 |
|
Bakıda 55 yaşlı kişi qətlə yetirilib.
Report xəbər verir ki, paytaxtın Nizami rayonunda 41 yaşlı Adil Qazıyev tanışı 1964-cü il təvəllüdlü Fərzalı Nəzirovu bıçaqlayaraq öldürüb.
A.Qazıyev saxlanılıb.
Faktla bağlı araşdırma aparılır.
Son zamanlar sosial şəbəkələrdə saxta profillər vasitəsilə demədiyim sözləri adıma çıxarırlar. Guya mən demişəm ki, AXC-Müsavat cütlüyünün hakimiyyəti zamanı Azərbaycanda zəlzələ daha çox olurdu, amma indi belə deyil və yaxud da dövlət bayrağının üzərindəki ulduz və gerb götürülsün, Heydər Əliyevin şəkli qoyulsun. Səviyyələri və savadları çatmır ki, inandırıcı şeylər yazsınlar. Bunların hamısı yalandır.
Bunu Report-a açıqlamasında Milli Məclisin deputatı Elman Nəsirov deyib.
Hakim Yeni Azərbaycan Partiyasının Beynəlxalq əlaqələr komissiyasının katibi olduğunu xatırladan deputatın sözlərinə görə, radikal müxalifət, başqalarının əlində alət olan qüvvələr təlimat alıblar ki, Elman Nəsirovu qaralayın, ləkələyin:
“Çalışırlar ki, bu yolla fəaliyyətimdən çəkindirsinlər, ictimai fikri əleyhimə yönəltsinlər. Amma bunların hamısı əhəmiyyətsizdir. İnsanlar həqiqəti görür, bilirlər ki, barəmdə yazılanlar həqiqətə uyğun deyil. Onlar yalan söylədikcə, böhtan atdıqca, fəaliyyətimi daha da gücləndirirəm. Bilirəm ki, işimiz haqq işidir. YAP-ın üzvü olaraq missiyamızı çox yaxşı bilirik, Prezident İlham Əliyevin siyasətinin həyata keçirilməsi istiqamətində addımlar atırıq. Bilirik ki, satqın qüvvələrin niyyəti nədir... Onlar Azərbaycanda xaos, anarxiya yaratmaq istəyirlər. Bu istiqamətdə xaricdəki drijorların tapşırıqlarını yerinə yetirirlər. Təkcə məni deyil, digər ziyalıları, elm adamlarını, ictimaiyyət nümayəndələrini bu cür ləkələyirlər. Bizi heç kəs yolumuzdan döndərə bilməz, hədəflərimiz Azərbaycanı daha da gücləndirməkdir. Hazırda ölkənin inkişafı istiqamətində Prezident İlham Əliyev çox ciddi islahatlar həyata keçirir. Prezidentin siyasəti xalq tərəfindən müsbət qarşılanır. Biz də həmin siyasətin təbliğatçılarıyıq. Radikal müxalifət bizi buna görə hədəf seçir. Bütün hallarda kişi kimi mübarizə aparmaq lazımdır. Demədiyim sözü mənim adıma necə yaza bilərlər? Mənbəni göstərsinlər? Belə bir açıqlamanı hara vermişəm, harada yazmışam? Mənbə göstərə bilmirlər. Bu, kişilikdən tamamilə uzaq məsələdir”.
Deputat bu cür halların davam edəcəyi təqdirdə məhkəməyə müraciət edəcəyini qeyd edib:
“Bu cür hallar davam edərsə, hüquqi müstəvidə addım atacağam. Bəzi insanlar bilməlidir ki, insanların şərəf və layəqətini alçaltmaq olmaz, bunun cəzası var. Cinayət Məcəlləsində təhqir və böhtana görə cəzalar nəzərdə tutulub. Belə insanlar məsuliyyətə cəlb edilməlidir. Hiss olunur ki, cəza mexanizminin həyata keçirilməsi ilə bağlı boşluq var. Baxın, sosial şəbəkələrdə kim nə istəyir, yazır, təhqir edir, insanların şərəf və ləyaqətini alçaldırlar. Xaricdə bəzi şəxslər dövlət başçısını, ayrı-ayrı məmurları təhqir edirlər. Onların əsas silahı təhqir və böhtandır. Bunun üçün müəyyən addımlar atmaq lazımdır. Təsəvvür edin ki, həmin təhqir edənləri məhkəməyə versək, cəzalandırsaq, onlar şou yaradacaqlar. İddia edəcəklər ki, həmin şəxslər “siyasi məhbus”durlar. Bunun nəyi “siyasi məhbus” olur? Qaragüruhçu qüvvələrin sivil müstəvidə polemikaya girmək gücü yoxdur. Sadəcə, bədbəxt insanlardır...”
