 |
|
Faktla bağlı araşdırma aparılır
Göyçay rayonunda zəncirvarı yol qəzası baş verib. Yol-xeber.az "Report"a istinadən xəbər verir ki, hadisə Göyçay-Ucar yolunun rayonun Potu kəndindən keçən hissəsində qeydə alınıb. Belə ki, 5 avtomobil toqquşub. Hadisə zamanı xəsarət alan olmasa da, avtomibillərə ciddi ziyan dəyib.
Faktla bağlı araşdırma aparılır.
Dünən sosial şəbəkələrdə yayılan video ciddi müzakirələrə və narahatlığa səbəb olub.
BakuPost.az xəbər verir ki, həmin video Bakı küçələrində erməni mahnısı səsləndirilən avtomobildə çəkilib.
Avtomobildə olanlar Azərbaycan dövləti əleyhinə ifadələr işlədir, milləti aşağılayan “zarafatlar” edirlər.
Hiss olunur ki, onlar öz danışıq tərzləri ilə guya gürcü olduqlarını bildirmək istəyirlər.
Bu provokasiya xarakterli video qısa müddətdə sürətlə yayılıb və insanların hiddətinə səbəb olub.
Faktla bağlı araşdırma aparılır
Yevlax rayonunda iki nəfərin xəsarət alması ilə nəticələnən yol-nəqliyyat hadisəsi baş verib. Yol-xeber.az-ın "Report"a istinadən verdiyi verdiyi məlumata görə, hadisə Tanrıqullar kəndi ərazisində qeydə alınıb.
"VAZ-2106" markalı avtomobil qəfil qarşısına çıxan camışı vuraraq öldürüb. Bu zaman yolda hərəkətdə olan digər minik maşını da heyvana çırpılıb. Qəza zamanı “VAZ-2106”da olan 2 nəfər müxtəlif dərəcəli bədən xəsarətləri alaraq Mingəçevir xəstəxanasına yerləşdirilib.
Faktla bağlı araşdırma aparılır.
Cinayət törətməkdə şübhəli bilinən 25 nəfər saxlanılıb
Ötən gün daxili işlər orqanlarında qeydə alınan cinayət faktları və hadisələr haqqında statistik məlumatlar açıqlanıb.
Daxili İşlər Nazirliyinin (DİN) Mətbuat Xidmətindən Yol-xeber.az-a verilən məlumata görə, noyabrın 1-dən 2-dək respublikanın daxili işlər orqanları tərəfindən gün ərzində törədilmiş 19 cinayətin üstü “isti izlər”lə açılıb.
Əvvəlki dövrlərdən bağlı qalmış 14 cinayətin açılması təmin olunub.
Axtarışda olduğuna görə, ümumilikdə, 21 nəfər, o cümlədən borclu şəxs qismində axtarışda olan 11 nəfər saxlanılaraq aidiyyəti üzrə təhvil verilib.
Respublikanın avtomobil yollarında 5 ağır yol-nəqliyyat hadisəsi baş verib, nəticədə 8 nəfər ölüb, 3 nəfər xəsarət alıb.
Daxili işlər orqanları əməkdaşlarının həyata keçirdikləri əməliyyat-axtarış tədbirləri nəticəsində narkotiklərlə əlaqəli 7, qanunsuz saxlanılan silah-sursatla bağlı 1 fakt müəyyən edilib.
Cinayət törətməkdə şübhəli bilinən 25 nəfər saxlanılıb.
Nəsimi RPİ-də araşdırma aparılır
Noyabrın 1-nə keçən gecə paytaxtın Moskva prospektindən Bakı şəhər sakini O.İsmayılova məxsus “Mercedes” markalı avtomobilin qaçırılması barədə DİN-in “102” Zəng Mərkəzi Xidmətinə müraciət daxil olub.
Məlumatla əlaqədar Nəsimi RPİ-nin 19-cu Polis Şöbəsi və 20-ci Polis Bölməsi əməkdaşlarının birgə keçirdikləri əməliyyat-axtarış tədbirləri nəticəsində avtomobil A.Mustafayev küçəsində qabaq sağ şüşəsi sınmış vəziyyətdə tapılıb. Nəqliyyat vasitəsini qaçırmaqda şübhəli bilinən Sumqayıt şəhər sakini E.Qədirov polis əməkdaşları tərəfindən saxlanılıb.
Ətrafında aparılan əməliyyat tədbirləri ilə onun noyabrın 1-nə keçən gecə Y.Vəzirov və N.Məlikov küçələrində “Range Rover” markalı avtomobildən videoqeydiyyat qurğusu, “KİA” markalı avtomobildən içərisində 700 manat olan pulqabı və “Ford” markalı avtomobildən 2 ədəd çanta oğurlaması da müəyyən edilib.
Nəsimi RPİ-də araşdırma aparılır.
Qaxda baş verən qəzada 4 nəfər xəsarət alıb.
