 |
|
Azərbaycan Milli Elmlər Akademiyasının (AMEA) Qafqazşünaslıq İnstitutunun ləğvi barədə qərar qəbul edilib.
Modern.az xəbər verir ki, müvafiq qərar bir neçə gün əvvəl AMEA-nın Rəyasət Heyəti tərəfindən verilib.
Bildirilib ki, Rəyasət Heyəti AMEA-nın cəmi 18 nəfər elmi işçidən ibarət olan Qafqazşünaslıq İnstitutunun saxlanılmasını məqsədəmüvafiq hesab etməyib və onun fəaliyyətinə xitam verilməsi haqqında qərar qəbul edilib.
“İnstitutun Qafqaz tarixi ilə əlaqədar şöbələrinin əməkdaşları Tarix və Etnologiya İnstitutunda, siyasi elmlərə aid olan əməkdaşları isə Fəlsəfə və Sosiologiya İnstitutunda yaradılan bu sahələrə aid genişləndirilmiş yeni şöbələrdə elmi tədqiqat işlərini daha əhatəli şəkildə davam etdirəcəklər”, - deyə AMEA-dan bildirilib.
Xatırladaq ki, Qafqazşünaslıq İnstitutu 29 aprel 2015-ci iltarixində AMEA-nın ümumi yığıncağının qərarına əsasən yaradılmışdı. Qafqazşünaslıq İnstitutunun ilk direktoru Milli Məclisin deputatı, professor Musa Qasımlı olub. O, 2015-2024-cü illərdə həmin vəzifədə çalışıb.
Qafqazşünaslıq İnstitutunun hazırkı rəhbəri siyasi elmlər doktoru Ramilə Dadaşovadır. O, 2024-cü il oktyabrın 21-də AMEA Rəyasət Heyətinin qərarına əsasən, Qafqazşünaslılq İnstitutunun direktor vəzifəsini icra edən təyin edilib.
Bu gündən “Keşlə bazarı”nın "Avrohom" (Eurohome) tikinti materialları bazarında xüsusi inşa edilən sahəyə köçürülməsinə başlanılıb.
Teleqraf.com xəbər verir ki, artıq bazardakı əşyalar və məhsullar yeni ünvana daşınır.
Bu gün səhərdən etibarən bazar bağlanıb, gələn alıcılara artıq buranın fəaliyyət göstərməyəcəyi deyilir.
Satıcılar bildirirlər ki, bazardan daşınan məhsulların böyük hissəsi "Avrohom"a, bəziləri isə “50 qəpik” deyilən əraziyə aparılır.
Qeyd edək ki, bazar Heydər Əliyev və Ziya Bünyadov prospektlərində nəqliyyat vasitələrinin sıxlığının azaldılması və hərəkətin təhlükəsizliyinin təmin edilməsi məqsədilə söküləcək. Bazarda sahibkarlıq fəaliyyəti ilə məşğul olan vətəndaşların çoxsaylı müraciətləri nəzərə alınaraq, söküntü işlərinin başlanılması bu ilin fevral ayının 1-nə qədər təxirə salınıb.
Vətəndaşlardan daxil olan çoxsaylı şikayətləri nəzərə alaraq ölkə ərazisində praktik tibb fəaliyyəti ilə məşğul olan plastik cərrahların peşə fəaliyyətinin qanuni əsaslarının müəyyənləşdirilməsi məqsədilə Azərbaycan Respublikası səhiyyə nazirinin müvafiq əmri ilə Azərbaycan Respublikası Səhiyyə Nazirliyinin, Azərbaycan Respublikası Baş Prokurorluğunun, Azərbaycan Respublikası Daxili İşlər Nazirliyinin və Azərbaycan Respublikası Elm və Təhsil Nazirliyinin səlahiyyətli nümayəndələrindən ibarət Xüsusi Təftiş Komissiyası yaradılıb.
Bu barədə Səhiyyə Nazirliyindən məlumat verilib.
Bildirilib ki, Azərbaycan Respublikasının ərazisində praktik tibb fəaliyyəti ilə məşğul olan plastik cərrahlar peşə fəaliyyətinin qanunauyğunluğunu təsdiq edən sənədlərinin notariat qaydasında təsdiq edilmiş surətlərini (baza ali tibb təhsili, diplomdansonrakı təhsilə aid bütün sənədlər, əmək kitabçası, tibbi fəaliyyət ilə məşğul olmağa buraxılma barədə şəhadətnamə, sertifikasiya şəhadətnaməsi və s.) 2025-ci il 31 yanvar tarixinədək Azərbaycan Respublikasının Səhiyyə Nazirliyinə şəxsən təqdim etməlidirlər.