Azərbaycanda sabaha olan hava proqnozu açıqlanıb.
Ekologiya və Təbii Sərvətlər Nazirliyinin Milli Hidrometeorologiya Departamentindən Axar.az-a verilən məlumata görə, Bakıda və Abşeron yarımadasında martın 5-də havanın dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Lakin martın 4-dən 5-nə keçən gecə bəzi yerlərdə çiskinli yağış yağacağı ehtimalı var. Səhər ayrı-ayrı yerlərdə duman olacaq. Şimal-şərq küləyi əsəcək.
Havanın temperaturu Abşeron yarımadasında gecə 2-5, gündüz 8-11, Bakıda gecə 3-5, gündüz 9-11 dərəcə isti təşkil edəcək.
Atmosfer təzyiqi normadan yüksək 765 mm civə sütunu, nisbi rütubət gecə 70-80, gündüz 55-65 faiz olacaq.
Azərbaycanın rayonlarında sabah hava əsasən yağmursuz keçəcək. Lakin gecə və səhər bəzi cənub rayonlarında yağış yağacağı gözlənilir. Gecə və səhər ayrı-ayrı yerlərdə duman olacaq. Şərq küləyi əsəcək.
Havanın temperaturu gecə 0-5, gündüz 12-17 dərəcə isti, dağlarda gecə 1-6 dərəcə şaxta, gündüz 3-8 dərəcə isti təşkil edəcək.
Tibbi-meteoroloji proqnoza gəlincə, martın 5-də Abşeron yarımadasında iqlim normasına yaxın temperatur rejimi və meteoroloji amillərin zəif tərəddüdü meteohəssas insanlar üçün əsasən əlverişlidir.
Prezident İlham Əliyev Venesuelanın, Ruandanın və Tailand Krallığının ölkəmizdə yeni təyin olunmuş fövqəladə və səlahiyyətli səfirlərinin etimadnamələrini qəbul edib.
“Qafqazinfo” xəbər verir ki, Venesuelanın yeni səfiri Bernd Aleksander Bayerl, Ruandanın səfiri Vilyams Nkurunziza və Tailand Krallığının səfiri Phantipha İamsudha Ekarohit etimadnamələrini prezidentə təqdim ediblər.
Bu gün Cəbrayıl rayonunun Cocuq Mərcanlıda kəndində əlamətdar gündür.
“Qafqazinfo” xəbər verir ki, ictimaiyyətin yaxından tanıdığı, 24 il ərzində düşmənin işğal altındakı mövqelərinin qarşısında kənddə tək yaşayan Oqtay Həziyevin qardaşının qızının toyudur.
Hazırda davam edən mərasimdə kənd sakinləri ilə yanaşı qonşu və ətraf rayonların rəhbər şəxsləri, müxtəlif qurumların rəhbərləri də iştirak edirlər.
Oqtay Həziyev saytımıza açıqlamasında bildirib ki, C.Mərcanlının adət-ənənəsinə uyğun olaraq toy iki gün davam edir:
"Mərasimə dünəndən başlamışıq və bu gün də davam edir. Rayon icra başçısı və digər rəsmilər də toyda iştirak edirlər".
Xatırladaq ki, O.Həziyevin düşməndən qorxmadan kənddə uzun illər tək yaşaması dövlət tərəfindən xüsusi qiymətləndirilib. Belə ki, prezident İlham Əliyev 14 iyun 2017-ci ildə doğma torpaqlara dərin bağlılıq nümayiş etdirməklə insanların vətənpərvərlik hisslərinin yüksəldilməsində göstərdiyi şəxsi nümunəyə görə, Cəbrayıl rayonunun Cocuq Mərcanlı kəndinin sakini Həziyev Oqtay Əbil oğlunu 1-ci dərəcəli “Əmək” ordeni ilə təltif edib.
Qeyd edək ki, Lələtəpənin işğaldan azad edilməsindən sonra Cocuq Mərcanlı düşmənin açıq hədəfi olmaqdan xilas edilib. Bundan sonra kənd sakinləri doğma torpaqlarına geri qayıdıb. Pezidentin sərəncamı ilə tikilən evlərdən biri də məhz O.Həziyevin ailəsinə verilib.
Sumqayıtda yaşayış binasında yanğın qeydə alınıb.
