 |
|
Daxili İşlər Nazirliyi rəhbərliyinin göstərişinə əsasən avtomobil yollarında hərəkətin təhlükəsizliyinin təmin edilməsi məqsədilə Göygöl Dövlət Yol Polisi bölməsi rayon ərazisində reyd keçirib.
Dəfələrlə tərəfimizdən təbliğat aparılmasına baxmayaraq, piyada zolağı ilə avtomobil yolunun kəsişməsində yenə də problemlər mövcuddur.
Bunu Trend-ə Bakı şəhər Baş Polis İdarəsinin Dövlət Yol Polisi İdarəsinin İctimai qurumlarla əlaqə bölməsinin rəisi, polis polkovniki Vaqif Əsədov deyib.
V.Əsədov bildirib ki, məhz bu faktların qarşısını almaq üçün 70-dən artıq piyada zolağı ilə avtomobil yolunun kəsişməsində nəzarət postları yaradılıb. Burada yol polisi əməkdaşları keçmə növbəliyini təmin edir.
Bölmə rəisi piyadaları da diqqətli olmağa çağırıb: "Piyadalar yolun bir tərəfindən digər tərəfinə keçərkən avtomobillərin hərəkətinə diqqət etməli, tam dayandığına əmin olduqdan hərəkətə başlamalı, yaxınlaşmaqda olan nəqliyyat vasitəsinin sürətinə nəzər yetirməlidir. Piyadalara yolu tək-tək deyil, qrup halında keçməyi tövsiyə edirik, çünki tək-tək keçmə vaxt itkisinə və süni sıxlığın yaranmasına səbəb olur".
V.Əsədov qeyd edib ki, hazırda piyada-sürücü münasibətlərində sürücülərlə bağlı problem artıq həll olunub:
"Vaxtilə sürücülər piyadalara yol vermirdi. Yol polisi tərəfindən görülən inzibati tədbirlər bu problemi artıq həll edib. Piyadaya yol vermədiyi üçün sürücülərlə bağlı avtomatik elektron qərarların qəbul edilməsinə də şərait yaradılıb. Bunun nəticəsi olaraq sürücülərin piyadalara yol verməməsi halları aradan qaldırılıb. Hazırda isə piyadaların sürücülərin hərəkətinə mane olduğunu desəm, yəqin ki, yanılmaram. Ona görə də piyadalar diqqətli olmalıdır. Yolu keçərkən qulaqcıqdan istifadə etməsinlər, "avtomobil məni görür, mütləq dayanacaq" düşüncəsi ilə kor-koranə addım atmasınlar".
Gömrük buraxılış məntəqələrində sıxlığın aradan qaldırılması üçün növbə sistemi yaradılacaq. Artıq bu sistemin Dövlət Gömrük Komitəsinin (DGK) rəhbərliyinə təqdimat olub.
Report xəbər verir ki, bunu DGK-nın Texnoloji İnnovasiyalar və Statistika Baş İdarəsinin rəis müavini Azər Abasov deyib.
A.Abasov qeyd edib ki, yeni sistem tətbiq ediləndən sonra vətəndaşlar sərhədi keçməmiş burada sıxlığın vəziyyəti ilə tanış ola biləcək:
"Yeni sistem tətbiq edildikdən sonra vətəndaş evində, yaxud digər istənilən məntəqədə qeydiyyatdan keçib sərhəddəki vəziyyəti müşahidə edəcək. Sıxlığın vəziyyəti yaşıl, sarı və qırmızı rənglərlə qeyd ediləcək və vətəndaş sıxlığın az olduğu tarixdə sərhədkeçməni həyata keçirəcək. Bu isə sərhədkeçmə vaxtı sıxlığın yaranmaması üçün balansın qorunmasına gətirib çıxaracaq".
Bakı Dövlət Universitetinin bufeti bağlanıb.
Bu barədə Axar.az-a məlumat verən tələbələrdən birinin sözlərinə görə, onlara konkret səbəb izah olunmayıb. Bufetə yaxınlaşan tələbələr yemək almaq istəsələr də, qapalı olduğunu görüblər.
Onlara bildirilib ki, bufetdə yoxlama aparılır və müvəqqəti bağlanıb.