Mütəxəssis tərəfindən sənədlər tələb olunan qaydada və tarixədək təqdim edilmədiyi təqdirdə, bu hal onun praktik tibb fəaliyyəti ilə məşğul olmağa buraxılma barədə şəhadətnamə və ya sertifikasiya şəhadətnaməsinin ləğvi üçün əsas olacaq.
Bu gündən etibarən Azərbaycanda məktəblərdə qış tətili başlayıb.
5 günlük məktəblərdə ilk dərs günü fevralın 3-də, 6 günlük məktəblərdə isə fevralın 1-də başlayacaq.
Qış tətili ümumi təhsil müəssisələrinin hazırlıq qruplarına da şamil edilir.
"Azercell Telekom" MMC-yə məxsus mobil telefon nömrələri satışa çıxarılır.
Satışa çıxarılan mobil nömrələrin ilkin qiyməti 800 manatdan başlayaraq 75 min manatadək, 10%-i həcmində hesablanmış behin məbləği isə 80 manatdan 7 500 manatadək dəyişir.
Hərracın keçirilməsi fevralın 24-ü üçün nəzərdə tutulub.
Hərraclarda iştirak etmək istəyən şəxslər lazımi sənədləri hərracın başlanmasına ən geci 3 bank günü qalanadək Əmlak Məsələləri Dövlət Xidmətinin Əmlak Xidmətləri Məkanına təqdim etməlidirlər.
24 fevral 2025-ci il tarixində saat 10:00-da hərraca çıxarılacaq "Azercell Telekom" MMC-yə məxsus mobil telefon nömrələri haqqında məlumatı təqdim edirik:
№ Satışa çıxarılan mobil telefon nömrələri Mobil operatorun adı İlkin hərrac (satış) qiyməti (manatla) İlkin satış qiymətinin 10%-i həcmində hesablanmış behin məbləği (manatla)
1 994104444444 "Azercell Telekom" MMC 75000 7500
2 994109999999 "Azercell Telekom" MMC 63750 6375
3 994106666666 "Azercell Telekom" MMC 63750 6375
4 994103000000 "Azercell Telekom" MMC 35000 3500
5 994105000005 "Azercell Telekom" MMC 18000 1800
6 994103300000 "Azercell Telekom" MMC 18000 1800
7 994103330333 "Azercell Telekom" MMC 18000 1800
8 994103333330 "Azercell Telekom" MMC 18000 1800
9 994103999999 "Azercell Telekom" MMC 18000 1800
10 994104555555 "Azercell Telekom" MMC 18000 1800
11 994108777777 "Azercell Telekom" MMC 15300 1530
12 994108800000 "Azercell Telekom" MMC 15300 1530
13 994108808888 "Azercell Telekom" MMC 15300 1530
14 994106600000 "Azercell Telekom" MMC 15300 1530
15 994106999999 "Azercell Telekom" MMC 15300 1530
16 994107700000 "Azercell Telekom" MMC 15300 1530
17 994107777770 "Azercell Telekom" MMC 15300 1530
18 994108080808 "Azercell Telekom" MMC 15300 1530
19 994108888880 "Azercell Telekom" MMC 15300 1530
20 994108999999 "Azercell Telekom" MMC 15300 1530
21 994109888888 "Azercell Telekom" MMC 15300 1530
22 994109990999 "Azercell Telekom" MMC 15300 1530
23 994109999990 "Azercell Telekom" MMC 15300 1530
24 994102188888 "Azercell Telekom" MMC 6000 600
25 994105005050 "Azercell Telekom" MMC 5000 500
26 994105000050 "Azercell Telekom" MMC 5000 500
27 994105000055 "Azercell Telekom" MMC 5000 500
28 994105000500 "Azercell Telekom" MMC 5000 500
29 994105000550 "Azercell Telekom" MMC 5000 500
30 994105005005 "Azercell Telekom" MMC 5000 500
31 994105005500 "Azercell Telekom" MMC 5000 500
32 994105005555 "Azercell Telekom" MMC 5000 500
33 994105005050 "Azercell Telekom" MMC 5000 500
34 994102181111 "Azercell Telekom" MMC 4000 400
35 994102182222 "Azercell Telekom" MMC 4000 400
36 994105000002 "Azercell Telekom" MMC 3000 300
37 994105000003 "Azercell Telekom" MMC 3000 300
38 994105000004 "Azercell Telekom" MMC 3000 300
