 |
|
2018-ci ildən etibarən Bakı Nəqliyyat Agentliyi (BNA) paytaxtda yol nişanlarının quraşdırılmasına məsul qurum hesab edilir. Bəzən yol nişanlarının ya təyinatı üzrə istifadə olunmadığını və ya istismara yararsız olduğunu görürük. Son vaxtlar isə bəzi yol nişanlarının çevrildiyini müşahidə etdik. Təbii ki, bu da yol hərəkəti iştirakçılarında, xüsusən sürücülərdə müəyyən çaşqınlıq yaradır.
Məsələ ilə bağlı Oxu.az olaraq BNA-nın mətbuat xidmətinin rəhbəri Mais Ağayevlə danışdıq.
O, həmin nöqsanlar barədə məlumatının olduğunu və artıq aradan qaldırıldığını bildirib:
“Yol nişanlarının tərsinə çevrilməsi son küləkli, qarlı hava şəraitindən sonra baş verib. Yeni Günəşli ərazisindəki piyada keçidi artıq düzəldilib. Son hava şəraitindən sonra bəzi yollarda belə hallar olub. Yasamal rayonu ərazisində avtobus dayanacağı işarəsi də tərsinə çevrilmişdi. 20 Yanvar ərazisi yanında geriyə dönmə nişanında da belə olmuşdu. Adətən bunlar həmin nişanların boltlarının boşalması nəticəsində baş verir.
Bizə bu barədə vətəndaşlar tərəfindən müraciətlər olur. Həm də öz əməkdaşlarımız tərəfindən belə hallar aşkarlanarsa, dərhal nöqsanın aradan qaldırılmasına çalışırıq. Bu iş davamlı olaraq aparılır.
Bəzən nişanlara kənar müdaxilələr olur, bəzən də yol-nəqliyyat hadisəsi zamanı nişanların özündə və ya dirəyində zədələnmə əmələ gəlir. Əgər nişan yerə düşüb, zədələnibsə, yenisi ilə əvəzlənir”.
Bakıdan başqa, bütün şəhər və rayonlarımızda yol nişanlarının quraşdırılmasına məsul olan qurum isə “Siqnal” İxtisaslaşdırılmış Layihə-İstehsalat İdarəsidir. Bu qurumun texniki istehsalat şöbəsinin rəisi Şahin Həsənov paytaxtda gördükləri yol nişanları barədə BNA-ya məlumat verdiklərini bildirib:
“Paytaxtdan başqa, inzibati ərazi vahidlərində bizim xüsusi mühəndis qrupumuz var ki, yol nişanlarına nəzarət edir. Görürük ki, nişan paslanıb, onu dəyişirik, o nişana işıq düşmürsə, müvafiq addımı atırıq. Ola bilsin ki, nişanın boltu qırılıb, onu bərkidirik. Dövlət Yol Polisi də belə nişanlar olduqda bizə bu barədə məlumat verir.
Bakıda da əvvəl biz bu məsələyə baxdığımızdan, insanlar yol nişanlarının nöqsanları barədə bizə elektron müraciət ünvanlayırlar. Biz də aidiyyəti üzrə müvafiq orqana bunu yönləndiririk”.
“Avtomobil Tv adlı “Youtube” kanalının müxbiri təəsüflər olsun ki, 99 LT 566 dövlət qeydiyyat nişanlı avtomobilin sürücüsü kamera qarşısına çıxardaraq sanki yol polisi əməkdaşının qeyri-qanuni əməlini kəşf etmiş kimi paylaşım edir.” Bu sözləri Avtosfer.az-a Bakı şəhər Dövlət Yol Polisi İdarəsinin bölmə rəisi, polis polkovniki Vaqif Əsədov deyib. Polis polkovniki bildirib ki, jurnalist Elvin Hüseynovla dəfələrlə əlaqə saxlamağa çalışsa da bu mümkün olmayıb. “Qaynar xəttdə olan Ülvi adlı şəxs Elvin Hüseynovu yalnız “Whatsapp” vasitəsilə tapmağın mümkün olduğunu bildirdi. Bu isə onu göstərir ki, Elvin Hüseynov qəsdən telefon əlaqəsinə çıxmayıb. Mən şəxsən onunla əlaqə yaratmağa dəfələrlə cəhd etdim. Lakin bu mümkün olmadı və bundan təəssüf hissi keçirirəm.”
