 |
|
Azərbaycan Respublikasının Seçki Məcəlləsinə dəyişiklik təklif edilir.
Modern.az-ın məlumatına görə, Prezident İlham Əliyevin imzası ilə Milli Məclisə daxil olan qanunvericilik layihəsində qeyd edilir ki, Konstutisiyanın 101-ci maddəsinin I hissəsi, 105-ci maddəsinin I hissəsi və Seçki Məcəlləsinin 178.1-ci maddəsi arasında ziddiyyət mövcuddur.
Belə ki, növbədənkənar Prezident seçkilərində seçilmiş Prezidentin səlahiyyət müddəti oktyabr ayında yox, 7 il əvvəl Prezident seçildiyi ayda (yəni növbədənkənar seçkilərin keçirildiyi 11 aprelə) bitir.
Ziddiyyətin aradan qaldırılması məqsədi ilə Seçki Məcəlləsində 178.1-ci maddənin yeni redaksiyada verilməsi təklif edilir.
Təklifə əsasən, Seçki Məcəlləsinin 179.2-ci maddəsində müəyyən edilmiş qaydada seçkilərin təyin olunması halları istisna olmaqla, 7 il əvvəl keçirilən Prezident seçkilərində Prezidentin seçildiyi səsvermənin keçirildiyi ayın ikinci həftəsinin çərşənbə gününə Prezident seçkiləri təyin olunur (indiki halda növbəti Prezident seçkiləri 9 aprel 2025-ci ildə təyin olunmalıdır).
Qeyd edək ki, Seçki Məcəlləsinə əsasən, seçkilərin keçirilməsi günü Mərkəzi Seçki Komissiyasının qərarı ilə təyin edilir.
Seçki Məcəlləsinə təklif edilən dəyişikliyin noyabrın 27-də Milli Məclisin plenar iclasının müzakirəsinə çıxarılacağı bildirilir.
Bakı Dövlət Universitetində 19 ildən sonra rəhbərliyin dəyişməsi ali təhsil ocağında kadr islahatları fikrini gündəmə gətirib. Universitetlərdə rəhbərlik dəyişikliyinin ali təhsil ocağının inkişafında bilavasitə rol oynadığını hesab edən ekspertlərin fikrincə, islahatların davam etdirilməsi müsbət nəticələr verəcək.
Axar.az xəbər verir ki, ekspertlər kadr və rəhbərlik dəyişikliyi aparılmayan təhsil müəssisələrinin inkişaf etməsinin və dünyanın aparıcı ölkələrinin siyahısında yer ala bilməsinin müasir dövrdə qeyri-mümkün olduğunu bildirir.
İqtisadçı alim, ekspert Qubad İbadoğlunun sözlərinə görə, bu gün BDU sindromunun yaranmasına səbəb məhz ali təhsildə islahatların ləngiməsidir.
İbadoğlu hesab edir ki, ali təhsil müəssisəsinin rəhbərliyində kadrların müsbət rolunu Azərbaycan Dövlət İqtisad Universiteti, Pedaqoji Universitet, eləcə də Neft və Sənaye Universitetinin nümunəsində görmək olur.
“Ancaq adı çəkilən universitetlərdə də islahatların dairəsi müəyyən çərçivə ilə məhdudlaşır. Çünki bu sahədə idarəetmə sistemi özlüyündə düzgün qurulmayıb.
Hazırda çalışdığım Rutgers Universitetində, eləcə də əvvəllər işlədiyim Mərkəzi Avropa, Şimali Karolina, Dyuk və Prinston universitetlərinin təcrübəsində gördüyüm örnəklər diqqətəlayiqdir. Həmin universitetlərdə, ümumiyyətlə, Qərbin mütərəqqi ölkələrində müasir təhsil sistemi qərarların qəbulunda ictimai iştirakçılıq, şəffaflıq və hesabatlılıq üzərində qurulub.
Burda hesabatlılıq və ictimai nəzarət yalnız rəhbərlik və tələbələr arası münasibətlərdə deyil, Direktorlar Şurası, Qəyyumluq Şurası, prezident, Universitetin Senatı müstəvisində həm şaquli, həm də üfüqi istiqamətlərdə müşahidə olunur. Mən hazırkı dərs ilində artıq ikinci dəfədir ki, universitet prezidentinin hesabatını dinləmiş, növbəti il üzrə strateji plan müzakirələrində iştirak etmişəm. Baxmayaraq ki, Rutgers Universitetinin tələbələrinin sayı 70 mini ötüb, işçilərinin sayı da 26 minə çatır, amma bu prosesdə hər bir şəxsin iştirakı təmin olunur”.
