 |
|
"WhatsApp" istifadəçiləri PİN kodu təyin edərək yeni mesajlardan “qoruna” biləcəklər.
"Bu barədə “WABetaInfo” portalı məlumat yayıb.
Bu funksiya iOS-da əlavələrin funksiyalarını yoxlamaq üçün istifadə edilən “TestFlight” proqramı vasitəsilə aşkar edilib. Portal müəlliflərinin sözlərinə görə, vatsapın gələcək versiyasında istifadəçi arzuolunmaz mesajlardan özünü qorumaq üçün PİN kodu əlavə edə biləcək.
Bildirilir ki, yeni həmsöhbətlər ilk mesajı yazmaq üçün PİN kodu daxil etməli olacaqlar. Məhdudiyyət adları “əlaqə kitabı”nda olmayan istifadəçilərə şamil edilir.
Yeni funksiyanın messencerin ictimai versiyasında nə vaxt istifadəyə veriləcəyi məlum deyil.
Hər nəqədər Xəzər dənizinin suyunun çox çirkli olduğuu düşünsək də, reallıqda belə deyil.
Xəzərin şəfaf suyunu və gözəl qayalıqlarını fotoqraf Aleksey Lyokinin müəllifi olduğu fotolardan görmək olur.
Məlumata görə, fotolar Xəzər dənizində Pirallahıya yaxın, Böyuk Tava ve Dardanel adaları tərəfdə çəkilib.
Hətta bu gözəl mənzərəli adalara yaxın istirahət üçün məkanların da olduğu bildirilir.
“Gələcək 10 ildə milyonlarla insan Neuralink beyin implantlarından istifadə edəcək”.
“Bu barədə məlumatı “Neuralink” şirkətinin sahibi, amerikalı milyarder İlon Mask “X” hesabında paylaşıb.
“Əgər hər şey yaxşı getsə, bir neçə il ərzində yüzlərlə, 5 il ərzində on minlərlə, 10 il ərzində isə milyonlarla insanda Neuralink çipi olacaq”, - deyə Mask qeyd edib.
Qeyd edək ki, “Neuralink” startapı 2016-cı ilin iyulunda Mask tərəfindən yaradılıb və insan beyninə yeridilməsi mümkün olan çiplərin hazırlanması ilə məşğul olur. Milyarder hesab edir ki, bu cihazlar insanlara süni intellektə qarşı durmağı bacaran kiborq olmaq imkanı verir. Həmçinin onun fikrincə bu çiplər insanlara düşüncənin gücü ilə kompüteri idarə etməyi öyrənməyə kömək edəcək.
Onu da xatırladaq ki, “Neuralink” şirkəti cari il yanvarın 28-də ilk dəfə olaraq insan beyninə çip yerləşdirib. Avqustun əvvəlində Mask bildirib ki, ikinci pasiyentə də implant yerləşdirilib. Bu çiplər iflic olmuş şəxslərə kompüteri idarə etməyə imkan verir.
"Bir neçə ildən sonra Azərbaycanda orta ömür müddəti artacaq".
Bunu Qaynarinfo-ya açıqlamasında sosioloq Əhməd Qəşəmoğlu deyib.
Sosioloq insanların az ömür sürməsinin səbəbini stressli və gərgin həyat tərzi ilə əlaqələndirir:
"Statistika elədir ki, həmin anda nəticə çıxartmaq düzgün deyil. Statistikada parametrlər də nəzərə alınmalıdır. Yoxsa statistik rəqəmlərdən nəticə çıxartmaq əsas ola bilməz. Orta qiymət aldadıcı da ola bilər. Əhalinin böyük bir hissəsi qaçqın və məcburi köçkün idi. Onların arasında xəstələnmə və ölüm halları daha çox olurdu. Müharibə vaxtı nə qədər insanlarımız dünyasını dəyişdi. Həm ön cəbhədə, həm də arxa cəbhədə... Həyacan, əsəb, stress keçirdiklərinə görə ölüm halları çoxalmışdı. İndi vəziyyət düzəlib".
