 |
|
Əziz izləyicilərimiz!
Küçə və yollarda qarşılaşdığınız hər-hansı problemlə bağlı Azərbaycan Avtomobil Yolları Dövlət Agentliyinin rəsmi e-mail ünvanına (muraciet@aayda.gov.az) və ya sosial şəbəkə hesabları vasitəsi ilə (inbox) müraciət etməyiniz Sizdən xahiş olunur.
Göndərdiyiniz müraciətə mütləq şəkildə problemi göstərən FOTO və ya VİDEO əlavə edin.
Küçə və yollarda rahat gediş-gəlişinizin təmin olunması istiqmətində agentliyimizin çevik və effektiv fəaliyyətinin təmin olunması, problemin qısa müddət ərzində həll olunması üçün Sizin şikayət və təkliflərinizin bilavasitə bizə bildirməyiniz olduqca vacibdir.
Sizin hər-birinizin fikri bizim üçün çox önəmlidir!
YOLUNUZ AÇIQ OLSUN...
İyulun 15-də güzəştli şərtlərlə pensiya hüququna malik şəxslər də daxil olmaqla respublika üzrə bütün pensiyaların ödənişi tam yekunlaşacaq.
Bu barədə "Yol-xeber.az"a Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondundən məlumat verilib.
İyulun 12-də Müdadiə Nazirliyinin N saylı hərbi hissəsinin hərbi qulluqçusu, baş leytenant Əhmədov Orxan Məmmədağa oğlunun həmin gün odlu silahdan atəş açmaqla özünü öldürməsi barədə Füzuli hərbi prokurorluğuna məlumat daxil olub.
Bu barədə "Yol-xeber.az"a Hərbi Prokurorluğun Mətbuat Xidmətindən məlumat verilib.
Bildirilib ki, daxil olmuş məlumat əsasında Füzuli hərbi prokurorluğunun əməkdaşları tərəfindən dərhal hadisə yerinə və meyitə baxış keçirilib, iş üçün əhəmiyyət kəsb edən predmetlər maddi sübut kimi götürülüb, izahatlar alınıb və digər hərəkətlər icra edilib.
Fakt üzrə Füzuli hərbi prokurorluğunda Azərbaycan Respublikası Cinayət Məcəlləsinin 125-ci (özünü öldürmə həddinə çatdırma) maddəsi ilə cinayət işi başlanılaraq şahidlər dindirilmiş, müvafiq ekspertizalar təyin edilmiş və təxirəsalınmaz zəruri istintaq hərəkətləri həyata keçirilmişdir.
Hazırda istintaq davam etdirilir və qanunvericiliyin tələblərinə uyğun olaraq bütün tədbirlərin görülməsi təmin ediləcəkdir.
Şəkidə 15 yaşlı qız ailə qurub.
"Yol-xeber.az" xəbər verir ki, bu barədə görüntülər sosial şəbəkədə yayılıb.
İlkin məlumata görə, hadisə Şəkinin Dəhnə kəndində qeydə alınıb. Müşgünaz adlı yeniyetmənin Bakının Maştağa kəndinə ərə verildiyi qeyd edilib.
Məsələ ilə bağlı Daxili İşlər Nazirliyindən bildirilib ki, yayılan görüntülər əsasında araşdırma aparılır.
“İngiltərədən olan sonuncu elmi statistik nəticələrə baxdıqda mühüm rəqəmlərlə rastlaşırıq. Belə ki, “Delta” variantının ölüm faizi orada daha da aşağı düşüb və hazırda 1,9% ölüm faizi göstərən “Alfa” variantı ilə müqayisədə “Delta”nın ölüm faizi 0,2% təşkil edir. Bununla da bu gün dəqiq deyə bilərik: Hazırda heç bir elmi əsaslı sübut yoxdur ki, “Delta” variantı bundan əvvəlki virus variantları ilə müqayisədə ölümcüldür”.
"Bu fikirləri “Report”a açıqlamasında Almaniya-Azərbaycan Radioloji və Neyroradioloji Cəmiyyətinin sədri, Köln Universiteti Klinikasının tibb elmləri doktoru, azərbaycanlı alim Nuran Abdullayev deyib.
