 |
|
Baş İdarənin 152 Qaynar Xəttinə zəng edin
İnsan alverinin qurbanı olmusunuzsa,
DİN-in İnsan Alverinə Qarşı Mübarizə
Baş İdarəsinin 152 Qaynar Xəttinə zəng edin.
"Hazırda interval qrafikə uyğun şəkildə davam etdirilir"
Bakı metrosunda qatarda problem yaranıb. Yol-xeber.az xəbər verir ki, bu barədə Trend-ə “Bakı Metropoliteni” QSC-nin mətbuat xidmətinin rəhbəri Bəxtiar Məmmədov deyib. Onun sözlərinə görə, hadisə səhər saatlarında “Sahil” stansiyasından “28 May” stansiyasına hərəkət edən qatarda baş verib: "İçərişəhər" - "Həzi Aslanov" xətti üzrə hərəkət edən qatarda qəfil texniki nasazlıq yaranıb. "Qatar “28 May” stansiyasında dayanıb. Sərnişinlərin təhlükəsizliyini nəzərə alaraq vaqonlar boşaldılıb və texniki baxış üçün depoya göndərilib. Həmin qatarın əvəzinə xəttə yeni qatar buraxılıb. Hazırda interval qrafikə uyğun şəkildə davam etdirilir".
Binəqədi RPİ tərəfindən araşdırma aparılır
Binəqədi rayonunun Biləcəri qəsəbəsi ərazisində yol-nəqliyyat hadisəsi baş verib. Daxili İşlər Nazirliyindən Yol-xeber.az-a verilən məlumata görə, oktyabrın 20-də saat 20 radələrində Binəqədi rayonunun Biləcəri qəsəbəsi ərazisində Bakı şəhər sakini A.Rüstəmov idarə etdiyi "Mercedes" markalı avtomobillə yolu keçən Oğuz rayon sakini Fərrux Həmidovu vurub. Nəticədə xəstəxanaya yerləşdirilmiş piyada orada ölüb.
Binəqədi RPİ tərəfindən araşdırma aparılır.
Elan saytında iş axtaran qadının başına iş gəlib
Bakıda transport şirkətinin yerləşdirdiyi elandakı nömrəyə mesaj yazan gənc qız əxlaqsız təkliflə üzləşib. Şirkətin nümayəndəsi iş axtaran qadına intim suallar ünvanlayıb, istədiyini ala bilmədikdə isə nalayiq söyüşlərlə təhqir edib.
Onların WhatsApp yazışmalarının görüntüləri sosial mediada yayılıb.
Yazışmaları sizə təqdim edirik:
AzNews.az
Faktla bağı araşdırma aparılır
Sumqayıt şəhər Təmizlik Departamentinin direktoru xidməti maşını ilə qəza törədib. Avtosfer.az-ın “Report”a istinadən məlumatına görə, hadisə şəhərin 17-ci mikrorayonunda qeydə alınıb. Belə ki, Sumqayıt şəhər Təmizlik Departamentinin direktoru Atəş Rüstəmovun idarə etdiyi "Toyota Prado" markalı xidməti avtomobil digər nəqliyyat vasitəsinə dəyərək aşıb. Qəza zamanı maşın deformasiyaya uğrayıb və idarə rəsi xəsarət alaraq Sumqayıt şəhər Təcili Tibbi Yardım Xəstəxanasına çatdırılıb. Hazırda vəziyyətinin normal olduğu bildirilir.
Faktla bağı araşdırma aparılır.
Faktla bağlı araşdırma aparılır
Ağdaş rayonunda ölümlə nəticələnən ağır yol-nəqliyyat hadisəsi baş verib. Yol-xeber.az-ın APA-ya istinadən xəbərinə görə, hadisə rayonun Hüşün kəndində qeydə alınıb. Rayon sakini Məmmədov Ruslan Ağabala oğlunun idarə etdiyi "VAZ-2107" markalı minik avtomobili ilə velosipedçi, Ağdaş şəhər sakini, 1985-ci il təvəllüdlü Məmmədov Əlibala Namizəd oğlunu vurub. Zərbənin təsirindən Əlibala Məmmədov su kanalına düşüb. Nəticədə o boğularaq ölüb. Faktla bağlı Ağdaş rayon Polis Şöbəsi tərəfindən araşdırma aparılır.