Vaqif Əsədov bildirib ki, sujeti təqdim edən şəxs araşdırma aparmadan, yol polisi ilə əlaqə yaratmadan və qanunun tələbləri ilə tanış olmadan yalnız sürücünü dindirməklə kifayətlənib. Bu videonu sosial şəbəkələrdə yaymaqla yol polisi əməkdaşı Fərid Əkbərov haqqında qeyri-qanuni informasiya yayaraq özünü haqlı hesab edib.”
Vaqif Əsədov bildirib ki, hadisə fevral ayının 23-ü, saat 12:00 radələrində baş verib. “Bakı şəhəri, Nərimanov rayonu, Ziya Bünyadov prospektində Qocayev Elvin Elçin oğlunun idarə etdiyi 99 LT 566 dövlət nömrə nişanlı, “Volkswagen Golf” markalı avtomobil, Ulduz Məmmədrzayevaya məxsus olan 99 VR 720 dövlət nömrə nişanlı, “Nissan Micra” markalı avtomobillə toqquşub və maddi ziyanla nəticələnən qəza hadisəsi baş verib. Hadisə ilə əlaqədar olaraq Bakı şəhər DYPİ-nin inspektoru, polis baş leytenantı Fərid Əkbərov araşdırma apararaq “Yol Hərəkəti Haqqında” Qanunun 37-ci maddəsinin 1-ci bəndində və 50-ci maddəsinin 3-cü bəndində nəzərdə tutulmuş qaydaların pozulmasına görə, Elvin Qocayev barəsində İXM-in 327.1, 332.1-ci (etibarnamə olmadan nəqliyyat vasitəsini idarə etmək və ara məsafəsi qaydalarının pozulmasına görə) maddələri ilə inzibati qaydada protokol tərtib edib.”
Polis polkovniki Avtomobil.TV saytına müraciət edərək bildirib ki, inspektor Fərid Əkbərov qanun çərçivəsində öz işini görüb və hər hansı qanunsuz hərəkətə yol verməyib. “Təəssüf hissi ilə bildirmək istəyirəm ki, jurnalist araşdırma aparmadan bu cür sujet yayımlayıb. Eyni zamanda mənim onunla telefon əlaqəsi yaratmaq cəhdlərimə də müsbət cavab verməyib. Ümid edirik ki, bundan sonra hər hansı sujet yayımlanan zaman ətraflı araşdırma aparıb sonra müvafiq münasibət bildirəcək.”
İşğaldan azad olunmuş ərazilərə keçməyə cəhd göstərən şəxslər saxlanılıb.
Daxili İşlər Nazirliyinin (DİN) Mətbuat xidmətinin Bərdə regional qrupundan "Ölkə.Az"a verilən məlumata görə, dəfələrlə xəbərdarlıq edilməsinə baxmayaraq işğaldan azad olunmuş ərazilərə qanunsuz yollarla ayrı-ayrı şəxslərin keçməyə cəhd göstərmələri hallarına təəssüf ki, hələ də rast gəlinir.
Belə ki, martın 3-də gecə saatlarında Laçın Rayon Polis Şöbəsinin (RPŞ) əməkdaşları tərəfindən keçirilən tədbirlər nəticəsində Füzuli rayonunun işğaldan azad olunmuş kəndlərinə nəzarət postlarından kənar yollarla daxil olmağa cəhd göstərən şəxslər saxlanılıb və aidiyyatı üzrə Füzuli RPŞ-yə aparılıb.
