayıb və məktəbdə idman müəllimi işləyib. 2014-cü ilin avqust ayında kiçik bacısı Aytən ona məlum olmayan səbəbdən evdən çıxıb gedib və təxminən 10 gündən sonra qayıdıb. Avqustun 12-də anası və digər bacısı Yasamal rayonunda yaşadıqları evin 9-cu mərtəbəsindən özlərini ataraq intihar ediblər.

Faktla bağlı rayon prokurorluğunda cinayət məcəlləsinin 125-ci (özünü ölüm həddinə çatdırma) maddəsi ilə cinayət işi başlanılıb. Anası ilə bacısının ölümündə təqsirli bilinən atası məhkəmənin hökmü ilə 4 il 6 ay müddətinə azadlıqdan məhrum edilib. 

Məhkəmə keçirilən zaman Babək hərbi xidmətdə olub. İfadə vermək üçün ora gətiriləndə bacısı Aytəni görməyib. İbtidai istintaqda və məhkəmədə ifadə verən Aytən hadisənin baş verməsində atasını günahlandırıb.

Hərbi xidmətdən qayıdanda atası artıq cəzaçəkmə müəssəsində olub. Aytən isə həmin vaxt uşaq evindən təzə çıxıb. Babək bacısına birlikdə yaşamağı təklif edib qayğısına qalacağını desə də, Aytən öz həyatı olduğunu və ona heç kimin qarışa bilməyəcəyini söyləyib.

Babək Fərzəliyev ifadəsinin davamında bildirib ki, təxminən 1 il sonra Aytən ona “watsapp”da yazıb görüşmək istədiyini deyib. Onlar görüşüb söhbət etdikdən sonra Aytənə 50 manat pul verib.

Hər dəfə bacısı ilə görüşən zaman ona birlikdə yaşamağı təklif etsədə Aytən ona tək yaşamaq istədiyini deyib.

Bacısı ilə sonuncu dəfə metronun “20 yanvar” stansiyasının yanında görüşüblər. Babək ora gedən zaman özü ilə bıçaq götürüb. Bıçaqı özü ilə götürməkdə məqsədi bacısı gecə həyatından imtina etməsə onu öldürmək olub.

Aytəni öz istəyi ilə anası və bacısının qəbrini ziyarət etmək üçün Ceyranbatan qəbristanlığına aparıb:

“Taksi ilə gəldik qəbristanlığa. Bizdən başqa heç kim yox idi. Aytən başladı ağlamağa. Sonra başladı mənə “sən yaxşı qardaş olmamısan” nə bilim elə-belə sözlər deməyə. Məndə bıçağı belimdə açdım onun üzü qəbirə tərəf idi böyründən bir dəfə vurdum. Çökdü açağı sonra iki dənə sinəsindən vurdum. Ayağa qalxmaq istəyən kimi bıçaqı çəkdim boğazına”.

Babək daha sonra bildirib ki, bacısının öldüyünə əmin olduqdan sonra bıçağı özü ilə gətirdiyi salafan torbaya bükərək göbəkcəsinin cibinə qoyub.

Yaşadığı evə yollanıb paltarlarını dəyişdikdən sonra polis şöbəsinə gedərək hadisə barədə məlumat verib.

Məhkəmə prosesində Babək Fərzəliyev ittiham üzrə özünü təqsirli bilib.

Məhkəmə nəticəyə gəlib ki, təqsirləndirilən şəxsin əməli CM-nin 120.2.4-cü (xüsusi amansızlıqla qəsdən adam öldürmə) və 228.4-cü (qanunsuz olaraq soyuq silah  əldə etmə, satma və ya gəzdirmə) maddələri ilə düzgün tövsif edilib.

Sonda məhkəmənin hökmü ilə Babək Fərzəliyev 14 il 6 ay müddətinə azadlıqdan məhrum olunub.

Lerik rayonun Barzavu kəndində baş verən qətllə bağlı bəzi detallar məlum olub.

1971-ci il təvəllüdlü Murad Əskərov kənd camaatının ödənişi ilə yasin surəsi oxuyan şəxs olub.

Qətlə yetirilən qadının üç oğlu olub. Oğlunun biri Bakı şəhərində işləyir, biri hərbi xidmətdədir, digəri isə onunla birlikdə kəndə yaşayıb. Mərhumun həyat yoldaşı Rusiyadadır.
M.Əsgərov ötən ilin dekabr ayında da qadınla cinsi əlaqədə olmaq istəyib. Amma Zəkifə Fərziyeva etiraz edərək onu evindən qovub. 

Bu ilin aprelin 28-də günorta saatlarında M.Əsgərov sahədə kartof əkirmiş, Zəkifə Fərziyevanın oğlunun evdən çıxaraq, meşəyə odun gətirməyə getdiyini görüb və gizli şəkildə mərhumun evinə gəlib. M.Əskərov onunla cinsi əlaqədə olmaq istəsə də, qadın qışqırıb. Bu zaman o, cibində gəzdirdiyi bıçaqla Z.Fərziyevanın boğazına xəsarət yetirib. 

Keçirilmiş istintaq zamanı Murad Əsgərov saxlanılıb və cinayət zamanı istifadə etdiyi bıçaq götürülüb.

M.Əsgərov ilkin ifadəsində qadını bıçaqla yaralayaraq onu qorxutmaq istədiyini bildirib. O, qadının baş verən hadisəni başqalarına danışacağından ehtiyat etdiyi üçün mərhuma yeddi bıçaq zərbəsi endirib.