39 994105000006 "Azercell Telekom" MMC 3000 300
40 994105000007 "Azercell Telekom" MMC 3000 300
41 994105000008 "Azercell Telekom" MMC 3000 300
42 994105000009 "Azercell Telekom" MMC 3000 300
43 994105000010 "Azercell Telekom" MMC 3000 300
44 994504040044 "Azercell Telekom" MMC 2700 270
45 994504555445 "Azercell Telekom" MMC 2700 270
46 994505333553 "Azercell Telekom" MMC 2700 270
47 994505599595 "Azercell Telekom" MMC 2700 270
48 994102180000 "Azercell Telekom" MMC 2400 240
49 994506222626 "Azercell Telekom" MMC 2295 229,5
50 994506266226 "Azercell Telekom" MMC 2295 229,5
51 994506656565 "Azercell Telekom" MMC 2295 229,5
52 994507333773 "Azercell Telekom" MMC 2295 229,5
53 994507771771 "Azercell Telekom" MMC 2295 229,5
54 994508877878 "Azercell Telekom" MMC 2295 229,5
55 994508888118 "Azercell Telekom" MMC 2295 229,5
56 994508998989 "Azercell Telekom" MMC 2295 229,5
57 994509966969 "Azercell Telekom" MMC 2295 229,5
58 994509989889 "Azercell Telekom" MMC 2295 229,5
59 994514040400 "Azercell Telekom" MMC 2295 229,5
60 994514114144 "Azercell Telekom" MMC 2295 229,5
61 994102184444 "Azercell Telekom" MMC 800 80
62 994102185555 "Azercell Telekom" MMC 800 80
63 994102186666 "Azercell Telekom" MMC 800 80
64 994102187777 "Azercell Telekom" MMC 800
80
Tanınmış yazıçı-publisist, jurnalist, filoloq-pedaqoq Səyadulla Kərimlinin çoxdandır ki, üzərində çalışdığı, kiçik yaşlı məktəblilər ücun yazdığı şeir, hekayə, nağıl və tapmacalar toplanmış "Balalara töhfə"si (redaktor: Tapdıq Əlibəyli ) bu günlərdə Qanun Nəşrlər Evində işıq üzü görüb. Bu münasibətlə müəllifi - sevimli müəllimim, dostumu axarlı uğurlar diləyilə təbrik edirəm!
Cəmiyyətin sabahı, gələcəyimiz olan uşaqlara ünvanlanan bu kitabda müəllif "balaca dostlar"ını həmsöhbət olmağa dəvət edir:
SALAM, BALACA DOSTLAR!
Kim yatıb, kim oyaq?..
Yəqin həmişəki kimi deyəcəksiniz ki, hamı yatıb, Cırtdan oyaq!
Cırtdan nə üçün oyaq?..
Bax bu suala cavab tapmaq üçün gərək əlinizə aldığınız bu kitabı
səliqə ilə vərəqləyib, diqqətlə oxuyasınız. Onda görəcəksiniz ki, burada
sizi çoxlu-çoxlu maraqlı şeir, hekayə, nağıl, tapmaca gözləyir. Onların
köməkliyi ilə siz sehrli dünyamızın hər yerinə səyahət edəcək, tənbəl
Dadaşdan tutmuş, qoçaq Qaya, lovğa Elxan, çoxbilmiş Ayan, Jalə,
Nərmin, Vüqar, Yağmur və digər uşaqlarla tanış olacaqsınız. Siz
burada həm də sinəsiağ qaranquşla, uzunquyruq siçanla, hiyləgər
tülküylə, gözləri fanar kimi alışıb-yanan canavarla, özündənrazı şirlə
rastlaşacaqsınız. Əlbəttə, bu işdə mən – Cırtdan da sizə qoşulacaq, sizə
yol yoldaşı olacağam.
Mən nə yerdəyəm, nə göydə. Nə uzaqdayam, nə yaxında. Amma hər
şeyi görürəm, hər şeyi bilirəm. Axtarsanız, ünvanımı bu kitabı sizlərə
hədiyyə edən yazıçı-publisist Səyadulla Kərimlidən soruşun...
Tapdıq ƏLİBƏYLİ
Azərbaycan hökuməti əlilliyi olan şəxslərin və şəhid ailələrinin yaşayış şəraitini yaxşılaşdırmaq məqsədilə mühüm sosial təşəbbüsləri davam etdirir. Bu istiqamətdə həyata keçirilən layihələr çərçivəsində ölkənin müxtəlif bölgələrində yeni mənzillərin təqdimatı planlaşdırılır.
Növbəti belə təşəbbüs Salyan rayonunda reallaşdırılacaq. Burada əlilliyi olan şəxslər və şəhid ailələri üçün 12 ədəd üçotaqlı mənzil istifadəyə veriləcək.