Ekspert xatırladıb ki, belə bir sistemin qurulması məqsədilə Bakı Dövlət Universitetinin və Azərbaycan Dövlət İqtisad Universitetinin yenidən təşkili haqqında sərəncam imzalanıb:
“Sərəncamda da qeyd olunur ki, Bakı Dövlət Universiteti və Azərbaycan Dövlət İqtisad Universiteti Azərbaycan Respublikası Təhsil Nazirliyinin tabeliyində publik hüquqi şəxs statusuna malik olmaqla yenidən təşkil edilsin. Lakin sərəncamdan xeyli müddət ötməsinə baxmayaraq, bu istiqamətdə əhəmiyyətli dəyişiklik qeydə alınmayıb
Düzdür, Azərbaycanda hələ də publik hüquqi şəxslərin idarə olunması ilə bağlı təkmil hüquqi baza və vahid praktika yoxdur. İndiyə qədər yaranan publik hüquqi şəxslərin təcrübəsi göstərir ki, onların timsalında idarəetmə orqanlarının təşkili, iyerarxiyası, səlahiyyətləri və say tərkibinə münasibətdə fərqlər və ziddiyyətlər vardır, amma buna baxmayaraq, hesab edirəm ki, maliyyə muxtariyyətinə malik olan ali təhsil müəssisələrində idarəetmə funksiyalarında ciddi dəyişikliklər edilməlidir.
Universitetlər idarəetmə, akademik baxımdan müstəqilləşməli, onların fəaliyyətində şəffaflıq və hesabatlılıq artırılmalıdır. Əks təqdirdə nə Azərbaycan universitetləri beynəlxalq reytinqlərdə yer ala, nə də BDU sindromundan sığortalana biləcək”.
Xatırladaq ki, 15 noyabr tarixində Prezident sərəncamı ilə Abel Məmmədəli oğlu Məhərrəmov Bakı Dövlət Universitetinin rektoru vəzifəsindən azad edilib.
Beyləqan rayon Təhsil şöbəsinin müdiri Xuraman Rüstəmova işdən çıxarılıb.
Report xəbər verir ki, Təhsil Nazirliyi tərəfindən rayon Təhsil şöbəsində araşdırmalar aparılıb və ciddi nöqsanlar aşkarlanıb.
X.Rüstəmovanın da məhz bu səbəbdən vəzifəsindən kənarlaşdırıldığı bildirilir.
Rektor vəzifəsindən azad olunan Abel Məhərrəmov öz kabinetini "Üzvi kimya" kafedrasına köçürüb.
Abel Məhərrəmovun BDU-nun rektoru vəzifəsindən azad edilməsindən sonra bu təhsil müəssisəsinə yeni rəhbərin təyin olunması müzakirə olunan əsas mövzulardandır.
BDU tələbələri təyin ediləcək yeni rektordan gözləntiləri barədə Kult.az-a danışıblar.
III kurs tələbəsi Ümid Oruc: “Əvvəlcə təhsilin düzgün strukturda qurulması məsələsi müzakirəyə çıxarılsın. İkincisi, yeni rektor universitetimizin adda olub, realda əməl edilməyən bolonya sisteminin tam prinsiplərinə əməl edilməsinə nəzarət edən komissiya yaratsın. Qaib, kəsir və bu kimi şeylər olduqca BDU-nun adı rüşvət alan təhsil müəssisələri sırasında həmişə öndə olacaq. Rektorun qəbul günləri çoxalsın. 20 mindən çox tələbəsi olan bir universitetdə həftənin 2 günü (təxmini 3 saat) rektorun qəbul günü olması çox gülünc vəziyyətdir. Və ən nəhayət, elə şərait yaradılsın ki, rektorun cangüdənə, xüsusi bir maşın mühafizəyə ehtiyacı olmasın. Biz bufetə gəlib bizimlə tort kəsən, bir stəkan çay içən rektoru daha çox sevərik, nəinki bizə həftənin 2 günü üçüncü mərtəbədən kamerayla baxan bir rektoru”.
II kurs magistr Zaur Cəfərov: “Mən istəyərdim ki, müntəzəm olaraq tələbələr arasında tez-tez anonim yazılı sorğular keçirilsin. Onların müxtəlif məsələlərlə bağlı problemləri, çətinlikləri, fikirləri və təklifləri öyrənilsin. Bundan başqa, BDU-da magistr dərslərini saat 12.00-a salıblar. Bir tərəfdən yaxşı olsa da, bir tərəfdən mənfi cəhəti var. Məsələn, əksər universitetlərdə, o cümlədən, bakalavr təhsili aldığım ADU-da dərslər axşam növbəsi başlayır. Bu da işləmək imkanı üçün tələbələrə olduqca əlverişlidir. İstərdim ki, BDU-da belə sistem tətbiq olunsun”.