Yoxlamaların BDU-nun rektor vəzifəsindən azad edilən Abel Məhərrəmovla əlaqədar olub-olmadığı bilinmir.
Milli Məclisin (MM) Sədri Oqtay Əsədovun başçılığı ilə parlament nümayəndə heyəti TÜRKPA-nın 8-ci plenar iclasında və qurumun 10 illik yubileyinə həsr olunmuş konfransda iştirak etmək üçün noyabrın 19-dan 21-dək Türkiyənin İzmir şəhərində səfərdə olacaq.
 |
.jpg)
Son vaxtlar paytaxt küçələrində sahibsiz küçə itlərinin insanlara qorxu yaşatması ilə bağlı xəbərlərə rast gəlirik. Belə şəraitdə heç kim küçə itlərinin hücumundan sığortalanmayıb. Bəs bir itlə qarşılaşan zaman və ya hücuma məruz qalanda necə davranmaq lazımdır?
Axar.az itlərin hücumundan qorunmaqla bağlı tövsiyələri təqdim edir:
1. İlk növbədə təlaşlanmayın. Əgər qışqırsanız, itin sizə hücum etmə ehtimalı arta bilər. Qaçmağa çalışmayın, çünki istənilən halda it sizə çatacaq.
2. Qətiyyən itə arxanızı çevirməyin, onunla qarşılaşsanız və təhlükə hiss etsəniz, asta-asta geriyə gedin.
3. İtə təpik vurmayın, o, bunu təhdid kimi qəbul edəcək.
4. Küçədə it görəndə göz kontaktı qurmayın.
5. Küçə iti sizə hücum edibsə, çantanız və ya başqa əşyanızla diqqətini yayındırın.
6. İmkan varsa, itin sizə çata bilməyəcəyi hündür bir yerə çıxın.
7. Əgər it qolunuzdan və ya hansısa nahiyənizdən yapışsa, həmin üzvünüzü dartıb onun ağzından çıxarmağa çalışmayın. Belədə ətiniz qopa bilər.
8. İt hücum etsə, üzünüzü, sinənizi və boğazınızı qoruyun. Əgər yıxılsanız, üzü üstə uzanın və əllərinizlə qulaqlarınızı örtün. İtə müqavimət göstərmək istəsəniz, boğazına, burnuna vurun. Unutmayın ki, itin baş nahiyəsi olduqca sağlamdır. Onun başına vurmağınız sadəcə iti daha çox qıcıqlandıra bilər.
9. İt dişləməsi zamanı infeksiya riskini nəzərə alaraq, yaranı təmiz bezlə silin və qanaxmanı dayandırın. İlıq su və sabunla yaralı bölgəni yuyun. İlkin yardımdan sonra mütləq həkim müayinəsindən keçin.
10. Lazımi təhlükəsizlik qaydalarını azyaşlılara da öyrədin.
Qafqaz Müsəlmanları İdarəsinin (QMİ) sədri şeyxülislam Allahşükür Paşazadə sabah Almaniyaya səfərə gedəcək.
QMİ-nin mətbuat xidmətindən Axar.az-a verilən məlumata görə, səfərdə məqsəd idarənin nəzdində daimi fəaliyyət göstərən "Bakı Beynəlxalq dinlər və sivilizasiyalararası əməkdaşlıq Mərkəzi"nin Dini Qurumlarla iş üzrə Dövlət Komitəsi, Azərbaycanın Almaniyadakı səfirliyi, Almaniya-Azərbaycan Forumu və Berlin Mədəni Diplomatiya Akademiyası ilə birgə təşkilatçılığı ilə noyabrın 19-da Berlin şəhərində keçirəcəyi "Dinlər və sivilizasiyalararası dialoqdan əməkdaşlığa doğru" mövzusunda beynəlxalq konfransda iştirak etməkdir.
İdarədən bildirilib ki, Azərbaycan Prezidenti İlham Əliyev sərəncamına uyğun olaraq Azərbaycanda Multikulturalizm və İslam Həmrəyliyi illərinin elan olunmasının ardınca, habelə Mədəniyyətlərarası dialoqa dair Bakı prosesinin 10 illiyi münasibətilə tədbirlərin davamı olaraq keçiriləcək Berlin beynəlxalq konfransı dinlər və sivilizasiyalararası dialoqun davam etdirilməsinin müasir dünyanı narahat edən problemlərin aradan qaldırılmasında müstəsna əhəmiyyət kəsb etməsinə dünya ictimaiyyətinin diqqətini daha da artırmaq, sülhü və əmin-amanlığı təhdid edən amillərə qarşı müxtəlif mədəniyyətlərin, sivilizasiyaların və dinlərin nümayəndələrinin birgə mövqeyini nümayiş etdirmək məramına xidmət edir.
