 |
|
BMT-nin İnsan Hüquqları Komitəsinin 14 oktyabr - 8 noyabr 2024-cü il tarixdə 142-ci sessiyası keçiriləcək.
Axar.az xəbər verir ki, sessiya çərçivəsində Ekvador, Fransa, Yunanıstan, İslandiya, Pakistan və Türkiyənin Mülki və siyasi hüquqlar haqqında Beynəlxalq Paktın icra edilməsi ilə əlaqədar ölkə hesabatları dinləniləcək.
Qeyd edək ki, Pakta əsasən sənədə qoşulmuş ölkələr BMT Nizamnaməsinə uyğun olaraq faktiki müstəmləkə altında saxladıqları ərazilərdə yaşayan xalqların öz müqəddəratını təyinetmə hüququnun həyata keçirilməsini təşviq etməli və bu hüquqa hörmət etməlidirlər.
Məlum olduğu kimi, hazırda iyrənc kolonializm və neokolonializm siyasəti yürüdən dövlətlərin başında Fransa gedir.
Bakı Təşəbbüs Qrupu BMT-nin İnsan Hüquqları Komitəsinə Fransanın kolonial siyasətini ifşa edən "Fransız müstəmləkəçiliyinin davamlı irsi öz müqəddəratını təyinetmə hüququnun həyata keçirilməsinə əhəmiyyətli dərəcədə mane olmaqda davam edir: Yeni Kaledoniya (Kanaki) və Fransız Polineziyası (Ma`ohi Nui) timsalında" adlı alternativ hesabat təqdim edib.
Həmin hesabat BMT-nin İnsan Hüquqları Komitəsinin rəsmi saytında dərc edilib. Hesabatla bu linkdən tanış olmaq olar.
Fransanın ölkə hesabatının bu ilin 22-23 oktyabr tarixlərində İnsan Hüquqları Komitəsində dinlənilməsi nəzərdə tutulur.
Xatırladaq ki, Azərbaycanın Qoşulmama Hərəkatına sədrliyi çərçivəsində yaradılmış Bakı Təşəbbüs Qrupu müstəmləkəçilik əleyhinə davamlı və sistemli mübarizə aparır, müstəmləkə altında qalan və müstəqillik uğrunda mübarizə aparan xalqların mübarizəsini dəstəkləyir.
İran İsrailin HƏMAS lideri İsmayıl Haniyənin Tehranda öldürməsinə mütləq cavab verəcək.
bunu İranın xarici işlər naziri Abbas Əraqçi İtaliya baş nazirinin müavini və xarici işlər naziri Antonio Tacani ilə telefon danışığı zamanı deyib.
İtaliyalı nazirlə görüşü barədə öz X (tvitter) sosial media hesabından paylaşım edən iranlı nazir telefon danışığında regional məsələləri müzakirə etdiklərini bildirib.
İtaliyalı nazirin İrana İsrailə qarşı təmkinli olmağa çağırşına cavab olaraq Əraqçi deyib:
"İsrailin Tehranda törətdiyi terror hücumuna İranın cavabı dəqiq, ölçülü-biçili və yaxşı hesablanmış şəkildə həyata keçiriləcək. Biz regional gərginlikdən qorxmuruq, lakin İsraildən fərqli olaraq, biz bu gərginlikdə maraqlı da deyilik".
Rusiya Federasiyası Ukraynaya genişmiqyaslı raket hücumu həyata keçirib.
Ölkənin bir çox yerlərində, o cümlədən Kiyevin bir neçə rayonunda elektrik enerjisi kəsilib.
Zərbələr Ukraynanın kritik enerji infrastrukturuna yönəlib.
Kiyev, Kiyev, Xarkov, Sumı, Poltava, Vinnitsa, Kirovoqrad, Dnepropetrovsk, İvano-Frankivsk, Lvov və Odessa vilayətlərində partlayışlar olduğunu bildirib.
Kiyevdə silsilə partlayışlardan sonra elektrik enerjisinin verilişində fasilələr yaranıb. Ümumilikdə şəhərdə təxminən on partlayış səsi eşidilib.
Partlayış həmçinin Ukrayna Silahlı Qüvvələrinin iki F-16-nın gizlədildiyi ərazidə baş verib.
Bundan əlavə, Volında Ukrayna hərbçilərinin yerləşdiyi yerə zərbə endirilib.
"Teleqram"ın təsisçisi Pavel Durov məşhur mesajlaşma proqramı ilə bağlı cinayətlərə görə Paris hava limanında həbs olunduqdan sonra bazar günü məhkəmə qarşısına çıxmalıdır.
AFP onun həbs motivini açıqlayıb.
AFP-nin yazdığına görə, Fransanın yetkinlik yaşına çatmayanlara qarşı zorakılığın qarşısını alan OFMIN agentliyi, fırıldaqçılıq, narkotik vasitələrin qanunsuz dövriyyəsi, kiber zorakılıq, mütəşəkkil cinayətkarlıq və terror təbliğatı da daxil olmaqla iddia edilən cinayətlər üzrə ilkin istintaq çərçivəsində Durov haqqında həbs qərarı verib.
Durov öz platformasından cinayət məqsədləri üçün istifadənin qarşısını almaq üçün tədbirlər görməməkdə ittiham olunur.
“Teleqramın cəzasız qalması kifayətdir”, - deyən müstəntiqlərdən biri Durovun axtarışda olduğunu bilə-bilə Parisə getməsinə təəccübləndiyini qeyd edərək bunu axmaqlıq adlandırıb.