IV kurs tələbəsi Naibə Məmmədova: “Yaşlı müəllimlərin cavan kadrlarla əvəz olunmasını istərdim. Bir müəllim artıq əmək fəaliyyətini yerinə yetirə biləcək durumda deyilsə, qalmasına ehtiyac yoxdur. Tənəffüs müddətinin artırılmasını, bəzi universitetlər kimi, dərs saatının 08.30-da deyil, 09.00-da olmasını istərdim. Rüşvətə əncam çəkilsə, pis olmazdı. Tələbələrlə tez-tez görüş keçirilməsini, istedadlı gənclərə maddi və mənəvi kömək olunmasını, onların öz biliklərini daha da artırması üçün xarici ölkələrə göndərilməsini görmək əla olardı. Rektor-tələbə dostluğunu, onun tələbələrin yanında olduğun görmək xoş olardı”.
IV kurs tələbəsi Ayşən Rəhimova: “Rektor əlçatan olmalıdır. BDU-da tələbələr rektorun qəbuluna düşə bilmək üçün 3-4 qapı keçməlidir, amma çox vaxt elə birinci qapıdan “kəsilirlər”. Ümid edirəm ki, yeni rektorla bu hallar yaşanmaz. Bundan başqa, müəyyən fənlərdə test üsulu ilə imtahana keçid edilməlidir. Ehtiyac olarsa, praktik imtahanlar da məqsədəuyğun olar. Yoxsa bizim kimi: informatikanı semestr ərzində lövhədə kompüter ekranının şəkillərini çəkərək keçmişdik, imtahanı da yazılı vermişdik. Bu, sadəcə gülməlidir”.
4-7 dekabr tarixlərində baş tutacaq “Bakutel-2018” 24-cü Azərbaycan Beynəlxalq Telekommunikasiya, İnnovasiya və Yüksək Texnologiyalar sərgi-konfransı çərçivəsində respublikamızın 8 bölgəsində keçirilən startap turları zamanı çəkilmiş illüstrativ rəsmlərin xeyriyyə hərracı keçiriləcək.
İlqar Məmmədov məni Feysbuk-da dostluğundan çıxardı. İlqar Məmmədovun türmədən çıxandan bəri ən böyük ictimai-siyasi addımı budur.
Axar.az xəbər verir ki, bunu “Yeni Müsavat” qəzetinin baş redaktoru Rauf Arifoğlu Feysbuk statusunda yazıb.
O, REAL sədri barədə bunları qeyd edib:
Zati – möhtərəm haqqımda bu cümlələri ifadə edib: "İlham Əliyevdən orden-medal almış bütün siyasi şəxsləri sosial şəbəkədə friend siyahımdan çıxarıram. Rauf Arifoğludan başladım, "Yeni Müsavat" qəzetinin redaktorundan. Friendlərdən belələri varsa və mən hələ bilmirəmsə, bir zəhmət, özləri çıxsın."
Bu adamdan heç zaman normal bir şey gözləməmişəm. AMİP-də olanda da, sonra da. Adam bir siyasi ipləmədir. Onurğası sındırılmış, təəhhüd götürərək, siyasətdəki daha yekə Məmmədovun öhdəliyinə buraxılmış birisindən nə gözləmək olardı ki... Amma məntiq və faktla baxdıqda, İlqar Məmmədov təmizləmə işinə türmədən çıxan kimi başlamalı idi. Və məndən, Facebook dostluğunda olan “medalçılar”dan deyil, ən yaxınında olanlardan, ona gerçəkdən və hərmənalı xəyanət edənlərdən... Onlara kameralar önündə sarılanda, mən onsuz da ona qiymət biçmişdim”.
Onun üstündə haqqının olduğunu deyən Rauf Arifoğlu qeyd edib ki, 5 il 6 ay ərzində “Yeni Müsavat” Allahın hər günündə ona dəstək olub:
“Müxbirlərimiz, redaktorlarımız dəfələrlə Şəkiyə qədər, məhkəmələrinə gediblər. Ona xəyanət edən yaxınlarının acısını yaşadığı o əzablı günlərdə, hansında ki, məlumatları yeni almışdı və canı - ruhu acıyırdı, biz onun adını və əlini buraxmadıq. Əməkdaşımız Cavanşir Abbaslı mənim tapşırığımla bu illər ərzində hər gün onunla bağlı xəbər və müdafiə mətnləri hazırladı. Mən də bəzi müqavimətlərə, təhlükə və xəbərdarlıqlara baxmayaraq, israrla və son günə qədər onu müdafiə etdim. Beləyəm. Darda olana hər zaman əl uzadaram, dayaq və dəstək olaram. Reklam etmədən, yaymadan, qarşıdakını əzmədən. Bir Allah bilsin, o da yetər.