Alim bildirib ki, İsrail və Sinqapurda yeni yoluxmaların 95 %-dən çoxu “Delta” variantı ilə baş verib: “mRNA əsaslı peyvəndlər sayəsində ölüm faizi çox aşağıdır. “Delta” növü peyvənd almayanlar və ya az peyvənd olanlar arasında daha çox yayılıb. Bu variantın ölüm faizinin İngiltərədə son təqdimatda aşağı düşməsinin səbəbi onun gənclər arasında daha çox yayılmasıdır ki, orada da ölümə çox az rast gəlinir”.
N.Abdullayev qeyd edib ki, İngiltərədə daha maraqlı statistikanı isə 2020-ci ilin avqust ayından 2021-ci ilin mart ayına qədər olan yoluxmaları bu ilin aprelindən indiyə qədər olan zaman çərçivəsindəki yoluxma halları ilə müqayisə etdikdə görülür:
“Belə ki, 2020-ci ilin avqust ayından 2021-ci ilin mart ayına qədər hər 1000 nəfərə düşən ölüm sayı 18 və hospitalizə olunanların sayı 81, 2021-ci ilin aprelindən indiyədək olan müddətdə hər 1000 nəfərə düşən ölüm sayı 4 və hospitalizə olunanların sayı isə 45-dir. Bundan başqa, İngiltərədə “Delta variantının ikincili yoluxma əmsalı da aşağı düşüb və hazırda “Alfa” variantı ilə eynilik təşkil edir”.
Yaralansa da döyüş meydanını tərk etməyən, Vətən müharibəsində qəhrəmancasına şəhid olan Qazax rayonun Qızılhacılı kənd sakini, 1990-cı il təvəllüdlü Məmmədov Tural Elxan oğlu.
Report-un müxbiri şəhidin ailəsi ilə həmsöhbət olub.
Murovdağ istiqamətində gedən döyüşlərdə iştirak edən Tural Məmmədov Azərbaycan Silahlı Qüvvələrinin “N” saylı hərbi hissəsinin “Həmlə” taborunun kəşfiyyat bölüyündə xidmət edib. O, peşəkar hərbçi və snayper idi.
Dəfələrlə hərbi xidmətdə təltif olunan və medallar alan T.Məmmədov ötən il sentyabrın 27-də başlayan Vətən müharibəsinin ilk günündən Kəlbəcərin işğaldan azad olunması uğrunda gedən döyüşlərə qatılır.
O, döyüş zamanı yaralansa da ərazidən təxliyə edilməsini istəmir və yarasını elə özü sarıyır. Vətən qarşısında olan borcunu canından üstün tutaraq yenidən döyüşə qatılır. Düşmənin möhkəmləndirilmiş müdafiə xəttini yaran zaman digər hərbçi yoldaşları ilə şəhidlik zirvəsinə ucalır.
Nəşi 77 gündən sonra tapılan Tural Məmmədov 12 dekabrda, Qazax rayonun Qızılhacılı kənd qəbiristanlığında dəfn olunur.
Ailəsi onunla sonuncu dəfə müharibədən 1 gün öncə, 26 sentyabrda danışdıqlarını bildirir. Şəhidin həyat yoldaşı Yasəmən Musayeva bildirib ki, Tural həm gözəl ailə başçısı, həm də qorxmaz hərbçi idi:
“Onunla sonuncu dəfə müharibədən 1 gün öncə danışdım. Dedi məndən nigaran olma, övladlarımıza yaxşı bax, inşallah torpaqlarımızı işğaldan azad edəcəyik. Sonradan ondan bir xəbər almadıq. Lakin şəhid olduğu xəbərləri gəlirdi, amma mən inanmırdım buna, təki onun tabutunu bayrağımıza büküb gətirildiyi anadək. Əvvəllər onunla yalnız biz qürur duyurduqsa indi bütün Azərbaycan qürur duyur.
Hərkəs Turalın kişi kimi döyüşdüyünü və kişi kimi də şəhid olduğundan danışır. Mən yenidən həyata gəlsəm və yenidən bilsəm ki, Turalla evlənəcəm və Tural şəhid olacaq mən yenə onu seçərdim. Nihat və Nilay adında əkiz övladımız var, ondan mənə yadigar qalan o övladları Tural kimi vətənini sevən, mərd və gözəl bir şəxsiyyət kimi yetişdirəcəyimə söz vermişəm. Allah bütün şəhidlərimizə rəhmət eləsin”.