Berlin konfransında Almaniya və Azərbaycanın dövlət və qeyri-hökumət təşkilatları, o cümlədən dünyanın müxtəlif dini konfessiya rəhbərləri, dövlət, elm və mədəniyyət xadimləri, "Bakı Beynəlxalq dinlər və sivilizasiyalararası əməkdaşlıq Mərkəzi"nin Himayədarlar və Məşvərət Şuralarının üzvləri, konfransda təmsil olunan iştirakçıların Almaniyada akkreditə olunmuş səfirliklərinin və beynəlxalq təşkilatların təmsilçilərinin - ümumilikdə dünyanın 40-a yaxın ölkəsindən 300-ə yaxın nümayəndənin iştirakı gözlənilir.
Azərbaycan nümayəndə heyətinə ölkənin tanınmış dövlət, din və elm xadimləri, Azərbaycandakı dini konfessiya rəhbərləri daxildirlər.
Almaniyaya səfər çərçivəsində Azərbaycan nümayəndə heyətinin Almaniya hökumətinin üzvləri, ölkənin tanınmış ictimai-siyasi xadimlərilə görüşləri nəzərdə tutulur.
Müştəri xidmətlərinin davamlı inkişaf strategiyasına sadiq qalan “Nar” daim müştərilərinə göstərdiyi yüksək xidmətləri ilə seçilir. Son nəticələrə əsasən, Cağrı Mərkəzinə müraciət etmiş abunəçilər üçün göstərilmiş xidmət səviyyəsi ilin əvvəli ilə müqayisədə 20% artıb. Çağrı Mərkəzinə müraciət etmiş “Nar” abunəçilərinin 88%-i onlara göstərilən müştəri xidmətlərini ən yüksək balla qiymətləndiriblər. Bu yüksək göstərici, “Nar” abunəçilərinə göstərilən xidmətlərin keyfiyyətinin artırılması, eləcə də innovativ həllərin tətbiqi nəticəsində mümkün olub.
Axar.az xəbər verir ki, “Nar” abunəçiləri yüksəkkeyfiyyətli müştəri xidmətlərindən özlərinə rahat olan istənilən üsulla – Çağrı Mərkəzinə zəng etməklə, şəxsi kabinet, sosial şəbəkələr, SMS və elektron poçt üzərindən yazmaqla yararlana bilər.
Qeyd edək ki, Çağrı Mərkəzinə (777) zəng edən abunəçilərə göstərilən bütün xidmətlər sosial media üzərindən də təmin edilir. “Nar” öz müştəri xidmətlərini bilavasitə sosial media üzərindən təqdim edən ilk və yeganə mobil operatordur. Bunun üçün ayrılan xüsusi komanda yalnız sosial media üzərindən gələn sorğuları qısa zaman ərzində cavablayır. Abunəçilər bu xidmətlərdən istər nar.az internet səhifəsində olan şəxsi kabinetləri vasitəsilə, istərsə də Feysbuk, Tvitter və digər sosial şəbəkələr üzərindən yararlana bilirlər. Belə ki, mobil operatorun abunəçiləri sosial şəbəkələrdən istifadə etməklə bir çox xidmətlərdən (tarifin dəyişilməsi, internet paketin artırılması, yeni xidmətlərə abunə olma və ya abunəliyin dayandırılması, nömrələr üzərində əməliyyat, gələn zənglər və mesajlar haqqında ətraflı məlumat, telefon, ruter və digər cihazların ayarlarının sazlanması, texniki problemlərin həlli, endirim kampaniyaları, keçirilən müsabiqə və tədbirlərdə iştirak və s.) yararlana bilirlər.
Mobil operatorun müştəri xidmətləri haqqında daha ətraflı məlumatı nar.az internet səhifəsindən əldə etmək olar.