Məsələn, Əli Kərimli bu yaxınlarda həbs olundu. İçəridən çıxana qədər, kənardan nə qədər yazı göndərilsə də, nə qədər qaralayıcı məlumatlar ötürülsə də, bir sətir də buraxmadım. An-ba -an xəbərlərini yaydım. Bir cümlə də onu aşağılaya biləcək, ya da işini zorlaşdıracaq ifadə işlətmədim. Həbsini də doğru bulmadım və fikirlərimi gərəkən yerlərə söylədim. Yalnız çıxandan sonra deputat Elşən Musayevin (redaksiyanın deyil) bir yazısını buraxdım. Çünki daha darda deyildi, həyatına və azadlığına təhlükə yox idi. Üstəlik, adam o qədər kinli, o qədər qeyri-adekvat və Allahsızdır ki, onsuz da belə jestləri anlayacaq, dəyərləndirəcək halda da deyil. Bunlara nə geniş, bütün ölkəni əhatə edəcək ağıl, nə də zəka var”.
Baş redaktorun sözlərinə görə, İlqar Məmmədov Əli Kərimlinin yanındakı virtual militanlardan biri kimi şeydir
“Zəka qohumudurlar, bunlar. Danışarlar, özlərini qızışdırarlar, qaz verərlər bir-birilərinə, sonra da “gəlirik”moduna girib, oradan heç çıxa bilməzlər. Və İlqar Məmmədov həbsdən çıxanda Cavanşir yenə onun yanındaydı. İlqar və xanımı ona və qəzetə minnətdarlıq edib, üstəlik, eksklüziv müsahibə də verib. Onlar hamısı arxivimizdə qalır. Aylar keçib, Bəy birdən birə “feys”ini təmizləməyə qərar verib. İlk ağlına gələn də Rauf Arifoğlu olub. “Feys”ini pis göstərirəmmiş.
“Feys”in qara olsun, buynuzun qırılsın, sənin ağlını balla yesinlər, İlqar! Səni Allah silib, cəzanı da ömürlük kəsib. Heyfini məndən niyə çıxırsan ki? Məşhur anekdotda deyildiyi kimi, axı mən “heç orda olmamışam”.
İcazə verin, bizim dəvətimizi qəbul etdiyinizə və qardaş qonşu ölkəyə - qonaqpərvər Türkmənistana rəsmi səfərə gəldiyinizə görə Sizə dərin minnətdarlığımı bildirim.
Azərbaycanın İlk Mobil Operatoru və Ən Sürətli Mobil İnternet Provayderi “Bakcell” şirkətinin abunəçiləri arasında böyük rəğbət qazanmış SMS Radar xidmətinə artıq 65 min nəfərdən çox insan qoşulub.
Axar.az xəbər verir ki, abunəçilərin rahatlığının və yollarda təhlükəsizliyin təmin olunması məqsədilə istifadəyə verilmiş SMS Radar xidməti avtomobil idarə edənlər üçün çox faydalıdır. Aylıq abunə haqqı cəmi 1 AZN olan bu xidmət sayəsində abunəçilər yol hərəkəti qaydalarını pozduqda qayda pozuntusunun vaxtı və cəriməsi haqqında ətraflı məlumatı SMS vasitəsilə almaq imkanına malikdirlər.
Böyük populyarlıq qazanmış bu innovativ və əlverişli xidmətdən faydalanmaq üçün istənilən tarifdən istifadə edən "Bakcell" abunəçisi idarə etdiyi nəqliyyat vasitəsinin nömrəsini (misal: 00-XX-000) SMS vasitəsilə 5666 qısa nömrəsinə yollamalıdır. Sürət həddini aşmış nəqliyyat vasitəsi barədə məlumat abunəçilərə dərhal, yol hərəkəti qaydalarının digər pozuntuları barədə məlumat isə müvafiq sistemdə qeyd olunandan sonra göndərilir.
Xidmət barədə ətraflı məlumat https://www.bakcell.com/az/sms-radar və yaxud www.smsradar.az internet səhifələrindən əldə oluna bilər.
Qeyd edək ki, SMS Radar mobil əlavəsi yükləmə sayı üzrə Azərbaycanda 8-ci yeri tutur. Həmin mobil əlavəni Appstore və ya PlayMarket vasitəsilə yüklənən abunəçilər cəriməyə aid foto və videoları da izləmək imkanına malikdir. Mobil əlavəni birbaşa yükləmək üçün aşağıdakı linkdən istifadə edin:
İnnovasiya sahəsində özünü doğrultmuş lider olan "Bakcell" şirkəti müasir mobil rabitə xidmətlərinin istifadəçiləri üçün innovativ, olduqca əlverişli və maraqlı xidmətlər göstərməyə davam edəcək.
Bakı şəhər Baş Polis İdarəsinin Dövlət Yol Polisi İdarəsi yağışlı hava şəraiti ilə əlaqədar avtomobil yollarında təhükəsizliyin təmin ediməsi məqsədi ilə sürücülərə xəbərdarlıq edib.