Baku TV-də yayımlanan “Qarabağ Xronikası” verilişinin 39-cu buraxılışı efirə gedib.
Verilişin aparıcısı, hərbi jurnalist Fərdin İsazadə budəfəki buraxılışda minatəmizləmə agentliyinin mütəxəssisləri tərəfindən Cəbrayıl rayonu ərazisində həyata keçirilən təmizləmə əməliyyatları zamanı 157 ədəd partlamamış hərbi sursat (PHS), 1 185 ədəd müxtəlif çaplı patronlar, 5 kq partlayıcı (TNT) və 17 ədəd ağ fosfor tərkibli 82 mm-lik minaatan mərmiləri aşkar edilməsindən danışıb.
O, sursatların tapıldığı anbarda olarkən müxtəlif növ silahlar, güllə başlıqları, mina mərmiləri, top mərmiləri və müxtəlif növ məhv edilmiş hərbi sursatları tamaşaçılara göstərib.
Əlavə olaraq qeyd edib ki, aşkar edilən fosfor mərmiləri işğal dövründə Ermənistan silahlı qüvvələri həm Azərbaycan Silahlı Qüvvələrinin bölmələrinə qarşı, həm də mülki əhalinin əkin sahələrinim yandırılmasında istifadə edib.
Həmin anbardan olan eksklüziv görüntüləri təqdim edirik:
Rusiyalı kosmonavt Oleq Artemyev Azərbaycanın kosmosdan çəkilmiş şəklini paylaşıb.
“Yol-xeber.az” xəbər verir ki, kosmonavt Abşeron yarımadasının şəklini özünün “Twitter”dəki rəsmi səhifəsində paylaşıb.
İyulun 12-dən başlayan, 44 günlük Vətən müharibəsinin başlanğıcı hesab olunan, Azərbaycan ordusunun qələbəsi ilə yekunlaşan Tovuz döyüşlərindən 1 il ötür.
2020-ci il iyulun 12-si, günorta saatlarından başlayaraq Ermənistan silahlı qüvvələri atəşkəsi kobud şəkildə pozaraq Azərbaycan Dövlət Sərhəd Xidmətinin Tovuz rayonunda yerləşən mövqelərini artilleriya qurğularından atəşə tutublar. Döyüşlər zamanı hücum cəhdinin qarşısı alınıb, düşmənə sarsıdıcı zərbələr endirilib. Ordumuzun gördüyü cavab tədbirləri nəticəsində böyük itki verən düşmən geri çəkilməyə məcbur edilib. Ordumuz düşmənin 100-dən çox canlı qüvvəsini, xeyli sayda hərbi texnikasını və mühüm obyektlərini məhv edib.
Döyüşlərdə düşmən hücumunun qarşısını alarkən Azərbaycan Ordusunun 12 hərbi qulluqçusu – general-mayor Polad Həşimov, polkovnik İlqar Mirzəyev, mayor Namiq Əhmədov, mayor Anar Novruzov, baş leytenant Rəşad Mahmudov, gizir İlqar Zeynallı, gizir Yaşar Babayev, MAXE əsgər Elçin Mustafazadə, MAXE çavuş Vüqar Sadıqov, MAXE əsgər Nazim İsmayılov, baş əsgər Elşad Məmmədov, əsgər Xəyyam Daşdəmirov qəhrəmancasına şəhid olub.
Artilleriya atəşi nəticəsində iyulun 14-də Tovuz rayonunun Ağdam kənd sakini, 1944-cü il təvəllüdlü Əziz Əzizov həlak olub.
Ucar Rayon Mərkəzi Xəstəxanası küçədə tapılan yeni doğulmuş uşaqla bağlı açıqlama verib.
"Yol-xeber.az" xəbər verir ki, xəstəxanadan Oxu.Az-ın sorğusuna cavab olaraq bildirilib ki, körpə bu gün səhər saatlarında tibb müəssisəsinə təhvil verilib:
“Yeni doğulmuş körpənin çəkisi 4,1 kiloqram, boyu isə 53 santimetrdir. Onun müalicəsi yeni doğulmuşlar şöbəsində aparılır”.
“Yeni doğulmuşun vəziyyəti qənaətbəxşdir”, - deyə xəstəxanadan qeyd edilib.