Araşdırmalarla onların Füzuli rayon Zobucuq qəsəbə sakinləri - R.Əsədov, C.Şükürov, M.Məhərrəmov, Ş.Süleymanov, İ.Mahmudlu, N.Əmirov, C.Məmmədov, Z.Orucov və S.Əsədov olmaları müəyyən edilib.
Qayda pozuntusuna yol verən həmin şəxslər barəsində qanuna müvafiq tədbirlər görülüb.
COVID-19 virusu ilə əlaqədar Azərbaycan Respublikası Nazirlər Kabinetinin qəbul etdiyi qərara müvafiq olaraq sərnişindaşıma fəaliyyətində yaranmış fasilə nəzərə alınmaqla, Bakı metropoliteninin bütün infrastrukturu normal iş rejimi şəraitində yoxlanılacaq.
"Bakı Metropoliteni" QSC-dən verilən məlumata görə, mart ayının 6-7-də həyata keçiriləcək tədbirlər çərçivəsində bütün metropoliten xətlərində qatarlar müəyyən edilmiş qrafikə uyğun qaydada hərəkət edəcək. Eyni zamanda hərəkətin təşkili, idarə olunması və nizamlanması, elektrik təchizatı, habelə digər mühəndis-texniki qurğu, avadanlıq və sistemlər adi iş rejimi vəziyyətinə gətiriləcək.
Tədbirin həyata keçirilməsində məqsəd optimal iş rejimi şəraitində metropolitenin infrastrukturunu, o cümlədən qeyd edilən sistem və qurğuların fəaliyyətini texniki-normativ tələblərə uyğun yoxlamaqla qiymətləndirməkdir.
Mühüm məsələlərdən biri kimi, maşinist heyətinin və digər aidiyyəti işçi personalının peşə vərdişlərinin yoxlanılaraq dövrü qiymətləndirilməsi də təmin olunacaq.
Bu tədbirlər Bakı metropolitenində sərnişindaşıma fəaliyyətinin daim hazır vəziyyətdə saxlanılmasına xidmət edir. Məlumat üçün onu da bildiririk ki, COVID-19 pandemiyası ilə əlaqədar xüsusi karantin rejiminin tətbiq edildiyi müddət ərzində Bakı metropolitenində sərnişindaşıma fəaliyyəti yalnız Azərbaycan Respublikasının Nazirlər Kabineti yanında Operativ Qərargahın qəbul etdiyi qərarlar əsasında tənzimlənir.
"Azərbaycan Hava Yolları” QSC-nin (AZAL) sərnişindaşıma qiymətlərinin pandemiya dövründə yüksəlməsi müşahidə edilir.
Əvvəllər də AZAL-la uçuş baha başa gəlirdi. Lakin xaricə uçuş imkanı əldə edən sərnişinlərin verdiyi məlumata görə pandemiya dövründə qiymətlər bir qədər də arıtırılıb. Məsələn, Gürcüstandan İstanbula uçuş 110 manat olduğu halda Azərbaycandan uçuş 800 manatdır. Pandemiya ilə əlaqədar AZAL-ın qiymətləri 50 faizdən çox qaldırdığı bildirilir.
AZAL-ın sərnişindaşıma xidmətlərinin çox baha olması faktına dəfələrlə toxunulub.
"Ölkə.Az"ın məlumatına görə, Mülki Cəmiyyətə Doğru İctimai Birliyinin sədri Abil Bayramov sfera.az-a açıqlamasında qeyd edib ki, AZAL-ın göstərdiyi xidmətlərin dəyərinin kəskin fərqlənməsinin əsas səbəbi ölkəmizdə aşağı büdcəli aviaşirkətlərin fəaliyyəti üçün lazımı şəraitin yaradılmamasıdır.
