 |
|
Sentyabrın 4-ü saat 06:00-dan başlayaraq Bakı şəhəri, Yasamal rayonu, Mirzəağa Əliyev küçəsində (Azərbaycan prospektindən Səməd Vurğun küçəsinə qədər olan hissədə) hərəkət avtonəqliyyat vasitələri üçün tam məhdudlaşdırılacaq.
Azərbaycan Avtomobil Yolları Dövlət Agentliyindən (AAYDA) Yol-xeber.az-a verilən məlumata görə, bu, ərazidə aparılacaq təmir-bərpa işləri ilə əlaqədardır.
Sürücülərdən aparılan işlərə anlayışla yanaşmaları, hərəkət istiqamətlərinə uyğun alternativ yollardan istifadə etmələri xahiş olunur.
Bakıda və Abşeron yarımadasında sentyabrın 4-də hava şəraitinin əsasən yağmursuz keçəcəyi gözlənilir.
Milli Hidrometeorologiya Xidmətindən verilən məlumata görə, şimal-şərq küləyi axşam mülayim şimal-qərb küləyi ilə əvəz olunacaq.
Havanın temperaturu gecə 20-25° isti, gündüz 31-36° isti olacaq. Atmosfer təzyiqi 759 mm civə sütunundan 756 mm civə sütununa enəcək. Nisbi rütubət gecə 70-75 %, gündüz 40-45 % olacaq.
Azərbaycanın rayonlarında havanın əsasən yağmursuz keçəcəyi gözlənilir. Gecə və səhər bəzi yerlərdə arabir duman olacaq. Şərq küləyi əsəcək.
Havanın temperaturu gecə 18-23° isti, gündüz 32-37° isti, dağlarda gecə 11-16° isti, gündüz 20-25° isti olacaq.
Naxçıvan Universiteti MMC ləğv olunduğunu elan edib.
Yeniavaz.com xəbər verir ki, ləğvetmə elanında kreditorların iki ay ərzində tələblərini Naxçıvan şəhəri, Babək məhəlləsi ünvanına bildirmələri istənilir.
Qeyd edək ki, Naxçıvan Universiteti MMC 2 iyul 1999-cu il tarixində dövlət qeydiyyatına alınıb. Nizamnamə kapitalı 500 manat olan universitetin qanuni təmsilçisi Anar Altay oğlu Kazımovdur.
Məlumat üçün onu da bildirək ki, “Naxçıvan” Universitetinin təsisçisi Naxçıvan Muxtar Respublikası Ali Məclisinin sabiq sədri Vasif Talıbovun oğlu Seymur Talıbov olub. Ötən ilin əvvəlində “Naxçıvan” Universitetinin təsisçisi dəyişib və universitetə yeni rektor təyin olunub.
Azərbaycan Avtomobil Yolları Dövlət Agentliyində yeni kadr təyinatı olub.
"Yol-xeber.az" xəbər verir ki, bu barədə AAYDA-nın İdarə Heyətinin sədri Saleh Məmmədov əmr imzalayıb.
Belə ki, yeni yaradılmış İnvestisiya Baş İdarəsinin rəisi vəzifəsinə Hacıyev Əli Sabir oğlu təyin edilib.
Qeyd edək ki, Hacıyev Əli Sabir oğlu bundan öncə İqtisadiyyat nazirliyinin Dövlət investisiyaları şöbəsinin müdiri vəzifəsində çalışıb.
Avtomatik stansiyalardan əldə edilən məlumatlara əsasən bu gün səhər saatlarından başlayaraq Bakıda və Abşeron yarımadasında tozlu hava şəraiti müşahidə olunur.
Bu barədə Milli Hidrometeorologiya Xidmətinin rəis müavini Gülnarə Abbasova məlumat verib.
O bildirib ki, havada tozun miqdarı normadan 1,5 dəfə artıqdır.
Xidmət rəsmisinin sözlərinə görə, peyk görüntülərinə əsasən müşahidə olunan tozlu hava şəraitinə səbəb Türkmənistan ərazisindən ölkəmizə daxil olan toz dumanıdır:
"Tozlu hava şəraitinin meteoroloji vəziyyətdən asılı olaraq yaxın iki gün ərzində davam edəcəyi gözlənilir".