“Azerfon” şirkəti (“Nar” ticarət nişanı) 21 mart 2007-ci ildə fəaliyyətə başlayaraq qısa bir müddətdə Azərbaycanda telekommunikasiya və mobil rabitə sahəsinin aparıcı şirkətlərindən birinə çevrilib. Nar” ölkədə ilk dəfə olaraq 3G texnologiyasını təqdim etmiş və geniş 4G şəbəkəsini abunəçilərinin istifadəsinə verib. “Nar” şəbəkəsi hazırda ölkə ərazisinin 93%-ni əhatə edir və 7000-dən artıq baza stansiyası ilə 2,1 milyondan artıq abunəçiyə yüksəkkeyfiyyətli xidmət göstərir. 2017-ci ildə keçirilmiş mobil rabitə şəbəkələrinin müqayisəli testlərinə əsasən “Nar” şəbəkəsi mobil zəng xidmətlərinin göstərilməsi üzrə ölkədə ən yüksək nəticəyə nail olub. Sınaqları test xidmətləri üzrə müstəqil beynəlxalq şirkət olan “P3 Communications” keçirib və sınaq metodologiyası əhatəli xidmətlər üzrə müştəri təcrübəsinə əsaslanıb.
15:56
Bakı Dövlət Universitetinin rektoru Abel Məhərrəmov ötən gün Prezident İlham Əliyevin sərəncamı ilə vəzifədən azad edilib.
“Odur, bax, taksi, min, get!”
Bu məşhur ifadə “Əhməd haradadır” filmində rəhmətlik Əliağa Ağayevin kiçik fraqmentdə yaratdığı tarixi səhnədir. O vaxt Azərbaycanda və xüsusən Bakı küçələrində taksi xidməti göstərən maşınlara çox rast gəlinməsə də, bu gün taksilərin göbələk kimi sürətlə artdığı müşahidə olunur. Ancaq keyfiyyət olduqca aşağı, hətta bərbaddır.
Axar.az xəbər verir ki, sərnişin şikayətinin çox olduğu, narazılıq yaradan, sosial şəbəkələrdə tez-tez adı pis şəkildə hallanan taksi şirkətləri az deyil.
Benzin iyi verən taksi xidməti göstərən maşınlar
Şikayətlərin qısa şəkildə leytomitivini çatdıraq ki, adıçəkilən taksi firmaları əvvəlcə qiymətdə spekulyasiya edirlər. Bundan başqa, qeyd edilən ünvana gəlməmək, gəlib geri qayıtmaq, sərnişindən əlavə pul tələb etmək kimi hallar da müşahidə edilir. Buna natəmiz, bir çox hallarda isə benzin iyi gələn avtomobillərlə xidmət göstərmək də daxildir.
Bu kimi hallada əsasən sərnişinlər taksi şirkətinin müştəri xidmətlərinə müraciət edərək, şikayətlərini bildirirlər. Lakin göz qabağındadır ki, şirkətin özünə edilən şikayətlər nəticə vermir.
Pərakəndə formada xidmət göstərən taksi xidmətləri
Məsələni şərh edən nəqliyyat eksperti Elməddin Muradlı bildirib ki, Azərbaycanda taksi fəaliyyəti ilə bağlı vahid standart, qayda tətbiq edilməyib:
“Bu sahə bir qədər pərakəndə formada formalaşıb. Bu da həm cəmiyyət üçün, həm də şirkətlərin özü üçün faydalı deyil. Bu baxımdan düşünürəm ki, taksi fəaliyyəti ilə məşğul olan şirkətlər üçün vahid standart tətbiq edilməlidir.
Bakıda və bölgələrdə də Naxçıvan modeli tətbiq olunsa, yaxşı olar. Məsələn, Naxçıvanda olduqca ucuz, konfortlu taksi xidmətləri fəaliyyət göstərir ki, sürücülər olduqca səliqəli və mədənidir. Naxçıvandakı taksi şirkəti modeli brendə çevrilib və bunu bütün ölkədə tətbiq etmək olar.