Zəkifə Fərziyeva onu qətlə yetirən şəxsin qardaşının baldızı olub.
 
Qeyd edək ki, cinayətin üstünün açılmasında 5 yaşlı uşağın köməkliyi olub. Uşaq hadisənin şahidi olub və bu haqda məlumat verib.

İctimai TV-nin mövzu ilə bağlı reportajını təqdim edirik:
 

Bu barədə  Tərtər Rayon Prokurorluğundan məlumat verilib.

Araşdırmalarla müəyyən edilib ki, Mənsim Aslanov rayonun Qaradağlı kəndi ərazisində yerləşən komendant postundan icazəsiz olaraq keçməyə cəhd edərkən həmin postda xidməti vəzifəsini icra edən polis əməkdaşı Şəhriyar İsayevin qanuni tələblərinə tabe olmayaraq idarə etdiyi “Volqa QAZ-31029” markalı avtomobili sonuncunun üzərinə sürüb vuraraq dərəcəsi təyin edilməyən bədən xəsarəti yetirib.

Faktla bağlı Tərtər Rayon Prokurorluğunda Cinayət Məcəlləsinin 315-ci (hakimiyyət nümayəndəsinə qarşı müqavimət göstərmə və ya zor tətbiq etmə) maddəsi ilə cinayət işi başlanıb.

Hazırda cinayət işi üzrə istintaq davam edir.

"Xəzərxəbər" xəbər verir ki, mərhumun meyiti boğazı kəsilmiş vəziyyətdə aşkarlanıb.Qatil bıçağı ilə qadının şah damarını kəsib.

Cinayəti həmin kənddə yaşayan və mərhum Zəkifə Fərziyevanın qonşusu, kənddə mollalıq edən Murad Əsgərovun törətdiyi məlum olub.

Molla qonşuluqda yaşayan Zəkifə Fərziyevanın evdə tək olduğunu bilərək gizli şəkildə mənzilə soxulub və qadına qarşı zor tətbiq etmək istəyib.

Yas mərasimində iştirak edən, mərhumu qətlə yetirənə qarşı durmadan lənətlər yağdıran mollanın əməlinin üstü çox çəkməyib ki, açılıb.

Hətta qatil qadını öldürdükdən sonra izi itirmək üçün bir necə versiyaya əl atıb.

Amma qatilin əməlləri bununla da yekunlaşmayıb. İzi öz üzərindən atmaq üçün mərhumun böyük oğlunun evdə olmamasından istifadə edərək bütün izləri onun üstünə yönəltməyə çalışıb. Mərhumun oğlunun paltarını qana bulaşdırıb, hətta bu azmış kimi evi dağıdaraq dava görüntüsü yaradıb.

Murad Əsgərov saxlanılaraq istintaqa cəlb edilib.Dindirilmə zamanı o törətdiyi cinayəti etiraf edib.

Qeyd edək ki, qətlə yetirilən qadın ailəli olub və 3 övladı var. Mərhumun həyat yoldaşı Rusiyada yaşayır və övladlarından yalnız böyük oğlu anası ilə birlikdə qalır.

Faktla bağlı Lerik rayon prokurorluğunda qəsdən adam öldürmə maddəsi ilə cinayət işi başlanıb

Bu barədə DİN-in Mətbuat xidmətindən məlumat verilib.

Müraciət dərhal nəzarətə götürülüb və həmin şəxsin tapılması istiqamətində əməliyyat-axtarış tədbirlərinə başlanılıb. Həyata keçirilən tədbirlər nəticəsində müəyyən edilib ki, qeyd edilən hadisəni törətməkdə şübhəli bilinən Sumqayıt şəhər sakini Elmir Sultanov saxlanılıb.

Araşdırma zamanı saxlanılan şəxs özünü polis əməkdaşı kimi təqdim edərək sosial şəbəkədə tanış olduğu qadına hədə-qorxu gələrək ondan pul tələb etdiyini etiraf edib. E.Sultanovun yaşadığı evə və idarə etdiyi avtomobilə baxış zamanı polis mayoru xüsusi rütbəsi olan paltarlar, polis əməkdaşı görüntüsü yaratmaq üçün əldə etdiyi suvenir qandal, polis şevronları və iş üçün əhəmiyyət kəsb edən digər maddi sübutlar aşkar olunaraq götürülüb.

İstintaq tədbirləri zamanı müəyyən edilib ki, E.Sultanov bir neçə il əvvəl də eyni əməli törətdiyinə görə, yəni, özünü yalandan polis əməkdaşı kimi təqdim edərək insanlardan pul tələb etdiyi üçün Cinyət Məcəlləsinin 182.1-ci (hədə-qorxu ilə tələb etmə) və 310-cu (vəzifəli şəxsin səlahiyyətlərini mənimsəmə) maddələri ilə məhkum olunub.

Bu dəfə də onun barəsində Nəsimi Rayon Polis İdarəsində Cinayət Məcəlləsinin 182.1-ci maddəsi ilə cinayət işi başlanılıb. İstintaq və əməliyyat tədbirləri davam etdirilir.

"Soaial şəbəkələrdə Elmir Sultanov tərəfindən hədələnən və ya onun digər qanunsuz əməllərindən zərərçəkən başqa vətəndaşlar varsa bu barədə ərazi polis orqanlarına, habelə, Nazirliyin "102" Xidməti-Zəng Mərkəzinə və DİN-in instaqram və feysbukdakı rəsmi ünvanlarına məlumat verə bilərlər", - Mətbuat xidməıtindən bildirilib.