Cavab: Xeyr.
Nazirlər Kabinetinin təsdiq etdiyi qaydalara əsasən, qatarlara minik zamanı şəxsiyyəti təsdiq edən sənədin (şəxsiyyət vəsiqəsi, pasport, hərbi bilet, şəxsiyyəti müvəqqəti təsdiq edən digər sənəd, 15 yaşınadək uşaqlara doğum haqqında şəhadətnamə və ya şəxsiyyət vəsiqəsi) əslinin təqdim edilməsi mütləqdir.
Bundan başqa, Azərbaycan Prezidentinin müvafiq Fərmanına əsasən, sərnişinlərə "My.gov.az" portalında qeydiyyatdan keçərək əldə edilən, şəxsiyyət vəsiqəsinin əslinə bərabər elektron şəxsiyyət vəsiqəsindən istifadə imkanı da yaradılıb.
Portalda qeydiyyatdan keçən hər bir vətəndaş qatara minik zamanı şəxsiyyətini təsdiq edən məlumatları QR kod şəklində əldə edib, həmin QR kodu vaqon bələdçisinin validatorunda (məlumatları yoxlama cihazı) oxutmaq üçün təqdim edə bilər.
Avqustun 31-də Azərbaycanda hava şəraitinin əsasən yağmursuz keçəcəyi, arabir qısamüddətli az yağış yağacağı ehtimalı var.
Bu barədə Milli Hidrometeorologiya Xidməti məlumat yayıb.
Bildirilib ki, Bakıda və Abşeron yarımadasında hava şəraitinin əsasən yağmursuz keçəcəyi gözlənilir. Lakin səhər bəzi şəhərətrafı ərazilərdə qısamüddətli az yağış yağacağı ehtimalı var. Şimal-qərb küləyi gündüz şimal-şərq küləyi ilə əvəz olunacaq.
Havanın temperaturu gecə 20-25° isti, gündüz 32-37° isti olacaq. Atmosfer təzyiqi norma daxilində 760 mm civə sütunu təşkil edəcək. Nisbi rütubət gecə 70-75 %, gündüz 40-45 % olacaq.
Azərbaycanın rayonlarında hava şəraitinin əsasən yağmursuz keçəcəyi gözlənilir. Lakin gündüz bəzi dağlıq ərazilərdə qısamüddətli az yağış yağacağı, şimşək çaxacağı ehtimalı var. Gecə və səhər bəzi dağlıq ərazilərdə zəif duman olacaq. Mülayim şərq küləyi əsəcək.
Havanın temperaturu gecə 19-24° isti, gündüz 33-38° isti, dağlarda gecə 12-17° isti, gündüz 21-26° isti olacaq.
“İnsan alverinin qurbanı olmamaq üçün diqqətli olmaq lazımdır”.
Yol-xeber.az bildirir ki, bunu Daxili İşlər Nazirliyinin Mətbuat xidmətinin rəisi Elşad Hacıyev deyib.
O, xaricə getmək istəyən şəxslərə müraciət edib:
“Müraciət etdiyiniz firmanın sənədləri və iş təcrübəsi ilə yaхındаn tаnış оlun. Аzərbаycаn Respublikasında fəaliyyət göstərən hüquqi şəхs Аzərbаycаn Respublikasının vətəndаşlаrının хаrici ölkələrdə iş tapmasına yalnız lаzımi fəaliyyət lisenziyası оlduğu hаldа yаrdım еdə bilər. Əgər sizə xаricdə iş, təhsil və ya аilə qurmаq üçün təkliflər vеrilərsə, bu söz hаlındа həyata keçirilməməli, mütləq hər hаnsı bir rəsmi müqavilə əsasında yerinə yetirilməlidir. Müqаvilə mütləq аnа dilində оlmаqlа yanaşı, sizə аydın оlаn üslubda yazılmalı və sizin xaricdə görəcəyiniz iş hаqqındа ətrаflı məlumаt vеrməlidir”.