Layihənin həyata keçirilməsi ilə bağlı artıq Əmək və Əhalinin Sosial Müdafiəsi Nazirliyi tabeliyində Sosial Xidmətlər Agentliyi tərəfindən işlərə start verilib. Agentlik bu mənzillərin tikintisi və təminatının ümumi dəyərinin 1,2 milyon manat olacağını proqnozlaşdırır.
Bu sosialyönümlü layihə, dövlətin sosial ədaləti təmin etmək və vətəndaşların rifahını artırmaq məqsədilə atdığı ardıcıl addımların növbəti nümunəsidir. Əlilliyi olan şəxslər və şəhid ailələrinin mənzillərlə təmin olunması onların cəmiyyətə inteqrasiyası və həyat şəraitinin yüksəldilməsinə töhfə verəcək.
Salyan rayonu ilə yanaşı, bu cür təşəbbüslərin digər bölgələrdə də həyata keçirilməsi gözlənilir. Dövlətin bu istiqamətdəki ardıcıl fəaliyyəti yüzlərlə ailənin həyatını yaxşılaşdırmağa xidmət edir.
Bu layihə ilə bağlı əlavə yeniliklər yaxın günlərdə ictimaiyyətə təqdim olunacaq.
İşsiz və kiçik biznes qurmaq istəyənlər üçün yeni imkanlar yaradılıb.
BAKU.WS xəbər verir ki, Dövlət Məşğulluq Agentliyi tərəfindən icra olunan özünüməşğulluq proqramının əhatə etdiyi iqtisadi fəaliyyət sahələrinin sırasına yeni istiqamətlər əlavə olunub.
Sözügedən Proqramın zərflər siyahısına "Qəssab dükanı", "Kotançılıq", "Özünəxidmət avtoyuma", "Avtodəmirçi və zədələrin boyasız təmiri xidmətləri" və "Avtorazval xidmətləri" istiqamətləri də daxil edilib. nBu xidmətlər zərfinin hər birinə müraciət edən işsiz vətəndaşlar, bu istiqamətlər üzrə fəaliyyət göstərmək üçün lazım olan bütün avadanlıqlarla təmin olunacaqlar.
Vətəndaşlara təqdim edilən aktivlərin siyahısı:
Qəssab dükanı
- Ət üçün vitrin soyuducusu - 1 ədəd, ət dondurucu soyuducusu - 1 ədəd, elektron tərəzi - 1 ədəd, elektrikli ətçəkən maşın - 1 ədəd, balta, kötük, bıçaq dəsti - 1 ədəd, kondisioner - 1 ədəd.
Kotançılıq xidməti
- Avadanlıq (torpağın əkilməsi, suvarma xəttlərinin çəkilməsi üçün) - 1 ədəd, qoşqu - 1 ədəd.
Özünəxidmət avtoyuma
- Özünəxidmət avtoyuma avadanlığı - 2 ədəd, hava Kompressoru - 2 ədəd, təhlükəsizlik kamerası - 1 ədəd, tozsoran - 1 ədəd.
Avtodəmirçi xidmətləri və PDR (zədələrin boyasız təmiri)
- PDR alətlər dəsti - 1 ədəd, LED işıq sistemi - 1 ədəd, qaynaq aparatı - 1 ədəd, dartıcı mexanizm - 1 ədəd, laqonda - 1 ədəd, açar dəsti - 1 ədəd, qaynaq dəbilqəsi - 1 ədəd, hava kompressoru - 1 ədəd, domkrat - 1 ədəd, pnevmatik zimpara - 1 ədəd, çəkic dəsti - 1 ədəd.
Avtorazval xidməti
- 3D Təkər tənzimləmə (razval) aparatı - 1 ədəd, açar dəsti - 1 ədəd, işçi masası və stul - 1 ədəd.
Layihədə iştirak qaydası
"Məşğulluğa Dəstək Layihəsi"ndə işsiz kimi qeydiyyatda olan şəhid ailəsi üzvləri, müharibə iştirakçıları, əlilliyi olan şəxslər, məcburi köçkünlər, ünvanlı sosial yardımı alanlar, qadınlar, gənclər və həssas qruplardan olan digər şəxslər iştirak edə bilərlər.
