 |
|
"Hazırda Bakı metropolitenində Azərbaycan Respublikasının Prezidenti cənab İlham Əliyevin tapşırığına uyğun olaraq, 10 stansiyanın inşası və bundan irəli gələn məsələlərin həlli istiqamətində tədbirlər görülür. İlkin dövr üçün prioritet vəzifələr sırasında xətlərin ayrılması layihəsinə başlanılması istiqamətində addımlarla bağlı məsələlərə xüsusi yer verilib".
Yol-xeber.az xəbər verir ki, bu barədə BAKU.WS-in sorğusuna cavab olaraq "Bakı Metropoliteni" Qapalı Səhmdar Cəmiyyətindən məlumat verilib.
"Xətlərin ayrılması layihəsi "Cəfər Cabbarlı" stansiyasından başlayacaq tunelin inşasını nəzərdə tutur. Bununla yanaşı, metro xətlərinin müstəqil funksional fəaliyyətini təmin edən əsas sahələrin inşası da aparılmalıdır. Bura "Dərnəgül" elektrik deposu, dartı elektrik yarımstansiyalarının tikintisi və yenidənqurulması, "İçərişəhər" stansiyasından sonra dalanın tikintisi və s. vacib infrastruktur layihələri də daxildir.
Bundan savayı, metropoliten üçün yeni nəsil vaqonların alınması prosesi də davam etdiriləcək. 2025-ci ildə 20 yeni vaqonun alınması prosesi təmin ediləcək. Mövcud infrastrukturun yenilənməsi, yeni texnologiyaların tətbiqi istiqamətində də fəaliyyət davamlı olaraq aparılacaq. Təmir işlərindən "Cəfər Cabbarlı" stansiyasında yenidənqurmanın başa çatdırılması, həmçinin "Həzi Aslanov" stansiyasında əsaslı təmir prosesinin mərhələlər üzrə sürətləndirilməsi də nəzərdə tutulub",-deyə məlumatda qeyd olunub.
Daxili İşlər Nazirliyi süni intellektlə bağlı əhaliyə xəbərdarlıq edib.
Bu barədə nazirlikdən məlumat verilib.
Xəbərdarlıqda bildirilib ki, süni intellekt texnologiyasından istifadə hallarının atdığı bir dövrdə kiberhücumlara məruzqalma halları müşahidə olunur:
"Etibarlı olmayan süni intellekt həllərindən istifadə məlumatları üçüncü tərəflərə ötürə və nəticədə kiberdələduzların hücumlarını asanlaşdıra bilər. Süni intellektdən istifadə edərkən müəssisənizə aid məxfi məlumatları da qarşı tərəfə ötürmək eyni sonluqla nəticələnə bilər.
Qeyd olunanları nəzərə alaraq bir daha çağırış edirik ki, bu hallarla bağlı vətəndaşlar diqqətli olsunlar, süni intellekt xidmətlərindən istifadə edərkən fərdi məlumatlarını qarşı tərəfə ötürməkdən çəkinsinlər".
Tanınmış vəkil Adəm Məmmədovun fəaliyyəti dayandırılıb.
Globalinfo.az xəbər verir ki, qərar dünən Vəkillər Kollegiyası Rəyasət Heyətinin iclası zamanı qəbul edilib.
Qərara əsasən, barəsində intizam icraatı başladılan vəkilin fəaliyyəti 3 ay müddətinə dayandırılıb.
Təfərrüatlar hələlik açıqlanmır.
Sabah – 29 yanvarda Azərbaycanda bələdiyyə seçkiləri keçiriləcək.
Seçki Məcəlləsinin 8.2-ci maddəsinə əsasən, səsvermə günü seçki keçirilən ərazidə iş günü hesab olunmur.
Buna görə də 29 yanvar qeyri-iş günü olacaq.
"Bizim prioritetimiz taksi sayını artırmaq deyil, fərdi nəqliyyat vasitələrinin, minik avtomobilərinin sayını azaltmaq, ictimai nəqliyyatın işini təkmilləşdirib, tıxacların qarşısını almaq üçün insanları ona yönəltməkdir. Yeganə çıxış yolu ictimai nəqliyyatın yolunu optimallaşdırmaqdan keçir".
Bunu Qaynarinfo-ya açıqlamasında nəqliyyat eksperti Yasin Mustafayev deyib. O, hesab edir ki, taksilərin kənarda qalmasının səbəbi onların tələblərə cavab verməməsidir:
"Bu işə əsasən yeni və müasir taksilər cəlb olunub. Biz yeniliyi görürük. Əsasən də hibrid və elektrikli nəqliyyat vasitələri diqqəti cəlb edir. Bu avtomobillər yanacağı az işlədir və ya elektriklə işləyir. Belə nəqliyyat vasitələrinin sayı artacaq. Hazırda 23 min taksi fəaliyyətdədir. Çünki bu sahə gəlirlidir".