"Yol-xeber.az"ın qafqazinfo-ya istinadən məlumatına görə, hadisə Qax-İlisu avtomobil yolunda baş verib.
Qax şəhər sakini, 1997-ci il təvəllüdlü Mustafa Füzuli oğlu Mirzəyev idarə etdiyi “Qaz 31 10” markalı minik avtomobili ilə hərəkətdə olarkən idarəetməni itirib və maşını yolun kənarındakı dirəyə, sonra isə divara vurub.
Qəzadan sonra sürücü M.Mirzəyev və avtomobildə olan sərnişinlər - Qax şəhər sakinləri, 2001-ci il təvəllüdlü Ülfət Teymur oğlu Əhmədzadə, 1997-ci il təvəllüdlü Elvin Vasif oğlu Dəmirçiyev və 1999-cu il təvəllüdlü Sənan Abid oğlu Abidli aldıqları müxtəlif dərəcəli bədən xəsarətləri ilə Qax Rayon Mərkəzi Xəstəxanasına aparılıblar.
Yaralılardan Ü.Əhmədzadə və M.Mirzəyevin müalicəsi xəstəxananın Cərrahiyyə şöbəsində aparılıb. A.Abudlinin və E.Dəmirçiyevin xəsarəti yüngül olduğundan müayinə edildikdən sonra evə buraxılıblar.
Faktla bağlı Qax Rayon Polis Şöbəsində araşdırma aparılır.
Abşeron Rayon Polis Şİdarəsi tərəfindən araşdırma aparılır
Daxili İşlər Nazirliyi (DİN) ötən gün piyadanın ölümü ilə nəticələnən yol qəzası ilə bağlı məlumat yayıb. DİN-in Mətbuat Xidmətindən Yol-xeber.az-a verilən məlumata görə, oktyabrın 31-də saat 8 radələrində Abşeron rayonunun Saray qəsəbəsi ərazisində qəsəbə sakini Fazil Nəhmətov idarə etdiyi “Volkswagen” markalı avtomobillə yolu keçən həmyerlisi Esmira Mustafayevanı vurub və piyada aldığı xəsarətlərdən hadisə yerində ölüb.
Abşeron Rayon Polis Şİdarəsi tərəfindən araşdırma aparılır.
Qeyd edək ki, F.Nəhmətov Azərbaycan Vəkillər Kollegiyasının üzvüdür.
Faktla bağlı araşdırma aparılır
Cəlilabad rayonunda iki nəfərin xəsarət alması ilə nəticələnən yol qəzası baş verib. Yol-xeber.az "Report"a istinadən xəbər verir ki, hadisə Sabirabad kəndində qeydə alınıb. İlkin məlumata görə, minik avtomobilinin aşması nəticəsində kənd sakinləri - 1968-ci il təvəllüdlü Həsənov Azər Tapdıq oğlu və 1983-cü il təvəllüdlü Ələkbərov Ramil Adil oğlu xəsarət alıb. Yaralılar xəstəxanaya çatdırılıb.
Faktla bağlı araşdırma aparılır.
Faktla bağlı Binəqədi Rayon Polis İdarəsində araşdırma aparılır
Bakının Binəqədi rayonunda yol-nəqliyyat hadisəsi zamanı bir nəfər ağır xəsarət alıb. Yol-xeber.az APA-ya istinadən xəbər verir ki, yol qəzası 7-ci mikrorayon ərazisində baş verib.
2003-cü il təvəllüdlü Əsədov Cavidan İlham oğlu yolun piyadalar üçün müəyyən edilməmiş hissəsindən keçən zaman onu minik avtomobili vurub. Yaralı 1 saylı şəhər xəstəxanasına yerləşdirilib. Ona qapalı kəllə-beyin travması diaqnozu qoyulub.
Faktla bağlı Binəqədi Rayon Polis İdarəsində araşdırma aparılır.
Gah telefonda mesaj yazır, gah da siqaret çəkir, heç yola da baxmır...
Bir əlində telefon, bir əlində isə siqaret. Siqaretdən çəkir, mesajdan yazır, sükan-sərnişin qalıb öz halına. Yol-xeber.az xəbər verir ki, bu görüntülər oktyabrın 30-da Ukraynanın Kiyev şəhərində qeydə alınıb.
Kadrlarda, hərəkətin gur olan vaxtı 32 saylı marşrut avtobusun sürücüsü, bir əlində telefon, bir əlində isə siqaret tutaraq nəqliyyatda irəlilədiyi görülür. Heç bir qayda-qanun saymayan sürücü, gah telefonda mesaj yazır, gah da siqaret çəkir, heç yola da baxmır.
Bir sərnişin qeydə aldığı videonu öz hesabından paylaşıb. Bundan sonra daşıyıcı şirkətin nümayəndəsi, görüntüləri izləyərək, ismarıc bölümünə yazılı şəkildə ona təşəkkül edib və sürücünün cəzalandırılacağı ilə bağlı söz verib.