Əhməd Qəşəmoğlu bildirib ki, müharibələr olmasa, stress halları azalacaq və orta ömür uzun olacaq:
"Gərginlik, torpaq həsrəti, yataqxanalarda yaşamaq, pis mənzil şəraiti hamısı ömür uzunluğunda rol oynayırdı. Düşünürəm ki, yaxın vaxtlarda statistika yaxşılaşacaq".
Qeyd edək ki, Tiflis Dövlət Universitetinin Beynəlxalq İqtisadiyyat Məktəbi araşdırma apaşdırmasına görə, Gürcüstanda orta ömür uzunluğu Avropa İttifaqından 7 il azdır. Avropada insanların orta hesabla 84 il yaşadığı İspaniya liderlik edir, onu İtaliya (83,7 il) və Malta (83,6 il) izləyir. Türkiyədə orta ömür 77,8 il, Azərbaycanda 74,5 il, Ermənistanda 75,8 ildir.
Azərbaycanda şəhid atasının görüntüləri ürək dağlayıb.
Sosial şəbəkələrdə paylaşılan videoda şəhid atasının yol boyu şəhid fotoları vurulan yerdə olması öz əksini tapıb.
Onun əvvəlcə öz övladının fotosunu təmizlədiyi, daha sonra isə onu öpüdüyü görünür.
Görüntülərin Gəncə yolunda qeydə alındığı bildirilir.
2024-cü ilin əvvəlindən ABŞ-də parvovirus hallarında böyük artım qeydə alınıb.
Bu barədə ABŞ Xəstəliklərə Nəzarət və Qarşısının Alınması Mərkəzindən (CDC) açıqlama verilib.
Bildirilib ki, son iki ildə xəstəliyə yoluxma hallarının sayı artıb və 5-9 yaşlı uşaqlarda parvovirusun nisbətində 40 faiz artım müşahidə olunub. Bu virus daha çox qızdırma, baş ağrısı, oynaq ağrısı və səpki kimi simptomlarla özünü göstərir.
Açıqlamada virusa qarşı peyvəndin hələ hazırlanmadığı vurğulanıb və xəstəliyə qarşı diqqətli olmaq barədə xəbərdarlıq edilib.
Qeyd edək ki, Parvovirus B19 virusu (beşinci xəstəlik) tənəffüs və ya damcı yolu ilə insandan insana ötürülür. Yanaqlarda əmələ gələn səpgilərə görə buna “şapalaqlanmış yanaq sindromu” da deyilir. Ümumiyyətlə, damcı yolu ilə keçsə də, şaquli olaraq anadan dölə keçə bilən çox yoluxucu bir virusdur. Yanaqlarda səpgilər başladıqdan sonra artıq yoluxucu olmur. İnkubasiya dövrü 2-3 həftə çəkir.(sfera.az)
İlahiyyatçı: “Cadu xəstəlik kimidir, Allahla əlaqəsi güclü olana heç nə təsir etməz, zəif olana isə...”
Keçmiş “Lider” televiziyasının rəhbəri Ədalət Əliyevin xanımı Nailə Əliyeva paylaşımları ilə bir mövzuya diqqət çəkib. İş xanımı bir qadının ona cadular etdiyi haqda sosial şəbəkə hesabında məlumat yayıb.
N.Əliyeva bildirib ki, bu məsələ ilə bağlı həmin qadın bu yaxınlarda ona mesaj yazaraq üzrxahlıq edib: “Bir xanım neçə illərdir ki, mənə cadular edib. Mən təəccübləndim, düşünürəm ki, o, buna çox pul xərcləyib, bunun işləməyəcəyini görmür? Onun bizə etdiyi hər şey onun öz başına gəlib və ən pisi övladlarının başına gəldi, boşanmalar, işsizlik, xəstəliklər... Amma münasibətlərimiz getdikcə güclənir, maşallah. Amma bir müdrik qadın mənə bunun necə işlədiyini izah etdi və sizə məsləhət vermək istərdim. Mən soruşmayacağam ki, cadugərliyə inanırsanmı, falçılara gedirsənsə, hərə özü bilər, bayaq dediyim kimi, heç kimi mühakimə etmirəm, hər kəs öz yolunu seçir”.