Onun fikrincə, əgər aşağı büdcəli aviaşirkətlərin sayı çox olarsa, rəqabət mühiti yaranar və nəticədə qiymətlər enər:
"Loukoster, yəni aşağı qiymətə xidmət göstərən şirkətlərə şərait yaradılarsa, ucuzlaşma aşkar görünər. Dünyada OnurAir, Pegasus, Pobeda, WizzAir kimi hava yollarının timsalında ucuz xidmətləri görmək olar. Hazırda dünyada olan bütün uçuşların 40 faizini, Cənub-Şərqi Asiyada 50 faizdən çoxunu, Şimali Amerika və Avropada 30 faizdən çoxunu loukost hava yolları şirkətləri yerinə yetirir.
Məlumdur ki, ölkəmizdə mütəmadi reysləri AZAL həyata keçirir və özünün monopolist mövqeyini maksimum dərəcədə qorumağa çalışır. Bütün şirkətlər üçün sərnişindaşımanı müntəzəm həyata keçirmək imkanı yaradılarsa, o halda rəqabət mühiti formalaşa bilər”.
A.Bayramov AZAL-ın xidmətlərinin baha olmasını şirkətin xərclərinin çox olması ilə izah edildiyini söylədi. Ekspert hesab edir ki, hava nəqliyyatında liberallıq təmin edilməli və dövlət-özəl əməkdaşlığı gücləndirilməlidir:
"AZAL-ın özünün əsaslandırması belədir ki, onun kifayət qədər böyük xərcləri var. Xərclər ona gətirib çıxarır ki, AZAL təyyarə biletlərinin qiymətini həddindən artıq yüksəldir.
Mənim fikrimcə, hava nəqliyyatında həm dövlət, həm də özəl sektorun iştirakı üçün bərabər imkanlar tanınmalıdır və Heydər Əliyev Beynəlxalq Aeroportu özəl idarəçiliyə verilməlidir. Əgər Heydər Əliyev Hava Limanının özəl idarəçiliyə verilməsi mümkün olmasa, o halda həm Hava Limanında, həm də bölgələrdəki hava limanlarında məhsuldarlıq və xidmət səviyyəsinin artırılması məqsədilə cari effektivlik və hədəf göstəricilərinə münasibətdə boşluqların təhlili və tələb oluna biləcək yardım səviyyəsinin müəyyənləşdirilməsi vacibdir.
Hökmən hava nəqliyyatı sahəsində dövlət-özəl əməkdaşlığının təşviq edilməli, AZAL-ın fəaliyyətində şəffaflıq və hesabatlılıq təmin olunmalıdır. Bu məqsədlə "Azərbaycan Hava Yolları” QSC-nin fəaliyyətində korporativ idarəetmənin tətbiqi gücləndirilməli və xidmət standartları üzrə siyasət işlənib hazırlanmalıdır”.
Daxili İşlər Nazirliyi (DİN) Bakının mərkəzində quzu gəzdirilməsinə münasibət bildirib.
DİN-in Mətbuat xidmətinin rəisi, polis polkovniki Ehsan Zahidov “Ölkə.Az”ın sorğusuna cavab olaraq deyib ki, quzuya uşaq bezi taxaraq mərkəzi küçələrdə gəzdirən şəxslər ərazidə olan polis əməkdaşları tərəfindən saxlanılıb və Polis Bölməsinə dəvət edilib.
E.Zahidov vurğulayıb ki, həmin şəxslərlə proflaktik söhbət aparılıb və sərbəst buraxılıb:
“Onlara başa salınıb ki, pandemiya dövründə insanların sıx toplaşmağına səbəb olan hərəkətlər yolverilməzdir. Əlbəttə, şəhərin pərkəzində quzu gəzdirmək olmaz”.
Qeyd edək ki, ötən gün sosial şəbəkələrdə iki nəfərin paytaxtın mərkəzində quzuya uşaq bezi taxaraq gəzdirilməsi ilə bağlı videogürüntülər paylaşılıb. Bildirilib ki, ərazidə olan polis əməkdaşları onları polis bölməsinə aparıb.
Bakıda daha bir məktəb koronavirus səbəbindən distant təhsilə keçib.
"Unikal.org” xəbər verir ki, Qaradağ rayonu Lökbatan qəsəbəsi ərazisində yerləşən 106 saylı məktəb COVİD-19 səbəbindən 1 həftəlik distant təhsilə keçib.
