G7 sammitinin nəticələrinə etirqaz edən Ukrayna prezidenti Volodimir Zelenski Kanada səfərini, mətbuat konfransını və planlaşdırılan bir sıra görüşlərdə iştirakdan imtina edib.

Ukrayna nümayəndə heyətinin mənbələri qeyd edir ki, prezident iyunun 17-nə keçən gecə Kiyevin ölümcül atəşə tutulmasından və ABŞ prezidenti Donald Trampın çərşənbə axşamı G7 sammitini tərk edəndən sonra Kanadaya səfərini yarımçıq qoyur.

Bildirilib ki, Zelenski Kananaskis danışıqları başa çatdıqdan sonra Ukraynaya qayıdacaq. O, Kalqari üçün planlaşdırılan mətbuat konfransını ləğv edib.

Qeyd edək ki, G7 sammiti ABŞ-ın mövqeyinə görə Ukraynadakı müharibə ilə bağlı birgə bəyanat imzalamadan bitib. G7 liderindən altısı Rusiya ilə bağlı sərt ifadəni dəstəkləməyə hazır idi, lakin ABŞ bu sənədin mümkün sülh danışıqlarına mənfi təsir edəcəyindən ehtiyat edərək mətni yumşaltmaqda israr edib.

Onu da xatırladaq ki, G7 sammiti çərçivəsində Zelenskini ABŞ prezidenti Donald Trampla görüşü planlaşdırılsa da, bu görüş baş tutmayıb. Amerika lideri Yaxın Şərqdə baş verən hadisələri bəhanə edərək sammiti tərk edib.