Heç kimə sirr deyil ki, ölkəmizdə işləri yolunda getməyən, çətinliyə düşən kimi falçı və cadugərlərin qapısını döyən insanlar kifayət qədərdir. Kimisi bu yolla bəxtinin açılacağına, kimisi qazancının, ruzi-bərəkətinin artacağına, kimisi ev alacağına inanır. Bir sözlə, inam, ümid sonda insanı bu yolu sınamağa vadar edir. Bu səbəbdən belə iddialar da var ki, cadugərlər Azərbaycanda hər il milyonlar qazanır.
Cadugərlik haqqında müqəddəs hesab edilən dini kitablarda da bəhs edilir. Qurani-Kərimin “Nas” və “Fələq” surələri cadugərliyə həsr olunub.
İddialara görə, hazırda Azərbaycanda falçı və cadugərlər həm onlayn, həm də oflayn fəaliyyət göstərib xeyli pul qazanırlar. Fəaliyyətləri hər nə qədər qanuna zidd olsa da, onlar öz əməllərinə davam edirlər. Lakin dövlətə vergi ödəmirlər.
Falçı və cadugərlik leqal fəaliyyət növü deyil və buna görə Dövlət Vergi Xidməti onları vergi ödəyicisi kimi qeydiyyata ala bilmir. Azərbaycanda caduya inanan və yuxarıdakı xəbərdən də bəlli olduğu kimi cadu etdirən də var. Bəs İslamda cadu barədə nə deyilir? Bundan necə qorunmaq olar?
Yeri gəlmişkən, ABŞ-ın “Plos One” elmi jurnalında yayımlanan araşdırmaya görə, dünyada caduya inananların sayı artmaqdadır. Araşdırmanın gəldiyi nəticəyə əsasən, dünya əhalisinin 43 faizi caduya inanır. Alimlər bu vəziyyətin ən mühüm səbəbinin rifah səviyyəsi ilə bağlı olduğunu vurğulayıblar. Belə ki, kasıb ölkələr caduya çox, varlı ölkələr isə az inananlar arasında yer alıb. Sorğular 5 qitə və 95 ölkədən 140 min insan arasında aparılıb. Sorğuya cəlb olunan insanlara “Pis gözə inanırsınızmı?”, “Pis cadu ola bilərmi?” kimi suallar verilib.
İlahiyyatçı Fərid Abdulla mövzu ilə bağlı fikirlərini bildirib: “Qarşılaşdığım ən çətin durumlardan biri elə istixarə, dua, cadu və bu qəbil məsələlərdir. Mənə də bununla bağlı çox sayda suallar verilir. Deyirəm, əziz insan, adamın platforma və üslubuna baxın, sonra müraciət edin.
Bəzən tanıdığım adamlar da olur. Soruşurlar ki, ""Quran"a baxardınız, hansı duanı oxuyum, cadu əleyhinə hansı əməlləri edim?" Deyirəm ki, mənim bu barədə fikrim ayrıdır və sizinlə eyni fikirdə olmaya bilərəm. Əgər buna inanırsınızsa, buna inanan adamdan soruşun. Görürəm ki, nə isə naümid olurlar. Yəni necə ola bilər ki, din sahəsi ilə məşğul olan biri, bunlarla da məşğul olmasın? Bu mənim öz fikrim və inancımdır. Problemə düşmüsən? Get dizini at yerə, dua et. İstədiyin duanı, istədiyin dildə de. Elə bir dua yoxdur ki, Allah desin, bunu oxusan, qəbul edərəm, bunu isə oxusan yox... Bu həyat sınaqla doludur. İmam Hüseynin başına gələnlərə baxın. Ona cadumu olunmuşdu? İmam Hüseyn Yezid və başqaları üçün, başqaları da onun üçün sınaq və imtahan idi. İstixarə sadəcə qərarsızlıq üçün həll yoludur. Amma bu o demək deyil ki, Allahın qərarıdır. Sabah deyə bilməzsən ki, Allah, nə edim e, sən dedin elə, mən də etdim. Həm də yaxşı gəlsə belə, bu cür davam edəcəyinə sığorta da deyil.