Layihədə iştirak etmək üçün:
Regional Məşğulluq filialı/ DOST Mərkəzinə qeydiyyatdan keçmək üçün müraciət edilir. RMF/DOST mərkəzi şəxsi ƏMAS-da qeydiyyatdan keçirdir. Karyera məsləhətçisi şəxsin məşğulluq imkanlarını qiymətləndirir (MİQ) və şəxsə FMP (fərdi məşğulluq proqramı) tərtib edilir. Şəxs MİQ nəticəsi olaraq ÖM-yə uyğun olduğu təqdirdə növbəlilik reyestrinə salınır. Şəxsin növbəliliyi çatanda DMA tərəfindən Özünüməşğulluğa cəlb etmə ilə bağlı ilkin monitorinq təşkil olunur. İlkin monitorinqin nəticəsi müsbət olduğu təqdirdə layihədə iştirak tələblərinə uyğun olan işsiz şəxslər ilkin mərhələdə biznes təlimlərinə cəlb edilirlər.
40 saatlıq "Öz biznesinə başla və təkmilləşdir" təlim kursunu tamamladıqdan sonra layihə iştirakçıları öz biznes planlarını hazırlayır və onu müdafiə edirlər. Qiymətləndirmədən uğurla keçən şəxslər istehsal və xidmət sahələri üzrə avadanlıqlarla təmin olunurlar.
Avadanlıqla təmin olunan şəxslərin öz bizneslərini təkmilləşdirməsi və uğurla idarə etməsi məqsədilə bir il ərzində texniki peşə təlimləri və mentor səfərləri təşkil edilir.
Eyni zamanda, özünüməşğulluğa cəlb olunmuş şəxsin fəaliyyəti müqavilə müddəti ərzində 4 dəfə olmaqla müşahidə edilir və müqavilə müddətinin sonunda həmin şəxsin fəaliyyəti təqdim edilmiş biznes plana uyğun olduqda, əmlak vətəndaşın mülkiyyətinə daimi olaraq verilir.
Layihədən yararlanan şəxs təqdim olunmuş avadanlığı 1 il ərzində üzrlü səbəb olmadan istifadə etmədikdə, həmin əmlakı və yaxud onun dəyərini əmlak qaytarılan vaxt müəyyən edilmiş bazar qiymətinə uyğun olaraq Dövlət Məşğulluq Agentliyinin hesabına qaytarmalıdır.
Layihə barəsində "142" - Çağrı mərkəzinə zəng etməklə daha ətraflı məlumat əldə etmək olar.
“Azərbaycan milli mətbuatının 150 illiyi” yubiley medalı ilə əcnəbilər və vətəndaşlığı olmayan şəxslər də təltif ediləcək.
Bu barədə yubiley medalı haqqında Əsasnəmədə qeyd olunub.
media sahəsinin inkişafında xüsusi xidmətləri olan, bu sahədə səmərəl fəaliyyət göstərən və ya media ilə əməkdaşlıqda fərqlənən Azərbaycan Respublikasının vətəndaşları, əcnəbilər və vətəndaşlığı olmayan şəxslər təltif edilirlər.
Əsasnamənin birinci maddəsində deyilir:
“Azərbaycan milli mətbuatının 150 illiyi (1875-2025)" Azərbaycan Respublikasının yubiley medalı ilə media sahəsinin inkişafında xüsusi xidmətləri olan, bu sahədə səmərəl fəaliyyət göstərən və ya media ilə əməkdaşlıqda fərqlənən Azərbaycan Respublikasının vətəndaşları, əcnəbilər və vətəndaşlığı olmayan şəxslər təltif edilirlər”.
"2026-cı ilə qədər təxminən 28 min tələbənin peşə təhsili müəssisələrinə cəlb edilməsi planlaşdırılır".
APA xəbər verir ki, bunu Peşə Təhsili üzrə Dövlət Agentliyinin sədri Ceyhun Kərəmov "Peşə təhsilverəni: Yeni çağırışlar və perspektivlər" mövzusunda konfransda çıxışı zamanı deyib.
"Bu tədris ilində peşə təhsili müəssisələrinə 25 minə yaxın tələbə qəbul edilmişdir ki, bu da son 10 ilin ən yüksək göstəricisidir. Əhatəliliklə bağlı hədəf davam edir və 2026-cı ilə qədər təxminən 28 min tələbənin peşə təhsili müəssisələrinə cəlb edilməsi planlaşdırılır.
Əhatəliliyin artırılması üçün bir çox şərtlər mövcuddur və bu şərtlərdən ən vacibi siyasi iradədir. Bu istiqamətdə ölkə başçısının peşə təhsilinin inkişafı ilə bağlı konkret hədəfləri mövcuddur. Bu hədəflər çərçivəsində peşə təhsilinin infrastrukturunun müasirləşdirilməsi və təkmilləşdirilməsi mühüm yer tutur", - o bildirib.