Qafqazinfo”nun Fövqəladə Hallar Nazirliyinin saytına istinadən məlumatına görə, Sumqayıt şəhərində doqquzmərtəbəli yaşayış binasının zirzəmisində 20 m² sahədə məişət tullantıları yanıb. Yanğın zamanı 5 nəfər (o cümlədən 2 nəfər azyaşlı) bina sakini yanğınsöndürənlər tərəfindən təhlükəsiz əraziyə təxliyə olunub.
Mənzillər yanğından mühafizə olunub.
Ötən gün Azərbaycan Dillər Universitetinin professor, müəllim və tələbələrinin Azərbaycan Yazıçılar Birliyinin sədri, Xalq yazıçısı Anarla görüşü keçirilib.
25-28 Fevral tarixləri arasında İspaniyanın Barselona şəhərində qabaqcıl texnologiyaları sərgiləyən, eləcə də sənayeyə təsir edən ən qızğın mövzuları müzakirə etmək üçün mütəxəssisləri bir araya gətirən “Mobil Dünya Konqresi” (“Mobile World Congress” – MWC) keçirilib.
Axar.az xəbər verir ki, 2400-dən çox aparıcı telekom şirkətlərinin iştirak etdiyi dünyanın ən möhtəşəm mobil tədbirinə ölkədə rabitə sahəsinin inkişafına hər zaman öz töhfəsini verən, Azərbaycanın lider mobil operatoru Azercell Telecom MMC-nin də heyəti qatıldı. Şirkət mütəxəssislərinin iştirak etdiyi bu sərgi texnoloji yeniliklərin tətbiqini nəzərdə tutan rəqəmsal eraya operatorun infrastrukturunu hazır etmək, texniki və biznes imkanlarını genişləndirmək üçün yeni əməkdaşlıqlar qurmaq, maraqlı təcrübələrdən bəhrələnmək, innovativ tendensiyaları tezliklə ölkəyə gətirmək və ümumilikdə dünya telkosunun ritmini və vizyonunu hiss etmək baxımından faydalı təcrübə bəxş edib.
MWC sərgisi gələcəyi formalaşdıran həll yollarını araşdırmaq, çağırışları müzakirə və tədqiq etmək, eləcə də əyani surətdə bu texnologiyaların insan həyatının əyləncə, nəqliyyat, ictimai xidmətlər, sənaye, veb və bulud bağlantısı da daxil bütün aspektlərinə necə böyük bir təsirə malik olmasını müşahidə etmək imkanı təqdim edir.
200 ölkənin 107000 mindən artıq nümayəndəsinin iştirak etdiyi sərgidə bir sıra aparıcı şirkətlər “5G”, “Əşyaların İnterneti” , “Mobil Qoşulma”, “Ağıllı Bağlantı”, “Süni İntellekt”, “İnkişaf üçün Mobil” mövzularına əsaslanan programlarını nümayiş etdirdilər.
MWC sərgisi ilə bağlı öz təəssürat və fikirlərini “Azercell” şirkətinin prezidenti Vahid Mürsəliyev “Technote” şirkətinin rəhbəri Fərid Pərdəşünasla olan müsahibəsində bölüşüb. Müsahibəni bu linkdən izləyə bilərsiniz: https://www.facebook.com/azercell/videos/1984835524979338/
Mobil texnologiyalar vasitəsilə insanların gündəlik həyatını asanlaşdırmağı hədəfləyən “Azercell”, rəqəmsal aləmin yeniliklərini abunəçiləri üçün əlçatan etmək istiqamətində fəaliyyətini davam edəcək.
Daha ətraflı məlumat üçün news@mcs.az ünvanına müraciət edə bilərsiniz.
Bir neçə ildir satışa çıxarılmsına baxmayaraq, hələ də alıcısı olmayan Azərxalça Elmi Yaradıcılıq İstehsalat Birliyi növbəti dəfə satılmaq üçün hərraca təqdim edilib.
Axar.az xəbər verir ki, İstehsalat Birliyi bir müddətdir ki, ləğv prosesindədir.
Hacıqabul sahərində yerləşən əmlak kompleksinin ümumi faydalı sahəsi 935,6 kvadrat metrdir. Əmlak artıq neçənci dəfədir satışa təqdim edilməsinə baxmayaraq, qiymətində heç bir endirim edilməyib.
Əmlakın ilkin start qiyməti 50.000 manatdır.
Həbsdə olan bloger Mehman Hüseynov azadlığa buraxılıb.
Axar.az xəbər verir ki, Penitensiar Xidmətin 14 saylı Cəzaçəkmə Müəssisəsində saxlanılan Mehman Hüseynov bu gün cəza müddətinin bitməsi ilə əlaqədar azadlığa çıxıb.
Xatırladaq ki, M.Hüseynov 2017-ci ilin martın 2-dən həbsdə idi.