Caduya gəlincə, bu, xəstəlik kimidir. Allahla əlaqəsi güclü olana heç nə təsir etməz. Zəif olana, hər şey təsir edər. Allahdan başqa güc, qüdrət sahibi yoxdur. Hətta peyğəmbərlər belə, xəstələniblər, işləri düz gəlməyib və sair. Lakin insanlar bu acı reallığı yox, nə isə xüsusi qeybi, əfsanəvi, qeyri-adi şeyləri dinlə assosiasiya edirlər. Zənn edirlər ki, din mavəradır. Həm də mavəradır (pərdə arxasında olanlar). Lakin bu bizim öhdəliyimiz deyil. Əgər Allah sənə (sınamaq üçün və ya günahın kəffarəsi olaraq) bir zərər toxundursa, bunu Ondan başqa heç kəs aradan qaldıra bilməz. Əgər sənə bir xeyir vermək istəsə, heç kəs Onun lütfünün qarşısını ala bilməz. O, bunu Öz qullarından istədiyinə nəsib edər. O, bağışlayandır, rəhimlidir. (Yunus, 107) Kim nəyə inanırsa, ona da əməl edə bilər. İnsan adətən inancı ilə üz-üzə gəlir və sınanır".
İlahiyyatçı əlavə edib ki, İslam tərəfindən sehr etmək, bundan pul qazanmaq haramdır, böyük günahlardandır: “İnsan ilk növbədə cadudan, falçıdan, gözdəymədən qorunmaq üçün Allaha çoxlu zikrlər etməlidir. Tez-tez "Əuzu billəhi minəş-şeytanir-racim cümləsini, yəni qovulmuş şeytanın şərindən Allaha sığınıram deyin. Bundan əlavə, “Fələq”, “Nas” surələrini oxuyun. “Qələm” surəsinin 51 və 52-ci ayələrini oxumaq lazımdır, buna bəd-nəzər ayələri də deyilir. Eləcə də “Ayətül kürsi” oxunmalıdır"./ “Yeni Müsavat”
Bəzi xarici ölkələrə tranzit uçuşlarla səfər etmək birbaşa getməkdən daha ucuzdur. Başqa sözlə, əgər siz Bakıdan təyyarə ilə birbaşa deyil, digər hər hansı bir ölkədən tranzit keçməklə getsəniz, aviabilet qiyməti daha ucuz olacaq.
Dövlət Turizm Agentliyinin hesabatına əsasən, məsələn, bu ay Bakıdan Dohaya birbaşa uçmaq 352, tranzit yolla uçmaq isə 325 avroya başa gəlir. Berlinə isə birbaşa uçuş üçün 340, tranzit uçuş isə 222 avrodur.
Turizm üzrə ekspert Rəhman Quliyev deyir ki, bu imkanlardan bir çox turistlər mütəmadi yararlanır. Məqsəd nisbətən az xərclə daha çox ölkə gəzməkdir.
Ekspert deyir ki, tranzit uçuşların qiyməti birbaşa uçuşlardan adətən uzaq ölkələrə səfər zamanı daha sərfəli olur. Yaxın ölkələrdə isə adətən birbaşa uçuşlar daha ucuz olur. Bununla belə, ekspert deyir ki, sərnişinlər tranzit uçuşlarda bir sıra problemlərlə üzləşə bilərlər. Bu məqsədlə onlara diqqətli olmaq tövsiyə edilir.
Ekspert onu da bildirir ki, xüsusilə yay ayları olduğu üçün bəzi istiqamətlər üzrə aviabilet qiymətlərində artım var. Məsələn, Türkiyə istiqamətində 30%, Avropa ölkələri istiqamətində 35-40%, Moskva istiqamətində isə 25% bahalaşma var.
Daha ətraflı Xəzər Xəbərin videomaterialında:
Yeni Zelandiya, Polşa və Amerika alimləri "Alliance to Feed the Earth in Disasters” qeyri-kommersiya təşkilatı ilə əməkdaşlıq edərək müəyyən ediblər ki, nüvə müharibəsindən sonra bəşəriyyət torpaq qurdlarını yeyərək özünü qidalandıra bilməyəcək.