E.Hacıyev qeyd edib ki, sözügedən müqаvilədə mütləq hər iki tərəfin, yəni firmа və şəxsin öhdəlikləri аydın şəkildə göstərilməlidir:
“Yaхşı оlаrdı ki, müqаvilənin şərtləri ilə hüquqşünаsdаn məsləhət аlаsınız. Müəyyən firma аdındаn sizə хаrici ölkələrdən birində iş təklif еdən nümаyəndənin аdını, soyadını öyrənin, оndаn təmsil еtdiyi firmаnın оnа vеrdiyi vəsiqə, etibarnamə və müqаviləni tələb еdin. Xaricdə hər hаnsı bir işə düzəltmə ilə bаğlı əmək, təhsil və nikаh müqаviləsini bаğlаmаzdаn əvvəl sizin bu ölkədə işləməyiniz, təhsil аlmаğınız və yа sаdəcə yаşаmаğınızın leqal və təhlükəsiz оlmаsı bаrədə miqrаsiyа хidməti əməkdаşları ilə mütləq məsləhətləşin”.
“Qələbə” dairəsi istiqamətində avtomobillərin hərəkəti məhdudlaşdırılıb.
Yol-xeber.az xəbər verir ki, bu barədə Nəqliyyatı İntellektual İdarəetmə Mərkəzi məlumat yayıb.
Bildirilib ki, Yasamal rayonu, Əbdülvahab Salamzadə küçəsi, “Qələbə“ dairəsi istiqamətində avtomobillərin hərəkətinə məhdudiyyət tətbiq olunub. Bun
Azərbaycanda fəaliyyət göstərən “Bolt” taksi şirkətindən narazılıqlar artıb. Buna səbəb isə tariflərlə bağlı ziddiyyətin ortaya çıxmasıdır. Müştərilər bildirir ki, onların sistemində göstərilən gediş haqqı qiyməti ilə sürücülərin sistemindəki qiymətlər eyni deyil.
Qeyd edilir ki, müştəri sifariş verəndə qiymət 5 manat göstərirsə, taksiyə əyləşəndən sonra sürücü 7 manat yazdığını deyir. Və yaxud da şirkət vətəndaşa endirim edirsə, bu, sürücünün sistemində görünmür. Son günlər belə hallar çoxalıb. Amma bunun nə ilə əlaqəli olduğu deyilmir. Müştərilər bunu şirkətin fırıldağı kimi qəbul edirlər. Sürücülər də etiraf edirlər ki, “Bolt” belə problemlər yaşadır və nəticədə sürücü ilə müştəri üz-göz olur.
Ümumiyyətlə, Bakıda taksilərdə gediş haqlarının qiyməti artsa da, keyfiyyətdə irəliləyiş yoxdur. Ötən aylar qısa məsafə üçün iki-üç manat tələb olunurdusa, indi eyni məsafəyə görə ikiqat ödəniş olunur.
Lakin problemlər bununla bitmir, bəzən sürücülər kartla edilmiş sifarişləri ləğv edir, bəzənsə tətbiqdə yeni avtomobilin gələcəyi göstərilsə də, göndərilən maşın köhnə model olur.
“Bolt” xidmətinin Azərbaycandakı fəaliyyəti 2017-ci ildən başlanıb. Hazırda Azərbaycanın 11 şəhərində - Bakı, Gəncə, Mingəçevir, Qəbələ, Şəmkir, Sumqayıt, Şəki, Şirvan, Yevlax, Quba və Lənkəranda fəaliyyət göstərir.
“Bolt”la çoxlu sayda sürücü əməkdaşlıq edir, amma onlar “Bolt”un işçiləri deyil. Aktiv sürücülərin dəqiq sayını demək mümkün deyil, çünki onların bir hissəsi daimi işlədiyi halda, bir çoxu öz “Bolt” hesabından hərdənbir işləmək üçün istifadə edir.