Son günlər Bakıdakı taksi şirkətlərinin sürücüləri ilə bağlı həddən artıq şikayətlər olur. Xüsusilə də maşından benzin iyi gəlməsi, sürücünün geyimi, sükan arxasında siqaret çəkməsi, ünvana gəlməkdən imtina etmək, bir çox hallarda kobud rəftarla bağlı narazılıqlar eşidirik. Təkcə bu şikayətlər kifayət edir ki, artıq ciddi addımlar atılsın bu istiqamətdə”.
Narkoman, içkili və həbs yaşamış taksi sürücüləri
Ekspert bildirib ki, BNA rəhbərliyi bu istiqamətdə gözəl bir təklif irəli sürülmüşdü. Lakin o təklifin həyata keçirilməsi çox vaxt aparacaq:
“Bakı Nəqliyyat Agentliyinin rəhbəri Vüsal Kərimli təklif vermişdi ki, gələcəkdə taksi sürücüləri ilə bağlı baza fomalaşdırılacaq. O bazada da taksi fəaliyyəti ilə məşğul olanların əlaqə nömrələri, maşın nömrələri qeyd olunacaq və maşından istifadədən sonra həmin sürücü barədə o bazada rəy bildirmək mümkün olacaq. Bunun əsasında da sürücünün gələcək taleyi həll olunacaq. Vüsal müəllimin bu ideyası olduqca yaxşı ideyadır və bir çoxları da bunu yüksək qiymətləndirir. Ancaq bu, çox vaxtaparan bir şeydir. Bu proses işə salınana qədər vətəndaşların taksi xidmətlərinə inamı ölər. Hələlik vətəndaş məmnuniyyəti nəzərə alınaraq bir iş görülməlidir.
Əlimiz çatan sistemi tətbiq etməliyik. Məsələn, taksi sürücüləri işə götürülərkən onlarla fərdi söhbət aparılmalıdır, onun barəsində hər şey ətraflı öyrənilməlidir. İnsanlar var ki, dəfələrlə məhkum olub və bu gün maşın sürməyi bacardığı üçün taksi xidməti göstərir. Bu, qətiyyən yolverilməzdir”.
E.Muradlının sözlərinə görə, bu gün taksi sürücüləri arasında narkoman, içki düşkünü və dəfələrlə həbs həyatı yaşayan şəxslər var:
“Gedin 20 Yanvar dairəsində dayanan taksi sürücülərini müşahidə edin. Aralarında narkoman, qolları doğram-doğram olan, dəfələrlə məhkum olunmuş, içki iyi verən taksi sürücüləri var. Hətta bu yaxınlarda öyrəndim ki, həm lal, həm də kar olan bir şəxsi taksi şirkətlərindən biri işə götürüb. Lal və kar bir şəxs necə taksi sürücüsü ola bilər, bu şəxs necə fərqlənmə nişanı ala bilər? Deməli, şirkət Bakı Nəqliyyat Agentliyindən toplu şəkildə fərqlənmə nişanı alır, sonra da paylayır sürücülərə. Elə bunun nəticəsidir ki, bu gün taksi xidməti ilə məşğul olan şirkətlərin göstəriciləri çox aşağıdır”.
Ünsiyyət belə olmalıdır...
Yol hərəkəti üzrə ekspert Ərşad Hüseynov bildirib ki, hər bir şirkət taksi sürücüsü kimi götürdüyü şəxsin həm mənəvi, həm fiziki xüsusiyyətlərini nəzərə almalıdır. Ən azı bilməlidir, işçi qəbul edəndə kimi qəbul edir:
“Bundan başqa, sözügedən qanunvericilikdə o da qeyd olunub ki, işə qəbul edilməmişdən əvvəl sürücü sərnişinlərlə etik davranış qaydaları, ərazinin küçə-yol şəbəkəsini tanımaqla bağlı xüsusi kurs keçməlidir. Bundan başqa, şirkət işçiləri də onları təlimatlandırmalıdır. Sürücü sükan arxasına əyləşməzdən öncə nələrin etik normalara uyğun olmadığını yaxşı bilməlidir. Məsələn, dünyanın hər yerində sürücülərə təlimat verilir ki, sürücülərlə artıq ünsiyyət qurmasınlar. Ünsiyyət sadəcə belə ola bilər: Hara gedirsiniz? Harada dayanım? Məbləğ nə qədərdir? Düzdür, əlavə danışıq qadağan deyil, ancaq məsləhət də deyil”.