Qaynarinfo xəbər verir ki, tədqiqatın nəticələri "Biomass" jurnalında dərc olunub.
Hətta kiçik bir nüvə münaqişəsi də atmosferə böyük miqdarda his və digər hissəciklər buraxacaq. Bunun nəticəsi kifayət qədər günəş işığının Yer səthinə nüfuz edə bilməməsi olacaq ki, bu da orta temperaturun bir neçə dərəcə azalması ilə nəticələnəcək və fotosintez prosesini azaldacaq, məhsuldarlığını riskə atacaq. Asteroidin düşməsi və ya supervulkanın püskürməsi kimi irimiqyaslı təbii fəlakətlər də oxşar nəticələrə səbəb ola bilər.
"Fəlakətlərdə Yeri Qidalandırmaq üçün Alyans" qeyri-kommersiya təşkilatından Ceyms Mulhallın rəhbərlik etdiyi ekspertlər qrupu, nüvə fəlakətindən sonra bəşəriyyətin sağ qalması üçün potensial həyati kalori mənbəyi kimi yer qurdlarının (Lumbricina) imkanlarını öyrənmək qərarına gəlib. Bu onurğasız canlılar düşmüş yarpaqlar və digər bitki qalıqları ilə qidalanır, buna görə də elm adamları günəş işığının müvəqqəti olmaması şəraitində yaşaya biləcəklərini güman edirlər.
Əvvəlcə Mulhall və komandası planetdəki bütün qurdların təxmini ümumi kütləsini təxmin edib. Əvvəlki araşdırmalara görə, torpağın hər kvadrat metrində bu onurğasızların orta hesabla 51 qram yaş çəkisi var. Eyni zamanda, torpaq qurdları və onların insanlar tərəfindən çıxarılması üçün yararlı torpaq sahəsi 10,3 milyard hektardır. Bu iki dəyəri birləşdirən müəlliflər qurdların yeməli yaş çəkisinin 5,3 milyard ton olduğu qənaətinə gəliblər. Bu, 8 milyard insanın 1310 gün zülal ehtiyacını, 220 günlük enerji ehtiyacını ödəməyə kifayət edir.
Lakin sonra alimlər belə bir nəticəyə gəliblər ki, nə əllə toplamaq, nə müxtəlif kimyəvi maddələrdən istifadə etmək, nə də müasir torpaq ayırıcılardan istifadə bu onurğasızları böyük miqdarda toplamaq üçün effektiv üsul deyil.
Müəlliflər həmçinin qeyd ediblər ki, torpaq qurdları yemək onların orqanizmində müxtəlif kimyəvi maddələrin toplanması səbəbindən sağlamlıq üçün təhlükəli ola bilər. Bundan əlavə, dünyanın bəzi əraziləri (Kanada, Şərqi və Mərkəzi Asiya kimi) onları biçmək üçün çox soyuq olacaq. Eyni zamanda, yağıntının miqdarı azalarsa, qurdların aktivliyi azalacaq ki, bu da qida əldə etməyi daha da çətinləşdirəcək.
Ənənəvi olaraq, yayın ikinci yarısında yeni "iPhone" modelləri haqqında daha çox təfərrüat ortaya çıxır.
Yol-xeber.az oxu.az-a istinadən bildirir ki, tanınmış texnologiya müşahidəçisi və insayder Sonni Dikson qarşıdan gələn "iPhone 16"nın maketlərinin fotolarını dərc edib.
Şəkildən gördüyünüz kimi, "Apple" smartfonlarının qarşıdan gələn seriyası kamera blokunun yeni dizaynı və yeni rəng çeşidi əldə edəcək.
Əgər maketlər aktual olarsa, "iPhone 16" və "iPhone 16 Plus" beş rəngdə olacaq: Ağ, qara, mavi, yaşıl və çəhrayı. Pro versiyalarına gəlincə, keçən ildə olduğu kimi, burada istifadəçiləri sürprizlər gözləyə bilər.
"iPhone 16"nın təqdimatı sentyabrın birinci yarısında gözlənilir.