Nəqliyyat üzrə ekspert Elməddin Muradlı “Yeni Müsavat”a deyib ki, taksilərdə qiymətlərin tənzimlənməsi aşağı hədlə bağlı olub. Yəni başlanğıc qiymət 2 manat 50 qəpik təyin edildi: "Ondan yuxarı həddi daşıyıcı şirkətlər, operatorlar özləri müəyyənləşdirir. Bunu müştəri sifariş verəndə aydın şəkildə görür. Ünvana gedib çatanda qiymət dəyişirsə, bu, artıq qanun pozuntusudur. Çünki ola bilsin şəxs ünvanı verir, getdiyi yerdən əlavə məsafə sürdürür, bu ayrı məsələdir. Sürücü onun qeydiyyatını aparırsa, qiymətdə artım ola bilər. Amma gediş haqqı vətəndaş və sürücüdə fərqli göstərilə bilməz. Bu yalnız sürücünün şifahi şəkildə dediyi formada ola bilər. Tutaq ki, gediş haqqı 5 manat yazıb, sürücü deyir ki, o bu məsafəyə 7 manata aparacaq. İki manat da əlavə alır. Təcrübədə belə hallar olub.
Ola bilsin ki, şirkət müştəriyə endirim edib, amma bu, sürücünün sistemində görünmür. Belə halda sürücü şirkətə xəbər verməlidir ki, nəzərə alıb düzəltsinlər.
Sifariş yerinə köhnə maşının gətirilməsinə gəlincə isə bununla bağlı ciddi problemlər var. Rəqəmsal İnkişaf və Nəqliyyat Nazirliyi də sürücülərə müraciət etdi ki, bu hallara son qoysunlar. Vətəndaşlara da müraciət olundu ki, belə halda 141 qaynar xəttinə məlumat versinlər. Bununla bağlı operatorları 20 min manatdan 40 min manata qədər cərimə gözləyir. Bu cərimələrin qarşısını almaq üçün “Bolt”, “Uber” kimi şirkətlər kampaniyalara başlayıblar. Deyirlər ki, əgər sizə təzə maşın təyin olunubsa, lakin real olaraq köhnə maşın gəlirsə, o halda onlara məlumat verilsin. Bunu edən vətəndaşa hədiyyə vəd edirlər. Yəni növbəti gedişlərdə endirim və s. Şirkətlər bu kimi hallarda vətəndaşlardan kömək istəyir. Vətəndaşlar da bu məsələdə bir az fəal olmalıdırlar.
Sosial şəbəkələrdə narazılıq etsələr də, rəsmi şəkildə şikayət etmək istəmirlər. Deyirlər ki, kiminsə çörəyinə bais olmaq istəmirlər. Həm xidmətdən narazılıq edirlər, həm də şikayət etmək istəmirlər.
Dövlət bunun hamısına nəzarət edə bilmir. Vətəndaşın müdaxiləsi vacibdir. Çünki sürücülər təzə maşınla qeydiyyatdan keçirlər, köhnə ilə xidmət edirlər. Belə sürücülər arxayındır ki, 5-10 manat qazanacaqlar. Amma bunların məsələsi üzə çıxanda onların avtomobilləri sistemdən silinir, özlərinin də kimlikləri barədə məlumat toplanılır ki, gələcəkdə taksi sürücüsü ola bilməsinlər".
Ekspert kartla edilən taksi sifarişlərinin sürücülər tərəfindən ləğv edilməsindən də danışıb: “Bunu çox vaxt sübut etmək olmur. Sürücülər belə əsaslandırırlar ki, uzaqdadırlar və gəlib çata bilməyəcəklər. Yəni səbəb sırf kart olsa, vətəndaş şikayət etməlidir. Sürücülər bilir ki, qanunda boşluq yoxdur. Sadəcə olaraq, dövlət humanistlik göstərir və onların üzərinə getmir. Vaxt gələcək onlar hər bir xırda səhvə görə bunun cəzasını çəkəcəklər, az qalıb”.
E.Muradlının sözlərinə görə, biznes sahəsi açıqdır və istənilən sahibkar taksi ilə bağlı sistemi qurub, bu işi görə bilər: “Amma təəssüf ki, yerli taksi şirkətləri mükəmməl sistem qura bilmirlər. "Bolt" və “Uber” isə dəqiq və kefiyyətli sistem qura biliblər. Yerli şirkətlər onlarla ayaqlaşa bilmir".
Mövzu ilə bağlı “Bolt” şirkətinə sorğu ünvanlasaq da, cavab ala bilmədik.