Ötən ilin payızında İsrailə hücum zamanı Fələstinin Həmas hərəkatı tərəfindən əsir götürülən girovların azad edilməsi İrandan asılıdır.
Bunu ABŞ-ın respublikaçı senatoru Lindsi Qrem bildirib.
Onun sözlərinə görə, İsrail hakimiyyəti bu prosesdə irəliləyişə nail olmaq üçün Tehrana təzyiq göstərə bilər.
“Mən İsrail dövlətinin yerində olsaydım, İranın Ali Rəhbəri Əli Xameneiyə deyərdim ki, bu insanlar evə qayıtmasalar, biz sizin neftayırma zavodlarınızı partlatacağıq”, - Qrem bildirib.
HƏMAS 2023-cü ilin oktyabrında İsrailə hücum edərək çoxlu mülki şəxsləri və hərbçiləri girov götürüb. Buna cavab olaraq Təl-Əviv Qəzza zolağında hərbi əməliyyata başlayıb. Fələstin anklavının dağıdılması, beynəlxalq ictimaiyyətin, xüsusən də İslam ölkələrinin qınağına səbəb olub. Eyni zamanda, İsrail HƏMAS-ın tamamilə məhv edilməsini müdafiə edərək, öz hərəkətlərini dayandırmaq niyyətində olmadığını açıqlayıb.
Fransada saxlanılan teleqramın təsisçisi Pavel Durovun işi ilə bağlı Paris prokurorluğu avqustun 26-da mətbuata açıqlama verməyi planlaşdırır.
Bu barədə TASS-a Paris prokurorluğundan məlumat verilib.
“Tam mətbuat bəyanatı sabah dərc olunacaq”, - deyə bildirilib.
“Bu il 16 mindən çox şəxs meymunçiçəyi (mpox ) virusuna yoluxub, nəticədə 575 nəfər ölüb”.
Bunu Ümumdünya Səhiyyə Təşkilatının (ÜST) Baş direktoru Tedros Adanom Qebreyesus bəyan edib.
ÜST rəhbəri əlavə edib ki, qlobal mpox epidemiyasının başladığı 2022-ci ildən bəri dünyada 100 mindən çox insan meymunçiçəyi xəstəliyinə yoluxub və bu rəqəm artmaqda davam edir:
“Virus bütün dünyada aşağı səviyyədə yayılır, lakin Afrika regionu xəstəliyin görünməmiş böyüməsi və coğrafi genişlənməsi ilə üzləşib virusun ötürülməsi hal-hazırda Konqo Demokratik Respublikasında (DRC) daha çoxdur. Belə ki, 2024-cü ildə yoluxma hallarının 90%-ni bu ölkədə qeydə alınıb”.
Tehran metrosunun birinci xəttinin cənub stansiyasında yaşlı sərnişinin dəmir dəyənəyi qatarla relslərin arasına düşüb.
"Azad İran" "Telegram" kanalı bu barədə İran KİV-ə istinadən xəbər verir.
Bu anlar stansiyada olan müşahidə kameralarına düşüb.
Dəmir dəyənəyin düşməsi nəticəsində yaşlı kişini və bir qadın sərnişini elektrik cərəyanı vurub.
Bildirilib ki, qadına ambulator müalicə göstərilib, yaşlı kişi isə yanıq xəsarətləri ilə xəstəxanaya yerləşdirilib.
1325-ci ildə İtaliyanın Boloniya və Modena şəhərləri arasında müharibə baş verib və bu müharibənin səbəbi adi vedrə olub.
Lent.az bu maraqlı tarixi fakt barədə məlumat verir.
Şəhərlər arasında çoxdan bəri soyuq münasibətlərin davam etdiyi bir vaxtda bir neçə modenalı əsgər cəsarətli olduqlarını göstərmək üçün gecə Boloniyaya gələrək oğurluq edir və yığdıqları qəniməti şəhərin su quyusundan asılmış adi palıd vedrənin içinə dolduraraq qaçır.
Bu hadisə baloniyalılara çox təsir edir və onlar öz elçilərini Modenaya göndərərək vedrədən başqa oğurlanan hər şeyin şəxsi əşya olması səbəbindən yalnız şəhər mülkiyyətinə məxsus vedrəni geri istəyirlər. Modenalılar vedrənin qaytarılması istəyinə rədd cavabı verir və nəticədə 12 il davam edən Boloniya - Modena müharibəsi başlayır.
Minlərlə insanın həlak olduğu müharibənin sonunda Boloniya məğlub olduğundan arzuolunan verdəni geri qaytara bilməyib.
Vedrə hazırda Modena şəhərində muzeydə saxlanılır. Bu fakt onu göstərir ki. savaşmaq arzusu varsa, ən kiçik detal belə bəhanə kimi istifadə oluna bilər.
Pakistanda qumbaraatanlarla silahlanmış silahlı şəxslər ötən gün ölkənin şərqindəki Pəncab əyalətində polis karvanını pusquya salıblar.
Bu barədə Pakistanın Pəncab əyalətinin hakimiyyət orqanları məlumat yayıb.
Polisə hücum nəticəsində ən azı 11 polis həyatını itirib, 7 polis isə yaralanıb.
Hələlik heç bir silahlı qruplaşma polisə hücuma görə məsuliyyəti üzərinə götürməyib.
Polis bölgədə fəaliyyət göstərən quldurların axtarışı üçün boş ərazidə patrul xidməti apararkən pusquya düşüb.