Yasin Mustafayev qeyd edib ki, yaxın vaxtlarda əvvəllər bu sahədə işləyənlər yenidən taksi fəaliyyətinə üz tutacaqlar:
"Onların nəqliyyat vasitələri yeni tələblərə cavab vermir. Güman ki, onlar müəyyən qədər çıxış yolları axtarır və onu əldə etmək üçün variantlar fikirləşir. Əvvəlki kimi 67 min olmasa da, ona yaxın bir rəqəm olacaq".
Qeyd edə ki, Azərbaycan Yerüstü Nəqliyyat Agentliyinin (AYNA) İdarə Heyətinin sədr müavini Heydər Rüstəmov qanunvericiliyə edilən dəyişiklikdən sonra Bakıda taksilərin sayının azaldığını bildirib. Bakıda fəaliyyətdə olan 67 min taksi sayı 23 minə enib.
Yol-xeber.az" xəbər verir ki, Bu göstərici ödənişli sərnişinlərin 8, 75%-ni təşkil edir.
Sentyabrın 16-da 898 180 sərnişin metrodan istifadə edib.
2-ci ən yüksək göstərici də ötən il qeydə alınıb. Belə ki, noyabrın 7-də metrodan 885 786 sərnişin istifadə edib.
Yol-xeber.az" xəbər verir ki, 3-cü rekord göstərici isə 24 dekabr 2018-ci il tarixinə aiddir. Həmin gün metropoliten 882 254 sərnişinə xidmət göstərib.
Xəbər verdiyimiz kimi, Prezident İlham Əliyevin bu gün imzaladığı müvafiq sərəncamlarla bir sıra dövlət qurumlarında çalışan şəxslərin vəzifə maaşları artıırılıb.
Həmin qurumların siyahısını təqdim edir:
Prezidentin Təhlükəsizlik Xidmətinin həqiqi hərbi xidmət hərbi qulluqçularının aylıq vəzifə maaşları orta hesabla 10% artırılıb.
Dövlət Təhlükəsizliyi Xidmətinin hərbi qulluqçularının maaşları 10% artırılıb.
Xarici Kəşfiyyat Xidmətinin hərbi qulluqçularının maaşları 10% artırılıb.
Strateji Obyektlərin Mühafizəsi Dövlət Agentliyinin hərbi qulluqçularının maaşları 10% artırılıb.
Daxili İşlər Nazirliyinin (DİN) xüsusi rütbəsi olan əməkdaşlarının aylıq vəzifə maaşları orta hesabla 10% artırılıb.
Daxili İşlər Nazirliyinin (DİN) Daxili Qoşunların Baş İdarəsinin həqiqi hərbi xidmət hərbi qulluqçularının aylıq vəzifə maaşları orta hesabla 10% artırılıb.
Xüsusi Rabitə və İnformasiya Təhlükəsizliyi Dövlət Xidmətinin hərbi qulluqçularının maaşları 10% artırılıb.
Dövlət Miqrasiya Xidmətinin xüsusi rütbəsi olan əməkdaşlarının aylıq vəzifə maaşları orta hesabla 10% artırılıb.
Dövlət Gömrük Komitəsinin xüsusi rütbəli əməkdaşlarının maaşları 10% artırılıb.
DSX-nin hərbi qulluqçularının maaşları 10% artırılıb.
FHN-in hərbi qulluqçuları və xüsusi rütbəsi olan əməkdaşlarının maaşları 10% artırılıb.
Səfərbərlik və Hərbi Xidmətə Çağırış üzrə Dövlət Xidmətinin həqiqi hərbi xidmət hərbi qulluqçularının aylıq vəzifə maaşları orta hesabla 10% artırılıb.
Fövqəladə Hallar Nazirliyinin həqiqi hərbi xidmət hərbi qulluqçularının və xüsusi rütbəsi olan əməkdaşlarının aylıq vəzifə maaşları orta hesabla 10% artırılıb.
Ədliyyə Nazirliyinin Penitensiar xidmətinin və Tibb baş idarəsinin həqiqi hərbi xidmət hərbi qulluqçularının və xüsusi rütbəsi olan əməkdaşlarının aylıq vəzifə maaşları orta hesabla 10% artırılıb.
Müdafiə Nazirliyinin həqiqi hərbi xidmət hərbi qulluqçularının aylıq vəzifə maaşları orta hesabla 10% artırılıb.
Yol-xeber.az" xəbər verir ki, İl ərzində: 229 584 259 sərnişin
Prezident İlham Əliyev Dövlət Təhlükəsizliyi Xidmətinin həqiqi hərbi xidmət hərbi qulluqçularının aylıq vəzifə maaşlarının artırılması haqqında fərman imzalayıb.
Fərmana əsasən, hərbi qulluqçuların aylıq vəzifə maaşları orta hesabla 10 % artırılıb.
Nazirlər Kabineti fərmandan irəli gələn məsələləri həll etməli, Dövlət Təhlükəsizliyi Xidməti və Maliyyə Nazirliyi fərmandan irəli gələn məsələlərin həlli üçün zəruri tədbirlər görməlidir.
Fərman bu il yanvarın 1-dən tətbiq edilir.