Faktla bağlı araşdırma aparılır
Bakı-Qazax avtomobil yolunun Ağdaş rayonu ərazisindən keçən hissəsində bir neçə nəfərin xəsarət alması ilə nəticələnən yol qəzası baş verib. Yol-xeber.az-ın “Report”a istinadən məlumatına görə, Goranboy rayon sakini 1977-ci il təvəllüdlü Rauf Nəbiyev idarə etdiyi “Mercedes-Benz” markalı avtomobilini içərisində mişar daşı olan, Gəncə şəhər sakini, 1961-ci il təvəllüdlü Nəcəf Bayramovun idarə etdiyi “KamAZ” markalı yük maşınının qoşqusuna çırpıb.
Qəzada minik avtomobilinin sürücüsü və iki sərnişini (bir uşaq və bir qadın) xəsarət alıb. R.Nəbiyevə hadisə yerində ambulator yardım göstərilib.
Xəsarət alan sərnişinlər isə Yevlax şəhər Mərkəzi Xəstəxanasına aparılıblar.
Faktla bağlı araşdırma aparılır.
Faktla bağlı araşdırma aparılır
Oğuz rayonunda yol-nəqliyyat hadisəsi baş verib. Yol-xeber.az-ın "Report"a isitnadən məlumatına görə, hadisə bu gün günorta saatlarında rayon ərazisində baş verib. Belə ki, rayonun Padar kənd sakini, 1957-ci il təvəllüdlü İkram Mürvət oğlu Abdullayevin idarə etdiyi motosikletlə "Mercedes" markalı avtomobil toqquşub. Müxtəlif dərəcəli bədən xəsarətləri alan motosikletin sürücüsü, 62 yaşlı İ.Abdullayev Oğuz rayon Mərkəzi Xəstəxanasına yerləşdirilib. Yaralıya sol baldır oynağının çıxığı, bazu başının sınığı və sifətin sıyrıqları diaqnozu qoyulub, vəziyyəti orta-ağırdır.
Faktla bağlı araşdırma aparılır.
Hər iki faktla bağlı araşdırma aparılır
Qərb Ərazi Baş Gömrük İdarəsinin əməkdaşları 2 fakt üzrə pirotexniki vasitələrin qaçaqmalçılıq yolu ilə ölkə ərazisinə gətirilməsi cəhdinin qarşısını alıblar. Dövlət Gömrük Komitəsindən Trend-ə verilən məlumata görə, idarənin "Qırmızı Körpü" gömrük postunda Gürcüstandan idarə etdiyi "VAZ- 21074" və "Volkswagen Passat" markalı avtomobillərlə gələn Azərbaycan Respublikası vətəndaşları saxlanılıb və şifahi sorğu-sual olunub.
Sorğu-sual zamanı sürücülər idarə etdikləri nəqliyyat vasitələrində gömrük nəzarətindən gizlədilən və bəyan edilməyən hər hansı predmetin olmadığını bildiriblər.
Avtomobillərə gömrük baxışı zamanı isə minik maşınının gizli saxlanc yerlərindən, ümumilikdə 1440 ədəd "EKO201E 60 PCS" yazılan pirotexniki vasitələr aşkarlanıb.
Hər iki faktla bağlı araşdırma aparılır.
Qonşu zolaqdakı avtomobilin hərəkət istiqamətini dəyişməyə məruz qoyub
Yol hərəkəti qaydasını kobud şəkildə pozaraq təhlükəli manevr edən sürücünün görüntüsü kameraya düşüb. Yol-xeber.az xəbər verir ki, oktyabrın 15-də Xırdalan şəhəri, Hacı Zeynalabdin Tağıyev küçəsində hərəkətdə olan 90-LJ-943 qeydiyyat nişanlı "Mercedes" markalı taksi avtomobilinin sürücüsü, sağ zolağa manevr edərkən qonşu zolaqdakı avtomobilin hərəkət istiqamətini dəyişməyə məruz qoyub. O, bundan sonra qarşısında dayanmış avtobusu görüb qəfildən sol zolağa yerdəyişmə edib. Bu zaman sol zolaqda düzünə hərəkət edən avtomobilə qəza vəziyyəti yaradıb.
<iframe width="500" height="300" src="https://bax.tv/player/77282.html" frameborder="0" webkitAllowFullScreen mozallowfullscreen allowFullScreen></iframe>