"Azərbaycan Prezidenti İlham Əliyev Koronavirus pandemiyasına qarşı dünya dövlətlərinin birgə mübarizəsinin və bu sahədə sıx əməkdaşlığın vacibliyini dəfələrlə vurğulayıb. Bu mənada vaksinlərin dünya dövlətləri arasında ədalətli bölgüsü pandemiya ilə mübarizə sahəsində səmərəli əməkdaşlıq üçün vacib komponent olduğu bildirilib. COVAX platformasının bütün ölkələr üçün effektli peyvənd axtarışını sürətləndirən, dünyada COVID-19-a qarşı hazırlanmış peyvəndlərə ədalətli əlçatanlığı təmin etmək məqsədilə yaradılmış mexanizm olduğununu nəzərə alaraq, Azərbaycan ötən il COVAX platformasına ilk qoşulan 50 ölkədən biri olub".
Bunu Trend-ə İcbari Tibbi Sığorta üzrə Dövlət Agentliyinin mətbuat xidmətinin rəhbəri Aynurə Əhmədova deyib. Onun sözlərinə görə, lakin COVAX təşəbbüsü çərçivəsində ölkələrin müvafiq peyvəndlə təmin olunmasına dair verilən vədə hazırkı dövrədək əməl olunmayıb:
"Bu günlərdə COVAX tərəfindən daxil olmuş məktubda Azərbaycanı yaxın zamanda müvafiq vaksinlə təmin edə bilməyəcəkləri bir daha qeyd olunmuşdur.
Azərbaycan Respublikasının vaksin istehsal edən müxtəlif şirkətlərlə uğurlu əməkdaşlığı nəticəsində ölkəmizə Çin dövlətinin istehsalı olan "Coronavac" vaksinlərinin gətirilməsi təmin edilmişdir.
Ümumdünya Səhiyyə Təşkilatı koronavirusla mübarizə sahəsində Azərbaycanı örnək dövlətlərdən biri kimi göstərmişdir. Bu gün Azərbaycanda vaksinasiya prosesi ilə əlaqədar tələb olunan bütün infrastruktur yaradıldığı halda, ölkəmizə qarşı bu münasibəti yanlış hesab edir, təsisatın məram və məqsədinə zidd olduğunu bildiririk.
COVAX-ın bütün üzv ölkələrlə əməkdaşlığının ədalətli şəkildə davam edəcəyinə, növbəti mərhələdə təxirə salınmadan başqa üzv ölkələrlə bərabər Azərbaycanın da peyvəndlə təmin olunacağına inanırıq".
Ötən həftə Göyçayda şəhər daxilindən keçən su kanallarının tullantılarla dolması ilə bağlı süjet təqdim edilmişdi.
Baku TV-nin çəkilişindən sonra aidiyyəti qurumlar hərəkətə keçib. Artıq həmin su kanallarının tullantılardan təmizlənməsi üçün şəhərin bir neçə istiqamətinə texnikalar cəlb olunub.
Göyçay Rayon İcra Hakimiyyəti başçısının şəhər inzibati dairəsi üzrə nümayəndəsi Rəşad Şükürovun sözlərinə görə, su kanallarındakı tullantıların böyük əksəriyyəti sakinlər tərəfindən atılır.
Daha ətraflı Baku TV-nin süjetində:
Azərbaycanın Xalq artisti, teatr və kinoaktyoru Fəxrəddin Manafovun həyat yoldaşı Vahidə Sadıqova vəfat edib.
Bu barədə teleaparıcı Hacı Nuran Hüseynov instaqram sosial şəbəkəsindəki hesabında bildirib.
O, qeyd edib ki, Vahidə Sadıqova bu gün 65 yaşında xərçəng xəstəliyindən dünyasını dəyişib. Xatırladaq ki, Vahidə Sadıqova Azərbaycan dövlət televiziyasının diktoru olub.
